ယောက်ျားတွေ ဘာကြောင့်လိမ်သလဲ

why-do-men-lie-1.jpg
ယောက်ျားအများစုက တော်တော့်ကို ခန့်မှန်းလို့ လွယ်တဲ့သူတွေ ဖြစ်ပါတယ်။ ယောက်ျားတစ်ယောက် ကိုယ့်ကိုယ်လိမ်နေပြီဆိုရင် သူတို့မရိုးသားမှုကို ရှင်းပြနိုင်မယ့် အကြောင်းပြချက်က လက်တစ်ဆုတ်စာလောက်ပဲ ရှိပါတယ်။ ယောက်ျားတစ်ယောက်ရဲ့ လိမ်ညာတာကိုခံရတဲ့အခါ ခွင့်လွှတ်နိုင်ဖို့အတွက် သူဘာကြောင့် လိမ်သလဲဆိုတာကို သိဖို့လိုပါတယ်။ သူလိမ်ရတဲ့ အကြောင်းရင်းကို သိလာတဲ့အခါ ကိုယ့်အပေါ်ရိုးသားစေဖို့အတွက် ဘာတွေလုပ်လို့နိုင်မလဲဆိုတဲ့ အဖြေကို ရရှိမှာ ဖြစ်ပါတယ်။ လိမ်ရတဲ့အကြောင်းရင်းတိုင်းမှာ ကိုယ်ပိုင်အယူအဆနဲ့ အကြောင်းပြချက်တွေ ရှိပါတယ်။ အခုဖော်ပြမယ့် အကြောင်းတွေကတော့ ယောက်ျားတွေ အများအားဖြင့် လိမ်လေ့ရှိတဲ့ အကြောင်းရင်းတွေ ဖြစ်ပါတယ်။
 
အမှန်အတိုင်းပြောရမှာ ကြောက်လို့
တခါတလေ သင့်အမျိုးသားက အပေါင်းအသင်းတွေနဲ့ သွားချင်တယ်။ ကိုယ်က ခွင့်မပြုမှာကြောက်တဲ့အတွက် သူတို့က လိမ်ပြီးပြောကြတယ်။ ယောက်ျားတွေက ထောင်ချောက်မိသလို ဖြစ်မှာစိုးတဲ့အတွက် ပျော်ရွှင်နိုင်ဖို့ လိမ်ပြောလေ့ရှိတာကြောင့် နောက်တစ်ခါ အလိမ်မခံရဖို့အတွက် သူတို့ကို တခါတလေမှာ ကိုယ်ပိုင်အချိန်ပေးပြီး နားလည်မှုပေးလိုက်ပါ။
 
ကိုယ့်ရဲ့ အထင်ကြီးမှုကို လိုချင်လို့
တစ်ခါတစ်ရံမှာ ယောက်ျားတွေက သူတို့ကို အကောင်းဆုံးလို့ ထင်စေချင်တာကြောင့် လိမ်လေ့ရှိပါတယ်။ သူ့လစာအရမ်းကောင်းတယ်လို့ ဆိုပြီး တကယ်တမ်း ပြောထားသလောက် မဟုတ်ဘူးဆိုတာကို တွေ့ရတဲ့အခါ၊ သူ့လုပ်ငန်းက အကြီးကြီးပါလို့ ပြောထားပြီး လုပ်ငန်းသေးသေးလေးဖြစ်နေတာမျိုး ဖြစ်တတ်ပါတယ်။ သူကသူ့မှာ ရှိတာထက်ပိုပြီး ကိုယ့်ကိုယ် အထင်ကြီးစေချင်တဲ့အတွက်၊ ကိုယ့်ကိုပိုပြီး ယုံကြည်စေချင်တဲ့အတွက် လိမ်တာမျိုးပါလားလို့ ဖြည့်တွေးပေးပြီး ခွင့်လွှတ်ပေးနိုင်ပါတယ်။
 
ကိုယ့်ကိုယ်ပြောရမှာ ရှက်လို့
ယောက်ျားတွေက မိန်းမတွေ အသိမခံလိုတဲ့ ကိစ္စတွေ ရှိတတ်ပါတယ်။ အမှန်အတိုင်းပြောလို့မကောင်းတဲ့ ယောက်ျားတွေပဲ နားလည်တဲ့ကိစ္စတွေမှာ အမှန်အတိုင်း ပြောလေ့မရှိပါဘူး။ ဒီလိုကိစ္စမျိုးတွေနဲ့ ပတ်သက်ပြီး အလိမ်ခံရတဲ့အခါ ကိုယ်နားလည်ပေးနိုင်ကြောင်း၊ အမှန်အတိုင်း သိလိုက်ရတဲ့အတွက် သူ့ကို အရင်အတိုင်းပဲ အမြင်မပြောင်းလဲဘူး၊အမှန်အတိုင်း ပြောလို့ရတယ်ဆိုတဲ့ အကြောင်း ပြောပြပေးနိုင်ပါတယ်။
 
ကိုယ့်ခံစားချက်ကို မထိခိုက်စေချင်လို့
ကျွန်မဒီအင်္ကျီဝတ်ထားတာ ကျပ်နေသလို ဖြစ်နေလားလို့ မေးတဲ့အခါ မကျပ်ပါဘူး။ လှပါတယ်လို့ ပြန်ဖြေတတ်တာကို ကြားဖူးမှာပါ။ ကိုယ်က ကိုယ့်အခြေအနေအမှန်ကို သိထားတာတောင် အမှန်တရားကို သူထုတ်ပြောလိုက်ရင် ကိုယ် စိတ်မကောင်းဖြစ်မှာစိုးလို့ မပြောတာတွေရှိပါတယ်။ ဒီလိုအဖြူရောင် မုသားတွေက သူက ကိုယ့်ကို မထိခိုက်စေချင်လို့ လိမ်တာမျိုးလို့ ယူဆပြီး အချစ်ရဲ့ သင်္ကေတတစ်ခုလို့ သတ်မှတ်သင့်ပါတယ်။
 
သူက ကိုယ့်အပေါ် မကောင်းလို့
ယောက်ျားတစ်ယောက်က သူ့အကျိုးသက်သက်အတွက်ပဲ ကြည့်ပြီး ကိုယ့်ကို အသုံးချ လိမ်လည်တာ၊ ကိုယ့်ဆီက ခိုးတာ၊ဖောက်ပြန်တာတွေရှိလာခဲ့ရင်တော့ သူ့လုပ်ရပ်အတွက် သူတာဝန်ယူခိုင်းသင့်ပါတယ်။ ကိုယ်သိသွားရင် ကိုယ်တို့နှစ်ယောက်ရဲ့ ဆက်ဆံရေးကို ထိခိုက်စေနိုင်တာ သိသိချည်းနဲ့ ဂရုမစိုက်ဘဲ လိမ်ခဲ့တာဆိုရင် ဒီလိုလူမျိုးကို ရေရှည်လက်တွဲစရာ အကြောင်းမရှိပါဘူး။
 
Ref:lovepanky
 
0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.