ကိုဝေလအခွေကသိန်းနဲ့ချီအောင်ရောင်းရတဲ့ အခွေမျိုးဖြစ်ပေမယ့် link ပြန့်သွားတဲ့အတွက် သောင်းနဲ့ချီအောင်တောင်မနည်းရောင်းနေရတယ်လို့ဆိုတဲ့ ကိုဘိုစန်း

13871910_1778904625701781_682966043_n.jpg

ဂီတလောကဟာ ဟိုးယခင်ရှေးတုန်းကစတင်ကာ ခိုးကူးနှိပ်စက်တဲ့အတွက် ထုတ်လုပ်သူတွေအနေနဲ့အတော်လေးကို အခက်အခဲအကြပ်အတည်းတွေနဲ့ ရင်ဆိုင်နေရပြီးဖြစ်ပါတယ်။ ယနေ့ခေတ် ယနေ့အခါမှာတော့ ခေတ်မှီသွားတယ်လို့ ဆိုရမလို ဒီဂျစ်တယ်နဲ့ပတ်သက်တဲ့ Download link တွေကြောင့် အခွေထွက်ပြီးတာနဲ့လူမှုကွန်ယက်ဖေ့စ်ဘုတ်တွေပေါ်မှာ အလွယ်တကူပြန့်နှံ့မှုတွေကြောင့် ခိုးကူးထက် ပိုဆိုးတဲ့ အခြေအနေနောက်တစ်မျိုးနဲ့ အခွေများမရောင်းရတဲ့အထိကို ဒီဂျစ်တယ်စနစ်ရဲ့ ဒဏ်ကို ပြင်းပြစွာခံနေရပါတယ်။ အဆိုပါ ကိစ္စအရပ်ရပ်နဲ့ပတ်သက်ပြီး မြန်မာနိုင်ငံဂီတအစည်းအရုံး ( ဗဟို ) က ဂီတညွှန်ကြားလွှာများ ထုတ်ပြန်ဆောင်ရွက်နေပြီဖြစ်သလို အဆိုပါပွဲကို တက်ရောက်လာခဲ့တဲ့ ဘိုဘိုအင်တာတိန်းမန့်ကတာဝန်ရှိသူတစ်ဦးဖြစ်တဲ့ ကိုဘိုစန်းကို သိလိုသမျှမေးမြန်းဖြစ်တဲ့အခါ

-ဒီနေ့ပွဲလေးနဲ့ပတ်သက်ပြီး အစ်ကို့အမြင်လေးကို အရင်ဆုံးပြောပြပေးပါဦး။

ဒီနေ့ပွဲလေးက ကျွန်တော်တို့မူပိုင်ခွင့်နဲ့ပတ်သက်ပြီး ဆွေးနွေးတဲ့ပွဲလေးပေါ့။ ကျွန်တော်တို့လုပ်ချင်တာတွေ၊ ဖြစ်ချင်တာတွေရောကို တင်ပြဆွေးနွေးလို့ရတယ်။ ဒါပေမဲ့ ကျွန်တော်တို့လိုချင်တဲ့အချက်တွေကို စာရွက်စာတမ်းပြန်တင်ရပါမယ်။

-ထုတ်လုပ်သူတစ်ယောက်အနေနဲ့လက်ရှိမှာ ဘယ်လိုမျိုးအခက်အခဲတွေကိုရော ရင်ဆိုင်နေရလဲ။

အခက်အခဲကတော့ အွန်လိုင်းမှာသီချင်းတွေဖြန့်ပေးကြတယ်။ ရောင်းမရတဲ့အတွက် အခွေကရောင်းအားကျတယ်။ အဓိကက အဲဒါပါပဲ။

-အခုနောက်ပိုင်းက ခိုးကူးထက်ပိုဆိုးတာက Download Link တွေပေါ့။ ဒီဟာနဲ့ပတ်သက်ပြီးတော့ အစ်ကိုရဲ့အမြင်လေးကိုလဲသိချင်ပါတယ်။

အခုကတော့ ကျွန်တော်တို့ကိုဂီတအစည်းအရုံးက ခိုးကူးနဲ့ပတ်သက်ပြီးတော့လဲဖမ်းမယ်။ ဒီဂျစ်တယ်ဟာနဲ့ပတ်သက်ပြီးတော့လဲ ဖမ်းဖို့စလုပ်နေပြီပေါ့။ တစ်လခွဲလောက်တော့ကြာမယ်။ သူတို့အနေနဲ့အချိန်ယူပြင်ဆင်ရမဲ့အပိုင်းတွေလဲရှိသေးတော့လေ။

-ထုတ်လုပ်သူတစ်ယောက်အနေနဲ့ အခွေတစ်ခွေထုတ်မယ်ဆိုရင်ရော ငွေဘယ်လောက်အကုန်ခံရလဲ။

သိန်းတစ်ရာနဲ့သုံးရာကြားလောက်ကုန်ပါတယ်။

-အဆိုတော်တွေကိုရော အနုပညာကြေးဘယ်လိုပြန်ပေးရလဲ။

တစ်ပြားမှမယူတာတွေလဲ ရှိသလို၊ ငါးသိန်းယူတဲ့သူလဲ ရှိတယ်။ သိန်းနှစ်ဆယ်လောက်ယူတဲ့သူလဲရှိတယ်။ သိန်းသုံးဆယ်လောက်ယူတဲ့သူလဲရှိတယ်။ ကိုယ်နဲ့ညှိတဲ့အဆင်ပြေမှုအပေါ်မူတည်ပြီးပေးရပါတယ်။ အတိအကျတော့တွက်လို့မရဘူးပေါ့။

-ကိုဝေလအခွေထွက်တုန်းကဆို နာရီပိုင်းပဲရှိသေးတယ်။ Download တွေပြန့်တဲ့အခါကျတော့ ထုတ်လုပ်သူတစ်ယောက်အနေနဲ့ဘယ်လောက်ထိဆုံးရှုံးမှုတွေရှိလဲ။

ကိုဝေလအခွေက တကယ်ဆိုသိန်းနဲ့ချီပြီးရောင်းရတဲ့ အခွေမျိုးပါ။ ဒါပေမဲ့ link ကချက်ချင်းပြန့်သွားတာဆိုတော့ သောင်းနဲ့ချီအောင်တောင် မနည်းရောင်းနေရပါတယ်။ အဲ့ဒီတော့ ပရိုဂျူဆာဆိုဒ်ကဆို အများကြီးဆုံးရှုံးမှုရှိပါတယ်။

-အဲ့ဒီလိုမဖြစ်အောင်ရော အစ်ကိုတို့အနေနဲ့ဘယ်လိုကာကွယ်မှုမျိုးတွေလုပ်ထားတာများရှိမလဲ။

အဲ့ဒါက ကျွန်တော်တို့ကြီးပဲ ကာကွယ်လို့မရဘူး။ ဥပဒေရှိဖို့လိုတယ်။ အဲ့ဒါကြောင့် အခုတစ်ခါမှာ အဲ့ဒါနဲ့ပတ်သက်တဲ့ ဥပဒေမှာရေးဆွဲဖို့ဆွေးနွေးနေကြတယ်။ စီစဉ်နေကြပါတယ်။ ကျွန်တော်တို့အနေနဲ့ကလဲ တင်ထားတဲ့သူကို link ပြန်ဖြုတ်ပေးပါလို့ပဲပြောလို့ရတယ်။ ဖြုတ်ခိုင်းလဲဖြုတ်ခိုင်းတာပဲရှိမယ်။ ဖျက်မှမဖျက်ပေးကြတာ။

-အခုလတ်တလောမှာရော အရေးယူဆောင်ရွက်မှုအနေနဲ့ဘယ်လိုအပိုင်းတွေလုပ်နေပြီလဲ။

အခုကခိုးကူးဖမ်းတာပဲရှိပါသေးတယ်။ ဒီဂျစ်တယ်အွန်လိုင်းကိစ္စက လုပ်နေတုန်းရှိပါသေးတယ်။ နောက်ပိုင်းကျရင်တော့ ဥပမာ နောက်၂လလောက်နေရင်တော့ ပြောင်းလဲမယ်လို့ထင်ပါတယ်။

-EMC Production နဲ့တွဲလုပ်မယ်ဆိုတဲ့အခွေအကြောင်းလေးကိုလဲသိချင်ပါတယ်။

အဲ့ဒါကလေ ကျွန်တော်တို့ကတွဲလုပ်တာမဟုတ်ဘူးခင်ဗျ။ လွှမ်းပိုင်လုပ်တာပါ။ ကျွန်တော်တို့ကဘေးကနေကူညီပေးတာမျိုးပဲရှိတာပါ။ အဓိကက သူလုပ်တာပါ။

-ရုပ်ရှင်ထုတ်လုပ်ရေးလဲလုပ်နေတဲ့အခါကျတော့ နောက်ဆုံး အိချောပိုနဲ့ ကြွေဆိုတဲ့ကားလေးရိုက်ထားတာတွေ့ရတယ်။ ဆက်ရိုက်သွားဖို့စီစဉ်ထားတာမျိုးရောရှိဦးမလား။

ဒါရိုက်တာသြရသနဲ့ကားကြီးရိုက်ဖို့ရှိတယ်။ မင်းသားမင်းသမီးတွေအများကြီးပါပါမယ်။ ဗီဒီယိုကိုရိုက်ဖို့မရှိသေးဘူး။ နောက်ပိုင်းတော့ ကားကြီးတွေပဲပိုဦးစားပေးပြီးရိုက်ဖြစ်ပါမယ်။

-ဂီတဘက်ရော၊ သရုပ်ဆောင်ဘက်ရောမှာ ထုတ်လုပ်နေတဲ့ ထုတ်လုပ်သူတစ်ယောက်အနေနဲ့အဲ့ဒီလောကနှစ်ခုအပေါ် အစ်ကို့အမြင်လေးကိုလဲသိချင်ပါတယ်။

ဂီတဖက်မှာထုတ်လုပ်နေရင်း ၀ါသနာကြောင့်ရော၊ အဆိုတော်တွေကို မြေတောင်မြှောက်ပေးချင်တာရောကြောင့် ရုပ်ရှင်ဖက်ကိုပါ တွဲပြီးဦးစားပေးလုပ်ဖြစ်တယ်။ ရုပ်ရှင်က ကိုယ့်လောကသားတွေရဲ့အကျိုးကိုကြည့်ပြီးအညီအမျှလုပ်ပေးချင်တာကြောင့်ပါ။ ရုပ်ရှင်ကလဲ တစ်နှစ်ကို သုံးကားလောက်ပဲရိုက်ဖြစ်တာဆိုတော့ အများကြီး ပရော်ဖက်ရှင်နယ်ကြီးမဟုတ်ပါဘူး။ အဲ့ဒီသုံးကားမှာလဲ နှစ်ကားလောက်က ကိုယ့်ဂီတသမားတွေပါနေတဲ့အတွက် ရုပ်ရှင်နဲ့ပတ်သက်ပြီး အရမ်းကြီး လုပ်ဖို့မရှိပါဘူး။

-လက်ရှိမှာ ဘိုဘိုအင်တာတိန်းမန့်အနေနဲ့ဘာအခွေတွေထွက်ဖို့ရှိဦးမလဲ။

လက်ရှိက ဗျူဟာထွက်မယ်။ ၀ိုင်းလေးထွက်ဖို့ရှိမယ်။

-4 Album အမ်တီဗီကရော ဘယ်တော့လောက်ထွက်ဖြစ်မလဲ။

၉လပိုင်း အလယ် ၁၇လောက်တော့မှန်းထားတယ်။

-ဘိုဘိုကစီစဉ်တဲ့ပွဲတွေရော မိုးတွင်းမှာရှိဦးမလား။

နောက်လ ၂၄ ရက်နေ့မှာ ရော့ခ်ရှိုးလုပ်ဖို့ရှိတယ်။ နေရာကတော့ညှိနေတုန်းပါပဲ။ လင်းလင်းတို့၊ ဝေလတို့၊ Idiots တို့သာဒီး လူတို့အစုံပါပဲ။ အများကြီးပါပါသေးတယ်။

-ပုံမှန်က လူငယ်ပွဲတွေလုပ်နေတာများတော့လေ ဟစ်ဟော့ပွဲကရော ဘယ်တော့လောက်လုပ်ဖြစ်မလဲ။

၂၄ ရော့ခ်ရှိုးပြီးရင် ၁၀လပိုင်း ဟစ်ဟော့ရှိုးတစ်ပွဲလုပ်ဖြစ်ပါမယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.