သင်ခရီးသွားနေတဲ့အချိန် ပင်ပန်းနွမ်းနယ်နေတဲ့ပုံမပေါက်ပဲလန်းဆန်းတက်ကြွနေပြီး သဘာဝအတိုင်းလှပနေစေမယ့် မိတ်ကပ်အပြင်အဆင်မျိုးလိုချင်တယ်ဆိုရင်တော့ ဒီအချက်လေးတွေကိုသတိရလိုက်ပါ။
၁။Mist
ရိုးရှင်းပြီးလှပတဲ့မျက်နှာလေးဖြစ်စေဖို့ Mist ကအဓိကလိုအပ်ပါတယ်။ မျက်နှာကိုအစိုဓာတ်ဖြည့်တင်းပေးပြီးစိုပြည်စေတဲ့အတွက်ခရီးသွားတဲ့အချိန်၊ကားပေါ်မှာဖြစ်ဖြစ်၊လေယာဉ်ပေါ်မှာဖြစ်ဖြစ် အလွယ်တကူဖြန်းပေးနိုင်ပါတယ်။ သင့်ကိုပိုပြီးလန်းဆန်းနေတဲ့ပုံပေါက်စေမှာပါ။
၂။ကရင်မ်မိတ်ကပ်
ကရင်မ်မိတ်ကပ်က လွယ်လွယ်ကူကူနဲ့လျင်မြန်စွာလိမ်းခြယ်နိုင်ပါတယ်။ခရီးသွားတဲ့အခါ ပေါင်ဒါမိတ်ကပ်ထက် ကရင်မ်မိတ်ကပ်ကိုယူဆောင်သွားဖို့အကြံပေးချင်ပါတယ်။ သဘာဝအတိုင်းမိတ်ကပ်သားညက်ပြီးလှပစေမှာပါ။
၃။အလှပြင်ပစ္စည်းအိတ်
အလှပြင်ပစ္စည်းတွေကိုတစ်စုတစ်စည်းထဲထားတာက ရှာရလွယ်ကူသလို အလှပြင်တာလည်းအချိန်ကုန်သက်သာစေပါတယ်။ အိတ်အကြည်လေးနဲ့ထည့်ရင်ပိုပြီးကောင်းပါတယ်။
၎။ဟိုတယ်ကဆပ်ပြာတွေမသုံးပါနဲ့
ခရီးသွားတဲ့အခါမှာ လက်လိမ်းကရင်မ်ကလည်းလိုအပ်တဲ့အရာတစ်ခုပါပဲ။ ဟိုတယ်ကပေးတဲ့ဆပ်ပြာဖြစ်စေ၊တခြားဆပ်ပြာဖြစ်စေ ကိုယ်သုံးနေကျ မဟုတ်တဲ့အတွက်အသားအရည်နဲ့တည့်မတည့်သေချာမသိသလို အဲ့ဒီဆပ်ပြာတွေကဈေးလည်းသက်သာတဲ့အတွက်သင့်အရေပြားကိုထိရောက်အောင်ကာကွယ်ပေးနိုင်မှာမဟုတ်ပါဘူး။လက်လိမ်းကရင်မ်ဘူးကိုယူထည့်လာဖို့မမေ့ပါနဲ့။
၅။Dry Shampoo သုံးပါ
ခရီးသွားတာဟာလေထုနဲ့များစွာထိတွေ့ရတဲ့အတွက် ဆံပင်တွေကိုပျက်စီးစေပါတယ်။ အဲ့ဒါကြောင့်ခရီးသွားတဲ့အခါ Dry Shampoo ကိုယူသွားပါ။လိုအပ်တဲ့အချိန်မှာ အနည်းငယ်ယူပြီးဆံပင်တွေကိုသန့်စင်ဆေးကြောပေးနိုင်ပါတယ်။အဆီတွေစုပ်ယူပေးနိုင်သလို ဆံပင်ကိုလည်းအလွယ်တကူမပျက်စီးစေပါဘူး။
၆။Moisturiser
ခရီးထွက်တဲ့အခါတိုင်းမရှိမဖြစ်ပါ။ခရီးသွားတဲ့အခါအနည်းနဲ့အများအသားအရည်ပျက်စီးပြောင်းလဲတာတွေကြုံလာနိုင်ပါတယ်။သင့်ခန္ဓာကိုယ်အသားအရည်အစိုဓာတ်ပြည့်ဝနေစေဖို့ Moisturiser ကောင်းကောင်းလိုအပ်ပါတယ်။
၇။မျက်နှာသစ်ဆေး
နောက်ဆုံးအနေနဲ့ အဓိကလိုအပ်တဲ့အရာကတော့မျက်နှာသစ်ဆေးပါ။ မမေ့မလျော့ထည့်ထားပါ။မိတ်ကပ်တွေလိမ်းပြီးရင် ပြန်ပြီးသန့်စင်ပေးဖို့ မျက်နှာသစ်ဆေးလိုအပ်ပါတယ်။မပါလာလို့ဆိုပြီး ကိုယ်တိုက်ဆပ်ပြာတွေနဲ့မသစ်ပါနဲ့။ အနီးစပ်ဆုံးဆိုင်ရှာပြီးမျက်နှာသစ်ဆေးဝယ်ဖို့အကြံပေးချင်ပါတယ်။လုံးဝမရှိဘူးဆိုရင်တော့ အုန်းဆီကိုသုံးပြီးဖျက်ပေးပါ။ခဏနေရင်ရေသန့်သန့်နဲ့သေချာဆေးကြောပေးပါ။
