မိသားစုနဲ့ အနုပညာကို မျှခြေဖြစ်အောင်ကြိုးစားနေတဲ့အတွက် ပရိသတ်ကို နားလည်ပေးပါလို့ တောင်းဆိုလာတဲ့ အိန္ဒြာကျော်ဇင်

13454017_1758223527769891_934992053_n.jpg

ချစ်စရာကောင်းတဲ့ ရင်သွေးနှစ်ယောက်နဲ့သာယာပျော်ရွှင်တဲ့ မိသားစုဘ၀ကို တည်ဆောက်ထားသူကတော့ ပရိသတ်တွေရဲ့အချစ်တော် အိန္ဒြာကျော်ဇင် ခေါ် အူဝဲပဲဖြစ်ပါတယ်။ သူမဟာ အခုဆိုရင် ပရိသတ်အတွက် ရုပ်ရှင်ကားများပြန်လည်ရိုက်ကူးနေပြီဖြစ်သလို မိသားစုနဲ့အနုပညာကို မျှခြေဖြစ်အောင်ကြိုးစားနေရတဲ့အတွက်နားလည်ပေးပါလို့ပြောလာတဲ့ အူဝဲရဲ့ မိသားစုအကြောင်းများနဲ့ အနုပညာရေးရာများကိုမေးမြန်းဖြစ်တဲ့အခါ

-အခုလက်ရှိ အနုပညာလှုပ်ရှားမှုလေးကို အရင်ပြောပြပေးပါဦး။

တနေ့ကမှ ကယားပြည်နယ် လွိုင်ကော်ကပြန်ရောက်တယ်။ ကြတ်ဂူဆိုတဲ့ ရုပ်ရှင်ဇာတ်ကားကြီးသွားရိုက်တာပေါ့။

-ကြတ်ဂူမှာရိုက်တဲ့အခန်းတွေမှာရော အူဝဲပါလား။

အူဝဲက ကြတ်ဂူဆင်းန်မှာ မပါဘူး။ တခြားဆင်းန်တွေမှာပဲ ရိုက်ရတယ်။ ရွာထဲတို့၊ ကန်ခုနှစ်ဆင့်တို့၊ နောက်ပြီးတော့ တောင်အမြင့်ကြီးပေါ်တွေမှာ တက်ရိုက်ရတယ်။ ကြတ်ဂူမှာက အူဝဲတစ်ခန်းမှ မပါဘူး။ အဲ့ဒါကြောင့်အူဝဲ ကြတ်ဂူကိုတော့ မရောက်ခဲ့ဘူး။ သူတို့ပြန်ပြောတာကတော့ တချို့ကယမ်းတွေ၊ သေနတ်တွေ ထည့်ထားတယ်ဆိုတာ မဟုတ်ပါဘူး။ တကယ့်ကြတ်ဂူအစစ်မှာ ရိုက်ထားတာပါ။ အရင်ကကျွန်းအခေါင်းကြီးတွေလဲရှိတယ်ပြောတယ်။

-အူဝဲရဲ့ ကာရိုက်တာကရော ဘယ်လိုပုံစံမျိုးများဖြစ်မလဲ။

အူဝဲက ကယားအမျိုးသမီးပေါ့။ မြင့်မြတ် သဘောကျတဲ့ ရွာသူကယားမလေးနေရာက သရုပ်ဆောင်ရတာပါ။ မြင့်မြတ်က အမေစကားနားမထောင်ဘူး။ အဖေကဆုံးသွားပြီ။ အဖေလိုပဲ မုဆိုးလုပ်တယ်။ ကိုယ်ကမုဆိုးအလုပ်ကို မလုပ်စေချင်ဘူး။ ကိုယ်က သူ့ကိုအရမ်းမုန်းတယ်။ နောက်ပိုင်းကျတော့ အဖေကပြိတ္တာဘ၀ကိုရောက်သွားပြီးတော့မှ ကိုယ့်စကားတစ်ခွန်းကိုပဲ သူကနားထောင်တယ်ဆိုတော့ ကိုယ့်ဆီကိုဝင်ပူးပြီးတော့အဖေကနေပြောတဲ့ ပုံစံမျိုးသူ့ရဲ့သားကိုပြောခိုင်းတာပေါ့။ နောက်ဆုံးမှာ သူမုဆိုးအလုပ်ကိုစွန့်လွှတ်သွားတယ်။

-အဲ့ဒီလိုကာရိုက်တာမျိုးကိုသရုပ်ဆောင်ခဲ့ရတယ်ဆိုတော့ အူဝဲအနေနဲ့ အပြင်လောကမှာရော ပရလောကကိုအယုံအကြည်ရှိလား။

ဒါကတော့သူ့နေရာနဲ့သူရှိကြမှာပဲ။ မရှိဘူးလို့ပြောလို့မရဘူး။ သူ့နေရာနဲ့သူ ၊ သူ့လောကနဲ့သူရှိကြတာမှာပဲလို့ထင်ပါတယ်။

-အခုလက်ရှိမှာ ကားရိုက်တွေပြန်ရိုက်ဖြစ်နေတယ်။ ကိုယ်နဲ့တန်းတူမင်းသမီးတွေအမေခန်းတွေရိုက်နေရပြီ။ အူဝဲကတော့ ခုချိန်ထိ မင်းသမီးတစ်ယောက်ရဲ့ပုံစံလေးကိုထိန်းထားနိုင်တုန်းပဲဆိုတော့ အဲ့ဒီအပိုင်းလေးနဲ့ပတ်သက်ပြီးတော့လဲသိချင်ပါတယ်။

အဲ့ဒါကတော့ ဇာတ်ဝင်ခန်းမှာသူ့ကာရိုက်တာအလိုက် လိုအပ်ရင်လိုအပ်သလိုရိုက်ရမှာပေါ့နော်။ အူဝဲကိုအမေခန်းကမ်းလှမ်းလာမယ်ဆိုရင်လဲ ကိုယ့်ရဲ့လုပ်ကွက်နဲ့ကမ်းလှမ်းလာတဲ့ပေါ်မူတည်ပြီး လက်ခံရမှာပါ။

-အခုနောက်ပိုင်းမှာရော ဇာတ်တစ်ဇာတ်လာပေးရင် ဘယ်ဟာကိုအဓိကထားပြီးလက်ခံဖြစ်လဲ။

အဓိကကတော့ အားလုံးအဆင်ပြေမဲ့ဟာမျိုးပေါ့။ ကိုယ်ကလဲ ကိုယ်လုပ်ချင်တဲ့ ကာရိုက်တာလေးလဲဖြစ်မယ်။ နောက်တစ်ခါဇာတ်အနေနဲ့လဲ ကိုယ့်အကြိုက်ဖြစ်သလို ပရိသတ်အကြိုက်လဲဖြစ်ရမယ်။ အကုန်လုံးအစစအရာရာအဆင်ပြေတယ်ဆိုရင်တော့ ရိုက်ဖြစ်မှာပါ။

-အခုဆိုရင်ကားကြီးတွေအနေနဲ့က တန်းစီစနစ်တွေပြန်ဖြစ်သွားပြီ။ ဒါနဲ့ပတ်သက်ပြီး အူဝဲတို့အနေနဲ့ဘယ်လိုမြင်မိလဲ။

အခုလက်ရှိသုံးနေတဲ့ စနစ်က ပိုကြာသွားတယ်။ ကားတွေအများကြီး ထိုင်နေတာပေါ့။ အူဝဲတို့ကတော့ ရုံပြိုင်စနစ်ကို ပိုသဘောကျတယ်။ ပိုလဲဖြစ်သင့်တယ်။ ရုံပြိုင်တင်တဲ့အခါမှာ ကားတွေကလဲ သူ့ထက်ငါအပြိုင်တင်ရမှာဖြစ်တဲ့အတွက်ကြောင့် ကောင်းအောင်ပိုကြိုးစားကြမယ်။ အပြိုင်အဆိုင်ပိုကြိုးစားကြမယ်။ ကားတွေလဲ ပိုကောင်းလာမယ်လို့ထင်ပါတယ်။

-အခုဆိုရင် သာယာပျော်ရွှင်စရာကောင်းတဲ့ မိသားစုလေးကိုလဲပိုင်ဆိုင်ထားပြီ။ သားသားလေးတွေ၊ မီးမီးလေးတွေကိုလဲပိုင်ဆိုင်ထားပြီဆိုတာ့ မိခင်တစ်ယောက်အနေနဲ့ ဇာတ်လာပေးတဲ့အခါ ရင့်ကျက်တဲ့ဇာတ်မျိုးကိုပိုပြီးဦးစားပေးဖြစ်လား။ ကာရိုက်တာပေါ်ထားရှိတဲ့စိတ်ခံစားချက်ပြောင်းလဲသွားတာမျိုးတွေဖြစ်လား။

ကိုယ်နဲ့လိုက်ဖက်မဲ့ဇာတ်၊ ကိုယ်နဲ့လိုက်ဖက်မဲ့ကာရိုက်တာမျိုးဆိုရင်တော့ရိုက်တယ်။ အရင်တုန်းကလိုကိုယ်ကလဲငယ်တော့တဲ့အရွယ်လဲမဟုတ်တော့တဲ့အတွက်ကိုယ့်အသက်အရွယ်နဲ့လိုက်ဖက်မဲ့ဇာတ်မျိုးကာရိုက်တာမျိုးကိုပဲရိုက်ဖြစ်ပါတော့တယ်။

-အနုပညာအလုပ်တွေလဲပြန်လုပ်နေတဲ့အခါ မအားလပ်တဲ့ကြားကနေ သားသားနဲ့မီးမီးကိုရော ဘယ်လိုအချိန်ပေးဖြစ်လဲ။

ကလေးတွေကတော့ အမှန်ဆိုရင်တော့ ကလေးလေးတွေက ငယ်သေးတယ်။ သူတို့နားမှာနေပြီး ဂရုစိုက်ပေးရမဲ့ အရွယ်ပေါ့။ ဒါပေမဲ့ အူဝဲတို့ဘ၀ကအနုပညာသည်ဖြစ်နေတဲ့အခါကျတော့ ကိုယ့်ကိုချစ်တဲ့ ပရိသတ်တွေကိုယ့်ကိုအားပေးတဲ့ ပရိသတ်တွေရှိနေတဲ့အတွက် ဒီပရိသတ်တွေကိုလဲ လုံးဝပစ်ထားလို့မရဘူး။ လှည့်မကြည့်ပဲလဲနေလို့မရပြန်ဘူး။ အဲ့ဒါကြောင့် ကိုယ့်ရဲ့မိသားစုဘ၀လေးနဲ့ဒီဖက်ကအနုပညာအလုပ်တွေနဲ့ကိုညီအောင်ညှိပြီးကြားထဲမှာသွားရတာပေါ့။ လုံးဝကြီးကားမရိုက်တော့ပဲ ကလေးတွေပဲကြည့်နေမယ်ဆိုတော့လဲ ဒီဖက်ကပရိသတ်ဖက်ကိုတစ်ဖက်ကြည့်ပေးရမယ်။ အဲ့ဒီလိုမဟုတ်ပဲ ကလေးကိုလုံးဝဂရုမစိုက်ပဲ အနုပညာကြီးပဲ လုပ်နေမယ်ဆိုရင်လဲ မဖြစ်ပြန်ဘူး။ အဲ့ဒါကြောင့် အခုဆို အူဝဲကယားပြည်နယ်ကိုသွားတာ သတ်မှတ်ထားတဲ့ရက်ထက် ဆယ်ရက်ကျော်ကျော်ကြာသွားတယ်။ ကလေးမွေးပြီးကတည်းက ကလေးတွေနဲ့ဒီလောက်ကြာကြာ မခွဲဖူးဘူး။ ဒါပထမဆုံးပဲ အလွန်ဆုံးခွဲရင်ကြားထဲမှာ ခရီးတိုလေးတွေ ထွက်လို့သုံးရက်၊ လေးရက်ပဲ။ အခုဒီတစ်ခါက အကြာဆုံးပဲ။ အရမ်းလဲ သတိရတယ်။ ဘယ်လိုမှလဲ မနေနိုင်ဘူး။ အဲ့ဒီလိုဆိုတော့ သွားပြီးကိုယ့်ကိုပဲ အရင်ရိုက်ပေးဆိုပြီးသွားလုပ်လို့မရဘူး။ လူအများကြီးနဲ့လုပ်ရတဲ့အလုပ်တစ်ခုဖြစ်တဲ့အတွက် နားလည်မှုနဲ့သွားရတာပေါ့။ ဒီအလုပ်ကိုလုပ်ချင်ရင်တော့ ဟိုဖက်ကိုလဲနည်းနည်းလျှော့ဒီဖက်ကိုလဲနည်းနည်းလျှော့အဲ့ဒီလိုလေးညှိပြီးသွားနေရပါတယ်။

-အခုချိန်ထိအနုပညာလောကမှာ ရုပ်ရှင်အသိုင်းအ၀ိုင်းမှာရော ပရိသတ်တွေကပါ အူဝဲကိုဆိုချစ်ကြတုန်းပဲဆိုတော့ အူဝဲရဲ့ အောင်မြင်မှုကိုဘယ်လိုထိန်းသိမ်းထားရလဲ။

အဓိကအူဝဲကိုချစ်တဲ့ ပရိသတ်တွေအပေါ်မှာ ကိုယ်ကလဲတကယ်ချစ်တယ်။ ကိုယ့်ကိုချစ်တဲ့ပရိသတ်တွေကို ကိုယ့်ခေါင်းထဲမှာအမြဲရှိတယ်။ ရင်ထဲမှာလဲ အမြဲရှိတယ်။ ငါဘယ်လိုလုပ်ပေးရမလဲ။သူတို့အတွက်ဘယ်လိုလေးလုပ်ပေးရင်ကျေနပ်ကြမလဲ။ကြိုက်ကြမလဲဆိုတဲ့စိတ်လေးရင်ထဲမှာအမြဲရှိတယ်။ အဲ့ဒါရဲ့တုံ့ပြန်မှုလို့ပဲထင်ပါတယ်။

-အခုချိန်ထိလဲနုပျိုနေတုန်းပဲဆိုတော့ ကိုယ့်ခန္ဓာကိုယ်ကိုဘယ်လိုမျိုးလေးထိန်းသိမ်းဖြစ်လဲ။

အူဝဲသားသားမွေးပြီးတော့ ၇ လလောက်မှာ ပြန်ပြီးတော့ ကစားတယ်။ ၀ိတ်ပြန်ချတယ်။ အခုကတော့ တစ်နေ့ကို လေးဆယ့်ငါးမိနစ်၊ တစ်နာရီ လမ်းလျှောက်တယ်။ ညစာလေးလျှော့စားတယ်။ ဒီလောက်ပါပဲ။

-အနုပညာရှင်တစ်ယောက်လဲဖြစ်တယ်။ အိမ်ထောင်ရှင်အမျိုးသမီးတစ်ယောက်လဲဖြစ်နေတဲ့အတွက် အလှအပက ဘယ်လောက်ထိအူဝဲအတွက်အရေးပါလဲ။

ဒါကတော့ ကိုယ့်စိတ်ပေါ်မူတည်တယ်ပေါ့။ ကိုယ်ကအရမ်းလှချင်တဲ့ မိန်းကလေးတစ်ယောက်လား။ အဲ့ဒါဆိုရင်တော့ လေ့ကျင့်ခန်းတွေလုပ်၊ အစားတွေလျှော့၊ အငတ်တွေခံပေါ့။ အဲ့ဒီလိုမျိုးတော့နေရမယ်။ သူကလှတာကိုမှကျေနပ်တဲ့သူဆိုရင်တော့ အပင်ပန်းတော့ခံရမယ်။ အဲ့ဒီလိုမှမဟုတ်ဘူး။ တော်ရုံတန်ရုံလောက်နဲ့ပဲ။ လောကကြီးမှာစားနိုင်သောက်နိုင်ရဲ့သားနဲ့အငတ်မခံနိုင်ဘူးဆိုတာ့ အူဝဲသာသာမန်မိန်းကလေးဆိုရင်တော့ လူရှေ့ကိုချပြစရာမလိုတဲ့မိန်းကလေးဆိုရင်တော့ အူဝဲက အစားလဲကြိုက်တယ်။ ဒါပေမဲ့ အရမ်းကြီး ရုပ်ပျက်ဆင်းပျက်ကြီးမဟုတ်ရင်ပြီးရော ဘာလို့လဲဆိုတော့ စားနိုင်သောက်နိုင်ရဲ့သားနဲ့မစားရမသောက်ရနဲ့အငတ်ခံနေရတယ်ဆိုတော့ သိပ်မဟုတ်သေးဘူးလေ။ သူ့ဟာနဲ့သူ ကျန်းမာအောင်တော့နေရမယ်။ အလှအပသည်လည်း သူနေရာလေးနဲ့သူတော်ရုံတန်ရုံလောက်ရှိရင်ရပါပြီ။

-ဒါပြီးရင်ရော ဘာတွေလက်ခံထားတာရှိဦးမလဲ။

ကားကြီး၂ကားပေါ့။ တစ်ကားကိုတော့ သိပ်စိတ်တိုင်းမကျလို့ပြန်ညှိနေတယ်။ နောက်တစ်ကားကတော့ ၈လပိုင်းထဲရိုက်ပါမယ်။

-ပရိသတ်ကြီးကိုရော ဘာများပြောချင်သေးလဲ။

အနုပညာအလုပ်နဲ့မိသားစုကို ချိန်ပြီးတော့ မျှပြီးတော့ ညီအောင်ကြိုးစားနေပါတယ်။ အဲ့ဒီအပေါ်မှာလဲ နားလည်ပေးပါလို့ပြောချင်ပါတယ်။

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.