ပြင်သစ်ကို အလည်အပတ်သွားရင်း သရဲခြောက်ခံခဲ့ရတဲ့အကြောင်း ပြောပြလာတဲ့ ငွေမှုန်ရတီ

13820352_1774687792790131_1319772721_n.jpg

လက်ရှိမှာ ဆယ်တန်းကို တက်ရောက်နေပြီးတစ်ဖက်ကလဲ အနုပညာအလုပ်ကို မျှခြေဖြစ်အောင် လုပ်ကိုင်နေသူကတော့ ငွေမှုန်ရတီပါ။ မကြာသေးခင်ကမှ စိတ်အပန်းဖြေဖို့အတွက်ပြင်သစ်နိုင်ငံကို အစ်မဖြစ်သူရွှေမှုန်ရတီနဲ့သွားရောက်လည်ပတ်ခဲ့တာ ရက်နှစ်ဆယ်ကျော်ကြာမြင့်ခဲ့သလို၊ ခရီးသွားအတွေ့အကြုံများ၊ အမှတ်တရများကိုလဲ ဝေမျှပေးလာပါတယ်။ ထူးခြားမှုတစ်ခုအနေနဲ့ထိုခရီးစဉ်မှာ သရဲခြောက်ခံခဲ့ရတဲ့အကြောင်းကို ပြောပြခဲ့သလို လက်ရှိသဲူ့ရဲ့ အနုပညာအကြောင်းများကို ပြောပြခဲ့တာကတော့

-အခုလက်ရှိ ဘာတွေလုပ်ဖြစ်နေလဲ။

အခုက ညီမ အရှေ့မှာ ပြင်သစ်သွားတယ်။ ပြီးတော့ အဲ့ဒီကပြန်လာတော့ ကိုဖြိုးငွေစိုးနဲ့ဗီဒီယိုတစ်ကားရိုက်ဖြစ်တယ်။ အဲ့ဒီကားက ဒီလူကြီးကိုမုန်းတယ်တဲ့။ ဟာသကားလေးပါပဲ။ အရမ်းကပ်စီးနှဲပြီး လူပျိုကြီးဖြစ်နေတဲ့ကိုဖြိုးကို မိန်းမကိုစိတ်ဝင်စားလာအောင်လုပ်တာပေါ့။ ဟာသအချစ်ဇာတ်လမ်းပါပဲ။ အခုက ကျောင်းစာဖက်ကိုနည်းနည်းအာရုံပိုစိုက်ဖြစ်နေတယ်။ ဗီဒီယိုကားလေးတွေလက်ခံထားတာတော့ရှိပါတယ်။

-အရှေ့မှာသွားခဲ့တဲ့ ပြင်သစ်ခရီးစဉ်အကြောင်းကိုလဲပြောပြပေးပါဦး။

ညီမတို့ညီအစ်မတွေစုပြီး ပြင်သစ်ခရီးစဉ်သွားဖြစ်တယ်။ အဲ့ဒီခရီးကိုသွားဖြစ်တယ်ဆိုတာကလဲ အစ်မကလဲ အလုပ်ကိစ္စနဲ့အရမ်းပင်ပန်းနေတယ်။ အဲ့ဒါနဲ့သူက Relax ဖြစ်ချင်တယ်ဆိုတာနဲ့တိုင်ပင်ပြီးသွားဖြစ်လိုက်တာပါ။ ရက်နှစ်ဆယ်ကျော်လောက်ကြာခဲ့တယ်။ ၇လပိုင်း၈ရက်နေ့ကစသွားဖြစ်ခဲ့တာပေါ့။

-အဲ့ဒီမှာ ဘယ်နေရာတွေကို အဓိကသွားရောက်လေ့လာဖြစ်ခဲ့လဲ။

အမှတ်တရကတော့ အများကြီးပဲ။ နေရာကလဲတော်တော်စုံတယ်။ ပဲရစ်၊ ဆွစ်ဇာလန်၊ အများကြီးပါပဲ။ လျှောက်လည်ဖြစ်တာကတော့။

-ပြင်သစ်ခရီးစဉ်မှာ ဘယ်နေရာကိုသွားရတာအကြိုက်ဆုံးဖြစ်ခဲ့လဲ။

ပဲရစ်နဲ့ဆွစ်ဇာလန်၊၊ အီတလီ အဲ့ဒီနေရာတွေကိုတော့ အရမ်းသဘောလဲကျတယ်။ ကြိုက်လဲကြိုက်တယ်။

-ထူးထူးခြားခြား ရွှေမှုန်နဲ့ပတ်သက်တဲ့ အမှတ်တရတွေရော ဘာတွေရှိခဲ့လဲ။

တော်တော်များပါတယ်။ ခရီးစဉ်တစ်လျှောက်လုံးလို့ပြောရင်တောင်ရတယ်။ ဘာလို့လဲဆိုတော့ စထွက်ကတည်းကအမှတ်တရတွေကအများကြီးဆိုတော့ မှတ်တောင်မမှတ်မိတော့ပါဘူး။ တစ်ခုရွေးပြောပါဆိုရင်တော့ ကားပေါ်မှာရုပ်ဆိုးပန်းဆိုနဲ့အိပ်နေတာကို ဆေးထိုးတာကတော့ အမှတ်တရပါပဲ။

-ဟိုမှာဘာတွေရော အဓိက၀ယ်ဖြစ်ခဲ့လဲ။

ဝယ်ဖြစ်တာကတော့ Branded ပစ္စည်းတော်တော်များများဝယ်ဖြစ်တယ်။

-အဲ့ဒီခရီးစဉ်မှာသရဲခြောက်ခံရတယ်လို့လဲကြားတယ်။ အဲ့ဒီအကြောင်းလေးကိုလဲသိချင်ပါတယ်။

ဟုတ်တယ်။ ညီမတို့ Rome နောက်ဆုံးခရီးစဉ်ပေါ့။ ပြန်မဲ့ညဖက်ပေါ့။ အဲ့ဒီညဖက်မှာအိပ်တော့ အဲ့ဒီဟိုတယ်က သရဲခြောက်တယ်။ ဘာလို့သိတာလဲဆိုတော့ ညီမတို့သုံးယောက်စလုံး မအိပ်သေးပဲ ပစ္စည်းတွေထည့်နေတဲ့အချိန်မှာတီဗီအရင် စဖွင့်တာ ဒါပေမဲ့ သုံးယောက်စလုံးက ကိုယ့်အာရုံနဲ့ကိုယ်ဆိုတော့ ခလုတ်ကြောင်တာပဲဆိုပြီး ဒီတိုင်းပဲထားလိုက်တာ။ ဒါပေမဲ့ သရဲရှိတယ်ဆိုတာကိုတော့ သိလိုက်တယ်။ ဒါပေမဲ့ စိတ်ထဲမထည့်ထားတော့ဘူး။ အားလုံးပြီးတော့ ငါအရင် အိပ်မယ်လို့ငါကကြောက်တတ်တော့လို့ပြောတော့ အစ်မက ငါပင်ပန်းနေပြီတဲ့။ ဆေးသောက်ပြီး အိပ်တော့မယ်ဆိုပြီးအိပ်သွားတာ။ သူတို့နှစ်ယောက်က ဘာမှမသိတော့ဘူး။ ညီမတစ်ယောက်တည်းကျန်ခဲ့တယ်။ ညီမလဲအိပ်တော့အိပ်တယ်။ ဒါပေမဲ့ လန့်နိုးတဲ့အချိန်မှာ ညီမက အနွေးထည်အရှည်ဝတ်ထားတဲ့အတွက်အကျီင်္ကို ဆွဲပြီးနှိုးတယ်။ မနိုးနိုးအောင်နှိုးတယ်။ တံခါးတွေလဲခေါက်တယ်။ တစ်ညလုံးတော်တော်သောင်းကျန်းတာ။ မနက်ခြောက်နာရီလောက်မှငြိမ်သွားတာ။ အဲ့ဒါလေးကတော့ ပြင်သစ်ခရီးစဉ်ကအမှတ်တရလေးတစ်ခုပေါ့။

-ခရီးသွားရတာကိုရော ၀ါသနာပါလား။

ပါတယ်။ တော်တော်လေးပါတယ်။ ခရီးသွားတာက ဗဟုသုတလဲရသလို စိတ်ကို Relax လဲဖြစ်တယ်။ အရမ်းပင်ပန်းတဲ့အခါတွေဆို ဘယ်မှမသွားဖြစ်ဘူး။ အဲ့ဒီတစ်နေရာထဲမှာပဲအေးအေးချမ်းချမ်းနေဖြစ်တယ်။

-နိုင်ငံတွေအများကြီးထဲကမှ ပြင်သစ်ကိုရွေးဖြစ်တာကရော ဘယ်လိုကြောင့်များလဲ။

ပဲရစ်က အရင်ကတည်းက အရမ်းသွားချင်ခဲ့တဲ့ ခရီးစဉ်တစ်ခုမို့လို့ခရီးသွားမယ်ဆိုပြီးတိုင်ပင်လိုက်တဲ့အခါမှာ ပြင်သစ်ကိုပဲရွေးချယ်ဖြစ်လိုက်တာပါ။

-ပြည်ပခရီးစဉ်ထဲမှာ နောက်ထပ်သွားချင်တဲ့နေရာတွေရောရှိဦးမလား။

ရှိတယ်။ အများကြီးပဲ။ US တို့ဘာတို့ကိုယ်မရောက်ဖူးသေးတဲ့ နေရာတော်တော်များများကို သွားလည်ချင်တယ်။ လေ့လာချင်တယ်။ ဗဟုသုတယူချင်တယ်။ ဓာတ်ပုံတွေရိုက်ချင်ပါတယ်။

-ပြည်တွင်းမှာဆိုရင်ရော ဘယ်ဒေသတွေကို ခရီးထွက်ချင်မိလဲ။

ပြည်တွင်းမှာဆို ပုဂံအရမ်းသွားချင်တယ်။ ပြီးတော့ ကလော ပေါ့။ အေးတဲ့ဖက်တွေသွားချင်တယ်။ ပုဂံကတော့ မအေးဘူးဆိုပေမဲ့ မြန်မာနိုင်ငံရဲ့အမွေအနှစ်တော်တော်များများက အဲ့ဒီမှာရှိတဲ့အတွက်သွားချင်တာပါ။

-ခရီးသွားပြီးပြင်သစ်ကပြန်လာတဲ့အချိန် ရန်ကုန်ရောက်တော့ ဘယ်လိုမျိုးလေးခံစားမိလဲ။

ပြန်လာချင်စိတ်တွေကဟိုမှာကတည်းကပေါက်နေတာ။ ဘာလို့လဲဆိုတော့ အိမ်ကထမင်းနဲ့ဟင်းကိုလွမ်းလို့ပါ။ ဟိုမှာကျတော့ စားရတာ ယူရိုပီရမ်စာဆိုတော့ သိပ်အဆင်မပြေဘူး။ ကိုယ့်နိုင်ငံက အစားအသောက်ကိုပဲလွမ်းတယ်။ ဟိုနိုင်ငံကအစားအသောက်ကကျတော့ ကိုယ်နဲ့စိမ်းတဲ့အတွက် ကိုယ့်မြန်မာနိုင်ငံဖြစ်တဲ့ဒီနိုင်ငံကိုပဲပြန်လာချင်စိတ်တွေပေါက်ပါတယ်။ ဒီရောက်တော့ ကိုယ်စားချင်တဲ့ မြန်မာထမင်း၊ ဟင်းနဲ့အစားအစာတွေကိုစားရတယ်။ ပြီးတော့လူကလဲ လတ်ဆတ်ပြီးအသစ်တစ်ယောက်လိုစိတ်သစ်လူသစ်နဲ့ဖြစ်သွားတယ်။ အဲ့ဒါကတော့ ခရီးသွားခြင်းရဲ့အကျိုးကျေးဇူးဖြစ်မယ်ထင်ပါတယ်။

-အခုကဆယ်တန်းဆိုတော့ ပညာရေးနဲ့အနုပညာကို ဘယ်လိုလေးမျှလုပ်သွားမလဲ။

သမီးအဓိကကတော့ စာကိုဦးစားပေးဖြစ်မယ်။ ကားရိုက်နဲ့ပတ်သက်ပြီးကတော့ အမေပဲစီစဉ်တာများတယ်ဆိုတော့ ရိုက်စရာရှိရင်ရိုက်မယ်။ ကျန်တဲ့အချိန်တွေကတော့ စာကိုပဲကြိုးစားပါမယ်။

-အားပေးနေတဲ့ပရိသတ်တွေကိုရော ထူးထူးခြားခြားဘာများပြောချင်သေးလဲ။

သမီးစာလဲကြိုးစားနေတယ်။ ကားရိုက်တွေကိုလဲ လာပေးရင်ရိုက်ဖြစ်နေတယ်။ အဲ့ဒီအတွက် ဒီနှစ်ခုစလုံးကို လုပ်ရကျိုးနပ်အောင်ပရိသတ်တွေကလဲ အားပေးမယ်လို့ထင်ပါတယ်။ ငွေမှုန်ဆက်ပြီးလဲကြိုးစားပါမယ်။ အားပေးပါဦးလို့လဲပြောချင်ပါတယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.