သွားတွေ ယိုယွင်းပျက်စီးစေတဲ့ အလေ့အကျင့်ဆိုးများ

xteethbad-11-1470913565.jpg.pagespeed.ic_.h8dyc5e6gg.jpg

မနက်၊ ည သွားတိုက်ခြင်းနဲ့ တစ်ခုခုစားပြီးတိုင်း မိမိပါးစပ်ကိုသေချာဆေးကြောသန့်စင်ခြင်းဖြင့် သွားတွေ ဂရုစိုက်ထိန်းသိမ်းဖို့ ငယ်ငယ်ကတည်းက အသိပေးခံခဲ့ကြပါတယ်။ ဒါက သွားပိုးပေါက်တွေ မရှိစေဘဲ သွားတွေ ကြာရှည် ကျန်းမာသန်စွမ်း စေပါလိမ့်မယ်။ ဒါပေမယ့် ကြီးပြင်းလာတဲ့အချိန်ကျတော့ ရေရှည်မှာ သွားတွေ သေချာပေါက် ပျက်စီးစေမယ့် အရာတွေ ပြုလုပ်ကြပါတယ်။ ဒါတွေက သွားတွေ ခိုင်ခံ့ပြီး အန္တရာယ်မဖြစ်အောင် ရှောင်ကြဉ်သင့်တဲ့ အလေ့အကျင့်ဆိုးတွေ ဖြစ်ပါတယ်။

– တချို့မှာ ရေခဲကိုက်ဝါးတတ်တဲ့ အကျင့်ရှိကြပါတယ်။ ဒါက သွားတွေ ပျက်စီးစေပြီး အက်ရာပဲ့ရာသေးသေးလေးတွေ အမြဲပေါ်ဖြစ်စေပါတယ်။ နောက်ဆုံး သွားတွေ ကျိုးခြင်း၊ အက်ခြင်းတွေ ဖြစ်စေပါတယ်။

– ညအိပ်ခါနီး နို့သောက်တတ်တဲ့အကျင့်ရှိတဲ့ ကလေးတွေဟာ နို့မှာပါတဲ့ သကြားဓာတ်တွေ သွားကြွေကို ထိခိုက်စေပြီး သွားပိုးစားစေတာကြောင့် သွားယိုယွင်းပျက်စီးမှု အန္တရာယ်ရှိပါတယ်။

– ချောင်းဆိုးပျောက်အစက်ချဆေးရည်မှာ သကြားဓာတ်ပါဝင်မှု မြင့်မားပါတယ်။ လည်ချောင်းနာအတွက် ကောင်းမွန်ပေမယ့် လည်ချောင်းနာရှိတဲ့အချိန် တစ်နေကုန်အဆက်မပြတ် စုပ်နေပါက သွားပျက်စီးမှု ဖြစ်စေနိုင်ပါတယ်။

– ကလေးငယ်တွေ ဂျယ်လီသကြားလုံးကို အရမ်းကြိုက်နှစ်သက်ကြပါတယ်။ အဲဒီလိုသကြားလုံးတွေ စားပြီးတိုင်း ပါးစပ်ကို သေချာဆေးကြောပေးပါ။ သကြားလုံးမှာ ပါတဲ့အချိုဓာတ်က သွားတွေပေါ်ကပ်တွယ်ပြီး သွားပျက်စီးမှု ဖြစ်စေပါလိမ့်မယ်။

– ဆိုဒါကို မဖြစ်မနေရှောင်ကြဉ်ပါ။ ဆိုဒါမှာ အက်စစ်နဲ့ သကြားဓာတ်ပါဝင်မှု အလွန်မြင့်မားပြီး သွားပျက်စီးမှု ဖြစ်စေနိုင်ပါတယ်။

– သစ်သီးဖျော်ရည်တွေဟာ အာဟာရဓာတ် အလွန်မြင့်မားပေမယ့် ရေရှည်မှာ သွားတွေ အန္တရာယ်ဖြစ်စေနိုင် သကြားဓာတ်ပမာဏ အမြောက်အများပါဝင်နေကြောင်း လုံးဝမေ့ထားသင့်ပါဘူး။ ဆိုတော့ သစ်သီးဖျော်ရည်အစား အသီးတွေကိုပဲ ရွေးချယ်စားသုံးပါ။ 

Ref: boldsky 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.