အချိန်တန်ရင် အချစ်ရောက်လာလိ့မ်မယ် မရောက်လာရင်လဲ ပြသနာမရှိဘူးလို့ ပြောလာတဲ့ ထွန်းထွန်း

13384655_1756024004656510_923075477_n.jpg

ဇာတ်ကားတွေပြန်လည်ရိုက်ကူးစဉ်ကတည်းက ကားကြီးတော်တော်များများကိုသာ ရိုက်ကူးလာရသူကတော့ ထွန်းထွန်းပါ။ လက်ရှိမှာ ရုံတင်နေတဲ့ဇာတ်ကားများကလဲ သူပါတဲ့ကားတွေပဲ ဆက်တိုက်တင်ဖြစ်နေသလို ပရိသတ်အားပေးမှုနဲ့ အဆက်အသွယ်မပြတ်ခဲ့တဲ့ မင်းသားတစ်လက်လို့ဆိုရမှာပါ။ ၂၀၁၆ ထဲမှာ ကားရိုက်ပိုင်းကို အချိန်ပေးလုပ်ဖြစ်မယ်လို့ပြောလာတဲ့ထွန်းထွန်းက ဂီတပိုင်းကိုတော့ ၂၀၁၇ မှပြန်လုပ်ဖြစ်မယ်လို့အသိပေးလာပြန်တာကြောင့် သူ့ရဲ့လက်ရှိအနုပညာရေးရာနဲ့ အချစ်ရေးကို မေးမြန်းပြောဆိုဖြစ်တဲ့အခါ

-အခုရိုက်နေတဲ့ကားကြီးအကြောင်းကို အရင်ပြောပြပေးပါဦး။

သေနတ်တစ်လက် သနပ်ခါးတစ်စက် ဓားတစ်လက်နှင့်တူသော မိန်းကလေးများ တဲ့။ ဒီကားထဲမှာ ကျွန်တော်က ကိုခန့်ရဲ့ သူငယ်ချင်း ယာဉ်ထိန်းရဲ တစ်ယောက်ရဲ့ ကာရိုက်တာပါ။ ဒါရိုက်တာက ကိုဆာမိပေါ့။

-အရှေ့မှာရုံတင်ခဲ့တဲ့ အုတ်ကြားမြက်ပေါက် ဇာတ်ကားကြီးကိုလဲ ပရိသတ်တော်တော်များများ အားပေးတာတွေ့ရတယ်။ အဲ့ဒီမှာမှ ထွန်းထွန်းသရုပ်ဆောင်တာလေး တော်တော်ကောင်းတယ်ဆိုတဲ့ ပရိသတ်တွေရဲ့ တုံ့ပြန်မှုအပေါ် အစ်ကို့ရဲ့ စိတ်ခံစားချက်လေးကိုလဲဝေမျှပေးပါဦး။

အဲ့ဒါလေးက ၂၀၁၂ ထဲကရိုက်ထားတယ်။ ပြောရမယ်ဆိုကြာပြီပေါ့။ ဒါပေမဲ့လဲ ပရိသတ်က ရုံတင်တဲ့အချိန်မှာ အားပေးကြတယ်။ အဲ့ဒါကြောင့် ရွှေစင်ဦးမိသားစု ကိုယ်စားလဲ ၀မ်းသာပျော်ရွှင်ပါတယ်။ ဒါရိုက်တာတွေ၊ လုပ်ဖော်ကိုင်ဖက်တွေ၊ ဇာတ်လမ်းတွေ၊ ဇာတ်ညွှန်းသမားတွေကြောင့်သာ ကျွန်တော်သရုပ်ဆောင်နိုင်တာပါ။ အဲ့ဒီတော့ထပ်လဲကြိုးစားပါဦးမယ်။

-အဲ့ဒီကားနဲ့ပတ်သက်ပြီး ဒုတိယအကြိမ်ရင်ခုန်ရမယ်လို့ထင်မိလား။

ကျွန်တော်က အကောင်းဆုံးဖြစ်အောင်တော့ အမြဲကြိုးစားနေပါတယ်။ ရင်ကတော့ အမြဲခုန်ပါတယ်။

-နောက်တစ်ကားအနေနဲ့ ခိုးဆိုးလုနှိုက် ထပ်တင်ဦးမယ်ဆိုတော့ အဲ့ဒီကားကြီးနဲ့ပတ်သက်ပြီး စိတ်လှုပ်ရှားမှုကရော ဘယ်လိုရှိလဲ။ အဲ့ဒီထဲမှာလဲ အစ်ကိုသရုပ်ဆောင်တာ တော်တော်လေးပီပီပြင်ပြင်လုပ်ထားတာတွေ့ရတယ်။

ခိုးဆိုးလုနှိုက်ကတော့ ကျွန်တော်ထင်တယ်။ ဒီကားလေးလဲ ပရိသတ်ကြိုက်ပြီး ကြည့်ရတဲ့ ပရိသတ်တွေအတွက် အမြင်ဆန်းမယ်လို့ကျွန်တော်ထင်တယ်။ ခိုးဆိုးလုနှိုက်က ပိုပြီး အက်ရှင်ဆန်တယ်။

-အရှေ့မှာ ထွက်ခဲ့တဲ့ စူပါစတား အမ်တီဗီအခွေလေးရဲ့ ပရိသတ်အားပေးမှု အနေအထားကရော စိတ်ကျေနပ်စရာကောင်းခဲ့ရဲ့လား။

ကျွန်တော့ တစ်ယောက်တည်း အနေအထားပြောရရင် ကျွန်တော်က ကျေနပ်တယ်။ ကြိုက်တယ်။ ဘာလို့လဲဆိုတော့ စီဒီကထွက်ထားတာ နှစ်နှစ်လောက်ရှိနေပြီ။ ဒါပေမဲ့ အဲ့ဒါကိုမှ ဒီဗီဒီပြန်ထွက်တဲ့အချိန်မှာ ကျွန်တော်ထင်ထားတာထက်ပိုပြီး အားပေးတာမျိုးတွေ့ရတဲ့အတွက်ဝမ်းသာတယ်။

-ဂီတဖက်မှာ စူပါစတားက ထွက်ပြီးသားပြီဆိုတော့ နောက်ထပ်အသစ်အနေနဲ့ ထပ်လုပ်ဖို့ဘာတွေရှိဦးမလဲ။

သေချာတာကတော့ဂီတဖက်ကကြာဦးမယ်။ ဒီနှစ်ထဲမှာ ကားရိုက်တွေ အပြည့်ပေးထားတယ်။ ကားရိုက်တာကိုပဲပိုပြီး Feel လာနေတယ်။ နောင်နှစ်လောက်မှပဲ အခွေပြန်လုပ်ဖြစ်မယ်။

-ကားရိုက်ဖက်မှာ ကာရိုက်တာရွေးချယ်မှုနဲ့ပတ်သက်ပြီး အစ်ကိုသရုပ်ဆောင်ရတဲ့ ကာရိုက်တာတော်တော်များများကို ပရိသတ်သဘောကျတာတွေ့ရတယ်။

အဓိကကတော့ ကျွန်တော်တွေ့တဲ့ ဆရာသမားတွေကကောင်းတာရယ်၊ နောက်ဇာတ်တစ်ခုရလာပြီဆို ကျွန်တော် အခေါက်ခေါက်အခါခါဖတ်ဖြစ်တယ်။ နောက်ပြီးတော့ ဒါရိုက်တာနဲ့တိုင်ပင်တယ်။ နောက် Final Rehersal လုပ်ပြီဆို အပြည့်အ၀ ကျွန်တော်လုပ်တယ်။ အဲ့ဒါပြီးမှ တကယ်ရိုက်တဲ့ဟာကို ကျွန်တော်ပြတယ်။ ဘာလို့လဲဆိုတော့ Final Rehersal အကုန်လုပ်လိုက်ခြင်းအားဖြင့် ကျွန်တော့်အနုပညာကို ဒါရိုက်တာလဲသိတယ်။ စက်အဖွဲ့လဲသိတယ်။ လုပ်ဖော်ကိုင်ဖက်တွေလဲသိတယ်။ အဲ့ဒါကအရေးကြီးဆုံးပဲလို့ထင်ပါတယ်။

-ဗီဒီယိုမရိုက်တာကရော ဘာကြောင့်များလဲ။

ဗီဒီယိုမရိုက်ဖြစ်တာကတော့ ကျွန်တော်ပြန်ရိုက်တဲ့အချိန်မှာ ဗီဒီယိုကခေတ်ပျက်နေတယ်။ အဆင်မပြေဘူးဆိုတော့ ရွှေစင်ဦးနဲ့စာချုပ်ချုပ်ထားတဲ့ ၁၁ကားလက်ကျန်မှာ ခါးတစ်ကားပဲပြန်ရိုက်ဖြစ်ပြီး ကျန်တဲ့ဟာတွေက ကျွန်တော်ကိုယ်တိုင်လဲအချိန်မပေးနိုင်တဲ့အတွက်မရိုက်ဖြစ်သေးဘူး။ ဒါပေမဲ့ ပြန်ရိုက်ဖြစ်ရင်လဲ လက်ကျန်ဆယ်ကားမှာ ငါးကားလောက်ကိုတော့ ဒီနှစ်ထဲမှာရိုက်ဖြစ်ပါမယ်။

-ကားကြီးတွေတော့ ဆက်တိုက်ရိုက်ရတယ်။ ဒါပေမဲ့လဲ တန်းစီစနစ်နဲ့သွားနေတဲ့အခါကျတော့ နောင်နှစ်နှစ်သုံးနှစ်က ရုံတင်ရမဲ့ အခုလက်ရှိမှာရိုက်ကူးနေတဲ့ဇာတ်ကားတွေနဲ့ပတ်သက်ပြီး အစ်ကို့အမြင်ကိုလဲသိချင်ပါတယ်။

အဲ့ဒါနဲ့ပတ်သက်ပြီး ပြင်ဆင်မှုအပိုင်းကို ပြောရရင် ပြင်ဆင်လို့ရတဲ့ကားတွေရှိတယ်။ ပြင်ဆင်လို့မရတဲ့ကားတွေလဲရှိတယ်။ ဒီဖက်ခေတ်မဟုတ်တဲ့ အရင်ခေတ်ပုံစံ မှော်ကျောက်စာလိုကားမျိုးဆိုရင်တော့ ထားတော့ ၊ ဒီလိုခေတ်ဟာမျိုးဆိုရင်တော့ နောက်တစ်နှစ် နှစ်နှစ်လောက်ထိ အနီးစပ်ဆုံးဖြစ်နေမဲ့ အရောင်ကိုပဲ ကျွန်တော်ရွေးတယ်။ အ၀တ်အစားကို သိပ်မရွေးဘူး။ အကြီးကြီးတော့မလုပ်တတ်ပါဘူး။

-အရင်ကထက် နည်းနည်းပိန်သွားသလိုပဲ။

ဟုတ်တယ်။ ၀ိတ်ချထားတယ်။ ကျွန်တော့ကို ဖက်တီးလို့ဝိုင်းပြောလို့ ချထားတာပါ။ Novotel မှာဆော့ပါတယ်။ ပြေးတယ်။ တစ်နေ့ကို အနည်းဆုံး ကယ်လိုရီ သုံးရာကျအောင်ပြေးတယ်။ ညစာမစားဘူး။ မနက်စာနဲ့နေ့လည်စာတော့ အသေဆွဲတယ်။

-အချစ်ရေးကရော ဘယ်လိုရှိလဲ။ အရင်က Insta မှာ ပုံလေးတွေတက်တက်လာတာတွေ့တယ်။ အခုနောက်ပိုင်း မတွေ့ရတော့ဘူး။

အချစ်ရေးကတော့ ကျွန်တော်နဂိုကတည်းကပြောပါတယ်။ ပါဆင်နယ်ဆို မပြောဘူးလို့ဒါပေမဲ့ အခုက တစ်ယောက်တည်း အေးအေးဆေးဆေးပါပဲ။ ရည်းစားလဲ ထားချင်စိတ်မရှိဘူး။ အိမ်ထောင်ပြုဖို့ဆိုပိုဝေးတယ်။ ကျွန်တော်ကအချစ်ကိုလိုက်ရှာနေရမဲ့ အရွယ်လဲမဟုတ်တော့ဘူးလို့ထင်တယ်။ အချစ်ကသူ့ဟာသူအချိန်တန်ရင်ရောက်လာလိမ့်မယ်လို့ထင်တယ်။ မရောက်လာလဲ ပြသနာမရှိဘူး။ အလုပ်နဲ့မိသားစုကိုပဲ ပိုပြီးအချိန်ပေးဖြစ်နေပါတယ်။

-ခရီးထွက်ဖို့ရော ရှိဦးမလား။

၁၈ရက်နေ့ မေမြို့ထပ်တက်ရမယ်။ ကြောက်ကြောက်ကြောက် ကားကြီးအတွက်ပေါ့။ ဒီနှစ် ရန်ကုန်မှာနေတာ ဆယ်ရက်မပြည့်သေးဘူး။ သင်္ကြန်ပြီးကတည်းကလဲမေမြို့မှာပဲ ရွှေမိုးငွေမိုးသွန်းဖြိုးလို့ရွာဆိုတဲ့ဇာတ်လမ်းတွဲသွားရိုက်တာ တစ်လခွဲလောက်ကြာတယ်။ အခုလဲ ၁၈ရက်နေ့ထပ်သွားရမယ်ဆိုတော့ လောလောဆယ် အလုပ်နဲ့ပဲပေါ့။ သီးသန့်ခရီးကတော့ ထွက်ဖို့အစီအစဉ်မရှိသေးပါဘူး။

-ကားတွေပြန်ရိုက်ပြီး အလုပ်တွေအဆက်မပြတ်များလာတဲ့အချိန်မှာ အန်တီ့ရဲ့စိတ်ချမ်းသာမှုက ဘယ်လိုမျိုးရှိလဲ။

အမေက ပြီးခဲ့တဲ့နှစ်ကတော့ ကျွန်တော့်ကို စောင့်ကြည့်တယ်။ တကယ်လုပ်မလုပ်ပေါ့။ ခရီးသွားမယ်ဆိုတော့ သူလိုက်မယ်တဲ့။ ကျွန်တော်ကလဲ မလိုက်နဲ့အမေပင်ပန်းတယ်ပေါ့။ အဖေကလဲ တစ်ယောက်တည်းဆိုတော့လေ။ အခုနောက်ပိုင်းကျတော့ ကျွန်တော်ခေါ်တယ်။ ဒါပေမဲ့မလိုက်တော့ဘူး။ သူကျွန်တော့ကို စိတ်ချသွားတယ်လို့ထင်ပါတယ်။

-ပရိသတ်အတွက်စကားလက်ဆောင်။

ကျွန်တော်အလုပ်တွေအများကြီး ပြန်ကြိုးစားနေပါတယ်။ ဝေဖန်ပြီးအားပေးကြပါဦးလို့ပြောချင်ပါတယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.