သံပုယိုခွံတွေကို လွှင့်မပစ်ပဲ ဒီလိုမျိုးစုံသုံးကြမယ်…

ကျွန်တော်တို့တွေ သံပုရာရည်ဖျော်သောက်တဲ့အခါ ဒါမှမဟုတ် သံပုရာသီး၊သံပုယိုသီးကို တစ်ခုခုအတွက်သုံးကြတဲ့အခါ ကျန်တဲ့အခွံတွေကို လွှင့်ပစ်လိုက်မိတတ်ကြပါတယ်။တကယ်တော့ ဒီသံပုရာခွံ၊သံပုယိုခွံတွေဟာလည်း အထဲက အသီးလိုပဲ အသုံးဝင်တာတွေအများကြီးရှိပါတယ်။သံပုရာသီး၊သံပုယိုသီးတွေရဲ့ အကျိုးကျေးဇူးတွေကိုတော့စာဖတ်ပရိသတ်တွေသိပြီးသားဖြစ်ကြမှာပါ။ဒါကြောင့် ကျွန်တော်က သံပုရာခွံ၊သံပုယိုခွံတွေရဲ့ အသုံးဝင်တွေကိုပဲ ပြန်ပြီးမျှဝေပေးလိုက်ပါတယ်။

*ရေနွေးစိမ်သောက်သုံးနိုင်

တစ်ချို့က သံပုရာအရည်ပါညှစ်ပြီး ရေနွေးနဲ့ရောစပ်သောက်ကြပါတယ်။အဲ့ဒီလိုမဟုတ်ပဲ သံပုရာခွံကိုပဲသုံးပေးလို့ရပါတယ်။သံပုရာသီးခွံ၊သံပုယိုသီးခွံကို ဒီတိုင်းဖြစ်စေ ပါးပါးလှီးပြီးဖြစ်စေ
ရေနွေးဖန်ခွက်တစ်ခွက်စာနဲ့ရောစပ်ထားပါ။၁၀မိနစ်လောက်ထားပြီးရင်ပျားရည်အနည်းငယ်ထည့်ပြီးသောက်ပေးပါ။ အစာချေစနစ်၊ကိုယ်ခံအားစနစ်ကိုကောင်းမွန်စေပြီးပုံမှန်သောက်ပေးရင်ကိုယ်အလေးချိန်ကိုပါကျဆင်းစေပါတယ်။

*ပုရွတ်ဆိတ်ကင်းစင်စေ

အိမ်မှာပုရွက်ဆိတ်တွေ၊အင်းဆက်တွေရှိနေရင် သံပုရာခွံလေးတွေပါးပါးလှီးပြီးချပေးထားပါ။ဒီနည်းလေးက အင်းဆက်တွေ၊ပုရွက်ဆိတ်တွေထွက်ပြေးစေပါတယ်။ရက်အနည်းငယ်ထားပေးထားရင် ပုရွက်ဆိတ်တွေနောက်ထပ်လာတော့မှာမဟုတ်ပါဘူး။

*ဖန်သားကြည်လင်တောက်ပစေ

အရောင်မှိန်နေတဲ့ပြတင်းပေါက်မှန်တွေကို သံပုရာခွံနဲ့ တောက်ပြောင်အောင်လုပ်လို့ရပါတယ်။ သံပုရာခွံအနည်းငယ်ကိုပါးပါးလှီးပြီးခရားထဲထည့်ပါ။ အဖြူရောင်ရှာလကာရည်အနည်းငယ်ကိုလောင်းထည့်ပါ။ပြီးရင်သေချာရောမွှေပြီး ပြတင်းပေါက်တွေ၊ဖန်သားတွေကိုအ၀တ်စနဲ့ဆွတ်ပြီးသုတ်ပေးပါ။ တစ်ပတ်တစ်ခါပုံမှန်လုပ်ပေးရင်ပြတင်းပေါက်တွေကြည်လင်လာပါလိမ့်မယ်။ဖန်ခွက်တွေ၊ပုလင်းတွေကိုလည်း တောက်ပြောင်အောင်သုံးပေးနိုင်ပါတယ်။

*ခန္ဓာကိုယ်ချေးချွတ်ပေး


သံပုရာခွံမှာအရေပြားအတွက်ကောင်းမွန်စေတဲ့အကျိုးကျေးဇူးတွေအများကြီးရှိပါတယ်။ သံပုရာခွံနဲ့မျက်နှာကိုဖြည်းဖြည်းချင်းပွတ်တိုက်ပေးမယ် ဆိုရင်ဆဲလ်သေတွေကို ဖယ်ရှားပေးပြီး အသားအရည်ကြည်လင်ဝင်းပလာစေပါတယ်။ ၀က်ခြံတွေကိုလည်းသက်သာပျောက်ကင်းစေပါတယ်။ သံပုရာခွံနဲ့တိုက်ပြီး၁၀မိနစ်လောက်ကြာရင်ရေနွေးနွေးလေးနဲ့ဆေးချပေးပါ။တစ်ပတ်ကိုတစ်ခါဖြစ်စေ၊နှစ်ပတ်တစ်ခါဖြစ်စေ လုပ်ပေးမယ်ဆိုရင် အသားအရည်ကသိသိသာသာကြည်လင်ဝင်းပလာပါလိမ့်မယ်။

*လက်သည်းကျန်းမာလှပစေ


သံပုရာခွံကလက်သည်းကျန်းမာရေးကိုလည်းအထောက်အကူပြုပါတယ်။ လက်သည်းတွေအရောင်ဆိုးထားပြီးပြန်ဖျက်တဲ့အခါဝါနေတတ်ပါတယ်။သံပုရာခွံနဲ့ပွတ်တိုက်ပေးမယ်ဆိုရင် လက်သည်းတွေဖြူဝင်းလာပြီးကျန်းမာစေပါတယ်။အလွယ်တကူမကျိုးပဲ့စေပါဘူး။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.