၂၁၆ကြိမ်မြောက် ပထမဆုံးလေထီးခုန်နှစ်ပတ်လည်နေ့ကို Google doodleနဲ့ ဂုဏ်ပြု

google-doodle-celebrates-216th-anniversary-of-first-parachute-jump-2478257.png

၂၀၁၃ခုနှစ်၊ အောက်တိုဘာလ၂၂ရက်ဟာ ၂၁၆ကြိမ်မြောက် ပထမဆုံးလေထီးခုန်နှစ်ပတ်လည်နေ့ဖြစ်ပါတယ်။ ပြင်သစ်နိုင်ငံသား André-Jacques Garnerinဟာ ပထမဆုံးဘောင်မပါတဲ့ လေထီးကို တီထွင်ခဲ့သူဖြစ်ပြီး သမိုင်းမှာ ဘောင်မပါတဲ့လေထီးနဲ့ စခုန်ခဲ့တဲ့သူလည်းဖြစ်ပါတယ်။ ပြင်သစ်နိုင်ငံရဲ့ လေကြောင်းအရာရှိအဖြစ်နဲ့ ခန့်အပ်ထားခြင်းခံခဲ့ရသူလည်းဖြစ်ပါတယ်။

၂၁၆ကြိမ်မြောက် ပထမဆုံးလေထီးခုန်နှစ်ပတ်လည်နေ့ ကိုဂုဏ်ပြုတဲ့အနေနဲ့ Googleက doodleတစ်ခုရေးဆွဲဖန်တီးခဲ့ပါတယ်။ ၁၇၉၇ခုနှစ်၊ အောက်တိုဘာ ၂၂ရက်မှာ André-Jacques Garnerin ဟာ ပါရီမှာရှိတဲ့ Parc Monceau ပြည့်သူ့ပန်းခြံပေါ်ကို ရဲရဲဝံ့ဝံ့ပဲ လေထီးခုန်ခဲ့ပါတယ်။ ပြင်သစ်နိုင်ငံသား လေသူရဲ André-Jacques Garnerinရဲ့ မီးပုံးပျံဟာ ပေ၃၀၀၀ အမြင့်ကိုအရောက် အခြေအနေမကောင်းတော့တဲ့အခါ လေထီးအလိုအလျောက်ပွင့် သွားခဲ့ပါတယ်။ လေထီးက မီးပုံးပျံရဲ့ ကျရှိန်ကို နှေးစေခဲ့တာကြောင့်  မြေပေါ်ကိုဘေးမသီရန်မခပဲ ဆင်းသက်နိုင်ခဲ့ပါတယ်။ မီးပုံးပျံခြင်းတောင်းဟာ အကျကြမ်းပြီး ဒယီးဒယိုင်ဖြစ်သွားခဲ့ပေမဲ့ André-Jacques Garnerinကတော့ ဘာထိခိုက်ဒဏ်ရာမှ ရမသွားခဲ့ပါဘူး။

ပြင်သစ်နိုင်ငံသား လေသူရဲ André-Jacques Garnerinဟာ ၁၈၂၃ခုနှစ်၊ သြဂုတ်လ ၁၈ရက်၊ အသက်၅၄နှစ်မှာ မီးပုံးပျံသစ်တစ်လုံး တီထွင်နေရင်းနဲ့ပဲ ပါရီမှာဆုံးသွားခဲ့ပါတော့တယ်။ မီးပုံးပျံအမြင့်ကြီးလုပ်နေတဲ့ ဆောက်လုပ်ရေး လုပ်ငန်းခွင်မှာ ဖြတ်လျှောက်တုန်း ပြုတ်ကျလာတဲ့ ရက်မက အရှိန်နဲ့ဆောင့်ပြီးသေဆုံးသွားခဲ့တာပါ။

 (Ref:independent)

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.