ပျင်းတယ်ဆိုတာ ဥာဏ်အရမ်းကောင်းလွန်းတာကြောင့်ဖြစ်

picmonkey_collage_192.jpg
Florida Gulf Coast တက္ကသိုလ်က သုတေသီတွေက ဥာဏ်ကောင်းလွန်းတဲ့သူတွေက ပျင်းရိတတ်တယ်ဆိုတဲ့အကြောင်း အကောင်းဆုံး သုတေသနအုပ်စုတစ်ခုကို အသုံးပြုပြီး သက်သေပြခဲ့ပါတယ်။ သင်ကပျင်းရိတတ်သူတစ်ယောက်ဆိုရင် သင့်အတွက် သတင်းကောင်းဖြစ်နိုင်ပါတယ်။ သင်က ဥာဏ်အရမ်းကောင်းတဲ့သူ တစ်ယောက်ဖြစ်ပါတယ်။တော်ရုံဥာဏ်ကောင်းတဲ့သူတစ်ယောက် မဟုတ်ဘဲ မပျင်းတဲ့သူတွေထက်ပိုပြီး ဥာဏ်ကောင်းတဲ့သူတစ်ယောက်လို့တောင် ပြောနိုင်ပါတယ်တဲ့။
 
သုတေသီတွေက စဉ်းစားတာကို ပိုပြီးအလေးပေးတဲ့အုပ်စုနဲ့ စဉ်းစားပြီးတာနဲ့ အကောင်အထည်ဖော်ရတာကို နှစ်သက်တဲ့ အုပ်စုနှစ်စုဆိုပြီး ခွဲခြားလေ့လာခဲ့ပါတယ်။ နောက်ပြီး သူတို့ရဲ့ လှုပ်ရှားမှုတွေနဲ့ ရလာတဲ့အတွေးတွေကို စောင့်ကြည့်မှတ်တမ်းတင်ခဲ့ပါတယ်။အချိန် ၇ ရက်ကြာပြီးနောက်မှာ ရလဒ်တွေရရှိခဲ့ပါတယ်။ အတွေးအခေါ်ကောင်းတွေထွက်တဲ့ အတွေးသမားတွေက သိပ်မတွေးတတ်တဲ့သူတွေထက် လှုပ်ရှားမှုနည်းတာကို တွေ့ရှိခဲ့ရပါတယ်။ ဒီနေရာမှာ ပျင်းတယ်ဆိုတာက တကယ်တော့ လှုပ်ရှားတက်ကြွမှုနည်းတာကို ဆိုလိုချင်တာဖြစ်ပါတယ်။
 
ဒီအဓိပ္ပါယ်ကို သိပ္ပံပညာရှင်တွေက ဆန်းစစ်ရင်း အဖြေရရှိခဲ့ပါတယ်။ ဥာဏ်အရမ်းထက်မြက်လွန်းတဲ့သူတွေက ပိုပြီး ပျင်းတယ်လို့ထင်ရတာက အကြောင်းအရာတစ်ခုခုအပေါ်ကို အချိန်ကြာကြာ လေးလေးနက်နက် အာရုံစူးစိုက်ထားတဲ့အတွက်ဖြစ်ပါတယ်။ ဦးနှောက်က အတွေးပေါ်မှာ ရောက်နေတဲ့အတွက် ခန္ဓာကိုယ်လှုပ်ရှားမှုနည်းသွားတာ ဖြစ်ပါတယ်။ တနည်းပြောရရင် ဥာဏ်ကောင်းတဲ့သူတွေက စာဖတ်ရင်း၊ တရေးတမောအိပ်ရင်း၊ ငေးမောနေရင်းနဲ့ စဉ်းစားတွေးခေါ်နေတာဖြစ်ပါတယ်။ ဥာဏ်မကောင်းတဲ့သူတွေကတော့ ခေါင်းထဲက စဉ်းစားနေရတာကို ပိုပင်ပန်းသလိုခံစားရပြီး မတွေးတော့ဘဲ အလုပ်ပဲထလုပ်လိုက်တာ ပိုလွယ်တယ်လို့ ခံစားမိတဲ့သူတွေ ဖြစ်ပါတယ်။
 
ကိုယ်နေ့လည် တရေးအိပ်တာ၊ ပက်လက်ကုလားထိုင်မှာ တွေတွေငေးငေးနဲ့ ထိုင်နေတတ်တာတွေကို အတင်းပြောတတ်တဲ့သူတွေကို ဒီသုတေသနရလဒ်လေးတွေဖတ်ပြပြီး ပျင်းတယ်လို့ထင်ရတာက ဦးနှောက်ထဲမှာ အပြင်းအထန်အလုပ်ပေးနေတဲ့အတွက် ဖြစ်ပါတယ်ဆိုတာကို အသိပေး မျှဝေပေးလိုက်ပါ။ 
 
Ref:yourtango
 
464 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.