မေ ၁၀ရက်နေ့မှာထွက်ရှိမဲ့ အောင်မြင်မှုနောက်ကွယ် တေးစီးရီးရောင်းရငွေများကို လိုအပ်တဲ့နေရာတွေမှာ လှူဒါန်းမှာဖြစ်ကြောင်း အိမ့်ချစ်ကပြောပြ

13183151_1743958032529774_1536119338_n.jpg

လက်ရှိမှာ နယ်ရှိုးတွေ ဆက်တိုက်ဆိုဖြစ်နေတဲ့ အိမ့်ချစ်က မေလ ၁၀ ရက်နေ့မှာ Single Song အနေနဲ့ ထွက်ရှိလာမဲ့ အောင်မြင်မှုနောက်ကွယ် သီချင်းနဲ့ပတ်သက်ပြီး ပြည့်စုံစွာပြောပြလာပါတယ်။ အဆိုပါအခွေထွက်ပြီး သုံးလအကြာမှာ ရရှိလာမဲ့ သီချင်းခွေရောင်းရငွေကို လိုအပ်တဲ့နေရာတွေမှာ သွားရောက်လှူဒါန်းမှာဖြစ်သလို စက်တင်ဘာ သို့မဟုတ် အောက်တိုဘာလမှာလဲ တတိယမြောက်အယ်လ်ဘမ် ထွက်ရှိနိုင်ဖို့အတွက်ပြင်ဆင်နေကြောင်းလဲသိရပါတယ်။ တေးသံရှင်အိမ့်ချစ်ရဲ့ တတိယအခွေပြင်ဆင်နေမှုများနဲ့ မေ ဆယ်ရက်နေ့မှာထွက်ရှိမဲ့ အောင်မြင်မှုနောက်ကွယ်တေးစီးရီးအကြောင်းကိုမေးမြန်းဖြစ်တဲ့အခါ

-အောင်မြင်မှုနောက်ကွယ်ဆိုတဲ့ single song လေးလုပ်ဖြစ်ပုံလေးကိုပြောပြပေးပါဦး။

မေလ ၁၀ ရက်နေ့ထွက်ပါမယ်။ ဘာလို့တစ်ပုဒ်ထဲထွက်ဖြစ်တာလဲဆိုတော့ ဒါနိုင်ငံခြားမှာလဲ လူတိုင်း လုပ်နေကြပါ။ အစ်မတို့မြန်မာနိုင်ငံမှာကျတော့ အခုက ဒီလိုယဉ်ကျေးမှုလေးကစတာဆိုတော့ လုပ်ဖြစ်ခဲ့တယ်ပေါ့။

-တေးရေးနဲ့ သီချင်းပါရေးဖွဲ့ထားတဲ့ အကြောင်းအရာကိုလဲသိချင်ပါတယ်။

အစ်မကိုယ်တိုင်ပဲရေးထားတယ်။ အစ်မရဲ့ဘ၀တစ်စိတ်တစ်ပိုင်း အကြောင်းအရာတွေပေါ့။ အစ်မဒီနေရာလေးရောက်လာဖို့ကိုဖြတ်သန်းလာခဲ့တဲ့အကြောင်းအရာလေးတွေပေါ။

-အခုလက်ရှိမှာ ဂီတသက်တမ်းကရော ဘယ်လောက်ရှိသွားပြီလဲ။

၂၀၀၄ မှာစဆိုတယ်။ ဦးချစ်ကောင်းရဲ့ Live Show မှာစဆိုတယ်ပေါ့။ ၁၂ နှစ်ရှိပါပြီ။

-လက်ရှိမှာ ဂီတနဲ့ပတ်သက်ပြီး အောင်မြင်မှုနောက်ကွယ်အပြင် ဘာတွေလုပ်နေတာများရှိဦးမလဲ။

အစ်မက ဒီသီချင်းတစ်ပုဒ်ထွက်ပြီးသွားရင် စက်တင်ဘာသို့မဟုတ်အောက်တိုဘာလောက်မှာ အစ်မရဲ့ တတိယအယ်လ်ဘမ်ထွက်ပါမယ်။ အခုက လေးပုဒ်၊ ငါးပုဒ်လောက်ပဲပြီးသေးတယ်။ ဒီအောင်မြင်မှုနောက်ကွယ်ဆိုတဲ့သီချင်းလေးက တတိယ အယ်လ်ဘမ်ထဲက သီချင်းလေးပါ။ ပရိသတ်နဲ့အဆက်အသွယ် မပြတ်ချင်လို့ကြားထဲမှာ တစ်ပုဒ်ထဲထုတ်ပေးလိုက်တာပါ။ နောက်ထူးခြားတဲ့ သတင်းက ဒီသီချင်းလေးရောင်းရတဲ့ ငွေအကုန်လုံးကို လိုအပ်တဲ့နေရာလေးတွေမှာ အလှူလိုက်လုပ်မယ်။ လှူဖို့ကိုစပြီးစီစဉ်မှာကတော့ ဒီအခွေထွက်ပြီး သုံးလအကြာမှာပါ။ ဘာကြောင့်လဲဆိုတော့ အခွေရောင်းရဖို့အချိန်က သုံးလလောက်အချိန်ပေးရတယ်။ ဆိုင်တွေပေါ်ကိုပေးရတယ်။ ပြီးရင်ပြန်သိမ်းရတယ်။ အဲ့ဒီအချိန်တွေကသုံးလလောက်ကြာတယ်။ အဲ့ဒီတော့ သုံးလလောက်စောင့်တဲ့အခါမှာရောင်းရငွေလဲပိုများမယ်။

-အဲ့ဒီအခွေကရော ပုံမှန်ဈေးနဲ့ပဲရောင်းမှာလား။

အစ်မကတော့ဆိုင်တွေကို ၁၀၀၀ နဲ့ပဲပေးတယ်။ အဲ့ဒီ ၁၀၀၀ကလဲ ပရိသတ်တွေ ဆုံးဖြတ်ပေးတဲ့အတိုင်းပါပဲ။ အစ်မဟိုနေ့က ဖေ့စ်ဘုတ်မှာမေးတယ်။ ပရိသတ်တွေကလဲ ၁၀၀၀ နဲ့ပဲပေးပါတဲ့ သို့ပေမဲ့ ဆိုင်တွေကဘယ်လောက်ရောင်းမလဲဆိုတာကတော့ သူတို့အပေါ်မှာပဲမူတည်တာပေါ့နော်။ အစ်မကတော့ ဒီ ၁၀၀၀ လုံးမှာ အရင်းက ၅၀၀ရှိတယ်။ ညီမရယ်။ အစ်မက အမြတ် ၅၀၀ယူပြီးတင်ထားတာပေ့ါ။ သို့ပေမဲ့ အဲ့ဒီအမြတ်ကိုလဲ အစ်မလှူမယ်။ အရင်း ၅၀၀ ကိုလဲလှူဖို့စီစဉ်နေပါတယ်။

-တတိယအခွေမှာရော ဘယ်လိုသီချင်းအမျိုးအစားလေးတွေပါမလဲ။

အချစ်သီချင်းထက် ခပ်မာမာစာသားလေးတွေပါမယ်။ အချစ်လဲနည်းနည်းပါမယ်။ ဘာကြောင့်လဲဆိုတော့ အချစ်ရေးအခွေတုန်းက အချစ်သီချင်းကြီးပဲပါတာလေ။ ဘ၀နဲ့ပတ်သက်တာ တစ်ခုမှမပါဘူး။ အဲ့ဒါကြောင့် တတိယအခွေမှာတော့ ဘ၀နဲ့ပတ်သက်တဲ့ သီချင်းလေးတွေထည့်မယ်။ လောလောဆယ်တော့ အစ်မ တစ်ယောက်တည်းပဲရေးနေပါတယ်။

-အဖေနဲ့တွဲဆိုမဲ့ အပုဒ်တွေရော ပါဦးမလား။

မပါလောက်ဘူး ညီမ။

-ဘယ်နှပုဒ်လောက်ရော မှန်းထားလဲ။

၁၀ပုဒ် သို့မဟုတ် ၁၂ပုဒ်လောက်ပါပဲ။

-ကြားထဲမှာနယ်ရှိုးတွေရော သွားဖို့ရှိဦးမလား။

နယ်တွေကတော့သွားဖို့ရှိတယ်။ အခုကျိုက်ထိုရှိတယ်။ နောက် Cocacola နဲ့အတူတူ မြစ်ကြီးနားသွားဖို့ရှိတယ်။

-သင်္ကြန်မှာဆိုခဲ့တဲ့ ကိုကာကိုလာရှိုးမှာတုန်းကလဲ ပရိသတ်အားပေးမှုမြင့်ခဲ့သလို ပရိသတ်ပစ်ပေးတဲ့ လက်ဆောင်တော်တော်များများကိုလဲ ရတာတွေ့ရတယ်။ အဲ့ဒါနဲ့ပတ်သက်ပြီးတော့ စိတ်ခံစားချက်လေးကိုလဲသိချင်ပါတယ်။

သူတို့ကတော့ အကျီင်္လေးတွေပျော်ပြီးတော့ပစ်ပေးကြတယ်။ အဲ့ဒီတော့ အစ်မကလဲ ၀တ်ဖြစ်သွားတယ်။ အဲ့ဒီတော့ပိုပြီးပေးချင်စိတ်ဖြစ်သွားတဲ့သဘောပေါ့နော်။ ဒါကြောင့်ပိုရသွားတဲ့သဘောပါ။ ဥပမာ ဦးထုတ်တစ်လုံးပစ်ပေးတယ်ဆိုပါစို့။ တစ်ချို့ကျတော့ မဆောင်းဘူး။ အလှပျက်မှာစိုးလို့ကိုင်ထားတာမျိုးရှိတယ်။ အစ်မကျတော့ လှဖို့ကိုသိပ်ဦးစားမပေးဘူး။ ဦးထုပ်ပစ်ပေးတယ်ဆိုရင်ဆောင်းလိုက်တာပဲ။ ကိုယ်ဝတ်လာစားလာတဲ့ပုံကို စင်ပေါ်တက်တက်ချင်းမှာပရိသတ်ကမြင်ပြီးပြီလေ။ ဒီအလှကိုပျက်မှာတော့ အစ်မ မကြောက်ဘူး။ သူတို့ပေးတဲ့ဟာလေးတွေကို ကိုယ်ပေါ်မှာ တင်ထားလိုက်တယ်။ အဲ့ဒီတော့သူတို့လဲပိုပေးချင်ကြတာပေါ့။ အဲ့ဒီလိုသဘောတရားတစ်ခုပါ။

-အဲ့ဒီလိုမျိုးမြင်ရတဲ့အခါ ပရိသတ်နဲ့အစ်မနဲ့ကို တစ်သားတည်းဖြစ်တယ်လို့ခံစားရတယ်။

အစ်မ၀မ်းသာပါတယ်။ ဒီ ကိုကာကိုလာရှိုးမှာမှ ဖြစ်ချင်တော့ တိုက်ရိုက်ပြတဲ့အတွက် တစ်နိုင်ငံလုံးကမြင်သွားတယ်။ အစ်မဘယ်မြို့ပဲသွားသွား၊ ဘယ်ပွဲပဲသွားသွားလက်ဆောင်ပေးရင် ၀တ်တယ်။ ဦးထုပ်ဆိုဆောင်းထားတယ်။ အစ်မကိုပရိသတ် ဘာလက်ဆောင်လာပေးလာပေးကြည်ကြည်ဖြူဖြူနဲ့လက်ခံပြီးတော့ တစ်ခုပ်တစ်ရလေး ကိုယ့်ရဲ့ခန္ဒာကိုယ်ပေါ်မှာ အမြဲတင်ထားလေ့ရှိတယ်။ နောက်ပရိသတ်နဲ့တစ်သားတည်းဆိုတာ အစ်မဘယ်ပွဲဆိုဆို အဲ့ဒီလိုပဲဆိုခဲ့တာပါ။ တစ်ခုပေါ့လေ။ ကိုကာကိုလာကျတော့ တီဗီကနေတောက်လျှောက်ပြနေတဲ့အတွက် ပရိသတ်တွေအားလုံးမြင်သွားကြတဲ့သဘောပါပဲ။ အရင်အစ်မကိုရှိုးတွေမှာကြည့်ဖူးတဲ့ သူတွေသိမှာပါ။ အစ်မကိုဘာလာပေးပေး အောက်မှာချထားရမှာကို အရမ်းအားနာတတ်တယ်။ ခွင့်တောင်းပြီးမှသာအောက်ချတတ်တဲ့လူမျိုးပါ။

-အခုနောက်ပိုင်းမှာ ရာသီဥတုကပူတဲ့အတွက်ကိုယ့်ကိုကိုယ်ရော ဘယ်လိုမျိုးဂရုစိုက်ဖြစ်လဲ။

အဓိကကတော့ ကိုယ်တွေကညိုတဲ့သူဆိုတော့ ပိုဂရုစိုက်ရတယ်။ ချည်သားလက်ရှည်လေးတွေ ၀တ်တယ်။ ချွေးလဲစို့မဲ့ဟာမျိုးပေါ့။ နောက်လက်ထွက်ကလေးတွေ၊ လက်ရှည်ကလေးတွေ ပိုပြီးဝတ်ရတာပေါ့။ ရေများများသောက်တယ်။ ဦးထုပ်အမြဲဆောင်းတယ်။

-ပရိသတ်တွေအပေါ်ကို ဘယ်လိုထားလဲဆိုတာလဲသိချင်ပါတယ်။

အိမ့်ချစ်ကကျတော့ သူငယ်ချင်းအပေါင်းအသင်းအရမ်းမများတဲ့အခါကျတော့ ပရိသတ်ကအိမ့်ချစ်အတွက်သူငယ်ချင်းတွေဆိုလဲဟုတ်ပါတယ်။

-လက်ရှိအချစ်ရေးကရော ဘယ်လိုမျိုးရှိလဲအစ်မ။

အစ်မကတော့ လောလောဆယ်မှာ အချစ်ရေးမေးရင် စာမျက်နှာပေါ်မှာ ဘယ်တော့မှဖော်ပြလေ့မရှိပါဘူး။ ဘာကြောင့်လဲဆိုတော့ မိန်းကလေးတစ်ယောက်ဖြစ်တဲ့အတွက် ရည်းစားရှိတယ်။ မရှိဘူးဆိုတာကို ဖော်ပြဖို့မသင့်တော်ဘူးလို့ယူဆလို့ပါ။ အဲ့ဒီတော့ အစ်မအိမ်ထောင်ပြုတော့မယ်ဆိုတဲ့ အခါကျတော့ ပရိသတ်တွေအရင်သိရမှာပေါ့။

-ဟိုတလောက အဆိုတော်တစ်ယောက်နဲ့အစ်မနဲ့သတင်းတွေထွက်တဲ့အပေါ် အစ်မဖက်က ရပ်တည်ပေးခဲ့တဲ့ ပရိသတ်တွေလဲရှိတော့ အဲ့ဒီအပေါ်မှာရော ဘာပြောချင်ပါသလဲ။

အဲ့ဒီကိစ္စတွေကအစ်မဘာမှမဖြေဘူး။ ဒါဟာကောလာဟလဖြစ်တဲ့အတွက်ဖြေရှင်းစရာမလိုလို့ပါ။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.