အသည်းပုံ မျက်နှာ လိုချင်လို့ လူမဆန်မေးရိုးခွဲစိတ်ပြုပြင်မှု လုပ်ခဲ့တဲ့ တောင်ကိုရီးယားသူလေး

south_korea_tv_presenter_plastic_surgery.jpg

 

ကိုရီးယား ရုပ်သံလိုင်းမှာ အစီအစဉ်တင်ဆက်သူအဖြစ် လုပ်ကိုင်နေတဲ့ တောင်ကိုရီးယားသူလေးဟာ  သူမရဲ့မျက်နှာကို သူမကိုယ်တိုင်ဖျက်စီးမှုနဲ့ အပြစ်တင်ခံနေရပါတယ်။ သူမရဲ့ “မပြုပြင်ခင်” နဲ့ “ပြုပြင်ပြီး” မျက်နှာပုံတွေဟာ အွန်လိုင်းမှာ ပျံ့နှံ့နေခဲ့ပါတယ်။

ဒီ တောင်ကိုရီးယားသူလေးရဲ့ အမည်ကိုတော့ ဘယ်သူဘယ်ဝါဆိုတာ မဖော်ပြထားပါဘူး။ တောင်ကိုရီးယား ရုပ်သံလိုင်းက သတင်းကြေညာသူလို့တော့ ဆိုကြပါတယ်။ အရှေ့အာရှသူတွေ အလိုချင်ဆုံး မျက်နှာပုံစံဖြစ်တဲ့ အသည်းပုံ မျက်နှာကို သူမ လိုချင်ခဲ့တာကြောင့် အခုလို လူမဆန်မျက်နှာ ခွဲစိတ်ပြုပြင်ခဲ့တာ ဖြစ်တယ်လို့ သိရပါတယ်။

မကြာသေးမှီက စားရင်း ကိန်းဂဏန်းတွေအရဆိုရင် တခြားတိုင်းပြည်တွေနဲ့ယှဉ်ရင် ပလတ်စတစ်ဆာဂျရီ အလုပ်အများဆုံးနိုင်ငံဟာ တောင်ကိုရီးယားပါပဲ။ အထူးသဖြင့် အသက် ၁၉နှစ်ကနေ ၄၉နှစ်ကြား အမျိုးသမီးတွေ ရူးသွပ်ကြပါတယ်။

ဂျပန် အွန်လိုင်းဖိုရမ်မှာ တွေ့ရတဲ့ မှတ်ချက်တွေကတော့ “ဟုတ်ရဲ့လားဟယ်၊ ဖိုတိုရှော့ ထားတာလို့ ပြောစမ်းပါ။” “လူတစ်ယောက်ရဲ့ မေးစေ့ကို အဲ့လောက်ထိ သွယ်အောင် လုပ်လို့ရနိုင်ပါ့မလား။” “အလှစစ်ဆိုတဲ့အရာကို သူမ တကယ်မသိပါဘူး။” စသဖြင့်ပါပဲ။

တောင်ကိုရီးယားနိုင်ငံဟာ ကမ္ဘာ့အကြီးဆုံး ပလတ်စတစ် ဆာဂျရီဈေးကွက် ဖြစ်တာအလျောက် ဆိုးလ်မြို့သူ ၅ယောက်မှာ ၁ယောက်ဟာ ခွဲစိတ်ပြုပြင်ဖို့ ဓားအောက်ဝင်ပါတယ်။

လူကြိုက်အများဆုံး ခွဲစိတ်ပြုပြင်မှုတွေကတော့ “မျက်ခွံနှစ်ထပ် ခွဲစိတ်ပြုပြင်ခြင်း” (မျက်လုံးကျယ်ဖို့ အထက်ဘက်မျက်ခွံမှာပိုနေတဲ့ အရေခွံတွေကို ဖြတ်ထုတ်တာ)၊ “အဆီခွဲစိတ်ပြုပြင်ခြင်း” (အဆီတွေဖယ်ရှားဖို့ ကြိမ်နှုန်းမြင့်လှိုင်းကို အသုံးပြုတာ) နဲ့ “နှာခေါင်းခွဲစိတ်ပြုပြင်ခြင်း” တွေပါပဲ။

Ref: dailymail.co.uk

 

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.