ကြိုက်နှစ်သက်တဲ့ နိုင်ငံခြားက အဆိုတော်တွေရဲ့ သီချင်းကို ဘယ်တော့မှကော်ပီမယူတော့ဘူးလို့ပြောပြလာတဲ့ ရဲရင့်အောင်

13644062_1768146616777582_2015364396_n.jpg

ဗီဒီယိုသုံးကားနဲ့ကားကြီးတစ်ကား ရိုက်ကူးထားပြီး ဟဲ့ကားနဲ့ပရိသတ်အကြိုက်တွေ့ခဲ့သူကတော့ ရဲရင့်အောင်ပါ။ လက်ရှိမှာ ချေအမ်တီဗီထွက်ရှိနိုင်အောင်ကြိုးစားနေသလို တတိယတစ်ကိုယ်တော်အခွေအတွက်လဲ ပြင်ဆင်နေပြီလို့သိရပါတယ်။ မိုးတွင်းမှာရှိုးပါးတဲ့အတွက်သီချင်းအသစ်တွေပဲဖန်တီးဖြစ်နေတဲ့ရဲရင့်အောင်ရဲ့ဂီတပေါ်ထားတဲ့သဘောထားများနဲ့လက်ရှိအချစ်ရေးနဲ့အစွမ်းကုန်ကြိုးစားထားတဲ့ ချေအမ်တီဗီအကြောင်းကို ပြည့်စုံစွာပြောပြလာတဲ့အခါ

-အခုလက်ရှိ ဂီတလှုပ်ရှားမှု အနေနဲ့ ဘာတွေလုပ်ဖြစ်နေလဲ။

ကျွန်တော်ရဲ့တစ်ကိုယ်တော်ခွေ သဝေထိုး ခခွေးရပင့် ဒီဗီဒီထွက်နိုင်အောင်ကြိုးစားနေတယ်။ သီချင်းတွေ အကုန်လုံးရိုက်ပြီးသွားပြီ။ ဒါပေမဲ့ ဆင်ဆာကျဖို့ရယ် နောက်တစ်ချို့Edit ပိုင်းလေးတွေလုပ်နေတယ်။ နောက်ကာဗာအတွက်ပြင်ဆင်နေတယ်။ နောက်ဒုတိယတစ်ကိုယ်တော်အခွေအတွက်လဲသီချင်းစုနေတယ်။

-ဘယ်တော့လောက်ရော မှန်းထားလဲ။

ဆင်ဆာကျတာနဲ့ထွက်လို့ရပါပြီ။ ဒီနှစ်ထဲမှာတော့ ထွက်ဖြစ်မှာပါ။ အချိန်အကန့်အသတ်ကတော့ မပြောတော့ဘူး။ ကြိုပြောမိရင် အမြဲနောက်ဆုတ်နေရလို့ပါ။

-စီဒီမှာပါတဲ့ သီချင်းအားလုံးကို ရိုက်ဖြစ်လား။ အလျှော့အတိုးတွေရော ရှိဦးမလား။

တစ်ပုဒ်လျှော့ထားတယ်။ တစ်ပုဒ်တိုးထားတယ်။ မင်းရည်းစားကိုပြောလိုက်လျှော့ထားတယ်။ ထပ်တိုးတာကတော့ အင်စတာမှာ ကျွန်တော်ဗီဒီယိုလေးတွေ တင်ပေးဖြစ်နေတဲ့ အိမ်မပြန်တော့ဘူးလားဆိုတဲ့ သီချင်းလေးပါ။

-ပါဝင်တဲ့ဒါရိုက်တာနဲ့သရုပ်ဆောင်တွေကိုလဲသိချင်ပါတယ်။

ကျွန်တော်အရင်တုန်းကရိုက်ဖူးတဲ့ဒါရိုက်တာတွေပါပဲ။ ကိုအောင်မြတ်၊ ကိုဝင်းလွင်ထက်အပြင်တခြား အသစ်ဒါရိုက်တာတွေလဲပါပါတယ်။ သရုပ်ဆောင်တွေကတော့ သီချင်းတိုင်းမှာကျွန်တော်ပါတယ်။ တခြားမော်လ်ဒယ်တွေမင်းသမီးတွေလဲအများကြီးပါပါတယ်။

-သဉ္ဖာနွယ်ဝင်းနဲ့တစ်ပုဒ်ရိုက်ထားတယ်လို့လဲကြားတယ်။

အပြုံး သို့မဟုတ် အရှုံးပါ။ အဲ့ဒါလေးကတော့ ဒါရိုက်တာ ကိုအောင်မြတ်ရဲ့ အိုင်ဒီယာပါ။ သူဇာတ်လမ်းလေးပြတယ်။ ဒီလိုပုံစံမျိုးရိုက်ရင်ကောင်းမယ်လို့ပြောတယ်။ ကျွန်တော်လဲ သဘောကျတာနဲ့ရိုက်မယ်ပြောလိုက်တယ်။ မင်းသမီးကိုတော့ သဉ္ဖာနွယ်ဝင်းနဲ့ရိုက်ရင်ကောင်းမယ်လို့ပြောတာနဲ့ရိုက်ဖြစ်သွားတာပါ။

-ဘယ်လိုပုံစံမျိုးကို အဓိကထားပြီးရိုက်ကူးထားလဲ။

စတိုရီပုံစံမျိုးတွေလဲပါတယ်။ အမ်တီဗီဆန်ဆန်တွေလဲပါတယ်။ ဒါပေမဲ့ အမ်တီဗီဆန်ဆန်ပုံစံတွေပိုများပါတယ်။

-အခုနောက်ပိုင်းက ခိုးကူးထက် ပိုဆိုးတဲ့ Download link ခေတ်ဖြစ်နေတဲ့အတွက် အချို့သော အဆိုတော်တွေက နောက်ပိုင်းမှာ အမ်တီဗီကို အကုန်မရိုက်တော့ပဲ တစ်ပုဒ်ကောင်း၊ နှစ်ပုဒ်ကောင်းလောက်ပဲကောင်းကောင်းရိုက်တော့မယ်လို့ပြောကြတာမျိုးရှိတယ်။ အစ်ကို့အနေနဲ့ကျတော့ ဒီအခွေကို ငွေကုန်ကြေးကျခံပြီး အပုဒ်ပြည့်ရိုက်ဖြစ်တဲ့အကြောင်းလေးကိုလဲသိချင်ပါတယ်။

ကျွန်တော်လဲအဲ့ဒီလို အတွေးဝင်ပါတယ်။ သီချင်းခွေတစ်ခွေထွက်လိုက်တယ်။ အဲ့ဒီထဲကမှ ရိုက်လို့ကောင်းမဲ့သီချင်း၊ ရိုက်ပြလို့ကောင်းမဲ့သီချင်းကိုရွေးပြီးတော့ ရိုက်မယ်။ အခွေထုတ်မယ်။ ဒါမှမဟုတ် နောက်တစ်ပုဒ်ချင်းစီရောင်းတာမျိုးပဲဖြစ်ဖြစ် လုပ်ချင်ပါတယ်။ ဒါပေမဲ့ အဲ့ဒါတွေကတော့ နောက်ပိုင်းမှ လုပ်ဖြစ်မယ်ထင်ပါတယ်။ ဒီသဝေထိုးခခွေးယပင့် ရိုက်ပေးသင့်တယ်လို့ထင်လို့အားလုံးကိုရိုက်ဖြစ်တာပါ။

-Download Link ဖြစ်တဲ့အတွက် အခွေရဲ့ အရှုံးအမြတ်အပေါ်မှာရော အစ်ကိုဘယ်လိုသဘောထားထားလဲ။

အရှုံးအမြတ်ပိုင်းပြောရရင်တော့ ပရိုဂျူဆာပိုင်းပေါ့။ ဒီအခွေကစီဒီကနေ ဒီဗီဒီထိကို ဘိုဘိုအင်တာတိန်းမန့်ကို လွှဲပေးထားတာပါ။ အမှန်အတိုင်းပြောရရင် ဒီဟာအတွက်ကျွန်တော်ရတဲ့အနုပညာကြေးက ဘာမှမရှိပါဘူး။ ရသမျှအနုပညာကြေးအကုန်ကို အမ်တီဗီအတွက် ကျွန်တော်လုပ်ချင်တဲ့အပိုအလိုတွေထဲကို ထည့်ထားတယ်။ ကျွန်တော်ပိုက်ဆံအကုန်ခံပြီးကိုရိုက်ထားတာပါ။ မြတ်ရင်လဲပရိုဂျူဆာမြတ်ပါလိမ့်မယ်။ ရှုံးရင်လဲပရိုဂျူဆာရှုံးပါလိမ့်မယ်။ ကျွန်တော်ကတော့ အကုန်လုံးကို အကောင်းဆုံးလုပ်ပေးပြီးသွားပါပြီ။

-ထပ်ဖန်တီးဖြစ်နေတဲ့ နောက်တစ်ခွေကရော ဘယ်လိုအနေအထားလောက်ရှိပြီလဲ။

သီချင်းရေးတဲ့အပိုင်းကြီးပဲ ရှစ်ဆယ်ရာခိုင်နှုန်းလောက်ပြီးပါပြီ။ ကျန်တဲ့ နှစ်ဆယ်ရာခိုင်နှုန်းပြည့်အောင်သီချင်းရွေးပြီးသွားရင် တီးတာတွေ၊ အသံသွင်းတာတွေစလုပ်တော့မှာပါ။ အဲ့ဒီအခွေက ဒီကြားထဲမှာပဲရေးနေတယ်။ ပွဲတွေလဲသိပ်မလက်မခံဖြစ်ဘူး။ ပါးနေတာကြောင့်လဲ ပါတယ်။ ဗီဒီယိုရိုက်ကူးမှုကလဲ နားထားတဲ့အတွက် အမ်တီဗီထွက်ဖို့နဲ့နောက်တစ်ခွေအတွက် သီချင်းဖန်တီးမှုနဲ့ပြင်ဆင်မှုတွေပဲလုပ်နေပါတယ်။

-သဝေထိုးခခွေးယပင့်နဲ့မတူတဲ့ ဘယ်လိုပုံစံမျိုးတွေကို လုပ်ထားလဲ။

ပိုပြီးတော့ အသေးစိတ်ဂရုစိုက်ထားတယ်။ အမုန်းဒိုင်ယာရီတုန်းက ရဲရင့်အောင်ထက် ချေထဲမှာပိုပြီး တိုးတက်အောင်လုပ်ထားတယ်။ အခုချေထက်နောက်တစ်ခွေမှာ ပိုပြီးတော့ ပရိသတ်အတွက် အဆင်ပြေအောင်ကြိုးစားထားပါတယ်။

-သီချင်းအမျိုးအစားတွေရောပြောင်းလဲဖြစ်ဦးမလား။

R&B ဆိုတဲ့ပုံစံကိုသွားနေတယ်။ မြူးတယ်ပျော်တယ်ဆိုလဲ အဲ့ဒီပုံစံပါပဲ။ နှေးတယ်ဆိုလဲ အဲ့ဒီမြူးဆစ်ပုံစံထဲကပဲ အေးတယ်။ နှေးတယ်ဆိုတဲ့ပုံစံကိုသွားထားပါတယ်။ ပြီးတော့အရင်တုန်းကလောက်အရမ်းကလေးမဆန်ချင်တော့ဘူး။

-အရှေ့မှာထွက်ခဲ့တဲ့ ဟဲ့ဆိုတဲ့ကားလေးကလဲ ပရိသတ်လက်ခံအားပေးတဲ့ကားလေးတစ်ကားဖြစ်ခဲ့တယ်နော်။

ပရိသတ်တွေကရယ်ရတယ်။ ပျော်ဖို့ကောင်းတယ်။ ပေါ့ပေါ့ပါးပါးရှိတယ်ဆိုပြီးသဘောကျကြတယ်။ အဲ့ဒီလိုတော့ကျွန်တော်ပြန်ကြားပါတယ်။ အမှန်အတိုင်းပြောရရင် အဲ့ဒီထက်တော့ပိုကောင်းသင့်တယ်လို့ကျွန်တော်ထင်ပါတယ်။

-ဗီဒီယိုကသုံးကားထွက်ထားတယ်။ အဲ့ဒီထဲမှာမှ ဟဲ့က ပရိသတ်အားပေးမှုမြင့်ခဲ့တဲ့ကားတစ်ကားလို့ပြောရင်မှန်မလား။

ဟုတ်ပါတယ်။ ဟဲ့မှာ လူပိုစိတ်ဝင်စားပြီးပိုအားပေးတယ်။ ဒါပေမဲ့ တော်တော်များများကလဲ နန်းဆုဦးနဲ့ Waiting For U ကိုကြိုက်ကြတယ်။

-ဟဲ့ဆိုရင်လဲသဉ္ဖာနွယ်ဝင်းနဲ့ရိုက်ထားတာအတွဲညီတယ်ပေါ့။ ဟာသကားလေးလဲဖြစ်တော့ ရိုက်နေတဲ့အချိန်မှာ ဘယ်လိုအမှတ်တရတွေရော ရှိခဲ့လဲ။

ဟာသကားဖြစ်တဲ့အတွက်ရိုက်နေတဲ့အချိန်မှာရယ်နေရတာများတယ်။ ကျွန်တော်ကိုယ်တိုင်ကလဲဟာသကားကိုပိုကြိုက်တဲ့အတွက်ရိုက်ရတာပျော်တယ်။ ရိုက်နေရင်းမှာလဲရယ်ရတဲ့အတွက်တကယ့်ကိုပျော်စရာကောင်းတဲ့ကားလေးပါ။

-သဉ္ဖာနွယ်ဝင်းသရုပ်ဆောင်တဲ့ ဇာတ်ကားတွေကိုရောကြည့်ဖြစ်လား။

အရင်တုန်းကကြည့်ဖြစ်တယ်ဗျ။ အခုနောက်ပိုင်းမကြည့်တော့ဘူး။

-ဘာဖြစ်လို့လဲ။

တီဗီပေါ်မှာ ဇာတ်လမ်းထဲမှာ မြင်နေရတာကို ကျွန်တော်သဘောမကျဘူး။

-ဟိုတလောကပိန်သွားတယ်နော်။ အခုနည်းနည်းပြန်ပြည့်လာသလိုပဲ။

နေမကောင်းလို့ပိန်သွားတာပါ။ အခုမှပြန်ပြည့်လာတာပေါ့။ Gym တောင်ဆော့နေတာ ၂ ရက်လောက်ပဲရှိပါသေးတယ်။ မလိခအိမ်ရာမှာဆော့ပါတယ်။ ဗလတောင့်အောင်ဆော့တာတော့မဟုတ်ပါဘူး။ Gym ဆော့ပြီးရင်လူကပေါ့ပါးသွားတယ်။ စိတ်ဖိစီးမှုတွေမရှိတော့ဘူး။ ကျန်းမာရေးကောင်းတယ်။ အဲ့ဒါကိုသဘောကျလို့ဆော့ဖြစ်တာပါ။

-လက်ရှိအချစ်ရေးက အဆင်ပြေနေတာမျိုးတွေ့ရတယ်။

အချစ်ရေးက ပြောစရာမရှိဘူးဗျ။ ပရိသတ်လဲသိသင့်သလောက်သိထားတဲ့အတွက်လေ အဲ့ဒါကြောင့် အလုပ်ကိုပဲအာရုံစိုက်ပြီးပိုလုပ်ဖြစ်နေပါတယ်။

-ဘယ်သူ့သီချင်းတွေကိုရော အများဆုံးနားထောင်ဖြစ်နေလဲ။

ကျွန်တော်နားထောင်တာက R n B ဆိုတဲ့ သီချင်းပုံစံအကုန်ကျွန်တော်နားထောင်တယ်။ ဒါပေမဲ့ လတ်တလောပေါက်နေတဲ့သီချင်း၊ ဟစ်ဖြစ်နေတဲ့သီချင်း၊ ၁၀၀ထဲဝင်တဲ့သီချင်းတွေဘာတွေ ကျွန်တော်မသိပါဘူး။ အဲ့လိုဟာတွေနားမထောင်ဘူး။ ကိုယ်ကြိုက်တဲ့သီချင်းပဲကိုယ်နားထောင်ပါတယ်။

-ကိုယ်ကြိုက်တဲ့အဆိုတော်တွေရဲ့သီချင်းကို ပြန်ပြီးမှီငြမ်းအသုံးပြုတာမျိုးရောရှိမလား။

အဆိုတော်တွေက အရမ်းများပါတယ်။ ဥပမာ Chris Brown တို့ထရေဆောင်းတို့အရမ်းကြိုက်တယ်။ ကော်ပီတို့ Reference တို့ Reference အရင်ကယူခဲ့ဖူးတယ်။ သီချင်းတစ်ပုဒ်ဖန်တီးမယ်ဆိုရင်သူတို့သီချင်းဖရိန်ကိုယူပြီးဖန်တီးလိုက်တယ်။ ဒါပေမဲ့မတူဘူးဗျ။ အခုကျွန်တော် အဲ့ဒါမျိုးလဲအဖြစ်မခံဘူး။ ကျွန်တော့်ပရိသတ်အပြောခံရတာမျိုးလဲ ကျွန်တော်သဘောမကျဘူး။ ဘာမှလဲမယူတော့ဘူး။ ကျွန်တော့ဟာ ကျွန်တော်ပဲလုပ်တယ်။ သူတို့ရဲ့ယဉ်ကျေးမှု၊ သူတို့ရဲ့နေထိုင်ပုံ၊သူတို့စကားပြောပုံ၊ သူတို့အလုပ်လုပ်ပုံအဲ့ဒါတွေယူတယ်။ ဒါပေမဲ့ သီချင်းကို ဘယ်တော့မှမခိုးပါဘူး။

-အစ်ကို့မေးနည်းနည်းပြင်ထားတယ်လို့လဲကြားတယ်။ အဲ့ဒါဟုတ်လားလို့သိချင်ပါတယ်။

အဲ့ဒီဟာနဲ့ပတ်သက်ပြီးကျွန်တော်အများကြီးတော့ထပ်မပြောချင်ပါဘူး။ ဟိုတလောက ကျွန်တော့်ကိုအင်တာဗျူးသွားတယ်။ အစ်ကိုတစ်ယောက်သူနဲ့ရင်းနှီးနေတော့ ရိုးရိုးသားသားပဲပြောလိုက်တယ်။ ဟုတ်တယ်။ ကျွန်တော့မေးစိက Filler ဆိုတဲ့ဟာ ထိုးထားတာပါ။ တစ်သက်လုံးလဲ မခံပါဘူး။ သူ့တစ်ယောက်တည်းကိုပဲ ကျွန်တော်ဖြေဖူးတာပါ။ ဒါပေမဲ့ မဂ္ဂဇင်းတစ်ခုက ခွဲစိတ်ထားတယ်ဆိုပြီးထည့်ထားတယ်။ ကျွန်တော်လဲမဖြေပါဘူး။ ခွဲစိတ်ထားတာမဟုတ်တဲ့အတွက်ဘယ်တော့မှ ခွဲစိတ်ထားတယ်ဆိုပြီးဖြေမှာ မဟုတ်ပါဘူး။ အဲ့ဒါကို မဂ္ဂဇင်းတစ်ခုမှာအဲ့ဒီလိုထည့်ထားပါတယ်။ ကျွန်တော်မခွဲစိတ်ထားပါဘူး။

-အားပေးနေတဲ့ ပရိသတ်တွေကိုရော အမ်တီဗီအခွေနဲ့ပတ်သက်ပြီး ဘာများပြောချင်လဲ။

ကျွန်တော်တတ်နိုင်သလောက်လုပ်ချင်တာလေးတွေလုပ်ပြထားတယ်။ အဲ့ဒါကိုလဲပရိသတ်အားပေးမယ်လို့ယုံကြည်ပါတယ်။ အားပေးကြပါ။ ခိုးကူးဝယ်တာပဲဖြစ်ဖြစ်၊ link တွေကဒေါင်းပြီးကြည့်တာပဲဖြစ်ဖြစ် ဘယ်လိုပဲဖြစ်ဖြစ် အားပေးရင်ကျေးဇူးတင်ပါတယ်။ ဘယ်လိုပဲဖြစ်ဖြစ်နည်းနည်းလေးတော့စဉ်းစားပေးပေါ့။ ကျွန်တော်တို့မှာလဲရှိပါတယ်။ နိုင်ငံခြားက အဆိုတော်တွေအခွေဝယ်လို့မရဘူး။ ၀ယ်ဖို့မလွယ်ဘူးဆိုရင် သူတို့သီချင်းတွေထွက်တဲ့အခါ ကျွန်တော်တို့လဲဒေါင်းလွတ်ဆွဲတာပါပဲ။ ဒါပေမဲ့ ၀ယ်လို့လွယ်ရင်ကျွန်တော်လဲဝယ်ပါတယ်။ ဘာကြောင့်လဲဆိုတော့ ကိုယ်ကြိုက်တဲ့အနုပညာရှင်အခွေကိုသိမ်းထားချင်တယ်။ အမှတ်တရဖြစ်ချင်တယ်။ အဲ့ဒီလိုစိတ်ရှိရင်တော့ ၀ယ်ပေးပါ၊ အော်ရီဂျင်နယ်ခွေကိုအားပေးပါလို့ပြောချင်ပါတယ်။

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.