ပါးချိုင့်လေးတွေရှိနေတာ ဘာကြောင့်လဲ

picture-102.png
ပါးချိုင့်ဆိုတာ လူတစ်ယောက်ရဲ့ မျက်နှာပေါ်မှာ သိသိသာသာကို ထင်ရှားတဲ့ အစိတ်အပိုင်းတစ်ခု ဖြစ်ပါတယ်။ ပါးချိုင့်ရှိတဲ့သူဟာ ပိုပြီး ဆွဲဆောင်မှုရှိသလို ညှို့အားလည်း ပိုပြင်းပါတယ်။ ပါးချိုင့်တွေက မျက်နှာအရေပြားပေါ်မှာ အမြဲလည်းရှိတတ်သလို ရယ်လိုက်၊ စကားပြောလိုက်တဲ့အခါမှာ ပေါ်လာတတ်တဲ့ ပါးချိုင့်လေးတွေလည်း ရှိပါတယ်။ တစ်ချို့လူတွေမှာတော့ ပါးမှာမဟုတ်ဘဲ မေးစေ့နေရာလေးမှာ ချိုင့်နေတာလေးတွေလည်း ရှိပါတယ်။ ပါးချိုင့်ဟာ လူတစ်ယောက်မှာ ပထမဆုံးသတိထားမိတဲ့ အရာတစ်ခုလည်း ဖြစ်ပါတယ်။
 
ဒါပေမဲ့ လူတိုင်းမှာ မရှိဘဲ တစ်ချို့လူတွေမှာပဲ ပါးချိုင့်ဘာကြောင့်ရှိသလဲဆိုတာ သိပါသလား။
 
ပါးချိုင့်က မိန်းမဆန်တဲ့ အလှတရားကို ပိုပြီးပီပြင်စေပါတယ်။ မွေးရာပါပါလာတဲ့ ပါးချိုင့်လေးတွေက အပြုံးတွေကို လင်းလက်သွားအောင် လုပ်ပေးနိုင်တဲ့အတွက် တစ်မျိုးဆန်းပြီး ဆွဲဆောင်နိုင်တာ ဖြစ်ပါတယ်။ တကယ်တော့ ပါးချိုင့်က မျိုးဗီဇ ချို့ယွင်းမှုတစ်ခုကြောင့် ဖြစ်လာတာ ဖြစ်ပါတယ်။ မျက်နှာပြင် ကြွက်သားနေရာ အချို့ လွတ်သွားတာကြောင့် ဖြစ်ပါတယ်။ ဒီအလှအပ အမှတ်အသားလေးက သန္ဓေသားဖွံ့ဖြိုးမှု အဆင့်အတွင်းမှာ ချိတ်ဆက်တစ်ရှုးတွေ စနစ်တကျပုံစံမပေါ်လာခြင်းကြောင့် ဖြစ်စေတာပါ။
 
နောက်ပြီး ပါးချိုင့်တွေက နုပျိုမှုနဲ့လည်း ဆက်စပ်နေပါတယ်။ တစ်ချို့ ကလေးဘဝ၊ ဆယ်ကျော်သက်ဘဝမှာ ပါးချိုင့်ရှိပေမဲ့ အသက်ကြီးလာတဲ့အချိန်မှာ ပျောက်သွားတာတွေလည်း ရှိပါတယ်။ပါးချိုင့်တွေက ကျန်းမာရေးအတွက် ဘာအန္တရာယ်မှ မပေးနိုင်ပါဘူး။ 
 
ပါးချိုင့်တွေက မျိုးရိုးကြောင့်ဖြစ်တဲ့ မျိုးဗီဇချို့ယွင်းချက်လေးတစ်ခုပဲ ဖြစ်ပါတယ်။ ပါးချိုင့်တွေက မျိုးရိုးလိုက်တတ်ပါတယ်။ မိဘနှစ်ပါးလုံးမှာ ပါးချိုင့်မရှိရင် သားသမီးမှာ ပါးချိုင့်ရှိနိုင်ချေ အလွန်နည်းပါတယ်။ မိဘတစ်ယောက်မှာ ရှိရင်တော့ ကလေးမှာ ပါးချိုင့်ရှိနိုင်ချေ ၂၅-၅၀%ရှိပြီး မိဘနှစ်ယောက်စလုံးမှာ ရှိရင်တော့  ၅၀-၁၀၀% အထိရှိနိုင်ပါတယ်။
 
Ref:womendailymagazine
 
 
 
0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.