အိပ်ယာစောစော ၀င်ပြီး နှစ်နှစ်ခြိုက်ခြိုက် အိပ်ပျော်ချင်သူများ ဒီနည်းလေးတွေ မဖြစ်မနေ လိုက်နာရန်လို

sleepfaster2.jpg

ညဘက်တွေ အိပ်ရာဝင်တာနောက်ကျတဲ့အခါ မနက်ပိုင်း အိပ်ယာထတဲ့အချိန်ပါ နောက်ကျသွားတတ်တာ သဘာဝပါ။ တစ်ချို့ကျတော့လည်း မနက်ပိုင်း အလုပ်ရှိတာမို့ စောစောကလည်း ထရသေး၊ ညဘက်တွေလည်း စောစော အိပ်ယာမ၀င်တတ် ဖြစ်ကြရပါတယ်။ အဲ့ဒီလို လူမျိုးတွေဟာ အိပ်ရေးမ၀တဲ့အတွက် ကျန်းမာရေးဆိုးကျိုးတွေ အများကြီး ခံစားကြရတာပါ။ ညဘက်ဘယ်လောက်နောက်ကျနောက်ကျ သင်ဟာ မနက်ပိုင်း စောစောထရသူဆိုရင် အနည်းဆုံး ည ၁၁နာရီ  မဖြစ်မနေ အိပ်ယာဝင်သင့်ပါတယ်။ ဒီတော့ ပုံမှန် အိပ်ယာစောစောဝင်တဲ့ အကျင့်လေးတစ်ခု ဖြစ်လာဖို့ ဘာတွေလုပ်ဆောင်ဖို့ လိုအပ်လိမ့်မလဲ။

၁။ မအိပ်ခင် ၁နာရီကျော်လောက်ကတည်းက ဖုန်းကို လုံးဝမသုံးပါနဲ့တော့။

အစပိုင်းရက်တွေမှာ ဒီအကျင့်လုပ်ဖို့ ခက်ခဲမှာ ဖြစ်ပေမယ့် ကြိုးစားလုပ်ဆောင်ကြည့်ပါ။ သင်ဟာ ည ၁၁နာရီလောက် အိပ်ယာဝင်မယ်လို့ ဆုံးဖြတ်ထားရင် ည၁၀နာရီလောက်ကတည်းက ဖုန်းကိုလုံးဝမသုံးပါနဲ့တော့၊ ဖုန်းတောက်လျှောက်သုံးခြင်းဟာ သင့်ကို အလွယ်တကူ အိပ်ပျော်စေဖို့ ခက်ခဲတတ်တာကြောင့်ပါ။

၂။ ချရေးပါ။

သင့်အလုပ်မှာ ဒါမှမဟုတ် ကျောင်းမှာ စိတ်ပူပန်စရာ၊ ဖိစီးမှုတွေ ခံစားနေရရင် အချိန် ငါးမိနစ်၊ ဆယ်မိနစ်လောက်ယူပြီး သင်လုပ်ဆောင်ရမယ့် အရာတွေကို ချရေးလိုက်ပါ။ နောက်နေ့မှာ သင်ဘာတွေစလုပ်မယ်၊ ပြီးရင်ဘာလုပ်မယ် ဆိုတာမျိုးပေါ့။ ဒါ့အပြင် စိတ်ဖိစီးမှုတွေရှိရင်လည်း စာရွက်ပေါ်ချရေးလိုက်ပါ။ နောက်နေ့မနက် ဘာတွေလုပ်မယ်ဆိုတာမျိုး သင်ပြင်ဆင်ပြီးသွားရင် ဒီဖိစီးမှုတွေကြောင့် သင်ညဘက်မှာ တရေးခဏခဏ မနိုးတော့ဘူးပေါ့။

၃။ အိပ်တော့မယ်ဆိုတာနဲ့ ဖုန်းကို ခပ်ဝေးဝေးမှာ ထားလိုက်ပါ။

ဖုန်းကို ခေါင်းဦးနားထားအိပ်ခြင်းက သင့်ကျန်းမာရေးအတွက် မကောင်းဘူးဆိုတာ တစ်ကြောင်းပါ။ နောက်တစ်ခုကတော့ ဖုန်းဘေးနားရှိနေရင် အိပ်မပျော်ဘူးလို့ ခံစားရတာနဲ့ ဖုန်းကို ကောက်ဖွင့်ပြီး ဟိုလုပ်ဒီလုပ် လုပ်မိနေပါလိမ့်မယ်။ ဒါ့အပြင် ကိုယ်အိပ်ရမယ့်အချိန်မှာ အိပ်မပျော်သေးတဲ့အခါ စိတ်ပူပြီး ဖုန်းကို ပြန်ပြန်ဖွင့်ပြီး ဘယ်နှစ်နာရီရှိပြီလဲ ကြည့်မိနေတာမျိုး မဖြစ်စေဖို့ ဖုန်းကို သင့်ကုတင်ရဲ့ ခပ်ဝေးဝေးမှာထားလိုက်ပါ။

၎။ ကိုယ်လက်လေ့ကျင့်ခန်းကို မနက်ပိုင်းတွေမှာသာ လုပ်ပါ။

သင်ဟာညဘက်တွေမှာ တက်ကြွလွန်နေတယ်ဆိုရင်တော့ သင်ကိုယ်လက်လေ့ကျင့်ခန်းလုပ်တဲ့အချိန်ဟာ ဘယ်အချိန်လဲဆိုတာ ပြန်စဉ်းစားဖို့ အချိန်ရောက်ပါပြီ။ ညနေပိုင်း ကိုယ်လက်လေ့ကျင့်ခန်းလုပ်တယ်၊ GYM ဆော့တယ်ဆိုရင် ဆော့တဲ့အချိန်ဟာ အိပ်ယာမ၀င်ခင်နဲ့ လေးနာရီခြားထားရပါမယ်။ တကယ်တော့ မနက်ပိုင်း GYM ဆော့ပေးခြင်းဟာ သင်အိပ်ယာဝင်တဲ့အခါ ပိုနှစ်ခြိုက်စွာ အိပ်ပျော်စေနိုင်ပါတယ်။

၅။ အိပ်ချိန်ကို အတတ်နိုင်ဆုံး ပုံမှန်ထားပါ။

အိပ်ချိန်သတ်မှတ်ထားတယ်ဆိုတာ ကလေးတွေအတွက်ပဲ မဟုတ်ပါဘူး။ တကယ်လို့ သင်ဟာ အိပ်ချိန်ကို သတ်သတ်မှတ်မှတ်ထားပြီး အိပ်ယာဝင်မယ်ဆိုရင် နောက်ပိုင်းကျင့်သားရလာတဲ့အခါ မနက်ပိုင်းနွမ်းနယ်နေတဲ့ စိတ်ခံစားချက် တွေ ရှိမှာ မဟုတ်တော့ပါဘူး။ ဒီတော့ ပုံမှန်အိပ်ယာဝင်တဲ့အကျင့်လေး လုပ်ပေးပါ။

Ref:shefinds

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.