ဘာလို့အချိန်တိုင်းလိုလိုချမ်းနေတာပါလိမ့်

ဖြစ်နိုင်ပါတယ်။ဆောင်းတွင်းဆိုတော့ ရာသီဥတုအေးလွန်းလို့လည်းဖြစ်နိုင်ပါတယ်။ဒါမှမဟုတ် အဲကွန်းကအရမ်းအေးတာလည်းဖြစ်နိုင်တာပဲ။အနွေးထည်ဝတ်မထားတာရောမဖြစ်နိုင်ဘူးလား။ရေအေးတွေသောက်မိတာလည်းဖြစ်နိုင်တဲ့အရာပဲနော်။ အဲ..Air con လည်းမဖွင့် အနွေးထည်ထူထူကြီးလည်းဝတ်ထားပါရက်နဲ့ စောင်ပုံအောက်ကနေ တုန်ချိနေရပြီဆိုရင်တော့ သိပ်ပြီးပျော်စရာမကောင်းပါဘူး။အချိန်တိုင်းလိုလိုချမ်းနေရခြင်းမှာအကြောင်းပြချက်ကောင်းကောင်းတွေရှိပါတယ်။အဲဒါတွေထဲကတစ်ခုကသင့်မှာရောဂါကြီိးကြီးမားမားတစ်ခုရှိနေတာဖြစ်ကောင်းဖြစ်နုိင်ပါတယ်။ခြောက်တာမဟုတ်ရပါနော်။စေတနာတွေဝေဖြာပြီး ပြောပြနေရခြင်းပါ။ ဘာကြောင့်အချိန်တိုင်းချမ်းနေရတာလဲဆိုတာရဲ့ဖြစ်နိုင်ချေတွေကိုဖော်ပြပေးလိုက်ပါတယ်။ဖတ်ပြီးဆင်ခြင်ကြည့်ုလိုက်ပါဦး။

 

ခန္ဓာကိုယ်လှုပ်ရှားမှုနည်းလို့

ချမ်းရင်ရေချိုးနှင်းတောတိုးဆိုတဲ့စကားကိုကြားဖူးကြတယ်မဟုတ်လား။ငယ်ငယ်ကများ အဲဒါမျိုးကြားရရင်တအားစိတ်ဆိုးတာ။ဘယ့်နှယ့် ချမ်းပါတယ်ဆိုမှ အသေသတ်နေတာလားပေါ့။တကယ်တမ်းက ခန္ဓာကိုယ်ထဲမှာအပူတွေစုနေတဲ့အခါ နည်းနည်းလေးအေးလာရင်တောင်တအားချမ်းတတ်ပါတယ်။အပူနဲ့အအေးနဲ့ထိပ်တိုက်တွေ့တဲ့သဘောပါ။ရေချိုးလိုက်တဲ့အခါကျတော့ အပူတွေကျသွားပြီးအချမ်းဒဏ်ကိုခံနိုင်ရည်ရှိလာပါတယ်။ကိုယ်တွေ့နော်မယုံမရှိနဲ့။ဒီလိုပဲချမ်းလို့ဆိုပြီးကွေးနေရုံနဲ့တော့ဘာအလုပ်မှပြီးမှာမဟုတ်ပါဘူး။ချမ်းချမ်းစီိးစီးမှာထပြီး ရေတွေဘာတွေချိုး မှတ်တိုင်ကိုအပြေးတစ်ပိုင်းသွား ကားကြပ်ကြပ်ထဲတိုးတက်တွယ်စီးလိုက်တဲ့အခါကျတော့ အချမ်းပြေတာပေါ့။ဒါကသဘောပြောပြတာပါ။ ချမ်းတာပျောက်ဖိုိ့ဆိုရင် သင့်မှာလုံလောက်တဲ့ကိုယ်လက်လှုပ်ရှားမှုလိုအပ်ပါတယ်။ စောင်ပုံထဲကထပြီးတစ်ခုခုစမ်းလုပ်ကြည့်ပါ။

 

သင်ကပိန်သွယ်ပါးလျနေလို့

သင်ကတအားပိန်နေခဲ့မယ်ဆိုရင် သင့်ခန္ဓာကိုယ်မှာ လူတွေကိုအအေးဒဏ်ကကာကွယ်ပေးတဲ့ အဆီတွေရှိမနေပါဘူး။ဒါကြောင့်တော်ရုံတန်ရုံအအေးကတောင်သင့်ကိုခိုက်ခိုက်တုန်စေမှာပါ။တကယ်လို့သင်က အစားလျှော့စားမယ်ဆိုရင်လည်း ခန္ဓာကိုယ်ဇီဝကမ္မဖြစ်ပျက်မှုတွေအတွက်လုံလောက်တဲ့အပူဓာတ်ရစေမယ့် အစာအာဟာရလောင်စာမရှိတဲ့အတွက်ကြောင့်ပိုပြီးချမ်းစေမှာပါ။ အသားဓာတ်၊ကစီိဓာတ်နဲ့ သံဓာတ်များများပါတဲ့အစာတွေ အစေ့အဆံတွေကိုရွေးချယ်စားသုံးပေးရင်အချိန်တိုအတွင်းမှာပြန်ကောင်းလာဖို့ရှိပါတယ်။

 

အိပ်ရေးမဝလို့

အိပ်ရေးမဝတာနဲ့ချမ်းတာနဲ့ကဘာဆိုင်လို့တုန်းလို့တွေးမိနိုင်စရာပါပဲ။ဒါပေမယ့် သွယ်ဝိုက်စွာသက်ဆိုင်နေပါတယ်။အိပ်ရေးမဝတဲ့အခါ ဦးနှောက်ကပင်ပန်းနွမ်းနယ်နေတာကြောင့် ခန္ဓာကိုယ်ကသိပ်မချမ်းရင်တောင် တအားကိုချမ်းနေပါပြီဆိုပြီး သတင်းအမှားတွေတွက်ချက်တတ်ပါတယ်။ ငှက်ဖျားပိုးဦးနှောက်ထဲဝင်တဲ့သူတွေ အမြဲတမ်းချမ်းနေတာ ဒါ့ကြောင့်ပါပဲ။သတိလည်းထားဦးနော်။ငှက်ဖျားတွေ တုပ်ကွေးတွေဖြစ်နေတာလည်းဖြစ်နေဦးမယ်။ မပေါ့ဆပါနဲ့။

 

သံဓာတ်ချို့တဲ့နေတာ

ကမ္ဘာပေါ်က သုံးပုံတစ်ပုံသောအမျိုးသမီးတွေဟာ ကြာရှည်များပြားတဲ့ Periods ကာလတွေကြောင့်သံဓာတ်ချို့တဲ့တဲ့ရောဂါကိုရင်ဆိုင်နေရပါတယ်။အမျိုးသားတွေမှာဆိုရင်လည်း အားနည်းတဲ့သူတွေမှာသံဓာတ်ချို့တဲ့နေတတ်ပါတယ်။ဒီအတွက် ဖြည့်စွက်ဆေးတွေသောက်လို့ရသလို သံဓာတ်ပါတဲ့အစားအစာတွေကိုရွေးချယ်စားသုံးလို့ရပါတယ်။ဆေးသောက်မယ်ဆိုရင်တော့ဘယ်လိုဆေးမျိုးကိုပဲဖြစ်ဖြစ် ဆရာဝန်နဲ့တိုင်ပင်ပြီးမှသောက်တာစိတ်ချရပါတယ်။

 

ရေဓာတ်ခန်းခြောက်နေတာ

ဒါကအများကြီးဖြစ်နိုင်ပါတယ်။လူတွေမှာရေဓာတ်ခန်းခြောက်ဖို့ဆိုတာ အံ့သြစရာကောင်းလောက်အောင်ကိုအလွယ်တကူဖြစ်န်ိုင်တဲ့အရာပါ။ရိုးရိုးလေးပဲရေသောက်ဖို့မေ့သွားတာ၊အဲကွန်းခန်းထဲမှာတစ်နေကုန်အလုပ်လုပ်နေရတာ၊ပြီးတော့ ချွေးအရမ်းထွက်ခြင်း စတာတွေကလည်း ရေဓာတ်ခန်းခြောက်စေပါတယ်။ ရေဓာတ်ခန်းခြောက်လာခြင်းရဲ့နောက်ဆက်တွဲကတော့ သွေးပေါင်ချိန်တွေကျလာတာ၊မောပန်းလာတာနဲ့မူးမော်လာတာပဲဖြစ်ပါတယ်။အဲ့ဒီ့အခါမှာ ခန္ဓာကိုယ်အပူချိန်ကိုကျစေပြီးခြေဖျားလက်ဖျားတွေအေးစက်ကာ အချမ်းပိုလာစေပါတယ်။

ချမ်းရခြင်းအကြောင်းတွေကိုသိပြီိဆိုတော့ မချမ်းအောင်ဘယ်လိုလုပ်ရမလဲဆိုတာလည်းသိပြီပေါ့နော်။ဒါတွေကအဖြစ်အများဆုံးအကြောင်းတွေကိုသာဖော်ပြထားတာဖြစ်ပြီး အခြားအကြောင်းတွေလည်းအများကြီိးကျန်သေးတာမို့ ကိုိယ့်ကိုယ်ကိုယ်ဂရုစိုက်ကြစေချင်ပါတယ်။ချမ်းတာလေးပါကွာ အာမီရမ်သောက်ပျောက်တော့မလုပ်သင့်ပါနော် 😛

156 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.