ကြည့်ကောင်းဖို့ထက် ဒီလိုအရည်ချင်းတွေရှိတဲ့မိန်းကလေးတွေကို သူတို့လက်တွဲချင်ရတဲ့အကြောင်းရင်း

တစ်ချို့ ယောက်ျားလေးတွေဟာ မိန်းကလေးတစ်ယောက်ကို ချောတာ၊ လှတာနဲ့ မတိုင်းတာဘူး။ သူတို့နဲ့အဆင်ပြေမယ့် ကိုယ်ကျင့်တရားတွေရှိရဲ့ လားဆိုတာကိုပဲ ကြည့်တယ်။ ကောင်လေးကအရမ်းချောနေပြီး တွဲတဲ့မိန်းကလေးက သာမန်လောက်ပဲကြည့်ကောင်းတာမျိုးတွေ တွေ့ဖူးမှာပေါ့။ အချစ်မှာမျက်စိမပါဘူးဆိုတာထက် ကိုယ်နဲ့သင့်တော်မယ့်လူ အချိန်မှန်၊ နေရာမှန်ရောက်ရှိလာခြင်းဟာ အကောင်းဆုံးလို့ပဲ ပြောချင်ပါတယ်။ သူတို့က မိန်းကလေးတစ်ယောက်ကို ချောတာ၊ လှတာ ဘေးဖယ်ပြီး ဘယ်လိုအရာတွေကိုသဘောကျကြတာဖြစ်မလဲ. . . ?

အမှီခိုကင်းခြင်း

မိန်းမတစ်ယောက်ကို ကလေးထိန်းသလိုချစ်ရတာမျိုး ဘယ်ယောက်ျားမှ မကြိုက်ဘူး။ အရမ်းကြီး အားမကိုးပါနဲ့။ တတ်နိုင်သလောက် ကိုယ့်အားကိုယ်ကိုးပြီး ရပ်တည်နေတဲ့ မိန်းမမျိုးကိုပဲ သူတို့သဘောကျတယ်။ သိပ်မလိုအပ်ပဲနဲ့ တစ်ချိန်လုံး ရစ်တွယ်၊ လိုအပ်ကြောင်းမပြနဲ့ ။ အခြေအနေနဲ့အချိန်ခါကို ကြည့်ပြီးလိုက်လျောညီထွေနေတတ်ဖို့တော့လိုပါမယ်။

ရိုးသားခြင်း

ဆက်ဆံရေးတိုင်းမှာ ယုံကြည်မှုကအဓိကပါ။ တစ်ခါလိမ်လိုက်ပြီဆိုတာနဲ့ သူ့အနေနဲ့ သင့်အပေါ်ဆက်တိုက် စိတ်ခုလို့ပြီးမှာမဟုတ်တော့ဘူး။ သေးငယ်တဲ့လိမ်ဆင်ပဲဖြစ်ပါစေဦးတော့… နာကျင်မှုနည်းပေမယ့် သင်တို့နှစ်ယောက်ကြားယုံကြည်မှုကိုတော့ အဖုထစ်ဖြစ်သွားစေတယ်။ ဒါကြောင့် ရိုးသားတာကိုပဲသူတို့သဘောကျတယ်။ ရိုးသား ၊ ပွင့်လင်းခြင်းဟာ သူတို့အတွက် ဆွဲဆောင်
မှုတစ်မျိုးပဲ။ တော်ရုံတန်ရုံကိစ္စဆို သူ့ကိုလျှို့ ဝှက်မထားပါနဲ့။ အေးဆေးပြောပြလိုက်ပါ။

ထောက်ပံ့မှု

ယောက်ျားတွေဟာ သန်မာကြံခိုင်မှဖြစ်မယ်လို့ လူမှုအဖွဲ့အစည်းတစ်ခုက လက်ခံထားပေမယ့် သူတို့အတွက် စိတ်အပန်းဖြေရာနေရာလေးတစ်ခုတော့ ရှိသင့်တယ်မလား? ခက်ခဲတဲ့အချိန်တွေနဲ့ ကြုံတွေ့တဲ့အခါ စိတ်ထွက်ပေါက်အနေနဲ့ နှစ်သိမ့်အားပေးမယ့် ချစ်သူမိန်းကလေးကို အလိုရှိကြတယ်။ စိတ်ပါလက်ပါနားထောင်ပေးပြီး စကားပြောချောမွေ့ဖို့ပဲလိုမယ်။ သူ့ရဲ့အမေတစ်ယောက်လိုမျိုးအားပေးနှစ်သိမ့်ပေးရုံတင်မက ကြိုးကိုင်ခြယ်လှယ်တာမျိုးတော့မလုပ်ပါနဲ့။

စမတ်ကျသူ
ယောက်ျားတွေဟာ စကားပြောရတာကြိုက်တယ်။ သူတို့သဘောကျတဲ့အကြောင်းရာတစ်ခုကို အခြားလူကိုပြန်လည်ဝေမျှပေးချင်တယ်။ စကားပြောရုံတင်မဟုတ်ဘူး.. သူနဲ့အပြန်အလှန်ဆွေးနွေးမယ့်လူမျိုးကိုလိုလားတယ်။ အဓိပ္ပာယ်ပြည့်ဝပြီး အပေးယူတည့်တဲ့ စကားအပြန်လှန်ပြောတာမျိုးဖြစ်နေဖို့လိုတယ်။ ဒါဟာ ချစ်သူနဲ့မှမဟုတ်ဘူး။ သူငယ်ချင်း ၊ မိသားစုဝင်တွေနဲ့လည်းစကားပြောရင်ဒီလိုပဲ။ ပြောနေတဲ့အကြောင်းရာတွေကို အချက်ကျကျနဲ့ ကွင်းဆက်မပြတ်အောင် ပြောပေးနိုင်သူမျိုးပေါ့ ။

ဟာသဥာဏ်
ဒီလိုဥာဏ်လေး မိန်းကလေးတစ်ယောက်မှာပါလာရင် အပိုဆုလို့ပဲပြောရမလား? ဟာသတွေပြောတတ်တဲ့ မိန်းကလေးကို ဘယ်သူက သဘောမကျပဲနေမှာလဲ..သူမကိုမြင်တာနဲ့ စိတ်ချမ်းသာရတယ်။ မြင်တာနဲ့ စနောက်မယ်။ သင့်ကိုမပျော်ပျော်အောင် သူမလုပ်ပေးတယ်။ ချစ်သူမိန်းကလေးဆိုတာထက်သူငယ်ချင်းလို ပွင့်ပွင့်လင်းလင်းပေါင်သင်းရတာမျိုးက သူတို့စိတ်ထဲပိုလွတ်လပ်စေတယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.