၆ နာရီနောက်ပိုင်း ဘာမှမစားပဲနေရင် ဝိတ်ကျမှာလား

ကိုယ်အလေးချိန်လျှော့ချသူတွေမှာ လူသိများတဲ့ နည်းတစ်ချို့ရှိပါတယ်။ Raw until 4 ၊ Keto until 5 ၊ Vegan until 6 ၊ Dry until Fri စတာတွေပေါ့။ ဒီလိုနည်းတွေအပြင် ညနေ ၆ နာရီမတိုင်ခင် အစားအသောက်တွေမှီဝဲခိုင်းတဲ့ Before 6 ကလည်း လူသိများလှပါတယ်။

၆ နာရီကျော်ရင် ဘာမှမစားရဘူးလား
တကယ်တော့ ညအိပ်ရာမဝင်ခင်မှာ အစာမစားတာဟာ ကျန်းမာရေးကို အထောက်အကူဖြစ်စေတဲ့ နည်းလမ်းတစ်ခုဖြစ်ပါတယ်။ ဒါပေမယ့် အိပ်ယာမဝင်ခင် ၂ နာရီလောက်ခြားပြီး အစာအစားထားရင် အဆင်ပြေပါပြီ။

၆ နာရီနောက်ပိုင်းရောက်တာနဲ့ ဘာမှမစားရဘူးလို့တော့ ပုံသေသတ်မှတ်လို့မရနိုင်ပါဘူး။ ဘာလို့လဲဆိုတော့ လူတိုင်းဟာ နေ့တိုင်း ၆ နာရီမတိုင်ခင်မှာ ဒင်နာစားကြမှာမဟုတ်လို့ပါပဲ။ တစ်ချို့များဆို အဲ့ဒီအချိန်မှာ ရုံးအဆင်း အိမ်အပြန် ဘတ်စ်ကားပေါ်မှာပဲရှိကြဦးမှာလေ။

ဒါဆို ဘယ်လိုလုပ်ကြမလဲ။ ကျွမ်းကျင်သူတွေကတော့ ကိုယ်အလေးချိန်လျှော့ချရာမှာ အောက်ပါနည်းတွေ သုံးဖို့ အကြံပေးထားကြပါတယ်။

တစ်နေ့တာကို နည်းမှန်လမ်းမှန်နဲ့ စတင်
မနက်စာနဲ့ နေ့လယ်စာ မှီဝဲရာမှာ အသားကို တတ်နိုင်သမျှ နည်းနည်းပဲစားတာက ကိုယ်အလေးချိန်ကျဖို့ အကူအညီဖြစ်စေပါတယ်။ ဖြစ်နိုင်ရင် မနက်စာစားချိန်မှာ သစ်သီးတွေ၊ ပရိုတိန်းဓာတ်ကြွယ်ဝတဲ့ ဟင်းသီးဟင်းရွက်တွေ များများမှီဝဲတာက ကောင်းမွန်တဲ့နည်းလမ်းဖြစ်ပါတယ်။

နေ့လယ်စာအတွက်ဆိုရင်တော့ အသားကို သင့်လျော်တဲ့ ပမာဏမျိုးထည့်စားနိုင်ပါတယ်။ ပြီးတော့ အသုပ်တွေ၊ စွပ်ပြုတ်တွေနဲ့ ပဲတွေကို ပိုပြီးမှီဝဲပေးသင့်ပါတယ်။

သင့် ပန်းကန်ထဲမှာ လတ်ဆတ်တဲ့ သစ်သီးဝလံတွေများနေပါစေ
အသားကိုလျှော့စားကြတဲ့အခါ စားစရာနည်းသွားတယ်လို့ လူတိုင်းက ထင်မြင်တတ်ကြပါတယ်။ တကယ်တော့ သစ်သီးဝလံတွေ၊ ဟင်းသီးဟင်းရွက်တွေက အသားတွေထက်ပိုပြီး ရွေးချယ်စရာများပါတယ်။ လူတွေရဲ့ အသားအပေါ် စွဲလမ်းနေတဲ့စိတ်ကြောင့်သာ ခုလို ခံစားနေရတာပါ။

နေ့လယ်စာ မှီဝဲချိန်မှာ လတ်ဆတ်တဲ့ သစ်သီးဝလံတွေကို များများပိုမှီဝဲပေးတာက ကိုယ်အလေးချိန်ကျဆင်းစေဖို့ ခြေလှမ်းကောင်းတွေကိ စတင်လိုက်တာပါပဲ။

အေးခဲစာတွေနဲ့ အသင့်စားဆီကြော်မုန့်တွေနဲ့ လမ်းခွဲလိုက်ပါ
အေးခဲစာတွေဟာ ကိုယ်အလေးချိန်လျှော့ချနေသူတွေနဲ့ တကယ့် ရန်ဘက်တွေပါပဲ။ နောက်ပြီး ဆီကြော်မုန့်တွေ၊ အသင့်စားမုန့်ထုတ်တွေကလည်း ဒီအတိုင်းပါပဲ။ ဒီမုန့်တွေမှာပါဝင်နေတဲ့ သကြား၊ ဆိုဒီယမ်နဲ့ အဆီတွေဟာ သင့်ကို ဝစေရုံသာမက ကျန်းမာရေးကိုပါ ထိခိုက်စေမှာပါ။

သင်အရမ်းကြိုက်နှစ်သက်တဲ့အရာတွေရှိနေတယ်ဆိုရင် အာသာပြေရုံနည်းနည်းပဲစားပါ။ နောက်ပြီး အဲ့ဒီအရာတွေကိုတော့ ညနေ ၆ နာရီမကျော်ခင်မှာစားပါ။

ဘာစားစား အသီးအရွက်ချည်းစားနေဖို့ မလိုဘူး
အသီးအရွက်တွေကို ပိုမိုမှီဝဲတာက ကျန်းမာစေတယ်ဆိုပေမယ့် နည်းမှန်လမ်းမှန်မဟုတ်ရင်တော့ အကျိုးထူးမှာမဟုတ်ပါဘူး။ ဒါကြောင့် ကိုယ်က သက်သက်လွတ်စားတတ်တဲ့လူမျိုးမဟုတ်ဘူးဆိုရင် အာဟာရမျှတစွာ မှီဝဲဖို့ လိုအပ်ပါတယ်။ ဟင်းသီးဟင်းရွက်နဲ့ သားငါးကို မျှတအောင် မှီဝဲစားသုံးတာက အကောင်းဆုံးနည်းလမ်းဖြစ်ပါတယ်။ တကယ်ရှောင်ရှားသင့်တာက အသင့်စားမုန့်ထုပ်တွေပါပဲ။

၆ နာရီနောက်ပိုင်းဆိုရင် ဘာမှမစားရတော့ဘူးလား
မဟုတ်ပါဘူး။ ၆ နာရီနောက်ပိုင်းမှာ ကိုယ်နေသာထိုင်သာရှိအောင် အစာနည်းနည်းမှီဝဲလို့ရပါတယ်။ တကယ်တမ်း ၆ နာရီနောက်ပိုင်းမှာ လုံးဝရှောင်ကျဉ်ရမှာက Junk Food တွေ၊ ဆီကြော်အစာတွေ၊ အယ်ကိုဟောနဲ့ အသင့်စား မုန့်ထုတ်တွေပါပဲ။ အဲ့ဒီအစားအစာတွေကိုတော့ လုံးမဝစားသင့်ပါဘူး။

အချိန်ကိုချည်း အာရုံစိုက်မနေပါနဲ့
ညနေ ၅:၅၉ မှာ ချီစ်ဘာဂါအကြီးကြီး တစ်လုံးစားတဲ့သူနဲ့ ၇ နာရီလောက်မှာ ဟင်းသီးဟင်းရွက်တွေနဲ့ ညစာစားတတ်သူ ဘယ်သူက ကျန်းမာရေးနဲ့ ပိုညီညွတ်မယ်ထင်သလဲလေနော့။ အဓိက ကျတာက ဘယ်အချိန်မှာစားတယ်ဆိုတာထက် ဘယ်လိုစားတယ်၊ ဘယ်လောက် စနစ်တကျ စားတယ်ဆိုတာက အဓိကဖြစ်ပါတယ်။

အသား၊ ငါးကို ကိုယ်တိုင်ချက်ပြုတ်စားပါ
အသားတွေ ငါးတွေစားမယ်ဆိုရင် ဆိုင်မှာစားတာမျိုးကို တတ်နိုင်သမျှ ရှောင်ကျဉ်တာက အကောင်းဆုံးပါပဲ။ ကိုယ်တိုင် ဒါမှမဟုတ် အိမ်မှာ ချက်ပြုတ်စားတဲ့အခါ ကျန်းမာရေးနဲ့ မညီညွတ်တဲ့ အချိုမှုန့်လို၊ အဆီများတဲ့အစိတ်အပိုင်းတွေကို ရှောင်ရှားနိုင်သလို ဆားတွေ၊ ငံပြာရည်တွေနဲ့ အဆီတွေကိုလည်း လျှော့ချနိုင်မှာဖြစ်ပါတယ်။

Ref;HEALTH GROUP

125 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.