သင့်ချစ်သူ ကောင်မလေး သင့်ကို အမြဲတမ်းချစ်သွားစေဖို့ ဒီနည်းလမ်း (၈) ခုက ကူညီပေးနိုင်

forever_1.jpg

လူတစ်ယောက်က ကိုယ့်ကိုအမြဲချစ်သွားဖို့ဆိုတာ ဖြစ်နိုင်ပါ့မလားလို့ သင်တွေးမိကောင်း တွေးမိဖူးပါလိမ့်မယ်။ ကိုယ့်ချစ်သူ ကိုယ့်ကိုအမြဲချစ်ဖို့အတွက်၊ အထူးသဖြင့် ကိုယ့်ချစ်သူကောင်မလေး ကိုယ့်ကိုအမြဲချစ်ဖို့အတွက် သင်ဟာ ဒီနည်းလေးတွေအတိုင်း လွယ်ကူရိုးရှင်းစွာ လုပ်ဆောင်ပေးသွားဖို့ပါပဲ။ ဒါက မှော်အတတ်ပညာလည်း မဟုတ်ပါဘူး။ ဒါပေမယ့် ဒီနည်းတွေဟာ သင်တို့အချစ်ရေုးကိုတော့ ပိုမိုခိုင်မြဲစေမှာ သေချာပါတယ်။

၁။ ကိုယ့်ကိုကိုယ် သုံးသပ်ပြင်ဆင်ပါ။

မှန်ထဲကြည့်ပြီး ငါ ဘာတွေလိုအပ်နေသလဲဆိုတဲ့ မေးခွန်းကို အမှန်အတိုင်းဖြေပါ။ ငါ့အရည်အချင်းတွေ ပိုတိုးတက်အောင် ငါဘာတွေလုပ်သင့်တယ်၊ ကြိုးစားသင့်တယ်ဆိုတာကို စဉ်းစားအဖြေထုတ်ပါ။ သင်ဟာ သင်လုပ်ဆောင်နေတဲ့ အလုပ်တွေကို သေချာကြိုးစားလုပ်မယ်၊ အားတဲ့အချိန်တွေကို အကျိုးရှိရှိ အသုံးချတတ်သူဆိုရင် သင့်ချစ်သူကောင်မလေးကလည်း သင့်ကို အထင်ကြီးလေးစားလာမှာပါ။ ဒါဟာ ကိုယ့်အတွက်ရော၊ ကိုယ့်ချစ်သူအတွက်ပါ ကောင်းမွန်တဲ့ အကျိုးကျေးဇူးတွေ ခံစားရမယ့် အချက်ပါပဲ။

၂။ သူပြောတာတွေကို နားထောင်ပါ။ သူမကို တန်ဖိုးထားပါ။

သူမက သင့်ကိုတစ်ခုခုပြောတဲ့အခါ ဟိုဘက်နားက၀င် ဒီဘက်နားကထွက်တာမျိုး မလုပ်ပါနဲ့။ သင့်နှလုံးသားနဲ့ အာရုံစူးစိုက်ပြီး နားထောင်လိုက်ပါ။  ဥပမာ သူမက အရေးကြီးတာ တစ်ခုခု ပြောနေတာကို သင်က ဖုန်းလေးပွတ်ရင်း နားထောင်တာမျိုး မလုပ်ပါနဲ့။ ဒါဟာ သူမကို အလေးမထားရာ ရောက်ပါတယ်။  သူမပြောတာကို သေချာအဆုံးထိ နားထောင်ပြီး သူမကို အကြံပေးတာ၊ ထောက်ခံတာ စသဖြင့် လုပ်ဆောင်သွားလိုက်ပါ။

၃။ သူမ ဘယ်လိုအချစ်ခံချင်သလဲဆိုတာကို သိအောင်ကြိုးစားပါ။

ကိုယ့်ချစ်သူကောင်မလေးက သူ့ကို ချုပ်ချယ်တာမျိုး ကြိုက်ချင်မှကြိုက်ပါလိမ့်မယ်။ ဒါ့အပြင် မလှုပ်တခြောက်လုပ်နေတာမျိုး၊ ချစ်တယ်ဆိုတဲ့စကားကိုတစ်ပတ်တစ်ခါတောင် မပြောတာမျိုးကိုလည်း သူတို့စိတ်ထဲ ဘ၀င်ကျချင်မှ ကျတတ်ကြတာပါ။ ဒီတော့ ကိုယ့်ချစ်သူကောင်မလေးက ကိုယ့်ကို ဘယ်လိုမျိုး ဖြစ်စေချင်သလဲဆိုတာ ကိုယ့်ဘာသာကိုယ်သိအောင်ကြိုးစားဖို့ လိုပါတယ်။

၎။ သူမကို လက်ဆောင်တွေပေးပါ။

သူမကို တန်ဖိုးကြီးလက်ဆောင်တွေ တစ်ခုပြီးတစ်ခု ၀ယ်ပေးစရာမလိုပေမယ့် သူမနှစ်ခြိုက်တဲ့အရာလေးတွေ မှတ်ထားပြီး အမှတ်မထင် တွေ့တာနဲ့ လက်ဆောင်ဝယ်ထားပြီး ပြန်ပေးတာမျိုး လုပ်ပေးပါ။ သူမ ထင်မှတ်မထားတဲ့အချိန်မှာ သူမအတွက် လက်ဆောင်ပစ္စည်းလေးတွေ ၀ယ်ပေးတာမျိုး လုပ်ပါ။

၅။သူမကို ရိုးသားပါ။

သူမကို အမှန်အတိုင်း အမြဲတမ်း ဖွင့်ဟတတ်သူဖြစ်ပါစေ။ ဘယ်တော့မှ မညာပါနဲ့။ တစ်ခါညာလိုက်တာနဲ့ နောက်တစ်ခါသင့်ကိုယုံဖို့ဆိုတာ မလွယ်တော့ပါဘူး။ ဒါပေမယ့် တစ်ချို့သူမစိတ်ထိခိုက်သွားစေမယ့် အမှန်တရားတွေ ပြောခါနီးဆိုရင်တော့ ဒဲ့ထိုးပြောလိုက်တာမျိုးထက်စာရင် သူမကို အစပိုင်းလေး သေချာနားဝင်အောင် ပြောပြပြီးမှ သူမခံစားရမယ့် အပိုင်းတွေကို ဖွင့်ဟပါ။ သင်ဟာ ဘယ်တော့မှ လိမ်ညာတတ်တဲ့သူ မဟုတ်ဘူးဆိုတာကလည်း သူမအတွက်တော့ လေးစားစရာပါပဲ။

၆။ သူမကို လေးလေးစားစား ဆက်ဆံပါ။

အချစ်ရေးဆိုတာက လူနှစ်ဦးနှစ်ယောက်နဲ့ သာယာအောင် တည်ဆောက်ယူထားရတာပါ။ ဒီတော့ ကိုယ့်ချစ်သူနဲ့ပတ်သက်တဲ့ အရာတွေ၊ သူမအလုပ်အကိုင်၊ သူမ ၀ါသနာပါတာတွေကို လေးစားမှုရှိရပါမယ်။ ကိုယ့်အတွက်ပဲ ကိုယ်တွေးပြီး တစ်ဖက်လူအတွက် ဘာမှထည့်မတွေးပေးတာမျိုး မဖြစ်ပါစေနဲ့။ ဒါ့အပြင့် သူမ အိပ်မက်၊ ဖြစ်ချင်တာတွေ အားလုံးကိုလည်း သင့်အနေနဲ့ နားလည်မှုပေးနိုင်ရပါမယ်။

၇။သင့်မိသားစုအကြောင်း ပြောတဲ့အခါ သူမဟာ အစိတ်အပိုင်းတစ်ခုအဖြစ် ပါဝင်နေပါစေ။ 

သင့်မိသားစုနဲ့ သူမကို မိတ်ဆက်ပေးတဲ့အခါ သူမအကြောင်း ချီးမွမ်းခန်းဖွင်ပေ့းတာမျိုး၊ သင်သူမကို ဘယ်လောက်ချစ်တယ်ဆိုတာ အားလုံးကို ပေးသိတာမျိုးတွေ လုပ်ပေးရင် သင့်သူငယ်ချင်း၊ မိသားစုဝင်တွေကလည်း သူမကို ချစ်ခင်နှစ်လိုလာကြပါလိမ့်မယ်။ သင့်အစ်ကိုဟာ သူမရဲ့အစ်ကို ဖြစ်လာမယ်၊ သင့်အမေဟာ သူမရဲ့မိခင်တစ်ယောက်လို သူမ ခံစားလာရမယ်ဆိုရင် ဒါဟာ သူမအတွက် အဖိုးမဖြတ်နိုင်တဲ့ အားအင်တစ်ခုပါ။ 

၈။ သူမကို ချစ်တယ်ဆိုတာ နည်းလမ်းအသစ်လေးတွေ သုံးပြီး ပြောပါ။

နေ့စဉ်နဲ့အမျှ မဟုတ်ရင်တောင် တစ်ပတ်ကို နှစ်ခါ သို့မဟုတ် သုံးခါလောက် သင်သူမကို ဘယ်လောက်ချစ်ကြောင်း ပြောပြသင့်ပါတယ်။ အဲ့ဒီလိုပြောတဲ့အခါတွေမှာ သင့်ဘက်က နည်းလမ်းအသစ်လေးတွေ စဉ်းစားပြီး သူမ အမှတ်တရဖြစ်နေအောင် ပြောဖို့ ကြိုးစားအားထုတ်ပါ။

Ref:yourtango

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.