ချစ်ရေးဆိုထားတဲ့လူနှစ်ယောက်ကြား ရွေးချယ်ရခက်နေသောအခါ…

မိန်းကလေးအများစုဟာ ဒီလိုသုံးပွင့်ဆိုင်အချစ်ဇာတ်လမ်းမျိုးကြုံဖူးကြမယ်ထင်ပါတယ်။ကိုယ့်ကိုသဘောကျတဲ့သူက နှစ်ယောက်ဖြစ်နေပြီး နှစ်ယောက်လုံးကချစ်ရေးဆိုထားတဲ့အခါမှာ ဘယ်သူ့ကိုရွေးချယ်ရမလဲ၊ဘယ်လိုရွေးချယ်ရမလဲဆိုပြီးစဉ်းစားရခက်နေတတ်ပါတယ်။အဲ့ဒါအပြင် ကိုယ်ကလည်းနှစ်ယောက်လုံးကိုသဘောကျတယ်၊ကိုယ်နဲ့သင့်တော်တယ်လို့ခံစားနေရတဲ့အခါပိုပြီး စဉ်းစားရခက်ပါတယ်။

အဲ့ဒါနဲ့ပတ်သက်ပြီးအင်တာနက်သုံးစွဲသူအမျိုးသမီးတစ်ယောက်ကချစ်မှုရေးရာနဲ့ပတ်သက်လို့ကျွမ်းကျင်တဲ့အမျိုးသမီးတစ်ယောက်ကိုပြောပြအကူအညီတောင်းထားတဲ့အကြောင်းကိုပြောပြပေးချင်ပါတယ်။

ချစ်ရေးဆိုခံထားရသူအမျိုးသမီးက “ပြီးခဲ့တဲ့လအနည်းငယ်က အမျိုးသားနှစ်ယောက်ဆီကချစ်ရေးဆိုခံရပါတယ်။တစ်ယောက်က စကားပြောချိုသာတယ်၊သိမ်မွေ့တယ်၊ချစ်တတ်တယ်၊ဒါပေမဲ့ သူ့မှာ မယ်မယ်ရရအလုပ်အကိုင်မရှိဘူး။နောက်တစ်ယောက်ကတော့ ချမ်းသာတယ်၊လိုသမျှဖန်တီးပေးနိုင်တယ်၊ပျော်အောင်ထားနိုင်တယ်။ဒါပေမဲ့ ဘယ်သူ့ကိုရွေးချယ်ရမလဲမသိဘူးဖြစ်နေတယ်ဆိုပြီးမေးထားတာပါ။

E.Jean ဆိုတဲ့အမျိုးသမီးပြန်ဖြေထားတာကတော့…ဘာကိုမှမရွေးပါနဲ့တဲ့။အမျိုးသမီးတစ်ယောက်က တကယ့်အချစ်စစ်နဲ့တွေ့တဲ့အခါ သူဘယ်သူ့ကိုရွေးချယ်ရမလဲဆိုတာကောင်းကောင်းသိပါတယ်လို့ပြန်ဖြေထားပါတယ်။သူဖြေထားတာလေးက ရိုးရှင်းပေမဲ့ ထိရောက်တဲ့စကားလေးပါပဲ။

ချစ်ရေးဆိုထားတဲ့လူနှစ်ယောက်လုံးကို ကိုယ်ကသဘောကျတယ်၊ဒါပေမဲ့ နှစ်ယောက်လုံးကအဆင်ပြေလို့ဘယ်သူ့ကိုဘယ်လိုရွေးချယ်ရမလဲမသိဘူးဆိုရင် နောက်ထပ်အကြံပေးစာတစ်ခုအရ အချက်သုံးချက်နဲ့ရွေးချယ်ပါတဲ့။

ပထမအချက်…Relationship တစ်ခုမှာ သင်လိုချင်တဲ့အချက်တွေ၊သင်မကြိုက်တဲ့အချက်တွေကိုချရေးပါ။

စာရွက်မှာချရေးပြီးတဲ့အခါ အဲ့ဒီထဲကအတိုင်း သင့်လူနှစ်ယောက်ရဲ့ အရည်အချင်းကိုစမ်းသပ်ကြည့်ပါ။ပြီးရင် နှိုင်းယှဉ်ကြည့်ပြီးရွေးချယ်ပါ။ဘယ်သူကတော့ဖြင့်ကိုယ့်ကိုပိုပြီးအလေးထားတယ်၊ကိုယ့်သူငယ်ချင်း၊မိသားစုကိုပိုပြီးအလေးထားတယ်ဆိုတာသိလာပါလိမ့်မယ်။

ဒုတိယအချက်ကတော့…နှလုံးသားရဲ့ အသံကိုနားထောင်ပါ

ဘ၀တစ်ခုတည်ဆောက်မယ်ဆိုရင် အချစ်ကဘ၀တစ်ခုမဟုတ်ပေမဲ့ဘ၀ရဲ့ အစိတ်အပိုင်းတစ်ခုပါပဲ။ကိုယ်မချစ်တဲ့ယောက်ျားတစ်ယောက်ကို တစ်သက်လုံးရေရှည်နားလည်သည်းခံသွားဖို့ဆိုတာမလွယ်ပါဘူး။အဲ့ဒါကြောင့်သင့်နှလုံးသားက ဘယ်သူ့ဘက်ကိုပိုပြီးယိမ်းယိုင်နေလဲဆိုတာ သေချာစဉ်းစားပါ။အတူတူပဲလို့ခံစားရရင် သူတို့နှစ်ယောက်လုံးနဲ့ တစ်ယောက်ကိုတစ်လစီခပ်ဝေးဝေးနေကြည့်ပါ။ဘယ်သူ့ကိုပိုပြီးသတိရပြီး ဘယ်သူနဲ့မတွေ့ရရင်နာကျင်တယ်၊လွမ်းဆွတ်တယ်ဆိုတာ အချိန်ကအဖြေပေးပါလိမ့်မယ်။သူနဲ့နေရတာ နွေးထွေးမှုရှိတယ်၊လုံခြုံတယ်၊ပျော်ရွှင်တယ်ဆိုရင် အဲ့ဒီလူကိုပိုပြီးရွေးချယ်သင့်တယ်မဟုတ်လား?

တတိယအချက်ကတော့…သင်ရွေးချယ်လိုက်တဲ့သူက မှားယွင်းနေတယ်ဆိုတာမျိုးမဖြစ်ပါစေနဲ့။

တကယ်လို့အပေါ်ကအချက်တွေအတိုင်းစမ်းသပ်ကြည့်ပြီးပြီ၊သင်ကလည်းရွေးချယ်တော့မယ်လို့ဆုံးဖြတ်ပြီးပြီဆိုပါစို့။သူတို့နှစ်ယောက်ရဲ့ အခြေအနေကိုထပ်ပြီးလေ့လာပါ။သင့်ကိုတကယ်ချစ်တဲ့သူဆိုရင် သူတို့နှစ်ယောက်က အပြိုင်အဆိုင်ယှဉ်ပြိုင်ကြိုးစားနေရမှာပါ။ဘယ်သူကမှ ယှဉ်ပြိုင်ခြင်းမရှိဘူးဆိုရင် နှစ်ယောက်လုံးကသင့်အတွက်သင့်တော်ကောင်းမွန်တဲ့သူမဟုတ်ပါဘူး။နှစ်ယောက်လုံးကိုမရွေးချယ်ပဲ တခြားသူတွေနဲ့အရင်တွေ့ကြည့်လိုက်ပါဦး။

*ကြည့်ကောင်းချောမောတယ်ဆိုတဲ့အချက်နဲ့ ယောက်ျားတစ်ယောက်ကိုမရွေးချယ်ပါနဲ့။

*ငွေကြေးချမ်းသာတယ်ဆိုတဲ့အချက်နဲ့ ယောက်ျားတစ်ယောက်ကိုမရွေးချယ်ပါနဲ့။

*အထိအတွေ့သာယာမှုကြောင့် ယောက်ျားတစ်ယောက်ကိုမရွေးချယ်ပါနဲ့။

*သူငယ်ချင်းတွေ၊မိသားစုတွေက သူ့ကိုအရမ်းသဘောကျတယ်ဆိုတဲ့အချက်နဲ့ ယောက်ျားတစ်ယောက်ကိုမရွေးချယ်ပါနဲ့။

*သင့်မှာ ချစ်ဖို့၊နာကျင်ဖို့၊လွမ်းဖို့၊သတိရဖို့အတွက် အဆင့်သင့်မဖြစ်သေးဘူးဆိုရင် Relationship တစ်ခုကိုမစပါနဲ့။စခဲ့မယ်ဆိုရင်စိတ်ပင်ပန်းမှုတွေရလာနိုင်ပါတယ်။

1K Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.