စိတ်ပင်ပန်းမှုတွေကို ဘယ်လိုအလွယ်ဆုံးနည်းနဲ့ဖြေဖျောက်ကြမလဲ

ကာယသုံးရတဲ့အလုပ်ထက် ညဏသုံးရတဲ့အလုပ်ကပိုပြီးပင်ပန်းတယ်ဆိုသလိုပဲ လူပင်ပန်းတာထက်စိတ်ပင်ပန်းတာကပိုဆိုးပါတယ်။စိတ်ပျိုတော့ကိုယ်နု စိတ်ထောင်းလို့ကိုယ်ကြေဆိုတဲ့စကားတွေလည်းအရှိသားမဟုတ်လား။ဒါကြောင့် စိတ်ပင်ပန်းနေပြီလို့သိတဲ့အခါ ကြာရင်ပျောက်သွားမှာပါဆိုပြီး ပေါ့ပေါ့ဆဆမနေပဲ သိပ်လည်းအလုပ်မရှုပ်ပဲ အလွယ်တကူဖြေဖျောက်လို့ရအောင် နည်းလမ်းလေးတွေကိုဖော်ပြပေးလိုက်ပါတယ်နော်။

 

ကိုယ်ကြိုက်တဲ့အစားအစာတစ်ခုခုစားပါ

အစားအစာသည်လူနှင့်တည့်၏တဲ့။ သူများတွေတော့မသိ ကိုယ်တွေဆိုရင်တော့ စားချင်တာလေးများစားရရင်မျက်နှာကိုပြုံးနေရောပဲ။ဒါကြောင့် ကိုယ်ကြိုက်တဲ့အစားအစာတစ်ခုခုအားရပါးရစားပစ်လိုက်ပါ။အိမ်မှာတစ်ခုခုလုပ်စားတာကလည်း ကောင်းတဲ့အကြံပါပဲ။ကိုယ့်အိမ်မှာလုပ်တာဆိုတော့ အများကြီးလည်းစားလို့ရမယ် ကောင်းကောင်းလည်းစားရတယ်လေ။ ကိုယ်စားချင်တာကအိမ်မှာလုပ်ဖို့မလွယ်တဲ့ဆူရှီတွေပီဇာတွေဖြစ်နေရင်တော့ အပြင်မှာသွားစားပေ့ါ။

 

လူမှုဆက်ဆံရေးတည်ဆောက်ပါ

ရည်းစားထားခိုင်းတာမဟုတ်ပါနော်။ရည်းစားတွေထားရတာက ပျော်စရာထက်စိတ်ညစ်စရာပဲပိုများတာပါ။ စိတ်ညစ်လို့ရည်းစားထားပါတယ် သတ်ပါသေချင်သွားတယ်ဆိုတဲ့အဖြစ်မျိုးတွေက တစ်ရာမှာတစ်ရာလုံးနီးပါးကိုဖြစ်နေတာပါ။ လူမှုဆက်ဆံရေးတည်ဆောက်တယ်ဆိုတာ အဝေးရောက်နေတဲ့ သူငယ်ချင်းတွေနဲ့ မတွေ့ရတာကြာတဲ့သူငယ်ချင်းတွေနဲ့ချိန်းဆိုတွေ့ဆုံတာမျိုး။တော်ရုံစိတ်ညစ်စရာတွေက ကိုယ်တကယ်ခင်တဲ့သူငယ်ချင်းတွေနဲ့ နာရီဝက်လောက်ထိုင်ပြီးစကားပြောလိုက်ရင်ကို ကြက်ပျောက်ငှက်ပျောက်ပျောက်သွားတတ်တာပါ။သူငယ်ချင်းတွေရဲ့ပါဝါကိုအထင်မသေးပါနဲ့။

 

ဝါသနာပါရာတစ်ခုခုလုပ်ပါ

ဝါသနာပါတဲ့အလုပ်ကိုမလုပ်ချင်တဲ့သူဆိုတာရှိပါ့မလားပဲ။ ဝါသနာပါတာက မင်းသားတို့မင်းသမီးတို့ အာကာသထဲသွားရတာတို့လိုသိပ်ပြီးခက်ခက်ခဲခဲတွေတော့မဖြစ်စေနဲ့ပေါ့လေ။ကိုယ့်မှာကသူငယ်ချင်းအပေါင်းအသင်းကလည်းနည်း၊လက်ချိုးရေလို့ရတဲ့အပေါင်းအသင်းလေးတွေကလည်း သူတို့အလုပ်တွေနဲ့မအားဘူးဆိုရင်တော့ ငါးမျှားတာလို၊ရေကူးတာလို၊စာအုပ်ဖတ်တာလို ဝါသနာပါတာလေးတွေတစ်ယောက်တည်းလုပ်နိုင်သားပဲနော်။ဒါမှမဟုတ်လည်း ဝါသနာအသစ်တစ်ခုခုထွင်ကြည့်လို့လည်းရတာပဲ။ကိုယ်ဘာကိုဝါသနာထပ်ပါသေးလဲဆိုတာ လုပ်ကြည့်မှသိမှာမဟုတ်လား။ ဝါသနာအသစ်တစ်ခုရတဲ့အခါ ကစားစရာရတဲ့ကလေးလိုပဲ တော်တော်ပျော်ဖို့ကောင်းပါတယ်။

 

ခရီးထွက်ပါ

စိတ်ညစ်ညူးစရာတွေကို ရေနဲ့ဆေးချလိုက်သလိုပျောက်သွားစေနိုင်တာကတော့ခရီးထွက်ခြင်းပါပဲ။ သွားတဲ့နေရာကလည်းစိတ်ကြည်နူးစရာကောင်းတဲ့နေရာလည်းဖြစ်ဦးမှပေါ့နော်။တဝေးတလံကြီးတွေသွားစရာမလိုပါဘူး။နီးနီးနားနားချောင်းသာတို့ငွေဆောင်တို့သွားနိုင်သွားပဲ။ Don’t get married,save money and travel ဆိုတဲ့စကားတောင်ရှိသေးမဟုတ်လား။ခရီးထွက်ခြင်းရဲ့အရသာကိုမခံစားဖူးသူတွေက လူဖြစ်ရကျိုးမနပ်ဘူးလို့ပဲပြောရမယ်။

 

တရားထိုင်ပါ

ဒါကတော့ အကောင်းဆုံးနည်းပါ။ ပိုက်ဆံမရှိရင်လုပ်စရာအကောင်းဆုံးနည်းလည်းဖြစ်ပါသေးတယ်။တရားထိုင်တာက ထိုင်ကာစမှာတော့အာရုံမရသလိုဖြစ်ပြီး စိတ်တွေကရွက်ကြွေတွေလိုဟိုလွင့်ဒီလွင့်နဲ့ ဆောက်တည်ရာမရဖြစ်နေပါလိမ့်မယ်။စိတ်မပျက်ပါနဲ့ သည်းခံပါ။ ကြာလာတဲ့အခါ အရှိန်ရပြီး တရားတောင်မဖြုတ်ချင်အောင် ငြိမ်းအေးတဲ့ခံစားမှုကိုရရှိမှာပါ။ ဒါကြောင့်တရားထိုင်ပါ။စိတ်ကိုအနားပေးပါ။

99 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.