ပြင်ဦးလွင်မှာ မုန့်ထွက်စားရင် ကားဖျက်ဆီးခံလိုက်ရတဲ့ အိချောပိုက အခုထက်ထိတရားခံမမိသေးကြောင်းပြောပြ

13162505_1745055392420038_571720887_n.jpg

၂၀၁၆ ထဲမှာကားကြီးတွေပဲ အရိုက်များနေတဲ့ အိချောပိုက ဗီဒီယိုရိုက်ကူးမှုမှာ အရင်ကထက် အရေအတွက်နည်းသွားကြောင်းကိုပြောပြလာပါတယ်။ ဒီကားမတိုင်ခင် ပြင်ဦးလွင်မှာ ကားရိုက်သွားရင်း သူမစီးနေကျကား ဖျက်ဆီးခံရသလို အခုချိန်ထိ တရားခံကို မမိသေးကြောင်းနဲ့ ကားကို တော်တော်လေး ပြင်လိုက်ရတယ်လို့သိရပါတယ်။ နောက်ပိုင်းမှာလဲ ကားကြီးတွေဆက်တိုက်လက်ခံထားတဲ့ အိချောပိုက ခုလက်ရှိမှာတော့ 3 Girls ဆိုတဲ့ ဇာတ်ကားမှာလဲ ရေနှစ်အသတ်ခံလိုက်တဲ့ ၀ိဥာဉ်မလေးအဖြစ် သရုပ်ဆောင်နေပါတယ်။ အိချောပိုနဲ့ တွေ့ဆုံခိုက် အနုပညာအကြောင်းအရာများကိုမေးမြန်းဖြစ်တဲ့အခါ

-အခုရိုက်နေတဲ့ ကားကြီးအကြောင်းကို အရင်ပြောပြပေးပါဦး။

3 Girls တဲ့။ ရုပ်ရှင်ကားကြီးပေါ့။ ကိုဝိုင်းရိုက်မှာပေါ့နော်။ လွန်းထားထားဝတ္ထုပါ။ မဖွေးရယ်၊ အိချောရယ်၊ ပိုင်ဖြိုးသုရယ်ပါမယ်။ မင်းသားက အလင်းရောင်ပေါ့။ အိချောရဲ့ကာရိုက်တာက ဒီထဲမှာ ၀ိဥာဉ် ပုံစံမျိုးပေါ့။ အိချောကသေသွားတယ်။ အဲ့ဒါကြောင့် အိမ်ကိုရောက်လာတဲ့ စာရေးဆရာမပိုင်ဖြိုးသုကို ကိုယ့်ကို ဘယ်သူသတ်သွားတယ်။ ဘာကြောင့်သတ်သွားတယ်ဆိုတာကို သိချင်လို့အကူအညီတောင်းတဲ့ကာရိုက်တာလေးပေါ့။

-ကိုဝိုင်းကရိုက်ဖို့လာပြောတဲ့ အချိန်မှာရော ဘယ်လိုခံစားရလဲ။

ကိုဝိုင်းက အားလုံးကို မျှအောင်လုပ်ပေးထားတယ်။ ကိုဝိုင်းကလဲ အိချောရဲ့ဆရာလဲဖြစ်တယ်။ ဗီဒီယိုတွေလဲ ဆုံဖူးတယ်။ ကားကြီးမဆုံဖူးတဲ့အတွက် နောက်မဖွေးနဲ့လဲ ဗီဒီယိုပဲဆုံဖူးတယ်။ ကားကြီးမဆုံဖူးတဲ့အတွက်နောက်ပိုင်ဖြိုးသုနဲ့လဲမဆုံဖူးသေးတဲ့အတွက်လက်ခံလိုက်တာပါ။

-ဒီကားထဲမှာ ၀ိဥာဉ်ကာရိုက်တာဆိုတော့ အိချောအတွက်အထွေအထူးပြင်ဆင်ရတာမျိုးရော ရှိမလား။

ဝိဥာဉ်ကိုမှ အိချောက သူငယ်ချင်းက ကိုယ်ယူမဲ့ကောင်လေးကို သဘောကျပြီး ကိုယ့်ကိုရေထဲနှစ်သတ်လိုက်တဲ့ ကာရိုက်တာပေါ့။ ရိုးရိုးဝိဥာဉ်မဟုတ်ဘူး။ ရေတွေစက်တောက်စက်တောက်ကျနေတဲ့ပုံစံမျိုးပေါ့။ အဲ့ဒီတော့ ကိုဝိုင်းကအ၀တ်အစားကိုသေချာမှာတယ်။ ရေစိုမှာဖြစ်တဲ့အတွက်၂စုံလောက် အပိုထည့်လာခိုင်းတယ်။ တခြားအခန်းတွေကတော့ ပေါ့ပေါ့ပါးပါးပုံစံမျိုးလေးတွေပါပဲ။

-ကိုဝိုင်းနဲ့ဗီဒီယိုတွေပဲ ဆုံဖူးတဲ့အခါကျတော့ အခုကားကြီးရိုက်ရတဲ့အခါ စိတ်လှုပ်ရှားမှုက ဘယ်လိုဖြစ်နေလဲ။

အတတ်နိုင်ဆုံးကတော့ ဒါရိုက်တာခိုင်းတဲ့ အတိုင်းအကောင်းဆုံးလုပ်သွားမယ်။ ကိုယ်အရမ်းကြီးစိတ်လှုပ်ရှားလားဆိုတော့ အဲ့ဒီလိုမဖြစ်အောင်ထိန်းထားတယ်။ ဘာလို့လဲဆိုတော့ ကြောက်ပြီး အိုက်တင်မထွက်တော့မှာစိုးလို့ပေါ့ပေါ့ပါးပါးပဲထားတယ်။ လိုအပ်တာရှိလို့ဒါရိုက်တာကပြောရင်ပြန်ပြင်လိုက်မယ်ပေါ့။

-ဒီဝတ္ထုကဆရာမလွန်းထားထားရဲ့အောင်မြင်တဲ့ဝတ္ထုတစ်ပုဒ်လဲဖြစ်တယ်။ နောက်ကိုဝိုင်းရိုက်မယ်ဆိုတဲ့အချိန်မှာအားလုံးကစိတ်ဝင်စားနေကြတယ်။ ကိုယ်ကလဲ ဒီထဲကကာရိုက်တာတစ်ခုကိုပီပြင်အောင်သရုပ်ဆောင်ရမယ်ဆိုတော့ ဘယ်လိုမြင်မိလဲ။

ကိုဝိုင်းမင်္ဂလာမဆောင်ခင်မှာ အိချောကိုတွေ့တာနဲ့သမီးအဲ့ဒီကားရိုက်ဖို့ရှိတယ်ပေါ့။ ပြောထားတာတော့ကြာပြီ။ အဲ့ဒီထဲကရိုက်ရတယ်။ ဘယ်အခန်းမဆို အဆင်ပြေတဲ့ ဘယ်ကာရိုက်တာမဆို သမီးရိုက်မယ်လို့ပြောထားခဲ့ပါတယ်။ ဇာတ်ရတဲ့အချိန်မှာ ကိုဝိုင်းက မင်းသမီးသုံးယောက်စလုံးကိုလဲ မျှအောင်လုပ်ပေးထားတဲ့အခါကျတော့ ကိုယ့်ကာရိုက်တာကိုပဲ အကောင်းဆုံးဖြစ်အောင်ကြိုးစားသရုပ်ဆောင်ရမှာပေါ့။

-ဒီကားမတိုင်ခင်ရော ဘာတွေရိုက်ဖြစ်သေးလဲ။

ပြင်ဦးလွင်မှာ ကားကြီးရိုက်ပြီးပြန်လာတယ်။ ရန်ကုန်မှာ အခုဒီကားကြီးရိုက်တယ်ပေါ့။ ပြီးသွားရင် မော်လမြိုင်မှာ ကားကြီးတစ်ကားသွားထပ်ရိုက်ပါမယ်။ မင်းသားက အားသစ်ပါ။ ဒါရိုက်တာကကိုပြည်ဟိန်းသီဟပေါ့။

-ဒီနှစ်ထဲမှာကားကြီးတွေပဲဆက်တိုက်ပိုရိုက်ဖြစ်နေတာကိုတွေ့ရတယ်။

ဒီနှစ်ထဲမှာ ကားကြီးရိုက်ဖြစ်နေတာ ၁၀ကားလောက်ရှိပြီ။ ဗီဒီယိုကတော့ ရိုက်တာနည်းနည်း နဲသွားပြီ။ ကားကြီးများတယ်။ ဗီဒီယိုလဲချိတ်ထားတာတွေရှိတယ်။ ဒါပေမဲ့ အရမ်းနည်းသွားပြီ။ အရင်ကဆို တစ်လကို ၄ ကားလောက်ရိုက်တယ်။ အခုဆို ၁ကား၊ ၂ကားလောက်ပဲရိုက်ဖြစ်တော့တယ်။

-ပြင်ဦးလွင်မှာ ကားရိုက်သွားရင်းနဲ့ ကားဖျက်ဆီးခံရတယ်လို့လဲသိရတယ်။

ဟုတ်တယ်။ အကုန်လုံးမုန့်သွားစားကြတာပေါ့။ အနုပညာရှင်တွေရဲ့ကားတွေ အကုန်တန်းစီပြီးရပ်ထားတာပဲ။ ဒါပေမဲ့ အိချောကားကိုပဲ မှန်ရိုက်ခွဲသွားတာ၊ တော်တော်ပြင်လိုက်ရတယ်။ မှန်တစ်ချပ်လုံး လဲလိုက်ရတယ်။ နောက်ဘေးတွေလဲ ထိသွားတယ်။ ဘယ်သူမှန်းလဲမသိဘူး။ အမှုလဲချက်ချင်းဖွင့်တယ်။ ဒါပေမဲ့မမိသေးဘူး။ အကြောင်းမထူးသေးဘူး။ ဘာမှလဲမထူးပါဘူး။

-ဆံပင်ကအသစ်ပြန်ဆိုးထားတာလား။

သင်္ကြန်မတိုင်ခင်က ဆိုးထားတာ ဒီ့ထက်အရောင်ရင့်တယ်။ ဒါပေမဲ့ ကားရိုက်တွေကျတော့ အရောင်ချမယ်ဆိုပြီး ပြန်ချထားတာပါ။ အခုဆံပင်ကပြန်အရှည်ထားနေပါပြီ။ ကာလာကတော့ အနက်ပြန်ဆိုးဖို့ကစဉ်းစားနေတယ်။

-ရာသီဥတုအရမ်းပူတဲ့အတွက် ရှုတင်ပေါ်မှာ အခက်အခဲတွေရော ရှိမလား။

ရာသီဥတုကပူ မီးအားတွေကမနိုင်၊ ဆိုတော့ အခက်အခဲတော့ဖြစ်တယ်။ အိချောတို့ဆိုလဲ ပန်ကာတစ်လုံးနဲ့ ယပ်တောင်တစ်ခုနဲ့ပေါ့။ အရမ်းလှတဲ့အကျီင်္တောင်မ၀တ်နိုင်ဘူး။ အဲ့ဒါကြောင့် အေးပြီးပါးတဲ့ အင်္ကျီတွေလောက်ပဲဝတ်ဖြစ်တော့တယ်။ ဒီလိုရာသီဥတုကလဲ ပါးတဲ့အသား၊ ချည်ထည်လောက်ပဲဝတ်လို့ကောင်းတယ်။ ကျပ်ကျပ်ထုပ်ထုပ်တော့မ၀တ်နိုင်တော့ဘူး။

-ကိုယ့်ကိုကိုယ်ရော ဘယ်လိုမျိုးဂရုစိုက်ဖြစ်လဲ။

အိချော အသားအရေက အလက်ဂျီ ထတတ်တယ်။ အဲ့ဒါကြောင့် နေပူထဲထွက်ရင် ကွက်သွားတာမျိုးရှိတယ်။ အဲ့ဒါကြောင့်အသားအရေ အရမ်းဂရုစိုက်ရတယ်။ ထီးဆောင်းရတယ်။ ဦးထုပ်လဲဆောင်းဖြစ်တယ်။ နေပူဒဏ်မခံရရင်ပြီးရော ဆင်ခြင်ပြီးနေဖြစ်တယ်။

-ဖေ့စ်ဘုတ်မှာ နေ့တိုင်း အနုပညာရှင်တွေနဲ့သတင်းတွေနဲ့ပတ်သက်ပြီး ဟုတ်တာတွေရော မဟုတ်တာတွေရော နေ့တိုင်းတက်တယ်လေ။ ဒီဟာနဲ့ပတ်သက်ပြီး ဖေ့စ်ဘုတ်သုံးတဲ့လူတွေအပေါ် အိချောရဲ့ အမြင်လေးကိုလဲသိချင်ပါတယ်။

ဖေစ့်ဘုတ်သုံးတာက ကိုယ့်အတွက်အကျိုးရှိမဲ့ဟာ သုံးရင်တော့ တကယ်လဲအကျိုးရှိသလို ကိုယ့်အတွက်လဲကောင်းပါတယ်။ သိစရာတွေ၊ မှတ်စရာတွေ၊ သတင်းတွေ အများကြီးပဲဖတ်လို့ရတယ်။ ဒါပေမဲ့သူများ အကျိုးပျက်စီးစေမဲ့အရာမျိုးသုံးတာကျတော့ မကောင်းဘူးပေါ့။ အဲ့ဒါမျိုးကျတော့ ဘယ်သူ့ကိုမှမလုပ်စေချင်ပါဘူး။ များသောအားဖြင့်အိချောတို့အနုပညာရှင်တွေကနည်းနည်းဆို အပြောခံရတာများတယ်။ အဲ့ဒါကြောင့်အိချောတို့ဆိုလဲဆင်ခြင်တယ်။ ဒါပေမဲ့ မရှိရင်တော့ပိုကောင်းတာပေါ့လေ။

-ပရိသတ်ကိုရော ဘာများပြောချင်သေးလဲ။

အိချောဖက်ကတော့ ကိုယ်ရတဲ့ နေရာကနေ အတတ်နိုင်ဆုံးကြိုးစားသွားပါ့မယ်။ တခါတရံမှာ အလွဲအချော်လေးတွေလဲရှိမှာပါ။ နားလည်ပြီးကြည့်ပေးကြပါလို့ပြောချင်ပါတယ်။

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.