Miss Universe Myanmar ထပ်မံ ဝင်ရောက်ယှဉ်ပြိုင်မယ့် ပိုးအိဖြူစင်

1002050_547965128626344_749496903_n.jpg

၂၀၁၃ခုနှစ်က ကျင်းပခဲ့တဲ့ Miss Universe Myanmar ပြိုင်ပွဲဝင် တစ်ဦးဖြစ်သော ပိုးအိဖြူစင်တစ်ယောက် ပြိုင်ပွဲရဲ့နောက်ဆုံးအဆင့် ယှဉ်ပြိုင်ခါနီးတုန်းက နုတ်ထွက်သွားခဲ့သူပါ။ သူမဟာ ယခုနှစ်ကျင်းပမယ့် Miss Universe Myanmar ပြိုင်ပွဲကို ထပ်မံယှဉ်ပြိုင်မှာနဲ့ ပတ်သက်ပြီး မေးဖြစ်ခဲ့တဲ့အခါ “ညီမဒီနှစ်ရဲ့ Miss Universe Myanmar ပြိုင်ပွဲယှဉ်ပြိုင်ဖို့အတွက် ညီမအနေနဲ့ လက်ရှိမှာ Talent ပိုင်း၊ english speaking တွေကိုပြန်ပြီး အဓိကထား လေ့လာနေပါတယ်။ အရင်ပြိုင်ပွဲ အတွေ့အကြုံတွေ ရှိပြီးသား ဖြစ်တဲ့အတွက် ထွေထွေထူးထူး ပြင်ဆင်စရာတော့ မလိုပါဘူး။ မနှစ်က ပြိုင်ခဲ့တုန်းက ညီမပြိုင်ပွဲ နောက်ဆုံးအချိန်နီးမှ ထွက်လိုက်ရတာကတော့ ကုမ္ပဏီတစ်ခုက သရုပ်ဆောင်သစ်ရွေးပွဲ ရှိတဲ့အတွက် ဝင်အရွေးခံနေလို့ နုတ်ထွက်ခဲ့တာဖြစ်ပါတယ်။ အဲဒီ့တုန်းကလည်း သရုပ်ဆောင်အလုပ်ကို အဓိကထားဆောင်ရွက် ချင်တာကတစ်ကြောင်း၊ တစ်ခြားသင်တန်းတွေ တက်စရာလည်း ရှိတာက တစ်ကြောင်းကြောင့် ဆက်မယှဉ်ပြိုင်ဖြစ်ခဲ့တာပါ။ ညီမရဲ့ အသက်ကလည်း ငယ်သေးတဲ့အတွက် အသက်ငယ်တုန်း ပြန်ပြိုင်မယ်ဆိုပြီး စီစဉ်လိုက်တာပါ။ ညီမကတော့ ဘယ်လိုကောလဟာလနဲ့ပဲကြုံကြုံ၊ ပြိုင်ပွဲတစ်ခုမှာ ဘယ်သူက ရမယ်ဆိုပြီး ပြောတာတွေကိုလည်း ဂရုမစိုက်ဘူး။ ယှဉ်ပြိုင်မှုသာ အဓိကလို့ ယူဆပါတယ်။ ဆုရရ၊ မရရ အကောင်းဆုံးယှဉ်ပြိုင်သွားပါမှာပါ”လို့ ဆိုပါတယ်။  သူမရဲ့ လတ်တလော အနုပညာလှုပ်ရှားမှုတွေကို သူမက “ညီမ လတ်တလောမှာတော့ ဗီစီဒီရိုက်ဖြစ်တယ်။ ဖက်ရှင်ရှိုးတွေ လျှောက်ဖြစ်တယ်။ ပြီးတော့ 5-Plus ကရိုက်ကူးတဲ့ ကမ္ဘာတည်သရွေ့ သာမည့်လ ဒီဗီဒီဇာတ်ကားမှာလည်း သရုပ်ဆောင်ထားပါတယ်။ ဒါ့အပြင် ဗီဒီယိုဇာတ်ကားတွေရိုက်ဖို့ ကမ်းလှမ်းထားတာတွေ ရှိပါတယ်”တဲ့။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.