ကိုယ့်ကိုယ်ကိုယ် ပိုချစ်ရမယ့်အကြောင်းတွေ

ကိုယ်ဟာ ကိုယ်နဲ့တစ်သက်လုံးနေရမယ့်သူပါ။ ဘာကြောင့်ကိုယ့်ကိုယ်ကိုပိုချစ်သင့်တာလဲဆိုတော့ရှင်းပါတယ်။ ကိုယ့်ခန္ဓာကိုယ်က ကိုယ်တစ်သက်လုံးနေရမယ့်နေရာဖြစ်လို့ပါပဲ။ ကိုယ့်အတွက်ကိုယ်ပဲရှိတာပါ။ ကိုယ်ကိုယ်ကိုယ်မှဂရုမစိုက်ရင်ဘယ်သူမှလာဂရုစိုက်ပေးမယ်မဟုတ်ဘူးလေ။ လူတွေက သူတို့ကိုယ်ကိုယ်ဂရုစိုက်နေရတာနဲ့ပဲအလုပ်များနေကြတာပါ။ ဒီတော့ ကိုယ့်ကိုယ်ကိုယ်ချစ်မြတ်နိုးတန်ဖိုးထားရပါမယ်။ ကိုယ့်ကိုယ်မှမချစ်တတ်ရင် ဘယ်သူမှလည်းကိုယ့်ကိုမှန်မှန်ကန်ကန်ချစ်ပေးတတ်မှာမဟုတ်ပါဘူး။ ကိုယ့်ကိုယ်ကိုယ်တန်ဖိုးထားခြင်းဟာ ကိုယ်နဲ့အနီးတဝိုက်ကလူတွေကို ကိုယ့်ကိုဘယ်လိုဆက်ဆံရမလဲဆိုတာသင်ပြပေးခြင်းလည်းဖြစ်ပါသေးတယ်။ ကိုယ်က လိုအပ်တာထက်ပိုပြီးနှိမ့်ချလွန်းနေရင်လည်း လူတွေကခေါင်းပေါ်တက်ချင်ကြပါတယ်။ ဒီတော့ ကိုယ့်ကိုယ်ကိုယ် နေရာတစ်ခု အဆင့်တစ်ခုမှာထားပြီးအဲဒီ့အဆင့်နဲ့တန်တဲ့ နေထိုင်ပြုမူပုံနဲ့အရည်အချင်းလည်းကိုယ့်မှာရှိရပါမယ်။ လူနေခြုံကြားစိတ်နေဘုံဖျားဖြစ်နေလို့လည်းမဖြစ်သေးပါဘူး။ဒါက ဘဝင်မြင့်ပြီး အသားလွတ်ကြီးလူတွေကို မတူမတန်သလိုဆက်ဆံခိုင်းတာမဟုတ်ပါဘူး။ ကိုယ်ရောက်နေတဲ့ဘဝနဲ့ကိုက်ညီတဲ့အဆင့်သတ်မှတ်ချက်မျိုးနဲ့ ကိုယ့်ကိုယ်ကိုယ်လေးစားသမှုရှိရမယ်လို့ဆိုလိုတာပါ။ ကိုယ့်ကိုယ်ကိုယ်တန်ဖိုးထားဖို့လိုအပ်တဲ့အချက်တွေက ….

 

ကိုယ့်အတွင်းစိတ်ကိုသေချာသိပါ

လူတိုင်းမှာ စိတ်သုံးမျိုးရှိကြပါတယ်တဲ့။ လူတွေနဲ့ဆက်ဆံတဲ့အခါဖြစ်တဲ့စိတ်ရယ်၊ ကိုယ်ကဘယ်လိုလူမျိုးပါလို့ ကိုယ့်ကိုယ်ကိုယ်ထင်တဲ့စိတ်ရယ်၊ ကိုယ့်ရဲ့တကယ့်စစ်မှန်တဲ့အတွင်းစ်ိတ်ရယ်ပါ။ ကိုယ့်ကိုယ်ကိုယ်ချစ်မြတ်နိုးဖို့အတွက် အဓိကလိုအပ်တာက ကိုယ့်စိတ်ကိုယ်သိဖို့ပါ။ ကိုယ်က ဘာဖြစ်ချင်တာလဲ၊ဘယ်လိုဆိုရင်မကြိုက်ဘူး၊ဘယ်ဟာကိုကြိုက်သလဲ၊ဘယ်ဟာကိုသည်းမခံနိုင်ဆုံးလဲ စတာတွေ ကိုယ့်ကိုယ်ကိုယ်သေချာသိထားရပါမယ်။ ကိုယ့်အကြောင်းကိုယ်သေချာမသိတဲ့စမ်းတဝါးဝါးဖြစ်ရပ်တွေဟာ ဆယ်ကျော်သက်လောက်မှာဖြစ်လေ့ရှိပါတယ်။ လူတစ်ယောက်ကို ချစ်မချစ်လည်းမသေချာပဲ ရည်းစားထားလိုက်မိတာမျိုးတွေပေါ့။ ကိုယ့်အကြောင်းကိုယ်မသိတာဟာအေးချမ်းတဲ့အရွယ်ဖြစ်ပေမယ့် မသိလို့ပဲဖြစ်ရတဲ့ဒုက္ခတွေကပိုများနေသလိုပါပဲ။

 

ကိုယ့်ကိုယ်ကိုယ်လက်ခံပါ

ကိုယ်ကဆင်းရဲသလား။ရုပ်ဆိုးသလား၊ဒါမှမဟုတ်ဘာအရည်အချင်းမှမယ်မယ်ရရမရှိဘူးလား။ ကိစ္စမရှိပါဘူး။ဆင်းရဲတာက ချမ်းသာအောင်ကြိုးစားလို့ရသလို ချမ်းသာလာတာနဲ့ရုပ်ချောအောင်ပြင်လို့ရပါပြီ၊အရည်အချင်းကတော့ အခြားခေါင်းစဉ်တစ်ခုဖြစ်သလိုိ အဓိကအကျဆုံးဘာသာရပ်ဖြစ်ပါတယ်။ အရည်အချင်းရှိဖို့က ကိုယ်စ်ိတ်ဝင်စားတဲ့နယ်ပယ်၊ကိုယ်ပျော်ရွှင်ရမယ့်နယ်ပယ်ကို သေချာရှာဖွေပြီး အတွေ့အကြုံနဲ့ပညာရပ်တွေသိုမှီိးရပါမယ်။ အရည်အချင်းရှိလာတဲ့အခါ အဲဒီ့အရည်အချင်းကိုအသုံးချပြီးပိုက်ဆံရှာမယ်။ အဲဒီကနေမှ တစ်ဆင့်စီတက်သွားရမှာပါ။ ဒီ့ထက်ပိုအရေးကြီးဆုံးကတော့ ကိုယ့်ကိုယ်ကိုယ်လက်ခံနိုင်မှုပါပဲ။ အရည်အချင်းမရှိတာကိုလည်းကိုယ့်ကိုယ်ကိုယ်လက်ခံနိုင်ခြင်းမရှိ၊အလကားနေငါဟဲ့ အာဂလူသားဘာညာဆိုပြီး တက်ကျမ်းတွေဖတ်ပြီး ကြောင်နေရင်တော့ သင်အများဆုံးရောက်နိုင်တဲ့နေရာဟာ ရွာသာကြီးပါပဲ။

 

ကိုယ့်ကိုယ်ကိုယ်မြှင့်တင်ပါ

ဒါကစောစောကပြောတဲ့အရည်အချင်းနဲ့ဆိုင်ပါတယ်။ အချစ်ရေးတွေဆက်ဆံရေးတွေနဲ့လည်းဆိုင်ကောင်းဆိုင်ပါလိမ့်မယ်။ ကိုယ့်ကို မချစ်တော့ပါဘူးဆိုတဲ့လူကိုလိုက်တွယ်ကပ်နေတာတို့၊ကိုယ့်ကိုဘယ်လိုနေနေကြိုက်ကိုမကြိုက်တာပါဆိုတဲ့သူကို တတန်းတန်းစွဲလမ်းနေတာတို့ပေါ့။ ချစ်တာကချစ်လို့ရပါတယ်၊ကိုယ့်ဂုဏ်သိက္ခာကျလောက်တဲ့အထိတော့ လူတစ်ယောက်ကိုချစ်ဖို့မထိုက်တန်ပါဘူး။ အချစ်ရေးမှမဟုတ်ပါဘူး၊အခြားဆက်ဆံရေးတွေမှာလည်းဒီလိုပါပဲ။ ကိုယ့်ဘက်ကချည်းပဲချိတ်တွယ်ထားရတယ်ထင်ရင် လွှတ်ချပစ်ရပါတယ်။ဒါကကိုယ့်ကိုယ်ကိုယ် လေးစားမှုပါ။ သူများဆီက အမြဲလိုလိုလျစ်လျူရှုမှုတွေခံရပါများလာတဲ့အခါ ကိုယ့်ကိုယ်ကိုယ်လေးစားစ်ိတ်ကိုလည်းတိုက်စားလာပါတယ်။ အရည်အချင်းပိုင်းဆိုင်ရာကတော့ ရိုးရှင်းပါတယ်။ အမှန်တကယ်အသုံးချလို့ရပြီး ကိုယ်တကယ်လည်းစိတ်ဝင်စားတဲ့နယ်ပယ်တစ်ခုမှာ အရိုးကြေကြေအရေခန်းခန်းကြိုးစားသင်ယူပါ။

 

ကိုယ့်ရဲ့ပျော်ရွှင်မှုဟာ ဘယ်သူ့အပေါ်မှာမှမှီတည်မနေပဲနဲ့ ကိုယ်ပိုင်တည်ဆောက်ထားတဲ့တည်ငြိမ်တဲ့ဘဝရဲ့ ပဲ့ကိုင်ရှင်တွေဖြစ်ကြပါစေ။

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.