ရုပ်ရှင်ရုံနည်းပါးခြင်းကြောင့် တန်းစီစနစ်ဖြစ်သွားရတာပါလို့ပြောပြလာတဲ့အကယ်ဒမီနေတိုး

nay_toe.png

လက်ရှိမှာ ပြုံးရွှင်ရေ ပျော်ရဲ့လား လက်ကျန်ဇာတ်ဝင်ခန်းများအတွက် ကတုံးအစစ်နဲ့ရိုက်ကူးဖို့ရာ ဆံပင်တွေကို ရင်းနှီးလိုက်သူကတော့ သရုပ်ဆောင်နေတိုးပါ။ ၆ လပိုင်းထဲမှာကြောက်ကြောက်ကြောက် ရုပ်ရှင်ကားကြီးကို စရိုက်ဖို့တည်ထားပေမဲ့ ရိုက်ကူးမှုနေရာအခက်အခဲကြောင့် သြဂုတ်လကိုရွှေ့ထားရသလို ကြားထဲမှာကြော်ငြာလေးတွေလက်ခံရိုက်ကူးဖို့ရှိကြောင်းပြောပြလာတဲ့ နေတိုးရဲ့ အနုပညာလောကအပေါ်အမြင်များနဲ့လက်ရှိသူ့ရဲ့ အနုပညာရေးရာအကြောင်းများကို ပြောဆိုပေးမြန်းဖြစ်တဲ့အခါ

-အခုလက်ရှိ အနုပညာလှုပ်ရှားမှုလေးကိုလဲသိချင်ပါတယ်။

မာယာရွှေရည်ဆိုတဲ့ကားလေးရိုက်ထားတယ်။ ဒါရိုက်တာက ကိုသားညီ၊ ကျွန်တော်ပါမယ်။ မင်းသွေးပါမယ်။ ဖူးစုံပါမယ်။ ပိုင်ဖြိုးသုပါမယ်။ ဒီထဲမှာကာရိုက်တာက စီးပွားရေးလုပ်ငန်းရှင်၊ အိမ်ထောင်မရှိသေးတဲ့ လူပျိုလူလွတ်ပေါ့။ ညီအစ်ကိုနှစ်ယောက် တိုင်ပင်ဖော်တိုင်ပင်ဖက်ဖြစ်တယ်။ အရမ်းလဲချစ်ကြတယ်။ အဲ့ဒီလိုကာရိုက်တာမျိုးနဲ့သရုပ်ဆောင်ရတာပေါ့။ နောက်ပြီး ပြုံးရွှင်ရေ ပျော်ရဲ့လားလက်ကျန်အခန်းအတွက် ကတုံးတုံးလိုက်ရတယ်ပေါ့။ ကတုံးအစစ်နဲ့ရိုက်ဖြစ်ခဲ့တယ်ပေါ့။

-ဒါပြီးရင် လက်ခံထားတာက ဘာတွေရှိဦးမလဲ။

ဒါပြီးရင် အစက ပြင်ဦးလွင်မှာ ကြောက်ကြောက်ကြောက် ကားသွားရိုက်မို့ပေါ့။ ဒါပေမဲ့ နေရာအခက်အခဲကြောင့် ၈လပိုင်းမှရိုက်ဖို့ရွှေ့ထားပါတယ်။ နောက်ကြော်ငာလေးတွေလက်ခံထားတာရှိတယ်။

-ကြောက်ကြောက်ကြောက်ကားမှာလဲ သရုပ်ဆောင်တွေအများကြီးပါတယ်ဆိုတော့ အစ်ကိုဘယ်လိုကြောင့်လက်ခံဖြစ်သွားတာလဲ။

ဇာတ်လမ်းက ရာဇ၀င်ကို ၊ နောက်ဒါရိုက်တာ သြရသဆီကနေ ကျွန်တော့ဆီရောက်လာတယ်။ အစကတော့ ဒီကားလေးရဲ့ရည်ရွယ်ချက်လေးကောင်းတာလေးကိုသူပြောပြတယ်။ မင်းသားမင်းသမီး စုံတွဲလေးတွေလဲ ပါမယ်။ ကားကြီးအနေနဲ့သူတည်ဆောက်ချင်တယ်ပေါ့။ အဲ့ဒါနဲ့ဇာတ်ကို ကျွန်တော်ဖတ်ကြည့်တယ်။ အဲ့ဒီမှာဇာတ်ရဲ့ အဓိက တင်ပြမှုကို ကျွန်တော်အရမ်းကြိုက်တယ်။ အဲ့ဒါကဘာလဲဆိုတော့ လောကကြီးမှာ တန်ဆေးလွန်ဘေးအရာရာက တော်ရုံတန်ရုံဖြစ်သင့်ရုံလေးပေါ့။ စနောက်တာပဲဖြစ်ဖြစ် အကြောက်တရားတွေ လွန်ကဲတာပဲဖြစ်ဖြစ် အစားအသောက်လွန်ကဲတာပဲဖြစ်ဖြစ်  အလွန်အကျွံလုပ်တဲ့သူတွေ မကောင်းဘူးပေါ့။ အိုဗာဖြစ်သွားလို့ရှိရင်ကောင်းတဲ့အရာဟာဆိုးတဲ့ဖက်ကို ရောက်သွားတတ်တယ် မကောင်းဘူးဆိုတာကို ပြထားတာပါ။ အဲ့ဒီလိုပဲ အရမ်းအကြောက်လွန်တဲ့အခါမှာလဲ သူ့ဘ၀မှာအကြိမ်ကြိမ် သေဆုံးတယ်ပေါ့။ လူမသေခင်သူ့ဘ၀ရဲ့အောင်မြင်မှုတက်လမ်းအဲ့ဒီလိုမျိုးတွေအကြိမ်ကြိမ်သေဆုံးတတ်တယ်ပေါ့။ သတ္တိရှိတဲ့သူ၊သူရဲကောင်းဆန်ဆန်ပြုမူတဲ့သူက လူသေရင်သေသွားမယ်။ နာမည်က ဘယ်တော့မှမသေဘူးပေါ့။ ဒါတွေကပရိသတ်လဲတွေးကြည့်ရင်သိမယ်။ လူသေသွားပေမဲ့ နာမည်မသေပဲ ကျန်ခဲ့တဲ့သူတွေဟာလူတွေအများကြီးရဲ့သူရဲကောင်းပေါ့။ ဥပမာ ဂီတနဲ့ပတ်သက်တဲ့ သူရဲကောင်း၊ နိုင်ငံနဲ့ပတ်သက်တဲ့ သူရဲကောင်းတွေရှိမယ်။ တန်ဖိုးရှိတဲ့သူတစ်ယောက်ဆိုတာ လူတွေကိုသူဘယ်လောက်ထိပေးဆပ်နိုင်လဲဆိုတဲ့ အပေါ်မှာမူတည်တယ်။ ရည်ရွယ်ချက်က အဲ့ဒီလိုပေ့ါ။ လူတစ်ယောက်ရဲ့တန်ဖိုးကိုလဲ အဲ့ဒီကားထဲမှာပြထားတယ်။ နောက်အလွန်အကျွံကြောက်တတ်ခြင်းဟာလဲ ဘ၀မှာအကြိမ်ကြိမ်သေတတ်တယ်ဆိုတဲ့ မက်ဆေ့ကိုပေးတယ်။ ရယ်စရာကားတစ်ကား၊ ကြောက်စရာကားတစ်ကား အဲ့ဒီဟာကိုပြနေရင်းနဲ့မှ ဒီအတွေးတွေ၊ ဒီအသိတွေကို ပရိသတ်ကိုပြန်ပြီးမက်ဆေ့ပေးထားတဲ့ကားတစ်ကားပေါ့။ ဒီမက်ဆေ့ကိုဒဲ့ကြီးမပေးဘူး။ မပြောသွားဘူး။ ဒါပေမဲ့ကြည့်တဲပရိသတ်ကိုသိအောင်ပြသွားမယ်။ အဲ့ဒီဟာကိုလဲကျွန်တော်ကြိုက်တယ်။ နောက်ပိုင်းရိုက်တဲ့ဇာတ်ကားတွေမှာရသပိုင်းဆိုင်ရာနဲ့ပတ်သက်ပြီးတော့ ပရိသတ်လိုချင်တဲ့ပုံစံကို အများဆုံး ၆၀နဲ့၈၀ကြားမှာစဉ်းစားတယ်။ လူသစ်လေးယောက်ထည့်ထားတာကလဲ သူတို့နဲ့မှအဆင်ပြေမှာမို့လို့ပါ။ ဥပမာအဆိုတော်ပိုပိုတို့လဲပါတယ်။ ကျွန်တော်နဲ့မရိုက်ဖူးသေးတဲ့သရုပ်ဆောင်တွေလဲပါတဲ့အတွက်ကားကောင်းတစ်ကားဖြစ်မှာပါ။ ကျွန်တော်တို့ပေးချင်တဲ့မက်ဆေ့က ညတစ်ညထဲမှာဖြစ်တဲ့အကြောင်းအရာကိုပေးချင်တာ ဒါပေမဲ့ဘ၀တွေကိုပြတဲ့အခါကျတော့ အချိန်တွေတစ်ချိန်ထဲဖြစ်တယ်ဆိုတာပြထားပါတယ်။

-မိုးစက်ဝိုင်၊ ရွှေထူး တို့နဲ့ရိုက်မဲ့ကားကြီးအကြောင်းလဲသိချင်ပါတယ်။

သူကရိုမန့်စ် ဒရာမာလေးပေ့ါ။ ဇာတ်လမ်းကကျတော့ သိပ်အဆန်းကြီးတော့ မဟုတ်ဘူး။ ဒါပေမဲ့လဲ ပရိသတ်အတွက်ပေးချင်တဲ့ မက်ဆေ့နဲ့သရုပ်ဆောင်မှုပုံစံလေးတွေကလဲ နည်းနည်းလေးအားထည့်ပြီး လုပ်ရမှာမျိုးတွေပါတယ်။ ဘ၀ဆန်ဆန်လုပ်ရမဲ့ဟာမျိုးလေးတွေပါတယ်။ လူငယ်တွေနဲ့အကြီးတွေရဲ့ကြား ဆင်းရဲမှုတွေချမ်းသာမှုတွေနဲ့ကြားထဲမှာမှဖြစ်ပျက်တဲ့အဖြစ်အပျက်တွေကို အခြေခံထားတာပေါ့။ ပရိသတ်အတွက်လဲ အကျိုးရှိစေမယ်။ တကယ်ဇာတ်လမ်းကောင်းကောင်းကိုမျှော်လင့်နေတဲ့ပရိသတ်တွေအတွက်လဲ မျှော်လင့်ရကျိုးနပ်တဲ့ကားတစ်ကားဖြစ်မှာပါ။ ဒါကြောင့်ဒီကားလေးကို လက်ခံဖြစ်ခဲ့တာပါ။

-လက်ရှိမှာ အန်ကယ်လေးကလဲ နှုတ်ထွက်စာတင်ထားတဲ့အတွက် လက်ရှိအစည်းအရုံးအပေါ် အစ်ကို့အမြင်လေးကိုလဲသိချင်ပါတယ်။

အဓိကကတော့ လက်ရှိအခြေအနေတစ်ခုမှာသူက ဥက္ကဌ နေရာကနေ လုပ်ကိုင်နေတယ်ပေါ့နော်။ တကယ်တမ်းသူအချိန်ပြည့်မနေနိုင်ဘူး။ မနေနိုင်ဘူးဆိုတာကလဲ အနုပညာအရ သူဟာကားတွေလဲ ရိုက်နေရတယ်။ အစည်းအရုံးရဲ့အလုပ်တာဝန်တွေအပေါ်မှာသူ့အနေနဲ့အားနည်းသွားမှာစိုးလို့သူဒီလိုမျိုးဆုံးဖြတ်တယ်လို့တော့မြင်ပါတယ်။ အဲ့ဒီလိုကြည့်ချင်းအားဖြင့် သူ့ဖက်က မှန်တယ်လို့လဲကျွန်တော်ယူဆတယ်။ နောက်တစ်ခုကကျတော့ လက်ရှိအခြေအနေတစ်ခုမှာ ဒီနေရာမှာ ၀င်ပြီးတော့အလုပ်လုပ်မဲ့ သူတွေကို ကျွန်တော့်အနေနဲ့ ဘယ်လိုလူမျိုးကို ဖြစ်စေချင်လဲဆိုတာကို မမြင်မိဘူးဖြစ်နေတယ်။ မမြင်ဘူးဆိုတာ လက်ရှိအခြေအနေ တစ်ခုထက်ကို ပိုပြီးတော့ဒီနေရာမှာလုပ်ကိုင်ပေးမဲ့ လူတစ်ယောက်ကို စဉ်းစားလို့မရဘူး။ အဲ့ဒါကြောင့် နာယကကြီးတွေကလဲ လောလောဆယ်မှာ မထွက်ဖို့ကို လဲ ဥက္ကဌ နေရာကိုလောကသားတွေက မဆုံးဖြတ်ခင်မှာ ပြောင်းလဲမှုမလုပ်စေချင်တဲ့သဘောလို့မြင်ပါတယ်။ အခုဖြစ်နေတဲ့ ပုံစံတွေကတော့ သဘာဝကျတဲ့အနေအထားတစ်ခုလို့မြင်ပါတယ်။

-အင်းလေးမှာရိုက်မဲ့ကားကရော ဘယ်လိုဖြစ်သွားလဲ။

အင်းလေးမှာက ရေမရှိလို့ကျွန်တော်တို့မရိုက်ဖြစ်သေးဘူးဆိုတာ့ အခုဆယ်လပိုင်းမှာတော့ ပြန်ရိုက်ဖို့စီစဉ်ထားပါတယ်။

-နောက်စာရေးဆရာမ လွန်းထားထားရဲ့ ရွှေလိုလူ ၀တ္ထုကိုလဲ အစ်ကိုဝယ်ထားတယ်လို့သိရတယ်။ အဲ့ဒီအကြောင်းလေးကိုလဲပြောပြပေးပါဦး။ အဲ့ဒီကားအတွက်ရော ပြင်ဆင်မှုလုပ်နေပြီလား။

အဓိက ရွှေလိုလူက လက်ရှိခေတ်ရဲ့ Life တစ်ခုမှာအခြေခံပြီးတော့မှ ကျွန်တော်တို့ပရိသတ်ကို တင်ပြထားတာပေ့ါ။ အရှင်းဆုံးပြောရရင်တော့ ကျွန်တော်တို့ငယ်ငယ်တုန်းကကြည့်ချင်ခဲ့တဲ့ ဇာတ်ကားအမျိုးအစားထဲမှာပါတယ်။ သူကအဖေရယ်၊ သားရယ်၊ လူတစ်ယောက်မှာရှိသင့်တဲ့ စိတ်နေသဘောထားရယ်၊ လူတစ်ယောက်ရဲ့ခက်ခဲမှုတွေ ဘ၀ရဲ့ အချိုးအကွေ့တွေကိုတင်ပြတဲ့အခါမှာ ဒီလိုကားမျိုးက ရုပ်ရှင်အနေနဲ့တင်ပြလို့ကောင်းတယ်။ ဒီလိုဇာတ်ကားမျိုးက အခုလို ဒီဂျစ်တယ်နဲ့ရိုက်တဲ့ခေတ်မှာ ရိုက်ကူးမယ်ဆိုရင် ဖလင်နဲ့ရိုက်တဲ့ခေတ်ထက် ရိုက်ကူးမှုကိုပိုပြီးမြှင့်တင်နိုင်လို့ရှိရင် ဒီဇာတ်လမ်းမျိုးတွေက ပရိသတ်ရင်ထဲကို ထိရောက်မှုပိုများစေတဲ့ ဇာတ်လမ်းမျိုးဆိုတော့ ဘ၀ထဲမှာရှိတဲ့အကြောင်းအရာတွေကိုပဲ ကျွန်တော်တို့ကပိုပြီးထိထိရောက်ရောက် ကျွန်တော်တို့ရိုက်ကူးမှုကိုတင်ပြနိုင်တယ်ဆိုရင် ပရိသတ်အတွက်ထိရောက်နိုင်တယ်လို့တွေးမိပြီးဒီဇာတ်လေးကိုကြိုက်ပြီး ကျွန်တော်ဆရာမဆီကယူဖြစ်ထားတာပါ။

-တန်းစီစနစ်နဲ့ရုံပြိုင်စနစ်အပေါ် အစ်ကို့အမြင်လေးကိုလဲသိချင်ပါတယ်။ အခုဆို တန်းစီစနစ်ပြန်ဖြစ်သွားပြီဆိုတော့လေ။

တန်းစီစနစ်ကတော့ အရှင်းဆုံးပြောရရင် အရမ်းကြီးကြိုက်တဲ့အထဲမှာမပါဘူး။ ဒါပေမဲ့လောလောဆယ်မှာ ရုံပြိုင်စနစ်နဲ့ပြတဲ့အခါကျတော့ ပရိုဂျူဆာပိုင်းအရ ကျွန်တော်တို့ရုံခွဲပြီးယူရတဲ့အခါကျတော့ ငွေရေးကြေးရေးအရ အဆင်မပြေမှုတွေရှိတယ်။ အောင်မြင်တဲ့ ကားတစ်ကားဖြစ်တယ်ဆိုရင်တောင် ငါးပတ်ခြောက်ပတ်လောက်နေမှသူတို့ကအရင်းနီးပါးလောက်ပဲရတဲ့အခါကျတော့ ကျွန်တော်တို့ရုံမပြိုင်ပဲနဲ့တန်းစီစနစ်မှာဆိုရင် ၃ပတ်လောက်နဲ့အမြတ်ရနေတဲ့အခါကျတော့ ရုံပြိုင်လိုက်လို့ဇာတ်ကားတစ်ကားက ၆ပတ်လုံးလုံးရုံမှာ ရှိနေတာနဲ့ရုံမပြိုင်ပဲ တစ်ကားပြီးတော့တစ်ကားသုံးပတ်သုံးပတ်စီနဲ့စုစုပေါင်းခြောက်ပတ်ဆိုရင်အချိန်ကခြောက်ပတ်ပဲ အမြတ်အစွန်းက ပိုရတယ်ဆိုတော့ အရှင်းဆုံးတွက်ကြည့်ရင် အချိန်အားဖြင့်တူတူပဲ အမြတ်အားဖြင့်မတူတဲ့အတွက် တန်းစီစနစ်ကပိုကောင်းတယ်ဆိုပြီး သူတို့ပြန်တွေးတာပါ။ အဓိကသူတို့ဖြစ်နေတာက ရုံပြိုင်နဲ့တန်းစီစနစ်ကြောင့်မဟုတ်ဘူး။ ရုံနည်းနေလို့ရုံမရှိလို့အဲ့ဒီအခါကျတော့ ဥပမာဆိုင်တစ်ဆိုင်မှာ ကိုယ်လိုချင်တဲ့ပစ္စည်းတစ်ခုကို သွားဝယ်ရင်တန်းစီနေရင် မကျန်မှာကြောက်တယ်။ သူ့ထက်ငါ အလုအယက်တွေဖြစ်ကြတယ်။ အကုန်လုံးအနှောင့်အယှက်တွေဖြစ်ကြတယ်။ အဲ့ဒါကြောင့်ဒီပစ္စည်းတစ်ခုကိုတစ်မျိုးလုံးမှာရှိတဲ့ဆိုင်တွေမှာ ရှိတယ်ဆိုရင်တော့ အေးရာအေးကြောင်းပဲပေါ့။ ပရိသတ်တွေလဲနီးစပ်ရာနီးစပ်ရာမှာကြည့်လို့ရသွားမယ်။ အဓိကကတော့ ရုံအခက်အခဲကြောင့်ပါ။ အကုန်လုံးရဲ့အဖြေသည် တန်းစီစနစ်ရယ်၊ ရုံပြိုင်စနစ်ရယ်ကြောင့်မဟုတ်ဘူး။ အရင်တုန်းက ရှိခဲ့တဲ့ရုံတွေအကုန်လုံးက ရှေ့ရေးကိုမတွေးပဲနဲ့အပျက်အစီး နောက်ပြီးတော့ ရုံတွေကိုပိတ်ပြီး တခြားစီးပွားရေးလုပ်နေတာတွေ၊ တချို့နယ်တွေမှာဂိုထောင်တွေဖြစ်နေတာတွေ အဓိကကတော့ ဥပဒေတွေကို မလေးစားပဲလုပ်ခဲ့တဲ့အတွက်ကြောင့်မို့လို့အရင်တုန်းကဆိုရင် ရုပ်ရှင်ရဲ့ဥပဒေရှိတယ်။ ရုပ်ရှင်ရဲ့ဥပဒေတွေကိုနည်းနည်းလေးချိုးဖောက်ခဲ့တဲ့လူတွေရှိလို့ပေါ့ ။ ဒီဟာလေးတွေကတော့ပြီးခဲ့တဲ့ကိစ္စပါလေ။ ဒါပေမဲ့ကျွန်တော်တို့ရှေ့ဆက်ပြီး ခေတ်အခြေအနေနဲ့အချိန်အခါအရ ကျွန်တော်တို့အနုပညာရှင်တွေက ဇာတ်ကားတွေကိုအရင်ကထက်ပိုပြီးထုတ်လုပ်ခွင့်ရလာကြတယ်။ ရိုက်ကူးမှုတွေအရင်ကထက်ပိုမြန်ဆန်လာတယ်။ အဲ့ဒါကခေတ်ရဲ့တိုးတက်မှုကြောင့်လဲပါတယ်။ ဥပမာရိုက်တာကတော့သေချာရိုက်ကြတယ်။ ဒါပေမဲ့ပြရမဲ့ရုံကမရှိဘူး။ ကျွန်တော်တို့နိုင်ငံရဲ့ဖွံ့ဖြိုးတိုးတက်မှုနဲ့လက်ရှိလူတွေရဲ့ဖြတ်သန်းနေတဲ့ဘ၀မှာကျွန်တော်တို့ရိုက်ကူးမှုတွေနဲ့အံဝင်ခွင်ကျမဖြစ်ဘူး။ အရှင်းဆုံးပြောရရင် ကျွန်တော်တို့သိထားတာ လုပ်ထားတာတွေကိုချပြခွင့်နည်းနည်းလေးအားနည်းတယ်။ ဒီအပိုင်းလေးတွေကိုနည်းနည်းလေးဦးစားပေးပြီးလုပ်ဖို့လိုအပ်ပါတယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.