ခေါင်းလျှော်တဲ့အခါ ဒီအမှားမျိုးတွေ ပြုလုပ်လေ့ရှိကြတာ

woman-in-the-shower-washing-her-hair.jpg

ခေါင်းလျှော်တာ ပုံမှန်လုပ်ရိုး လုပ်စဉ်တစ်ခု ဖြစ်ပေမယ့် လူတွေ အလွဲလွဲအမှားမှား လုပ်နေကြတယ်လို့ ပြောရင် သင် အံ့အားသင့်ပါလိမ့်မယ်။ ခေါင်းလျှော်ရာမှာ ရှောင်ရှားရန် လိုအပ်တဲ့ အမှားအယွင်းတွေ ရှိနေပါတယ်။ အဲ့ဒါတွေကတော့. . .

ကိုယ်ဆံပင်အမျိုးအစားနဲ့ မသင့်တော်တဲ့ ခေါင်းလျှော်ရည် ရွေးချယ်ခြင်း

မိမိဆံပင်နဲ့ သင့်တော်တဲ့ ခေါင်းလျှော်ရည် အသုံးပြုဖို့ လိုပါတယ်။ မိမိဆံကေသာဟာ ဘယ်လိုအမျိုးအစားလဲ -အခြောက်၊ အဆီပြန်၊ ကျိုးလွယ်ပြတ်လွယ်လားဆိုတာ သိအောင်လုပ်ပြီး လိုအပ်ပါက ကိုယ်နဲ့အလိုက်ဖက်ဆုံးကို သိရှိဖို့ ဆံပင်အလှပြင်ဆရာ (သို့) အရေပြားရောဂါ အထူးကုဆရာဝန်နဲ့ တိုင်ပင်ပါ။ နောက် ဆံပင်ပျော့ဆေးအဖြစ်ပါ သုံးနိုင်တဲ့ ခေါင်းလျှောက်ရည်တွေ ရှောင်ပါ။ ဘာကြောင့်လဲဆိုတော့ ကုန်ကျစရိတ်သက်သာစေဟန်ရှိပေမယ့် တစ်ချိန်တည်းမှာ ခေါင်းလျှော်၊ ဆံပင်ပျော့ပျောင်းစေဖို့ မဖြစ်နိုင်လို့ပါ။

ဆံပင်ရေသိပ်မစိုခြင်း

ခေါင်းမလျှော်ခင် ဆံပင်စိုရွှဲနေဖို့ လုိုပါတယ်။ သို့မဟုတ်ပါက ခေါင်းလျှော်ရည် ကောင်းစွာ အကျိုးမသက်ရောက်ပါ။ ခေါင်းမလျှော်ခင် ရေပန်းအောက်မှာ ၂-၃ မိနစ်အရင် နေပါ။

အဓိကနေရာ မလျှော်မိခြင်း

ခေါင်းလျှော်ရည်က ဆံပင်အဖျားထက် အရင်းအတွက် ပိုအဓိကကျပါတယ်။ ခေါင်းလျှော်တဲ့အခါ ဆံပင်အရင်းကို ဦးစားပေးပြီး အဖျားကိုတော့ ပျော့ဆေးလေး သုံးပေးပါ။ ပြီးတော့ ဆံပင်ကို တစ်နေရာတည်းမှာ စမလျှော်ပါနဲ့ အဲဒီဦးရေပြားနေရာ ကွက်ပြီး ခြောက်သွေ့စေတတ်ပါတယ်။

မကြာခဏ ခေါင်းလျှော်ခြင်း

မကြာခဏခေါင်းလျှော်ခြင်းက ဆံပင်ခြောက်သွေ့စေတတ်လို့ သိပ်မကောင်းပါဘူး။ ဖြစ်နိုင်ရင် အများဆုံး နှစ်ရက်တစ်ခါပဲ လျှော်ပါ။ ဆံပင်ကပ်စေး ကပ်စေးဖြစ်နေပါက အညစ်အကြေးတွေ ရှင်းထုတ်ဖို့ dry shampoo အနည်းငယ်သုံးပေးပါ။

မှားယွင်းစွာ ရေဆေးကြောခြင်း

ခေါင်းလျှော်ရည်ကို ချက်ချင်းရေဆေးမချလိုက်ပါနဲ့။ ဆေးချပါက ခေါင်းလျှော်ရည်ရဲ့ အာနိသင်ပျောက်ဆုံးပြီး ဖြစ်သင့်သလောက်အကျိုးရောက်မှု ရှိမှာ မဟုတ်လို့ပါ။ အမြုပ်ထအောင်လုပ်ပြီး ၂ မိနစ်ထားပြီးမှသာ ဆေးချပါ။ ရေနွေးဘယ်လောက်ကြိုက်ကြိုက် ရေအေးနဲ့ပဲ ဆေးချပါ။ ဆံပင်ရင်း ဦးရေပြား ကောင်းမွန်စေပါလိမ့်မယ်။ ဒီတော့မှသာ ဆံကေသာ နူးညံ့တောက်ပပြီး ဆံပင်ကျွတ်ခြင်း ကင်းဝေးစေပါလိမ့်မယ်။ 

Ref: TOI 

558 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.