ဘားမှာဖြစ်ခဲ့တဲ့ ပြသနာနဲ့ ပတ်သက်ပြီး ပြည့်စုံစွာ ရှင်းပြလာတဲ့ ကောင်းပြည့်

13162549_1745055462420031_1308619220_n.jpg

လက်ရှိမှာ ကူလီထမ်းတဲ့ ကူလီသမားတစ်ယောက်ရဲ့ ဘ၀ကို ပျံကျကူလီ ဇာတ်ကားမှာ ပီပီပြင်ပြင် ပါဝင်သရုပ်ဆောင်နေသူကတော့ ကောင်းပြည့်ပါ။ အဆိုပါဇာတ်ကားနဲ့ပတ်သက်ပြီး အစစအရာရာမှာ ကာရိုက်တာပေါ်အံဝင်ခွင်ကျဖြစ်အောင် မရိုက်ခင်ကတည်းက အသေးစိတ်ပြင်ဆင်မှုတွေနဲ့ကြိုးစားထားကြောင်းကိုလဲပြောပြလာပြန်ပါတယ်။ ဒါ့အပြင် ၂၀၁၆ မှာရိုက်ကူးမှုစိပ်ခဲ့တဲ့ ရုံတင်ကားကြီးများအကြောင်းနဲ့ မကြာသေးခင်ကမှ ဖေ့စ်ဘွတ်ခ်လူမှုကွန်ယက်ပေါ်မှာပျံ့နှံ့ခဲ့တဲ့  နာမည်ရ ဘားတစ်ခုမှာ ဘာရန်ငြိုးရန်စမှာမရှိပဲ ကောင်လေးတစ်ယောက်ကို ပုလင်းနဲ့ရိုက်ခွဲခဲ့တဲ့သတင်းနဲ့ပတ်သက်ပြီးတော့လည်း သူက  ခုလို ရှင်းပြသွားပါတယ်။

"အဓိကကတော့ သူရေးထားတဲ့ စာသားအတိုင်းမဟုတ်ပါဘူး။ ရေးထားတဲ့သူကို မသိသလို ကျွန်တော်လဲ မလုပ်ခဲ့ပါဘူး။ ဒါအမှန်အတိုင်းပြောတာလဲဖြစ်သလို အားလုံးကို သိမ်းကျုံးပြီး ပြသနာရှာခဲ့တာလဲ မဟုတ်ပါဘူး။ ကျွန်တော့်ကို ကိုယ်ထိလက်ရောက် စလုပ်ခဲ့လို့ကျွန်တော်ပြန်ပြီး လုပ်ခဲ့တာပါ။ ဒါအမှန်အတိုင်းပါပဲ၊ ဒါကိုကျွန်တော်နဲ့ဖြစ်တဲ့သူလဲ သိပါလိမ့်မယ်။ ဘယ်သူ့ဖက်က မှန်တယ်။ ဘယ်သူ့ဖက်က မှားတယ်ဆိုတာကို ကျွန်တော့်ကို လုပ်တဲ့သူကိုပဲ ကျွန်တော်ပြန်လုပ်ခဲ့တာပါ။ ကျန်တဲ့သူတွေက ဘယ်သူတွေမှန်းတော့မသိဘူး။ ဘေးကနေ ကျွန်တော့်ကို ၀ိုင်းလုပ်တာကို ကာကွယ်ရင်းနဲ့ သူတို့ဟာသူတို့ထိခိုက်သွားတာလားတော့ ကျွန်တော်မသိဘူး။ ဒါပေမဲ့ ကျွန်တော်ဘယ်သူ့ကိုမှ ပုလင်းနဲ့မရိုက်ခဲ့ပါဘူး။ အဲ့ဒီလိုစာတင်တာကိုတွေ့လိုက်တယ်။ ဒါပေမဲ့ နောက်နေ့ကျတော့ ကျွန်တော်လဲ မတွေ့တော့ဘူး။ ဘာဖြစ်လို့ပြန်ဖျက်သွားလဲတော့ ကျွန်တော်လဲမသိဘူး။ သေချာတာတစ်ခုက ကျွန်တော်လုံးဝမမှားဘူး။ ကျွန်တော် ဘယ်သူ့ကိုမှလဲ မရိုက်ခဲ့ဘူး။ ရန်လဲမစခဲ့ဘူး။ ဘယ်လိုပြောရမလဲ ကိုယ့်ကို ကိုယ်ထိလက်ရောက်စော်ကားလို့သာ အဲ့ဒီလူကိုပြန်လုပ်ရင်းနဲ့ဘေးကလူတွေပါလာတာကို ကျွန်တော်ကာကွယ်ရင်းနဲ့ကိုယ့်အသားထိမှာစိုးလို့ကာကွယ်ခဲ့တာမျိုးပဲရှိပါတယ်။ ကျွန်တော်ဘယ်သူ့ကိုမှသိမ်းကျုံးပြီး မဆီမဆိုင်မလုပ်ပါဘူး။ ပြောရရင် ၀ုန်းဝုန်းထဖြစ်တဲ့အချိန်မှာ ဘယ်သူမှသိလိုက်မှာလဲ မဟုတ်သလို တော်တော်များများကလဲ သတိလက်လွတ်ဖြစ်နေကြတဲ့ပုံမျိုးဖြစ်နေတာပေါ့။ တင်ထားတဲ့ကောင်လေးကလဲ သူထိသွားတယ်ဆိုတာ ကျွန်တော်ရိုက်တာသေချာတယ်ဆိုတာ သူသိလို့လား။ အဲ့ဒီမှာလဲ စီစီတီဗီတွေရှိတယ်။ သူအချိန်မရွေးပြန်ကြည့်လို့ရပါတယ်။"လို့ သူက ပြောသွားပါတယ်။

ပြသနာဖြစ်ပြီး နောက်နေ့မှာ ဘာတွေဆက်ဖြစ်သလဲ ထပ်မေးကြည့်တော့ "သူကကျွန်တော့်ကိုတောင်းပန်ခိုင်းထားတယ်။ ဒါပေမဲ့ဖုန်းလဲမဆက်ဘူး။ ဘာမှလဲမလုပ်ဘူး။ ပြီးတော့ ကျွန်တော်ကိုယ်တိုင်လဲ သူ့ဖုန်းနံပတ်ကိုမသိတဲ့အတွက်ရယ်၊ ကျွန်တော်မမှားတဲ့အတွက်ရယ် ကြောင့်ပါ။ တည့်တည့်ရင်ဆိုင်ပြီး ရှင်းကြေးဆိုရင်လဲ အဲ့ဒီကောင်လေးကို သေချာတဲ့ အဖြေတစ်ခုကို သိစေချင်ပါတယ်။ ရမ်းသမ်းပြီးတော့ ကျွန်တော်ပါဆိုပြီးမစွပ်စွဲစေချင်ဘူး။ ကိုယ်မှားသည်ဖြစ်စေ မှန်သည်ဖြစ်စေ တောင်းပန်ဖို့လဲကျွန်တော်ဝန်မလေးပါဘူး။ အဓိကက ပြသနာတစ်ခုကို ကျွန်တော်ရေရှည်မဖြစ်ချင်ဘူး။ ကျွန်တော့်အဖေနဲ့အမေစိတ်ဆင်းရဲနေတာကိုလဲကျွန်တော်မကြည့်ရက်ဘူး။ ကျွန်တော့်ဒေါသ တစ်ခုကြောင့် လုပ်လိုက်တဲ့ အရာတစ်ခုက ကျွန်တော်အဖေနဲ့မမေပေါ်ကို မသက်ရောက်စေချင်ဘူး။ အဲ့ဒါကြောင့် သူတို့ကနောက်ဖြစ်လာမဲ့ ရန်တွေမပြီးဆုံးမှာကို ပဲစိတ်ပူနေတယ်။ သူတို့စိတ်ပူတဲ့ခံစားချက်ကို ကျွန်တော်မခံစားတတ်ဘူး။ အဲ့ဒီအခါကျတော့ ကျွန်တော်အလုပ်လုပ်ရတာအဆင်မပြေတော့ဘူး။ အဲ့ဒီအတွက် ကျွန်တော်မှားသည်ဖြစ်စေမှန်သည်ဖြစ်စေ မှားလဲ ကျွန်တော်တောင်းပန်လိုက်မယ်။ အဓိက ဒီရန်ပွဲပြီးဆုံးသွားရင်ပြီးရော ရှေ့ဆက်နေရင် အိမ်က အဖေနဲ့အမေစိတ်ဆင်းရဲမှာစိုးလို့တောင်းပန်ဆိုတောင်းပန်ပါ့မယ်။ ကျွန်တော်ယုံကြည်တာတစ်ခုရှိတယ်။ တင်ထားတဲ့ စာအောက်က ကွန်မန့်တွေကို ကျွန်တော်မဖတ်ဘူး။ အားလုံးကတော့ နားလည်ကြမယ်လို့ထင်ပါတယ်။ သေသေချာချာစဉ်းစားတတ်မယ် ဆိုရင်ပေါ့လေ။ အဲ့ဒီစာကိုကြည့်ပြီးကောင်းပြည့်ဒီလိုပါလား။ အားမပေးတော့ဘူးဆိုတာကိုလဲ ကျွန်တော်မကြောက်ဘူး။ ကျွန်တော့်ရဲ့ ကိုယ်ကျင့်တရားကို ယုံကြည်တဲ့အတွက် မစိုးရိမ်ဘူး။ အမှန်တရားဆိုတာ တနေ့ပေါ်လာမှာပဲလေ။ ပေါ်လာတာ မပေါ်လာတာထက် ကျွန်တော့ခေါင်းထဲမှာ ကျွန်တော့်ပရိသတ်ကျွန်တော့်ကို မမုန်းဘူးဆိုတဲ့အသိပဲရှိတယ်။ ဘယ်တော့မှမုန်းမှာ မဟုတ်ဘူး။ ကျွန်တော်မှန်နေသရွေ့ ဘယ်တော့မှပရိသတ်မုန်းမှာကို မကြောက်ပါဘူး။ နောက်ပြီးကျတော့ အားလုံးကလဲ တွေးတတ်နေကြပါပြီ။ ကျွန်တော်စဖြစ်ကတည်းက ပရိသတ်မုန်းမှာကို မစိုးရိမ်ပါဘူး။ သိပ်ပြီးမစဉ်းစားတတ်တဲ့၊ လူ့ပတ်ဝန်းကျင်ထက် မိသားစုနဲ့ပဲနေတဲ့လူလောက်သာ သြော်ဒီလိုပါလား။ ထင်တောင်မထင်ထားဘူးဆိုတဲ့ မထင်ရက်နဲ့စိတ်လေးရှိတယ်။ ဒါတွေကလဲ နားလည်ပေးလို့ရပါတယ်။ ဘာမှလဲစိတ်မဆိုးဘူး။ ကျွန်တော်ရပ်တည်နေသရွေ့ကျွန်တော်ဘယ်လိုပုံစံနဲ့နေထိုင်လဲဆိုတာသိသွားတဲ့နေ့ပြန်နားလည်လိမ့်မယ်လို့ယုံကြည်ပါတယ်"တဲံ။

လက်ရှိမှာ ရိုက်ကူးနေတဲ့ ပျံကျကူလီဆိုတဲ့ ရုပ်ရှင်ကားကြီးအကြောင်းကိုလဲ " ကျွန်တော် အခု ပျံကျ ကူလီဆိုတဲ့ ရုပ်ရှင်ကားကြီးကို ရိုက်ကူးနေပါတယ်။ ဒီထဲမှာကျွန်တော်က ကူလီထမ်းတဲ့လူငယ်တစ်ယောက်ပေါ့။ ပျံကျ ကူလီသမားပါ။ သီရိမင်္ဂလာဈေးမှာကူလီထမ်းတယ်။ ပွဲရုံတစ်ခုထဲမှာပဲ အလုပ်လုပ်တဲ့ ကူလီသမားပါ။ ဒီကားရိုက်ဖို့အတွက်လာပြောတဲ့အချိန်မှာ ကျွန်တော်လုပ်ရမဲ့အပိုင်းကို စဉ်းစားထားပြီးသားပါ။ နှုတ်ခမ်းမွှေး မုတ်ဆိတ်မွှေးတွေကအစ ထားဖို့အတွက်ကြိုစီစဉ်ရတယ်။ အသားညိုဖို့အတွက်ကတာ့ အဓိက မိတ်ကပ်အညိုကို သုံးတယ်။ နောက်ခန္ဒာကိုယ်က၀နေတဲ့အတွက်ပိန်အောင် Gym ပြန်ဆော့ဖြစ်ပါတယ်။ ဒါပြီးရင်မပြီးသေးတဲ့ ဇာတ်လမ်းတွဲတွေဖြတ်ပေးဖို့ရှိတယ်။"လို့ သူက ဆိုပါတယ်။

ကားကြီးတွေနဲ့ပတ်သက်ပြီး ကောင်းပြည့်ရိုက်ကူးခဲ့တာ ဒီနှစ်ထဲမှာ ၇ကားနီးပါးလောက်ရှိနေပြီး ခုလို ကားကြီးပိုရိုက်ဖြစ်နေတာက  ဗီဒီယိုဈေးကွက်အရ အခက်အခဲအနည်းငယ်ရှိတာကြောင့် ကားကြီးဖက်ကိုလှည့်ပြီးရိုက်ကူးဖြစ်နေတာပါလို့လည်း သူက ဖွင့်ဟသွားပါသေးတယ်။

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.