ထိုင်းနိုင်ငံ Slot Machine အဖွဲ့ရဲ့I Say Goodbye သီချင်းကို မြန်မာလိုသီဆိုထားတယ်ဆိုတဲ့ ဖြူဖြူကျော်သိန်း

1017754_541817595936558_679719860585718077_n.jpg

ရော့ခ်သီချင်းတွေကို နှစ်ခြိုက်တဲ့ တေးသံရှင်ဖြူဖြူကျော်သိန်းကို နိုင်ငံခြားဖျော်ဖြေရေး ပွဲစဉ်တွေအကြောင်း မေးကြည့်တဲ့အခါ Plus Three တီးဝိုင်း၊ ဦးဂျေမောင်မောင်၊ မထွန်းအိန္ဒြာဗိုလ်တို့နဲ့အတူ အမေရိကားကို ဖျော်ဖြေရေး သွားဖို့ ရှိပါတယ်။ နောက်ပြီး ထိုင်းနိုင်ငံမှာ အောင်မြင်ကျော်ကြားနေတဲ့ ရော့ခ်ဂီတ အဖွဲ့Slot Machine ရဲ့ I Say Goodbye သီချင်းကို နှစ်နိုင်ငံ အနုပညာဖလှယ်တဲ့အနေနဲ့ မြန်မာဘာသာနဲ့ ပြန်ဆိုထားတယ်။ ဒီသီချင်းလေးကို ဆိုဖြစ်တာက ဇွန်လမှာ ထိုင်းနိုင်ငံက Slot Machine အဖွဲ့ရယ်၊ ကို Rဇာနည်ရယ်၊ ဖြူဖြူရယ်ပါမယ့် ရှိုးပွဲလေးတစ်ပွဲ မြန်မာနိုင်ငံမှာ လုပ်ဖို့ ရှိပါတယ်။ အဲဒီ့အတွက် နှစ်နိုင်ငံက အနုပညာရှင်တွေ အချင်းချင်း ချစ်ကြည်ရင်းနှီးမှုရအောင် Slot Machine အဖွဲ့ရဲ့ သီချင်းတစ်ပုဒ်စီကို ဖြူဖြူနဲ့ ကိုRဇာနည်တို့က မြန်မာဘာသာနဲ့ ပြန်ဆိုကြတာပါ။ ဖြူဖြူဆိုရတဲ့ I Say Goodbye သီချင်းကို တေးရေးဆရာ မင်းချစ်သူက မြန်မာလို ပြန်ရေးပေးထားပါတယ်။ ဒီသီချင်းကို လွန်ခဲ့တဲ့ နှစ်ပတ်လောက်က ဘန်ကောက်မှာရှိတဲ့ BEC TERO စတူဒီယိုမှာ အသံသွားသွင်းခဲ့တယ်။ ဒီသီချင်းကို ထိုင်းနိုင်ငံမှာလည်း Single  အနေနဲ့ ဖြန့်ချိမှာပါ။ ထိုင်းနိုင်ငံမှ Slot Machine တီးဝိုင်းအဖွဲ့သားတွေနဲ့ ၂၀၀၈ခုနှစ်တုန်းက ဘန်ကောက်မှာ ပြုလုပ်ခဲ့တဲ့ လူကုန်ကူးမှု တိုက်ဖျက်ရေး ဖျော်ဖြေပွဲနဲ့ ၂၀၁၂ခုနှစ်တုန်းက မြန်မာနိုင်ငံမှာ ပြုလုပ်ခဲ့တဲ့ MTV EXIT ဖျော်ဖြေပွဲတွေမှာ ဆုံခဲ့ဖူးတယ်။ အိမ်နီးချင်းနိုင်ငံမှ အနုပညာရှင်တွေနဲ့ လက်တွဲ အလုပ်လုပ်ရတဲ့အတွက် ကိုယ့်အတွက် အတွေ့အကြုံသစ်တွေ၊ သင်ယူလေ့လာစရာတွေ ရှိသေးတာကို တွေ့ရတယ်။ Slot Machine အဖွဲ့က အပြင်းစား ရော့ခ်သီချင်းတွေကို သီဆိုတဲ့ အဖွဲ့ဖြစ်ပေမယ့် အဝတ်အစားကို ဖြစ်သလို မဝတ်ပဲ ဖက်ရှင်ကျကျ ဝတ်ဆင်တတ်တာကို သဘောကျမိပါတယ်။’လို့ သူမက ပြောပြသွားပါတယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.