တစ်ခုသောလမ်း ဆိ်ုတဲ့ တစ်ကိုယ်တော်အခွေ ထွက်ရှိမယ့် ထက်အောင်(အိမ်မက်ဆုံရာ)

htet_ag_5.jpg

အိမ်မက်ဆုံရာSeason-3ရဲ့ပထမဆုရှင်တစ်ဦးဖြစ်တဲ့ ထက်အောင် တစ်ယောက်ဟာ အိမ်မက်ဆုံရာမှာ ဝင်ရောက်ယှဉ်ပြိုင်နေစဉ် ကာလအတွင်း မှာကတည်းက ပရိသတ်ရဲ့အားပေးမှုကို ရရှိခဲ့တဲ့သူ တစ်ယောက်ဖြစ်ပါတယ်။ အခုဆိုရင် ထက်အောင်ဟာ တစ်ကိုယ်တော်အခွေ ထွက်ရှိတော့မှာပါ။ သူ့ရဲ့တစ်ကိုယ်တော်အခွေ အကြောင်းနဲ့ပတ်သက်ပြီး မေးဖြစ်ခဲ့တာကတော့ “ကျွန်တော် ရဲ့အခွေထဲမှာ သီချင်း၁၀ပုဒ်ပါတယ်။ သီချင်းတွေအကုန်လုံးက  Own tune တွေချည်းပဲ။ အခွေနာမည်ကို တစ်ခုသောလမ်း လို့ပေးထားပါတယ်။ ပရိသတ်တွေကတော့ မင်းအနားမှာဆိုတဲ့ သီချင်းလေးကို ကြိုက်ကြမယ်လို့ ထင်ပါတယ်။ တစ်ခုသောလမ်းလို့ နာမည်ပေးဖြစ်တာကတော့ ကျွန်တော့်ရဲ့ဆရာ မြင့်မိုးအောင်နဲ့ ကျွန်တော်ရယ် တိုင်ပင်ပြီးတော့ ပေးဖြစ်ခဲ့တာပါ။ ပြီးတော့ ဒီသီချင်းလေးက ဆရာမြင့်မိုးအောင် ကိုယ်တိုင်ရေးပေးထားတဲ့ သီချင်းတစ်ပုဒ်လည်း ဖြစ်လို့ပါ။ တစ်ခုသောလမ်း က Audio CD အရင်ထွက်မှာပါ။ The Sun music ကနေ မေလ၃၁ရက်နေ့မှာ ဖြန့်ချိပေးသွားမှာပါ။ ပရိသတ်တွေလည်း ဒီအခွေလေးကို နားထောင်ပြီးတော့ ကြိုက်နှစ်သက်ကြလိမ့်မယ်လို့ ကျွန်တော်မျှော်လင့်ပါတယ်။ တစ်ခွေလုံးကို Owntune တွေပဲဖန်တီးထားတာက ပရိသတ်တွေကို ခံစားမှုအစစ် အမှန်ပေးချင်တာရယ်၊ နောက်ပြီး အခုလိုချိန်မှာ Owntune သီချင်းတွေ ဆိုကြတာ ရှားသွားပြီ။ ပြီးတော့ ကျွန်တော်ကိုယ်တိုင်က Owntune ဆိုရတာကိုပဲ နှစ်သက်လို့လည်း ပါပါတယ်။

ဒီအခွေလေးကို အားရပါတယ်။ ဘာကြောင့်လဲဆိုတော့ ကျွန်တော်ကိုယ်တိုင် အင်တိုက်အားတိုက်နဲ့ စိတ်ရော၊ ကိုယ်ပါနှစ်ပြီး ပင်ပန်းခံပြီးတော့ ကြိုးစားထားတဲ့ အခွေလေးဖြစ်လို့ပါ။ ကျွန်တော်က ဂီတကို ငယ်ငယ်ကတည်းက ရူးသွပ်ခဲ့တဲ့ သူတစ်ယောက်ဖြစ်တယ်။ ဂီတနဲ့ ပတ်သက်လာရင် ဘယ်တုန်းကမှ ပေါ့ပေါ့တန်တန် မလုပ်ခဲ့ဖူးဘူး။ ဂီတပေါ်မှာ မျှော်လင့်ချက်တွေ၊ မျှော်မှန်းချက်တွေနဲ့ လျှောက်လှမ်းသွားချင်တဲ့ သူတစ်ယောက်ပါ။ တစ်ကိုယ်တော် အခွေဖြစ်လာဖို့က ကျွန်တော့်ရဲ့ အိမ်မက်တစ်ခုပါပဲ။ ပရိသတ်ကြီး အာလုံးပဲ ကျွန်တော့်ရဲ့တစ်ခုသောလမ်း အခွေလေးကို နားထောင်စေချင်ပါတယ်။ အားပေးစေချင်ပါတယ်။ ပြီးတော့ ကောင်းတာတွေပဲ ဖြစ်ဖြစ်၊ ဆိုးတာတွေပဲရှိရှိ ဝေဖန်ပေးကြပါ”လို့ သူက ပြောပါတယ်။

 

         

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.