လူပေါင်းစုံနဲ့ဆက်ဆံရတဲ့ အနုပညာသည် တစ်ယောက်ဖြစ်နေပေမဲ့ တကယ့်တကယ်က လူအရမ်းကြောက်တတ်တယ်လို့ ဆိုလာတဲ့ နန်းမြတ်ဖြိုးသင်း

13957050_1782735351985375_1504522614_n.jpg

ဇာတ်လမ်းတွဲတွေများစွာမှာ ပါဝင်သရုပ်ဆောင်ခွင့်ရခဲ့သလို ဇာတ်လမ်းတွဲနဲ့ပတ်သက်ပြီး အကျိုးပေးတယ်လို့ပြောလာသူကတော့ နန်းမြတ်ဖြိုးသင်းပါ။ လက်ရှိမှာထုတ်လွှင်ပြသနေတဲ့ ရွှေမိုးငွေမိုးသွန်းဖြိုးလို့ ရွာ ဇာတ်လမ်းတွဲကို လဲ ပရိသတ်အများ လက်ခံအားပေးကြသလို အဆိုပါဇာတ်လမ်းတွဲရိုက်ကူးရင်း ရိုက်နေရင်းထိုင်ရယ်နေရတဲ့ အမှတ်တရတွေကိုလဲ နန်းမြတ်ကပျော်ရွှင်စွာပြောပြလာပါသေးတယ်။ မကြာသေးခင်ကမှရေဘေးအတွက် မန္တလေးမြို့မှာ ဗီဒီယိုအခြေခံအဖွဲ့နဲ့အတူ သွားရောက်ကာ သီချင်းသွားဆိုဖြစ်တဲ့ နန်းမြတ်ရဲ့လက်ရှိအနုပညာလှုပ်ရှားမှုများကို မေးမြန်းဖြစ်တဲ့အခါ

-အခုရိုက်နေတဲ့ကားလေးအကြောင်းကို အရင်ပြောပြပေးပါဦး။

အခုရိုက်နေတဲ့ကားလေးက Other Side 2 ပေါ့နော်။ ဒါရိုက်တာက ကိုပေါက်၊ သရုပ်ဆောင်တွေက ကိုမြင့်မြတ်ရယ်၊ နန်းမြတ်ရယ်၊ ဆုအိမ့်စံရယ်ပါ။ နန်းမြတ်ကဒီထဲမှာရဲမေ အပြင်က ကာရိုက်တာနဲ့တော့ အများကြီးကွာပါတယ်။ မရိုက်ခင်တော့ နန်းမြတ်ရဲနဲ့ပတ်သက်တဲ့ ကျွမ်းကျင်သူတွေကိုမေးရတာပေါ့နော်။ ဘာလို့လဲဆိုတော့ နန်းမြတ်ရဲနဲ့ပတ်သက်ပြီးတစ်ခါမှမရိုက်ဖူးဘူး။ အလေးပြုတာကအစ ၊ ဦးထုပ်ချွတ်တာဝတ်တာအဆုံးသေချာလေ့လာဖြစ်တယ်။

-ဒီကားမတိုင်ခင်ကရော နန်းမြတ်ဘာတွေလုပ်ဖြစ်နေလဲ။

နန်းမြတ်သီချင်းလုပ်ဖြစ်နေတယ်ပေါ့။ အတီးအပ်နေတာတွေ၊ စာသားအပ်နေတာတွေ လုပ်နေတယ်။ သီချင်းတွေကတော့ အသစ်ဖြစ်မယ်။ တေးရေးတွေဆီမှာလဲ အကုန်အပ်ထားပြီးပြီ။ သီချင်းကအနှေးလေးတွေလဲပါမယ်။ နောက်တစ်မျိုးက နည်းနည်း Cute ဖြစ်တာထက် အမြူး Summer House ဖြစ်တာမျိုးပေါ့။ အဲ့ဒီလိုမျိုးလေးလဲထည့်မယ်လို့စဉ်းစားထားတယ်။ နန်းမြတ်ခုစဉ်းစားနေတာက အော်ဒီယိုပဲထုတ်ဖြစ်မလား။ အမ်တီဗီပါတွဲထုတ်ရမလားပေါ့။ Audio ပဲဆိုမြန်မှာပေါ့။ အမ်တီဗီနဲ့ပေါင်းထုတ်ဖြစ်ရင် ကြာမယ်။ ၇ပုဒ်၊ ၈ပုဒ်လောက်ကိုမှ မီနီမကျ ဆိုလိုမကျပေါ့။

-အခုနောက်ပိုင်းကျတော့ ခိုးကူးထက်ဆိုးနေတာက link ခေတ်ဆိုတော့လေ။ အဲ့ဒါနဲ့ပတ်သက်ပြီးတော့ရော။

ဟုတ်တယ်။ link ကလဲရှိတော့ ဒီ link ကိစ္စကို ဘယ်လိုလုပ်ရင်ကောင်းမလဲပေါ့။ link ပဲထုတ်ပြီးပေးလိုက်ရကောင်းမလား။ ဘာလို့လဲဆိုတော့ကိုယ်တွေမှာက အခွေတစ်ခွေထွက်ဖို့အတွက်ဆို အရင်းတွေအများကြီးရှိတယ်။ စီဒီချပ်အရင်း၊ ကူးခအရင်း ပြီးရင်ကာဗာအရင်း အများကြီးပေါ့။ ဒါတွေကအသုံးမ၀င်မဲ့ အတူတူမလုပ်တော့ရင်ကောင်းမလားပေါ့။ ဒါကလဲတစ်မျိုးစဉ်းစားကြည့်တာပါ။ ကိုယ့်ထက်စီနီယာတွေနဲ့ကတိုင်ပင်ရဦးမှာပါ။ ဖြန့်ချိရေးတွေနဲ့ရောပေါ့။ နန်းမြတ်ကတော့ ကိုယ့်အိုင်ဒီယာတစ်ခုကိုစဉ်းစားကြည့်တာပါ။

-ဒီကားထဲမှာက ကိုယ့်ချစ်သူကို လိုက်ပြီးစိုးရိမ်ပူပန်နေရတာတွေပါတော့ အပြင်ကာရိုက်တာကရော အဲ့ဒီလိုပဲလား။

နန်းမြတ်က သိပ်ပြီးစိတ်မပူတတ်ဘူး။ အရမ်းကြီး သူများကိုလိုက်ပြီး စိတ်ပူဝင်ပါတာမျိုးမဟုတ်ဘူး။ နန်းမြတ်က ကိုယ့်ဟာကိုယ်အေးအေးဆေးဆေးနေရတာမျိုးပဲသဘောကျတယ်။

-အနုပညာသမားဆိုတော့ စိတ်ကူးယဉ်ရတာမျိုးရောကြိုက်လား။

အဲ့ဒါတော့ရှိတာပေါ့။ သူများကလုပ်လိုက်တာ၊ ပြောလိုက်တာ ဘာရယ်မဟုတ်ဘူး။ ကိုယ်ကတော့ တစ်ဆုံးထိတွေးတစ်ဆုံးထိစဉ်းစားပြီး အများကြီးတွေဖြစ်သွားတာမျိုးတွေတော့ရှိတာပေါ့။ ဒါပေမဲ့နန်းမြတ်ကတော့ အဲ့ဒါတွေကို အရမ်းကြီး Serious မထားပါဘူး။ အလုပ်ကိုပဲပိုပြီးဦးစားပေးပါတယ်။

-အခုလက်ရှိမှာလွှင့်နေတဲ့ ရွှေမိုးငွေမိုးသွန်းဖြိုးလို့ရွာဇာတ်လမ်းတွဲကိုလဲ ပရိသတ်တော်တော်များများအားပေးကြတာတွေ့ရတယ်နော်။

အဲ့ဒါအရမ်းဝမ်းသာပါတယ်။ နန်းမြတ်တို့အဲ့ဒါရိုက်ထားတာမကြာသေးဘူး။ဒါပေမဲ့ မြန်မြန်ဆန်ဆန်လွှင့်ရတော့ ပိုပြီးကောင်းတယ်လို့လဲထင်တယ်။ ပလော့ တွေလဲလတ်ဆတ်တာပေါ့။ ပြီးတော့ နန်းမြတ်တို့အခုတောက်လျှောက်တစ်ပတ်တစ်ခါမှာလဲ ပရိသတ်ရဲ့ Feedback တွေအများကြီးပြန်ရတယ်။ အများကြီးအားပေးကြတော့ဝမ်းသာပါတယ်။ နန်းမြတ်တို့အပိုင်းနှစ်ဆယ်လောက်ထိလွှင့်မယ်ထင်တယ်။ ပရိသတ်ကြီးပြီးတဲ့ထိဆက်ပြီးအားပေးကြပါဦးလို့။ အဲ့ဒီဇာတ်လမ်းတွဲလေးကို ပြင်ဦးလွင်မှာရိုက်ထားတယ်။ အမှတ်တရတွေကလဲ အများကြီးမှအများကြီးပဲ။ ရိုက်နေရင်းနဲ့ခဏနားပြီး ထိုင်ရယ်နေရတယ်။ ပလော့တွေက အရမ်းရယ်ရတယ်။ အများအများကြီးပါပဲ။

-ဇာတ်လမ်းတွဲတွေနဲ့ပတ်သက်ရင် နန်းမြတ်ကံကောင်းတယ်လို့ပြောလို့ရမလား။ ပရိသတ်တော်တော်များများက ဇာတ်လမ်းတွဲတွေနဲ့နန်းမြတ်ကို အားပေးကြတယ်လေ။

ဟုတ်တယ်။ဟုတ်တယ်။ ဇာတ်လမ်းတွဲတစ်ခုပြီးတစ်ခုကို ပရိသတ်ပိုပိုပြီးအားပေးလာတယ်။ တဖြည်းဖြည်းနဲ့ဝါ၊စိမ်း၊နီ မီးသတ်ဇာတ်လမ်းတွဲ တစ်ခုပြီးတစ်ခုမှာနေရာပိုရလာတယ်။ ရွှေမိုးငွေမိုးမှာဆို အဓိကသရုပ်ဆောင်အနေနဲ့ဆိုတော့ ပါဝင်ခွင့်ရတယ်ဆိုတော့ တဖြည်းဖြည်းနဲ့လဲတိုးတက်လာတယ်။ ပရိသတ်ရဲ့ အားပေးမှုကလဲပိုပိုပြီးရလာတယ်ဆိုတော့ တကယ့်ကို အကျိုးပေးတယ်လို့ပဲပြောရမှာပေါ့။ နောက်ထပ်ဇာတ်လမ်းတွဲအသစ်တော့ထပ်ရိုက်ဖို့မရှိသေးဘူး။ ဒါပေမဲ့ ရွှေမိုးငွေမိုးဒုတိယပိုင်းတော့ ဆက်ရိုက်ဖြစ်မလားမသိဘူး။

-ဒီကားပြီးရင်ဘာတွေလက်ခံထားတာရှိဦးမလဲ။

ဒီလ၂၀ပြင်ဦးလွင်မှာ ကြောက်ကြောက်ကြောက် ဆိုတဲ့ ရုပ်ရှင်ကားကြီးသွားရိုက်မယ်။ နန်းမြတ်က အဲ့ဒီထဲမှာ ရွာသူကောင်မလေးပေါ့။ ကိုထွန်းထွန်းနဲ့တွဲရမှာပါ။

-နန်းမြတ်ရှုတင်တွေဆို အရင်က အစ်မလိုက်တာတွေ့ရတယ်။ အခုနောက်ပိုင်းသိပ်လိုက်တာမတွေ့ရတော့ လူကြီးဖြစ်သွားပြီလား။

မဟုတ်ပါဘူး။ လူကြီးမဖြစ်ပါဘူး။ အခုထိကလေးပါပဲ။ နန်းမြတ် ဒီအလုပ်ကိုစလုပ်ကာစ အရမ်းအင်အားလိုတဲ့အချိန်မှာ အစ်မကသူ့အလုပ်တွေနားပြီးနန်းမြတ်နောက်ကို တောက်လျှောက်လိုက်ပေးတယ်။ အခုကျတော့ နန်းမြတ်လဲ အနုပညာမောင်နှမတွေနဲ့ရင်းနှီးလာတယ်။ အရမ်းကြီးမစိမ်းတော့ဘူးပေါ့။ နန်းမြတ်ကအရင်ကတည်းက လူကြောက်တတ်တယ်။ ခင်ပြီးသားလူဆိုဘာမှမဖြစ်ဘူး။ မခင်ရသေးတဲ့သူဆို ကြောက်တတ်တယ်။ အဲ့ဒါကြောင့်သူကအမြဲလိုက်ပေးတာပါ။ အခုတော့ နည်းနည်းရင်းနှီးလာပြီဆိုတော့ သိပ်မကြောက်တော့ဘူးဆိုတော့ နည်းနည်းတော်သွားသေးတာပေါ့။

-လူကြောက်တတ်တယ်ဆိုတော့လေ ကျောင်းတုန်းကရော ဘယ်လိုအမှတ်တရတွေရှိခဲ့လဲ။

နန်းမြတ်မှာ သူငယ်ချင်းဆိုလို့ကျောင်းတက်တုန်းကဆို ကိုယ်ပေါင်းတဲ့သူငယ်ချင်း ငါးယောက်ကနေ ဆယ်ယောက်ရှိတယ်ဆို ကိုယ့်သူငယ်ချင်း ကျန်တဲ့သူနဲ့ဆိုလုံးဝကိုအဆက်အသွယ်မရှိတာ စိတ်ထဲမှာ ငါကတော့ တခြားသူတွေနဲ့မပေါင်းနိုင်ပါဘူးဆိုတဲ့ကြီးကျယ်တဲ့စိတ်နဲ့မဟုတ်ဘူး။ ငါပြုံးပြရင်ငါ့များပြန်ပြုံးပြပါ့မလား မသိဘူးဆိုပြီး မလိုအပ်တဲ့အတွေးတွေတွေးပြီးကြောက်တတ်တာပါ။ အဲ့လိုမျိုးပါ။ အဲ့ဒီတော့လေ ရုတ်တရက်ကြည့်လိုက်ရင်တော့ ဘာလဲပေါ့လေ။ ဒီစော်က အဲ့ဒီလိုဖြစ်ချင်ဖြစ်မယ်။ အမှန်တော့ကိုယ်ကလဲသူတို့ကိုပြန်ကြောက်နေရတာပါ။

-အဲ့ဒီလိုကြောက်တတ်တဲ့သူကနေအနုပညာအလုပ်လုပ်တော့ ဘယ်လိုသဟဇာတဖြစ်အောင်ကြိုးစားနေခဲ့ရလဲ။

တော်တော်ကို အဆင်မပြေတာပါ။ ဘာလို့လဲဆိုတော့ ပထမတုန်းကဆိုရင် တချို့တွေလဲ အဲ့ဒီလိုရှိမှာပေါ့။ ဒီကောင်မလေးက အချိုးမပြေဘူး ဘာညာထင်ကြမှာပဲ။ ကိုယ်ကိုတိုင်ဆိုရင်လဲ အဲ့ဒီလိုထင်မှာပဲ။ ဒါပေမဲ့ကိုယ့်စိတ်ထဲမှာကြောက်နေတာဆိုတော့လေ။ ဒါပေမဲ့နောက်ကြာလာတော့ အကြီးတွေကဘာမှမဖြစ်ဘူး။ သွားပြောဆိုတာနဲ့ဆန်းပြီးသွားပြောကြည့်ရာကနေကိုယ့်ကိုကိုယ်ယုံကြည်မှုရလာတာပေါ့။

-Let’s Go ပရိုဂရမ်ကိုလဲ ပရိသတ်တော်တော်များများကြိုက်တာတွေ့ရတယ်နော်။

ဟုတ်တယ်။ အခုနောက်ဆုံးသွားခဲ့တဲ့ တစ်ခေါက်ဆို အရမ်းလဲပျော်ဖို့ကောင်းတယ်။ အမှတ်တရလဲရှိတယ်။ တောက်လျှောက်ကတော့ ပင်ပန်းတယ်။ ဘာအမှတ်တရလဲဆိုတော့ ကိုယ့်နားဘယ်သူပဲ ကပ်လာကပ်လာ ခါးပိုက်နှိုက်လို့ထင်တာပေါ့။ သူကလေဆိပ်မှာ တင်ကိုကပ်ထားတာ ခါးပိုက်နှိုက်သတိထားဖို့တစ်ချိန်လုံး အဲ့ဒီအကြောင်းပဲပြောနေတာ။ ဂိုက်ကလဲ သပ်သပ်ရပ်ရပ် ၀တ်စားထားရင်လဲ လူကောင်းလို့မထင်နဲ့ပေါ့နော်။ တကယ်လုပ်တယ်ပေါ့နော်။ အဲ့ဒါကြောင့်ကိုယ့်နားကို ဘယ်သူပဲကပ်လာကပ်လာ ငါ့ကို ခါးပိုက်နှိုက်မလားဆိုပြီးစိတ်ပူနေရတယ်။ အဲ့ဒါလေးကအမှတ်တရပါပဲ။

-ရေဘေးနဲ့ပတ်သက်ပြီး သီချင်းသွားဆိုပေးတာလဲတွေ့ရတယ်။

ဒီနှစ်ကတော့ မနေ့ကအစည်းအရုံးနဲ့အတူတူ မန္တလေးမှာသီချင်းသွားဆိုပေးခဲ့ဖြစ်တယ်။ ဗီဒီယိုအခြေခံအတွက်ရယ်၊ ရေဘေးအတွက်ရယ်ပေါင်းလုပ်လိုက်တာပေါ့။

-ပရိသတ်ကြီးကိုရော ဘာများပြောပြချင်သေးလဲ။

နန်းမြတ်ရှေ့ဆက်ပြီး အများကြီးကြိုးစားသွားပါမယ်လို့။ အခုတဖြည်းဖြည်းနဲ့ပုံပေါ်လာတဲ့ နန်းမြတ်ရဲ့ အနုပညာအလုပ်တွေကိုလဲ အားပေးဝေဖန်အကြံပြုပေးပါဦးလို့ထွက်လာစရာတွေလဲအများကြီးရှိပါတယ်လို့နန်းမြတ်ကလဲပရိသတ်ကြီးကိုချစ်ပါတယ်လို့ပြောချင်ပါတယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.