အရှုံးသမားလို့ အမြဲတမ်းဘာကြောင့်ထင်နေရတာလဲ

လုပ်သမျှဘာမှအဆင်မပြေဘူး။ဘဝကြီးက ကိုယ့်အတွက်မဟုတ်ဘူးလို့ထင်နေမိပြီဆိုရင်တော့ ဘာလို့အဲ့ဒီလိုတွေးနေတာလဲဆိုတာကို ပြန်သုံးသပ်သင့်ပါတယ်နော်။

၁) လွယ်လွယ်လက်လျှော့တတ်တာကြောင့်လား

သင်ကျရှုံးမှုတွေကနေ ဘယ်နှစ်ခါများ အခါခါပြန်ကြိုးစားပြီးပြီလဲ။ ပထမဆုံးတစ်ကြိမ်ကြိုးစားပြီး လက်လျှော့လိုက်တာမျိုးလား။ ဒါမှမဟုတ် နှစ်ကြိမ်မြောက်လား၊ သုံးကြိမ်မြောက်လား အကြိမ်ကြိမ်အခါခါလား စသဖြင့် သင့်ကိုယ်သင်ပြန်မေးသင့်ပါတယ်။။ တကယ်လို့များ ထပ်မကြိုးစားတော့ဘူးလို့ဆုံးဖြတ်တယ်ဆိုရင် သင်က လွယ်လွယ်လက်လျှော့တတ်တဲ့သူပါ။ အဲဒါဆိုရင် သင့်ကိုသင် ပြန်ပြီး သတိပေးဖို့လိုနေပါပြီ။။ တခါကျရှုံးတိုင်းလက်မလျှော့မိစေဖို့ပေါ့။ ဒီတစ်ခါ ရှုံးပေမယ့် နောက်တစ်ခါဆိုရင် နိုင်ချင်နိုင်မှာပါ။

၂) စိတ်ဓာတ်ပျော့ညံ့လွန်းနေတာလား

သင့်ကိုသင် ဝမ်းနည်းအားငယ်လွယ်သလား၊ စိတ်မခိုင်လွန်းတဲ့လူလား သင်သိမှာပါ။ တခုခုဆို လုံးဝအရှုံးပေးချင်သွားလောက်အောင် ဖြစ်နေတယ်ဆိုရင် ကျရှုံးမှုဒဏ်ကို မခါခါမခံစားနိုင်ဘူးဆိုရင် သင်က စိတ်ဓာတ်ပျော့ညံ့လွန်းနေပါတယ်။ သင့်စိတ်ဓာတ်ခိုင်မာဖို့ သင့်ကိုယ်သင်အားပေးပါ။ သင့်ထက်ဆိုးဝါးတဲ့ဘဝတွေ၊ သင့်ထက်အခါခါကျရှုံးပြီးမှာ ပြန်ပြီးအနိုင်ရသူတွေကို မြင်အောင်ကြည့်ပါ။ ထိုလူတွေ ဘယ်နှစ်ခါကြိုးစားခဲ့သလဲ လေ့လာပါ၊ စပ်စုပါ။ စာတွေဖတ်ကြည့်ပါ။

၃) သင်ခန်းစာမယူတတ်ခြင်းကြောင့်လား

ကျရှုံးမှုအခါခါဖြစ်နေပေမယ့် တခါမှ ပြန်နိုင်မယ့်အရိပ်အယောင်တောင်မမြင်ဘူးဖြစ်နေတယ်ဆိုရင် သင်ကိုယ့်သင်ပြန်တွေးကြည့်ပါအုံး။ အဲဒီ့ကျရှုံးမှုအခါခါမှာ ထိုကျရှုံးမှုတွေက ဘာကြောင့်ဖြစ်လာသလဲဆိုတာ တွေးကြည့်ဖူးသလားလို့ပေါ့။ ဥပမာ။ အခြားသူကြောင့်ဖြစ်တယ်လို့ မကြာခဏအပြစ်လွှဲချတတ်နေသလား။ ကိုယ့်အပြစ်၊ ကိုယ့်အားနည်းချက်ကို ပြန်ရှာပါ။ ထိုအားနည်းချက်ကို ဘယ်လိုပြုပြင်မလဲစဉ်းစားပါ၊ ကြိုးစားပါ။ ကျရှုံးမှုကနေ သင်ခန်းစာရအောင်ယူပါ။ အခါခါကျရှုံးလေလေ သင့်အတွက် သင်ခန်းစာများများရလေလေ ထိုသင်ခန်းစာတွေနဲ့နောက်တစ်ကြိမ်အနိုင်ရဖို့ ပြန်ကြိုးစားမှာပါ။ သင်ခန်းစာမယူတတ်ရင်တော့ ဘယ်လိုအခါခါကြိုးစား ကျရှုံးတယ်ဆိုတာ အဆန်းမဟုတ်ပါဘူး။

၎) အမှားတွေကို မပြုပြင်မိဘူးလား

သင့်ရဲ့အမှားကို အမှားမှန်းတော့သိတယ်၊ ပြုပြင်ဖို့အပျင်းကြီးနေသလား၊ ပြုပြင်မယ်လို့တွေးလိုက် ပြန်မှားလိုက်နဲ့ဖြစ်နေတာလား။ ဒါမှမဟုတ် ကိုယ့်ကိုယ်ကိုယ်ဘယ်တုန်းကမှ မမှားဖူးလို့များ ထင်နေတာလား ။ အဲဒါဆိုရင်တော့ သင်ကျရှုံးတဲ့အကြောင်းရင်းက ဒီအချက်ဖြစ်နေနိုင်ပါတယ်။ အောင်မြင်တဲ့သူတွေက ကိုယ့်အမှားကိုအပြုသဘောဝေဖန်ထောက်ပြရင် လိုလားစွာလက်ခံပါတယ်။ ကိုယ့်အမှားဖြစ်ကြောင့်ဝန်ခံတတ်ပါတယ်။ ထိုအမှားကိုလည်း နောက်မမှားအောင် ပြုပြင်ပါတယ်။ အဲဒါကြောင့်အောင်မြင်တာပေါ။ အခါခါကျရှုံးတဲ့သူကတော့ ဘယ်တော့မှ သူ့မှာအမှားရှိတယ်လို့မထင်ဘူး၊ ပြုပြင်ရမယ်လို့လည်း လက်မခံဘူး၊ အမှားရှိမှန်းသိပြန်ရင်လည်း မပြုပြင်နိုင်ဘူးအဲဒီ့အားနည်းချက်ရှိတတ်ပါတယ်။

၅) ကိုယ့်ကိုယ်ကိုယ်ဝေဖန်မသုံးသပ်မိဘူးလား

အဲဒီလို ကိုယ့်အမှားမှန်းသိလာစေဖို့ကလည်း ကိုယ့်ကိုယ်ကိုယ်ပြန်သုံးသပ်မှသိလာနိုင်ပါတယ်။ အဲဒါကြောင့် ကိုယ်အခါခါကျရှုံးနေရပြီဆိုရင် ကိုယ့်ကိုယ်ကိုယ်ဝေဖန်သုံးသပ်မှုအားနည်းနေတာလားဆိုတာ ပြန်စဉ်းစားစရာပါပဲ။ အောင်မြင်နေတဲ့သူတွေက ကိုယ့်ကိုဘယ်သူကမှ မဝေဖန်ခင် သူတို့ကိုယ်သူတို့ ဝေဖန်နေတဲ့သူတွေပဲဖြစ်ပါတယ်။ အဲဒါမှ အမှားတွေသိလာရင် မဖြစ်ဖြစ်အောင်ပြုပြင်ဖို့ကြိုးစားတတ်ခြင်းကြောင့် အောင်မြင်လာတာပါ။

Ref;BAWA LESSON

57 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.