သူထိုးထားတဲ့ တက်တူးအတိုင်း လိုက်ထိုးကြတဲ့ မိန်းကလေးပရိသတ်တွေအတွက် စိတ်ပူစကားဆိုလာတဲ့ အောင်ရဲလင်း

14328869_1798724280386482_311985902_n.jpg

အောင်ရဲလင်းလို့ဆိုလိုက်တာနဲ့ အပြောင်းအလဲမျိုးစုံနဲ့တွေ့နေရပြီး ဖက်ရှင်ကျတဲ့ လူတစ်ယောက်ကို ပြေးမြင်မိကြမှာပါ။ ၂၀၁၅ ခုနှစ်နဲ့ ၂၀၁၆ ခုနှစ်များဟာသူ့ရဲ့ဖက်ရှင်နဲ့ပြောင်းလဲမှုကို ပရိသတ်အများ လက်ခံခဲ့ကြတဲ့နှစ်တွေလို့ဆိုရင်လဲ မမှားပါဘူး။ ဖက်ရှင်နဲ့ပတ်သက်ပြီး ပိုက်ဆံမနှမြောကြောင်း ဖွင့်ဟလာတဲ့ အောင်ရဲလင်းက စပြီးပြောင်းလဲခါစနဲ့ယှဉ်ရင် အခုနောက်ပိုင်း ပရိသတ်မျက်လုံးထဲမှာ ပိုအသားကျလာတယ်လို့ခံစားရကြောင်းကိုလဲ ပြောပြလာပါသေးတယ်။ ဒါ့အပြင် ဖက်ရှင်နဲ့လိုက်ဖက်အောင် ထိုးလေ့ရှိတဲ့ သူ့ခန္ဒာကိုယ်ပေါ်က တက်တူးများနဲ့ပတ်သက်ပြီး ပြည့်စုံစွာပြောပြလာသလို လက်ရှိမှာရိုက်ကူးဖြစ်နေတဲ့ ရုပ်ရှင်ဇာတ်ကားကြီးအကြောင်းကိုပါပြည့်စုံစွာပြောပြလာတဲ့ အောင်ရဲလင်းနဲ့တွေ့ဆုံခိုက်

-အခုရိုက်နေတဲ့ ကားကြီးအကြောင်းကို အရင်ပြောပြပေးပါဦး။

အခုရိုက်နေတဲ့ကားက အချိုဆုံးအချစ်၊ အပြင်းဆုံးအဆိပ်တဲ့။ ဒါရိုက်တာက ကိုဇော်၊ မင်းသမီးက မအူဝဲရယ်၊ ပက်ထရစ်ရှာရယ်ပါ။ ဒီကားထဲမှာ ကျွန်တော်က ကားပွဲစားလဲလုပ်တယ်။ အလုပ်စုံလုပ်တယ်။ မအူဝဲက ကျွန်တော်ရဲ့မမကြီးပေါ့။

-ဒါပြီးရင်ဘာတွေလက်ခံထားတာရှိဦးမလဲ။

လောလောဆယ်ဘာမှတော့မရှိသေးဘူး။ ဒါပေမဲ့ ဦးခင်စောမျိုးနဲ့ရိုက်ဖို့ရှိတယ်။ အဲ့ဒါကတော့ မရိုက်ခင်နည်းနည်းပြင်ဆင်စရာရှိတာလေးတွေပြင်ဆင်ရဦးမယ်။ အဲ့ဒါလဲကားကြီးပါပဲ။

-ကားကြီးတွေပဲရိုက်ဖြစ်နေတာလား။ ဗီဒီယိုအနေနဲ့ကရော။

ဗီဒီယိုလဲရိုက်ဖြစ်ပါတယ်။ ဟိုနေ့ကမှ စနိုးဝှိုက်ကရိုက်တဲ့ဗီဒီယိုကားလေးပြီးသွားတာပါ။

-ဒါနဲ့အရှေ့မှာ အစ်ကို့ပရိသတ်တစ်ယောက်မွေးနေ့အတွက် birthday wish သွားလုပ်ပေးတဲ့ ဗီဒီယိုလေးက လူမှုကွန်ယက်ပေါ်မှာ အတော်လေး ပျံ့နှံ့သွားသေးတယ်နော်။

အဓိကကတော့ ကျွန်တော့်သူငယ်ချင်းရဲ့ကောင်မလေးဖြစ်နေလို့ပါ။ ကောင်မလေးကလဲ ကျွန်တော့ကို အားပေးပါတယ်။ အဲ့ဒီကောင်မလေးနဲ့ကျွန်တော်ကလဲ အရင်က Gym ဆော့ရင်းနဲ့Summit မှာခင်တယ်။ ဒါပေမဲ့မတွေ့တာလဲကြာပြီဆိုတော့ ကျွန်တော့်အနေနဲ့အမှတ်တရလေးဖြစ်အောင် လုပ်ပေးဖြစ်တာပါ။ ဒါပေမဲ့ဖေ့စ်ဘွတ်ပေါ်တင်မယ်မှန်းလဲ မသိပါဘူး။ ဒါပေမဲ့တင်လိုက်တဲ့အခါမှာတော့ ကြိုက်တဲ့သူတွေလဲကြိုက်ကြတာပဲ။ မကြိုက်တဲ့သူတွေလဲမကြိုက်ကြဘူးပေါ့လေ။ ဒါပေမဲ့ကျွန်တော့်အနေနဲ့ကတော့ စေတနာနဲ့လုပ်ပေးလိုက်တာဖြစ်တဲ့အတွက် အမှတ်တရဖြစ်ပါတယ်။

-တက်တူးနဲ့ပတ်သက်ပြီးတော့လဲ နောက်ထပ်အသစ်ထိုးဖို့ရှိမရှိကိုသိချင်ပါသေးတယ်။

ကျွန်တော်ကတော့ ဘ၀နဲ့ပတ်သက်တာတွေပဲထိုးမှာဖြစ်တဲ့အတွက်ကြောင့် စိတ်ကူးထဲမှာပေါ်လာရင်ပေါ်လာသလိုထိုးမှာဖြစ်တဲ့အတွက် ဘာထိုးမလဲဆိုတာကို သေချာမစဉ်းစားရသေးဘူး။ ဒါပေမဲ့ထိုးတာတော့ထိုးသွားမယ်။

-အစ်ကို့တက်တူးလေးတွေကို အစ်ကို့ကိုအားပေးနေတဲ့ ပရိသတ်တွေ လိုက်ထိုးတာမျိုးလဲရှိတယ်ဆိုတော့ အဲ့ဒီအပေါ် အစ်ကို့ရဲ့ Feeling လေးကိုလဲသိချင်ပါတယ်။

ဘာပဲဖြစ်ဖြစ်ဝမ်းသာတာပေါ့ဗျာ။ ဒါပေမဲ့ တစ်ခုတော့ရှိတာပေါ့။ မိန်းကလေးတွေအနေနဲ့တက်တူးအရမ်းများသွားရင်လဲ မလိုက်တဲ့အတွက် ကိုယ်ထိုးထားတဲ့အတိုင်း ကိုယ့်တက်တူးလေးတွေနဲ့ဆင်တူလိုက်ထိုးထားတာကို ၀မ်းသာပါတယ်။  ကျွန်တော်ကိုယ်တိုင်လဲ ဘ၀နဲ့ပတ်သက်တဲ့ဟာလေးတွေပဲ ကျွန်တော်ထိုးထားတာပါ။ ဒါပေမဲ့ တချို့ဟာတွေကြိုက်တယ်ဆိုရင်လဲ ကိုယ့်ဘ၀နဲ့ပတ်သက်တဲ့ဟာတွေပဲ လိုက်ထိုးစေချင်တယ်။ ကိုယ်နဲ့မပတ်သက်ပဲ လိုက်ထိုးတဲ့အခါကျတော့ သူတို့အတွက်နစ်နာမှာစိုးလို့ပါ။ 

-အစ်ကိုထိုးထားတဲ့ တက်တူးတွေနဲ့အစ်ကို့ဘော်ဒီနဲ့ကလိုက်ဖက်နေတာကိုတွေ့ရတယ်ပေါ့။ တက်တူးတစ်ခုထိုးရင်ဘယ်လိုမျိုးစဉ်းစားပြီးထိုးဖြစ်လဲ။

တက်တူးဆရာတွေနဲ့လဲတိုင်ပင်ဖြစ်တယ်။ ကိုယ့်အိုင်ဒီယာလဲကိုယ်ပြောပြတယ်။ အများကြီးပါပဲ။ တက်တူးကတော့ ဖျက်လို့မရတဲ့အရာဖြစ်တဲ့အတွက်ထိုးခါနီးဆို အများကြီးစဉ်းစားရတယ်။ နောက်ကိုယ်ထိုးမဲ့ပုံနဲ့ကိုယ့်ခန္ဒာကိုယ်နဲ့ကလိုက်မလိုက်ကကြည့်ရသေးတယ်လေ။ လိုက်ဖက်မှလဲ ထိုးလို့ရတာလေ။ ပုံဖြစ်ပြီးရင်ဆိုပြီးထိုးရင်လဲ အဆင်မပြေပြန်ဘူး။ တက်တူးနဲ့ဖက်ရှင်နဲ့ကထိုးတဲ့ဟာက ကိုယ့်ဘ၀နဲ့လဲသက်ဆိုင်သလို ဖက်ရှင်လဲကျနေရမယ်ပေါ့။ ကိုယ်ဝတ်မဲ့အ၀တ်အစားနဲ့လဲလိုက်ဖက်တာမျိုးဖြစ်နေရမယ်။ အဲ့ဒါကြောင့်အဲ့ဒီလိုလေးစဉ်းစားပြီးထိုးတာဖြစ်တဲ့အတွက် ခဏခဏထိုးနေတာထက်စာရင် အကြာကြီးနေမှတစ်ပုံထိုးတာကောင်းပါတယ်။

-ဒီ ၂၀၁၅ ၊ ၂၀၁၆ ၀န်းကျင်းမှာဆိုရင် အစ်ကို့ဖက်ရှင်နဲ့ပတ်သက်ပြီး ပရိသတ်ရဲ့အားပေးလက်ခံမှုကို အပြည့်အ၀ရခဲ့တယ်။ အရင်ကဆို အန်တီကစီစဉ်ပေးနေကြဆိုတော့ အခုရော အန်တီပဲစီစဉ်ပေးတာပါ။ အစ်ကို့ဟာအစ်ကိုစီစဉ်တာလား။ Stylist တွေဘာတွေရောရှိလား။

Stylist တော့မရှိဘူးဗျ။ အရင်ကတော့အမေပဲတစ်ယောက်တည်းစီစဉ်တာပေါ့။ အခုနောက်ပိုင်းကျတော့ ကျွန်တော်လဲစီစဉ်ဖြစ်တယ်။ ကျွန်တော်ကတော့ ဖက်ရှင်နဲ့ပတ်သက်ရင်အမြဲလေ့လာတယ်။ ဖက်ရှင်ကို အမြဲလိုလိုသတိထားပြီးကြည့်ဖြစ်တယ်။ ဘယ်အရာပဲတွေ့တွေ့လေ့လာတယ်။ နောက်ယောကျာ်းလေးဖြစ်တဲ့အတွက် ယောကျာ်းဆန်တဲ့ ဖက်ရှင်ကိုပိုပြီးလေ့လာဖြစ်တယ်။ နောက်ကျွန်တော်နိုင်ငံခြားအမြဲသွားတယ်။ နိုင်ငံခြားမှာလဲ အ၀တ်အစားဆိုကြိုက်ရင်ဝယ်တာပဲ။ နှမြောတာတွေဘာတွေ သိပ်မရှိဘူး။ ဖက်ရှင်ကိုလိုက်တဲ့ သူတွေကတော့ အနည်းနဲ့အများပိုက်ဆံကုန်ကြတာပဲလေ။ အဲ့ဒီအတွက်တော့ကျွန်တော်မနှမြောပါဘူး။ ပုံစံလဲလုံးဝပြောင်းသွားတယ်။ ကိုယ်ကိုတိုင်လေ့လာထားတဲ့ဟာတွေဖြစ်တဲ့အတွက်ယုံကြည်မှုလဲပိုရှိတာပေါ့လေ။ ဓာတ်ပုံတွေဘာတွေရိုက်တဲ့အခါမျိုးမှာလဲ ယောကျာ်းဆန်တယ်။ ယောကျာ်းပိုပီသလာတယ်။ ပိုပြီးမိုက်လာတယ်။ အရင်ကထက်စာရင်တော့ ကွဲသွားတယ်ပေါ့။

-အမြဲတမ်းပြောင်းလဲမှုတွေဖြစ်နေအောင်ရော ဘယ်လိုမျိုးလေးအားစိုက်ရတဲ့အပိုင်းတွေရှိမလဲ။

ကျွန်တော်ကိုယ်တိုင်ကိုက တီထွင်ဖန်တီးရတာကိုကြိုက်တယ်။ ပြီးတော့ရုပ်ပြောင်းရုပ်လွှဲကိုကြိုက်တယ်။ ရုပ်ကတသမတ်တည်း ရှိနေတာကိုမကြိုက်ဘူး။ ကျွန်တော်ကိုယ်တိုင်ကအဲ့ဒီလိုမျိုးကိုကြိုက်တယ်။ ကိုယ့်ကိုကိုယ်မှန်ထဲကြည့်မိတဲ့အခါ ရိုးနေပြီဆိုရင် ဒါသေချာတယ်။ ကိုယ့်ဟာကိုယ်တောင်ရိုးမှတော့ ပရိသတ်လဲရိုးပြီပေါ့။ မှန်ထဲကြည့်လိုက်တဲ့အချိန်မှာကိုယ့်ကိုကိုယ် မရိုးနေဖို့လိုတယ်။ ပြောင်းလဲတဲ့အပိုင်းနဲ့ပတ်သက်ပြီးစပြောင်းလဲကာစတုန်းကတော့ ဝေဖန်မှုတွေအရမ်းခံရတယ်။ ဒါပေမဲ့ပြောင်းခါစမှာ အံမ၀င်တာမျိုးကဖြစ်တတ်ပါတယ်။ ဒါပေမဲ့ပြောင်းပြီးနောက်ပိုင်းမှာတော့ အံဝင်လာတယ်။ ကိုယ်နဲ့ဘယ်ဟာလိုက်လဲဆိုတာကိုပိုသိလာတယ်။

-ဖေ့စ်ဘွတ်လူမှုကွန်ယက်မှာက ကောင်းတာတွေလဲရှိသလို ဆိုးတာတွေလဲရှိတော့ ဒီမြန်မာနိုင်ငံကလူတွေသုံးတဲ့ ဖေ့စ်ဘွတ်လူမှုကွန်ယက်အပေါ် အစ်ကို့အမြင်လေးကိုလဲသိချင်ပါတယ်။

ကျွန်တော်ကတော့ ဘယ်လိုမှမမြင်တတ်ပါဘူး။ ဘာလို့လဲဆိုတော့ လူတိုင်းလူတိုင်းမှာကြိုက်တယ်။ မကြိုက်ဘူးဆိုတာ ပြောပိုင်ခွင့်ရှိကြတာပဲလေ။ ပြီးတော့ ကျွန်တော်တို့အနေနဲ့ခံယူထားတာကတော့ ကျွန်တော်လုပ်တဲ့အနုပညာကို လူဆယ်ယောက်မှာ ဆယ်ယောက်စလုံးကလက်ခံနိုင်တယ်ဆိုတာမဖြစ်နိုင်ဘူး။ လူဆယ်ယောက်မှာ လေးယောက်လောက်ပဲကြိုက်ချင်ကြိုက်မယ်။ ငါးယောက်လောက်ပဲကြိုက်ချင်ကြိုက်မယ်။ အဲ့ဒီထက်ပိုများလာရင် ခုနစ်ယောက်ကြိုက်ချင်ကြိုက်မယ်။ အဲ့ဒီထက်ပိုများလာရင်ရှစ်ယောက်ကြိုက်ချင်ကြိုက်မယ်။ အဲ့ဒီလိုမျိုးခံယူထားတဲ့အတွက်ကြောင့် ကျွန်တော်လုပ်ချင်တဲ့အရာကိုပဲဦးတည်ပြီးလုပ်သွားတာပေါ့။ ပြောင်းလဲသွားတာနဲ့အမျှ ဒီဟာပြောင်းလိုက်တဲ့အချိန်မှာ ကြိုက်တဲ့သူလဲကြိုက်မယ်။ မကြိုက်တဲ့သူလဲမကြိုက်ဘူး။ အရင်ကြိုက်နေတဲ့သူတွေလဲမကြိုက်တာမျိုးရှိနိုင်တယ်။ အရင်ကမကြိုက်သေးတဲ့သူတွေလဲကြိုက်ရင်ကြိုက်သွားနိုင်တယ်။ ဒီဖေ့စ်ဘွတ်နဲ့ပတ်သက်ပြီးတော့ ပြောစရာမဘာမှမရှိပါဘူး။ အဓိကက ကျွန်တော်ခံယူထားတာလေးတစ်ခုပါပဲ။ ကျွန်တော်တို့အနုပညာအလုပ်ဆိုတာ ဝေဖန်တာလဲကျွန်တော်တို့ခံရမှာပဲ။ ချီးကျူးတာလဲခံရမှာပဲ။ ဘာလို့လဲဆိုတော့ ကျွန်တော်တို့လုပ်နေတဲ့အလုပ်ကိုက အနုပညာအလုပ်ဖြစ်နေတာကိုး။ ဒီအလုပ်ဆိုတာ လူတိုင်းမကြိုက်နိုင်ဘူးလေ။  

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.