တစ်ယောက်တည်းနေတာပဲ ကောင်းတယ်လို့ ဖွင့်ဟလာတဲ့ မိုးအောင်ရင်ရဲ့အချစ်ရေး

13551049_1764653013793609_1431949494_n.png

ဖခင်ဖြစ်တဲ့ အောင်ရင် မြန်မာပြည်ကို ပြန်လည်ရောက်ရှိလာကတည်းက ယခုပြန်သွားသည့်တိုင်အောင် အနုပညာလောကနဲ့ခဏတာ အဆက်ပြတ်နေသလို ဖြစ်နေသူကတော့ မိုးအောင်ရင်ပဲဖြစ်ပါတယ်။ ဗီဒီယိုဈေးကွက်အရကြောင့် ဇာတ်ကားရိုက်ကူးမှုနည်းပါးနေတဲ့ မိုးအောင်ရင်က ရှုတင်မရှိတဲ့အချိန်တွေမှာ ပန်းချီဆွဲခြင်း၊ ကဗျာရေးခြင်းတို့ကို ဦးစားပေးလုပ်ဖြစ်နေတယ်လို့လဲသိရပါတယ်။ လက်ရှိမှာတော့ သူနဲ့လွန်စွာလိုက်ဖက်တဲ့ ဇွတ်ကျားဆိုတဲ့ ရုပ်ရှင်ကားကြီးမှာ အခြောက်ကာရိုက်တာကို ပါဝင်သရုပ်ဆောင်နေတဲ့မိုးအောင်ရင်နဲ့တွေ့ဆုံခိုက်

"အခုရိုက်နေတဲ့ကားကရုပ်ရှင်ကားကြီးပေါ့။ ဇွတ်ကျားတဲ့။ ဒါရိုက်တာက ကိုဇော်( အရုဏ်ဦး ) ညီအစ်ကိုလေးယောက်ထဲကတစ်ယောက်ပေါ့ဗျ။ ညီအစ်ကိုလေးယောက်စလုံးကခြောက်နေတယ်။ ဦးလေးနဲ့အတူတူနေကြတယ်။ ဟာသဇာတ်လေးပါပဲ။ ဇာတ်ကားတွေ ပြန်လည်လက်ခံရိုက်ကူးဖြစ်တာကတော့ ကြားထဲမှာဇာတ်ကားရိုက်ကူးမှုတွေ ကျွန်တော်ပါးသွားတယ်။ သိပ်မရိုက်ဖြစ်ဘူး။ အခုကလပ်ကီးဆဲဗင်းကမို့လို့ကိုယ့်တိုက်လဲဖြစ်တဲ့အတွက်ပြန်ရိုက်ဖြစ်တယ်။ ဟာသကားလဲဖြစ်တယ်။ မြင့်မြတ်တို့လဲပါတယ်။ ကျွန်တော်လဲအဲ့ဒီတော့ဝင်သရုပ်ဆောင်ချင်စိတ်တွေတစ်ဖွားဖွားပေါ်လာတာပေါ့ဗျာ။ ခုလိုဝင်သရုပ်ဆောင်ခွင့်ရတာကိုပဲကျေနပ်လှပါပြီ။ ဒီကားမရိုက်ခင်မှာကျွန်တော်စိတ်တွေလေခဲ့သေးတယ်ခင်ဗျ။ ဘာမှတော့ထွေထွေထူးထူးမရှိဘူး။ ရှုတင်မရှိတဲ့အချိန်တွေမှာ ကဗျာရေးတာတို့ပန်းချီဆွဲတာတို့Video Edit တို့ကို ကိုယ့်ဖုန်းလေးနဲ့ကိုယ်ဆန်းပြီးလုပ်ကြည့်ဖြစ်တယ်။ လေ့လာဖြစ်တယ်"လို့ သူက ပြောပါတယ်။

ဗီဒီယိုကားထက် ရုပ်ရှင်ကားကြီးပိုမိုရိုက်ကူးလာကြတာကိုတော့ "ဗီဒီယိုဆိုတာ အရင်ကတည်းကနိုင်ငံတကာမှာမရှိဘူးပေါ့။ ကျွန်တော့်အမြင်အရတော့ဒီလိုမျိုးပဲဖြစ်သင့်တယ်လို့ထင်တယ်။ ရုပ်ရှင်ကားရှိချင်ရှိ ၊ မရှိရင် ဗီဒီယိုအစား Tvc ဇာတ်လမ်းတွဲတွေပေါ့။ ပြီးရင် တီဗီ Channal လိုင်းတွေအများကြီးပေါ်လာစေချင်တယ်။ အခုကတော့နည်းနေသေးတယ်ပေါ့။ ရုပ်ရှင်ကားကြီးတင်မှရုံမှာသွားကြည့်ကြပေါ့။ အဲ့ဒီတော့မှလဲလူတွေကရုပ်ရှင်ကို ရုပ်ရှင်လိုကြည့်တတ်မှဗျ။ အဲ့ဒီအခါကျမှလဲ ရုပ်ရှင်ကွာလတီကို ကိုယ်တွေကလဲပေးနိုင်မှာပေါ့ဗျာ"တဲ့။

ငြိမ်သက်နေတဲ့ အချစ်ရေးနဲ့အိမ်ထောင်ရေးအပေါ်ကိုတော့ သူက "အချစ်ရေးကတော့ တစ်ယောက်တည်းပါပဲ။ တစ်ယောက်တည်းပဲကောင်းပါတယ်။ တစ်ယောက်တည်းဖြစ်အောင်လဲ မနည်းကြိုးစားပြီးနေနေရပါတယ်။ အိမ်ထောင်ကတော့မပြုဖြစ်သေးပါဘူး။ ကိုယ့်ဟာကိုယ်တောင်တစ်ယောက်တည်း တိုင်ပတ်နေတာဆိုတော့ အိမ်ထောင်ရေးကတော့ အများကြီးလိုပါသေးတယ်။ တကယ်တမ်းဆိုရင် ကျွန်တော့်အရွယ်ကအိမ်ထောင်ပြုဖို့အတွက်စဉ်းစားသင့်တဲ့အသက်အရွယ်ပေါ့။ ဒါပေမဲ့ဗျာ ယောကျာ်းလေးပဲ အသက် ၃၀ကျော်မှ ယူလဲဒါပဲ။ ဒီ့ထက်အသက်ကြီးမှယူလဲဒါပဲဆိုတော့ အခုချိန်မှာတော့ စိတ်ကိုထိန်းထားပါတယ်။ နောက်တစ်ခုက တစ်ယောက်တည်းပဲနေတတ်အောင်ကြိုးစားဖို့လဲကိုယ့်ကိုကိုယ် လိုတယ်လို့မြင်လို့ပါ။ အရင်တုန်းကတော့ သူငယ်ချင်းတွေ တရုန်းရုန်းနဲ့နေခဲ့တဲ့အခါ သူငယ်ချင်းမရှိတဲ့အခါကျတော့ တစ်ယောက်တည်းအထီးကျန်တယ်။ စိတ်ဓာတ်ကျတယ်။ မိသားစုကိုလွမ်းတယ်။ အဲ့ဒီလိုအခါကျတော့ အဆင်မပြေဘူးဗျ။ အဲ့ဒါရဲ့ အဓိကအဖြေက သူငယ်ချင်းတွေနဲ့တစ်ရုန်းရုန်းနေခြင်းကြောင့်ဆိုတော့ အခုချိန်မှာကျွန်တော်တစ်ယောက်တည်းနေနိုင်အောင်ကြိုးစားနေတယ်။ အောင်မြင်တယ်လို့တော့မပြောသေးပါဘူး။"လို့ သူက ဆိုပါတယ်။

ဆံပင်ပုံစံပြောင်းထားဖြစ်တာနဲ့ သူ့စိတ်နေစိတ်ထားတွေ ပြောင်းလဲတာကို  "စိတ်လေသွားတဲ့ခဏလေးမှာ ဆံပင်လဲမညှပ်ဖြစ်ရှည်သွားရင်းနဲ့မှ ဆံပင်ရှည်ဖြစ်သွားတာပေါ့။ ကျွန်တော်ဆံပင်ရှည်ထားချင်ခဲ့တာလဲကြာခဲ့ပြီ။ ကျွန်တော်အသက် ၁၆ ထဲကထားချင်ခဲ့တာ အဲ့ဒီတုန်းက အသက် ၂၀ ၊ ၃၀ ဘဲတွေကဆံပင်အရှည်ကြီးတွေနဲ့ဆိုတော့ အရှည်ထားချင်ခဲ့တယ်။ ရှည်လာလိုက် ဘုန်းကြီးဝတ်လို့ကတုံးဖြစ်လိုက်နဲ့အခုမှပဲဆံပင်အရှည်ထားဖြစ်သွားတယ်ပေါ့။ ခုဆို ကိုယ့်ဘ၀ရဲ့တစ်စိတ်တစ်ဒေသပြောင်းလဲမှုများအပေါ် ကိုယ့်အမှားကို ၀န်ခံတတ်လာတယ်။ မဟုတ်ဘူးဆိုတဲ့စကားကိုစမပြောတော့ဘူး။ အတင်းမငြင်းတော့ဘူး။ ဒါပေမဲ့ဇွတ်တရွတ်ဆန်တာ၊ သူများစကားနားမထောင်တတ်တာ၊ ခေါင်းအရမ်းမာတာ အဲ့ဒီအကျင့်လေးတွေတော့ပြင်နေပါတယ်။ လျော့သင့်တာလဲလျော့တယ်။ တချို့ဟာတွေကျတော့လဲ အခုထိမလျော့သေးဘူးပေါ့။ အားပေးနေတဲ့ပရိသတ်ကြီးအားလုံးကိုလဲကျေးဇူးတင်ပါတယ်။ ဆက်လက်ပြီးလဲကြိုးစားသွားပါဦးမယ်။ အောင်မြင်ခြင်း၊ မအောင်မြင်ခြင်းထက်မကြိုးစားတာကပိုဆိုးတယ်ပေါ့။ အဲ့ဒီအတွက်ကြောင့်မို့ကျွန်တော်ကြိုးစားနေတယ်"လို့ အပွင့်လင်းဆုံး ပြောပြပေးသွားပါတယ်။ 

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.