ဆောင်းတွင်းမှာ မျက်နှာအရေခွံလန်နေတာတွေဘယ်လိုကုသကြမလဲ

အရေခွံလန်တာကိုတချို့ကတော့ အရေခွံလဲတယ်လို့ပြောကြပါတယ်။မြွေတွေက နှစ်စဉ် ဒါမှမဟုတ် သုံးနှစ်တစ်ခါအရေခွံလဲလေ့ရှိကြပါတယ်။ ဒါကြောင့်အရေခွံလဲတဲ့လူတွေကို မြွေဘဝကလာတယ်ဘာညာစနောက်ကြတာတွေလည်းရှိပါသေးတယ်။ တကယ်တမ်းမှာတော့ ရာသီိဥတုအေးတဲ့ဒဏ်ကို အရေပြားကတောင့်မခံထားနိုင်တဲ့အခါ အရေခွံလန်တာတွေဖြစ်လာတာပါပဲ။ မျက်နှာအရေခွံလန်တာဟာ ကျန်းမာရေးအရသာဘာမှမဖြစ်လောက်ဘူးထင်ရသလိုရှိပေမယ့် အလှအပပိုင်းဆိုင်ရာမှာတော့ အတော်လေးဒုက္ခပင်လယ်ဝေပါတယ်။ သနပ်ခါးလိမ်းလို့လည်းမရ၊ မိတ်ကပ်လိမ်းလို့လည်းမကောင်း၊ Skin care တွေလိမ်းဖို့များမစဉ်းစားလေနဲ့ စပ်သွားမယ်၊သွေးတွေထွက်လာမယ်၊မျက်ရည်တွေဝဲသွားမယ်ဆိုတာမျိုးပါ။ မျက်နှာပြောင်ကြီးနဲ့အပြင်ထွက်နေရတဲ့ကြားမှာမှ တွေ့သမျှလူတွေက အထူးတဆန်း သူတို့ဘဝမှာတစ်ခါမှမတွေ့ဖူးတဲ့ဂြိုလ်သားကိုတွေ့လိုက်ရသလို ကိုင်ကြည့်လို့ရလား၊ခွာလိုက်ပါလားတို့ဘာတို့ပြောကြတာပိုဆိုးပါတယ်၊အံမယ် … တချို့များဆို ဘာမှတောင်ပြောမနေဘူး၊ဇိုးဇိုးဇတ်ဇာတ်ဆွဲခွာလိုက်တာဗျား.. မျက်ရည်ဝဲရတာကကိုယ်ပါပဲ။ ဆောင်းတွင်းမှာမျက်နှာအရေခွံလဲတာနဲ့ နှုတ်ခမ်းမှာပေါက်တဲ့ဝက်ခြံတွေဟာ တစ်ခုခုမတော်မတည့်တွေထိခိုက်မိတဲ့အခါ ရည်းစားနဲ့ကွဲတာထက်ပိုပြီးမျက်ရည်ဝဲရပါတယ်။ ထားပါတော့လေ.. ဒီလို ဒုက္ခပေးတဲ့ မျက်နှာအရေခွံလန်နေတာတွေကိုဘယ်လိုကုသကြမလဲဆိုတာနဲ့ ဘာတွေနဲ့ကုသရမလဲဆိုတာတွေကိုဖော်ပြပေးလိုက်ပါတယ်။

 

 သံလွင်ဆီလိမ်းပါ

လိမ်းလိုက်တာနဲ့နူးအိသွားစေတဲ့သံလွင်ဆီကတကယ့်အကြံကောင်းပါပဲ။အထိမခံတဲ့မျက်နှာအသားအရည်ကို သံလွင်ဆီလေးအနည်းငယ်နဲ့ စက်ဝိုင်းပုံပွတ်ပြီး အသားထဲစိမ့်ဝင်အောင်လိမ်းပေးပါ။ ပြောင်ပြောင်ကြီးဖြစ်နေလည်းသည်းခံပေါ့လေ အဖတ်တွေလန်နေတာထက်စာရင်တော်သေးတယ်မဟုတ်လား။ သံလွင်ဆီကိုသတိရတိုင်းထထလိမ်းပေးခြင်းအားဖြင့် အရေခွံလဲနေတာတွေတစ်ပတ်လောက်နဲ့ပျောက်သွားနိုင်ပါတယ်။

 

ပျားရည်လိမ်းပါ

သန့်စင်ထားတဲ့ပျားရည်ကို မျက်နှာအနှံ့လိမ်းပေးပါ။ ခြောက်လုခြောက်ခင်ဖြစ်သွားတဲ့အထိထားပြီး ရေနွေးနွေးလေးနဲ့ဆေးချပေးပါ။ လုံးဝခြောက်သွားတဲ့အထိထားရင်အရေပြားတွေတင်းပြီးနာမှာမို့ပါ။

 

သခွားသီး

ပျားရည် ဒါမှမဟုတ် သံလွင်ဆီလိမ်းပြီးသွားတဲ့အခါ ရေနွေးနွေးလေးနဲ့ဆေးပြီးသွားရင် သခွားသီးကိုအဝိုင်းလေးတွေလှီးပြီးအဲ့အဝိုင်းလေးတွေနဲ့ မျက်နှာအနှံ့ပွတ်ပေးပါ။ သုံးဝိုင်းစာလောက်အသုံးပြုပြီးပွတ်ပြီးသွားရင် ရေပြန်ဆေးပါ။ သခွားသီးက မျက်နှာကိုသန့်စင်စေပြီး အရေခွံလန်တာတွေကြောင့်ဝင်နေတဲ့ပိုးတွေဘာတွေအရေပြားထဲမှာရှိနေခဲ့ရင်လည်း ဖယ်ရှားပေးပါလိမ့်မယ်။

 

ရှားစောင်းလက်ပတ်

ဒါကတော့ နောက်ဆုံးအဆင့်လို့ပြောလို့ရပါတယ်။ အပေါ်ကအဆင့်တွေအကုန်လုပ်ပြီးသွားတဲ့အခါ (တစ်ခုမှမလုပ်ချင်ဘူး ပျင်းတယ်၊မသိဘူး ဒါပဲလုပ်မယ်ဆိုလည်း ရွှေသဘောတော်အတိုင်းပါပဲ) ရှားစောင်းလက်ပတ်အနှစ်လေးတွေကို မျက်နှာအနှံ့ငြင်ငြင်သာသာလိမ်းပေးထားလိုက်ပါ။ညမအိပ်ခင်အထိ ရေပြန်ဆေးချစရာမလိုပါဘူး။ပြီးပါပြီ။

 

မျက်နှာအရေခွံလဲတတ်တဲ့အသားအရည်ကိုပိုင်ဆိုင်ထားကြသူများ အထောက်အကူနည်းနည်းလေးဖြစ်ဖြစ်ရသွားရင်ကျေနပ်ပါပြီ။

501 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.