စိတ်ဒဏ်ရာတွေကို ဘယ်လိုရင်ဆိုင်ဖြေဖျောက်ကြမလဲ

ဒဏ်ရာဆိုတာကတော့ လူတိုင်းမှာရှိကြတာပါပဲ။ ကိုယ်စိတ်နှစ်ပါးရှိနေကြတဲ့သူတွေဆိုတော့ အဖြစ်ရှိရင်အပျက်ရှိမယ်ဆိုသလို ကိုယ်ဒဏ်ရာစိတ်ဒဏ်ရာတွေကတော့ရှိစမြဲပါ။ ဒါပေမယ့် ကိုယ်မှာဖြစ်တဲ့ဒဏ်ရာတွေက ကြာရင်သာပျောက်သွားမယ် စိတ်ဒဏ်ရာတွေကတော့ ပျောက်ဖို့နေနေသာသာ သတိရတိုင်းကိုက်ခဲနာကျင်နေတတ်တာမျိုးပေါ့။ လူတိုင်းမှာ ခုသတိရရင် ခုမျက်ရည်စ်ိမ့်တက်လာလောက်တဲ့ စိတ်ဒဏ်ရာကြီးကြီးမားမားတွေရှိကြပါတယ်။ အဖေအမေ ကိုယ်ချစ်ရသူတစ်ယောက်ယောက် ဘဝထဲကထွက်သွားတာ၊ကမ္ဘာတစ်ခြမ်းပြိုကျပျက်စီးသွားသလို တစ်ခုခုနဲ့ဖြင့် အကြီးအကျယ်စိတ်ထိခိုက်ဒဏ်ရာရသွားတာမျိုး…။ ဒဏ်ရာရှိတာပြဿနာမဟုတ်ပါဘူး။ မဖြေဖျောက်နိုင်တာကပြဿနာပါ။ ဘယ်တော့မှမပျောက်မယ့်ဒဏ်ရာဆိုရင်တောင်မှ သက်သာရာရအောင်တော့ လုပ်နိုင်သေးတာပဲမဟုတ်လား။ စိတ်ဒဏ်ရာဆိုတာက ရောဂါဟောင်းတစ်ခုနဲ့ အလားသဏ္ဍာန်တူပါတယ်။ တစ်ချိန်လုံးတဝဲလည်လည်လှည့်လည်ချောင်းမြောင်းနေပြီး ကိုယ်အားနည်းနေချိန်မှ ဗြုန်းဆိုဝင်လာတတ်တာမျိုးလေ။အဲဒီ့အချိန်တွေမှာဘယ်လိုခံနိုင်ရည်ရှိအောင်ကြိုတင်ပြင်ဆင်ထားကြမလဲ..။ စ်ိတ်ဒဏ်ရာဟောင်းတွေကို တတ်နိုင်သမျှမေ့ထားပြီးဘဝကိုဘယ်လိုပျော်ပျော်ရွှင်ရွှင်ဖြတ်သန်းကြမလဲဆိုတာလေးတွေ ဖော်ပြပေးချင်ပါတယ်။

 

အတိတ်မှာမနေပါနဲ့

အားရင်ဖြစ်ခဲ့ပျက်ခဲ့သမျှတွေပြန်ပြန်တွေးနေတတ်တဲ့အကျင့်ကိုဖျောက်ပါ။ အတိတ်ကနေသင်ကိုယ်တိုင်ထွက်ခွာလာမှ အတိတ်ကလည်းသင့်ကို ဒုက္ခမပေးနိုင်တော့မှာပါ။ အတိတ်မှာ ပျော်ရွှင်ခဲ့တဲ့အမှတ်တရတွေရှိခဲ့တယ်၊ဒါမှမဟုတ် သိပ်ကိုနာကျင်ခဲ့ရတဲ့ မှောင်မည်းအေးစက်တဲ့အချိန်အပိုင်းအခြားတွေရှိ်ခဲ့တယ်ဆိုလည်းပဲ ကိုယ်ကပြန်မတွေးနေရင် ကိုယ့်ကိုစိတ်မညစ်စေပါဘူး။ ကိုယ့်ကိုစိတ်ညစ်အောင်ခွင့်ပြုထားတာ ကိုယ်ကိုယ်တိုင်ပါပဲ။

 

စိတ်ဖိစီးမှုတွေရှောင်ရှားပါ

သင်ကအလွယ်တကူစိတ်ညစ်တတ်သူလား၊တစ်ခုခုဆို ခိုလိုညည်းနေတတ်သူလား။ အလွယ်တကူစိတ်ညစ်တတ်သူအဖို့ စိတ်ဒဏ်ရာတွေကရလွယ်ပါတယ်။နဂိုကမှ စိတ်ဓာတ်ကမခိုင်မာတာကိုး။ ကိုယ်တို့ရဲ့စိတ်တွေဟာ ကျောက်ဆိုင်ကျောက်သားလိုမယ်ိုင်မလဲရှိဖို့ထိမဖြစ်နိုင်ရင်တောင် လေဒဏ်မိုးဒဏ်ခံနိုင်တဲ့ လယ်စောင့်တဲလေးလောက်တော့ ခိုင်ခိုင်မာမာရှိသင့်ပါတယ်။ ဒါမှလည်း အထိအခိုက်တွေ ဒဏ်ရာအနာတရတွေအရနည်းပြီးရခဲ့ရင်တောင် ခံနိုင်ရည်ရှိမှာပါ။

 

တစ်ယောက်ယောက်ကိုရင်ဖွင့်ပါ

ကိုယ်ယုံကြည်ရတဲ့တစ်ဦးတစ်ယောက်ကိုရင်ဖွင့်လိုက်ခြင်းကလည်း စိတ်ဒဏ်ရာတွေကို လျော့နည်းစေပါတယ်။ ခန္ဓာကိုယ်မှာဖြစ်တဲ့ပြည်တည်နာလိုပဲ အနာဝကို ပွင့်အောင်လုပ်ပြီးမှ ဆေးထည့်ခြင်းက ဆေးကိုပိုထိရောက်စေတယ်ဆိုသလိုပါပဲ.. တစ်စုံတစ်ယောက်ကိုရင်ဖွင့်ပြီးသူတို့ရဲ့အားပေးစကားတွေနဲ့ ကိုယ့်စိတ်ကိုအားပြန်ဖြည့်လို့ရပါတယ်။ သတိပြုရမှာက အဲဒီ့တစ်စုံတစ်ယောက်ဟာ က်ိုယ့်အမေ၊အဖေ စတဲ့ ကိုယ်နဲ့အရင်းနှီးဆုံးသူဖြစ်ဖို့လိုပါတယ်။ သူငယ်ချင်းတွေကိုလည်းရင်ဖွင့်လို့ရတယ်ဆိုပေမယ့် နောက်ကျောကိုဓားနဲ့ထိုးတာမခံရအောင် သတိကြပ်ကြပ်ထားပြီးမှရင်ဖွင့်ရပါမယ်။ မဟုတ်ရင်တော့ တစ်နာကနှစ်နာဖြစ်ပါလိမ့်မယ်။

 

အမျှော်အမြင်ရှိပါ

ပြောချင်တာက ငါကား ဤသို့ဤပုံတစ်သက်လုံးရှိနေတော့မည်ဖြစ်တော့သကိုးလို့ အလုံးစုံယုံမှတ်ထားတာက ပိုပြီးအကျနာစေပါတယ်။လောလောဆယ်ရှိနေတာတွေအကုန်လုံးဆုံးရှုံးလိုက်ရရင် အစကပြန်စနိုင်မလားဆိုတာမျိုးကိုယ့်ကိုယ်ကိုယ် မကွယ်မဝှက်တမ်းအမေးအဖြေလုပ်ကြည့်ပါ။ ဒါက အဓိကကျတဲ့အရာပါပဲ။ ခုရှိနေတာတွေအားလုံးဆုံးရှုံးလိုက်ရရင်တောင်မှ တစ်ကပြန်စပြီးဒီနေရာပြန်ရောက်လာဖို့ယုံကြည်ချက်ရှိတယ်ဆိုရင် ဘဝမှာ ဟင်နရီဒူးနှန့််ဖြစ်သွားပြါ့ပီ။ ဘာလာလာ ဒူးနှန့််ပြီိးအေးအေးဆေးဆေးနေနိုင်ပြီလို့ပြောတာပါ။ ကိုယ်သိပ်ချစ်မြတ်နိုးရတဲ့တစ်စုံတစ်ခုကိုဆုံးရှုံးလိုက်ရရင်ဘယ်လိုလုပ်မလဲဆိုတာမျိုးခဏခဏတွေးထားခြင်းက တကယ်တမ်းဆုံးရှုံးလိုက်ရတဲ့အခါ ခံစားရသက်သာစေပါတယ်။

 

တရားထိုင်ပါ

ဘယ်ဘာသာဝင်ညာဘာသာဝင်မှမဟုတ်ပါဘူး။ ဘာသာတိုင်းမှာ သူ့နည်းသူ့ဟန်နဲ့တရားထိုင်နည်းပေါင်းစုံရှိပါတယ်။တရားထိုင်တယ်ဆိုတာ ခန္ဓာကိုယ်ရဲ့ဖြစ်ပျက်ဖြစ်စဉ်တွေကို ရှု့တာဖြစ်လို့ စိတ်ကိုတည်ငြိမ်စေပြီး တော်ရုံလောကဓံတွေကို အပြုံးမပျက်ကျော်ဖြတ်နိုင်စေပါတယ်။ တရားများများထိုင်ပါ။ ဘုရားစင်ရှေ့မှာဝတ်ဖြူစင်ကြယ်နဲ့ အမွှေးတိုင်တွေထွန်းမှတရားထိုင်တာမဟုတ်ပါဘူး၊မအိပ်ခင် အိပ်ရာထဲမှာ ဆယ်မိနစ်လောက်အပြေးအလွှားဝင်လေထွက်လေမှတ်တာလည်း တရားမှတ်တာပဲဖြစ်သလို ကားပေါ်မှာမတ်တပ်ရပ်နေတုန်း ရပ်တယ်၊သွားတယ် စသဖြင့်မှတ်နေတာကလည်း တရားမှတ်တာပါပဲ။ ဘုရားရှင်လက်ထက်တုန်းက ထမင်းအိုးငှဲ့ရင်း ရဟန္တာထေရီမကြီးဖြစ်သွားတဲ့ မာတုဂါမရဲ့ သာဓကလည်းရှိတာမို့ ဆင်ခြေတွေကြုံသလိုပေးပြီးတော့တော့ လက်မလျှော့လိုက်ပါနဲ့။

2K Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.