ခေါင်းဆောင်မင်းသားအနေနဲ့ဇာတ်ကားတွေ စတင်ရိုက်ကူးနေပြီဖြစ်တဲ့ ချစ်တိုး

12969147_1730978157161095_879435287_n.jpg

ရှုတင်မှာ မှတ်တမ်းရေးတဲ့ ဘ၀ကနေ ဇာတ်ပို့ဇာတ်ရံ ထိုမှတစ်ဆင့် ခေါင်းဆောင်မင်းသားဘ၀ ထိရောက်အောင်ကြိုးစားရုန်းကန်လာသူကတော့ ချစ်တိုးပဲဖြစ်ပါတယ်။ ချစ်တိုးက သူရိုက်တဲ့ကားတွေမှာ ဇာတ်လမ်းဇာတ်ညွှန်းကို သူကိုယ်တိုင်ရေးသလို လာမဲ့သင်္ကြန်ကိုလဲ ပြင်ဦးလွင်တက်ပြီးစာရေးမယ်လို့ပြောပြလာတဲ့ ချစ်တိုးရဲ့ လက်ရှိအနုပညာအကြောင်းကိုမေးမြန်းကြည့်တဲ့အခါ

-အခုရိုက်နေတဲ့ ဇာတ်ကားလေးအကြောင်းကို အရင်ပြောပြပေးပါဦး။

RK တဲ့။ ဒါရိုက်တာဦးဗေဒါ၊ မင်းသမီးက သင်ဇာဝင့်ကျော်၊ ကိုခင်လှိုင်ပါမယ်။ တခြားအနုပညာရှင်တွေလဲ ပါပါတယ်။ ဒီကားထဲမှာ ကျွန်တော့်နာမည်က RK တဲ့။ ကားပွဲစားပေါ့။ RK ရရင် အကုန်လုပ်တယ်။ ဒါပေမဲ့ မတရားတာတော့မလုပ်ဘူး။ ပွဲစားကာရိုက်တာပေါ့။

-အရင်က ဇာတ်ပို့ဇာတ်ရံအနေနဲ့အချိန်အတော်ကြာကြာလုပ်ခဲ့တယ်။ အခုခေါင်းဆောင်အနေနဲ့ရိုက်ကူးတဲ့အခါမှာ ဘာတွေပြောင်းလဲသွားတာများရှိမလဲ။

အရင်တုန်းက ကျွန်တော်ဇာတ်ပို့ဇာတ်ရံအနေနဲ့အများကြီးရိုက်ခဲ့ဖူးတယ်။ ဇာတ်ပို့ဇာတ်ရံအနေနဲ့ရိုက်တဲ့အခါမှာ ဒါရိုက်တာတွေပြောသမျှကို ဇာတ်ကိုမသိရဘူး။ ဒါရိုက်တာဒေါသထွက်ဆိုထွက်လိုက်တာပဲ။ ကိုယ့်အခန်းမှာ အရှေ့မှာ ဘာတွေဖြစ်မလဲကြိုမသိဘူး။ အနောက်မှာဘာတွေဖြစ်မလဲကြိုမသိဘူး။ အခုခေါင်းဆောင်အနေနဲ့စရိုက်တဲ့အခါမှာ ဇာတ်ကိုစလယ်ဆုံး အကုန်ကို ဖင်ပြန်ခေါင်းပြန်ဖတ်ထားတဲ့အတွက် အိုက်တင်လုပ်တဲ့အခါမှာချိန်လို့ရသွားတယ်။ ဒါရိုက်တာတွေကလဲ သေချာသင်ပြပေးတယ်။ ခေါင်းဆောင်အနေနဲ့ရိုက်တာက တာဝန်တော့ကြီးတယ်။

-ဇာတ်ရွေးတဲ့အခါမှာရော ဘယ်လိုမျိုးရွေးချယ်ဖြစ်လဲ။

ချစ်တိုးရဲ့ကားဆိုတာထက် RK ဆို RK ဆိုတဲ့ဇာတ်ကိုကြည့်ချင်တာကိုပဲ လိုချင်တယ်ခင်ဗျ။ ဇာတ်ကိုအဓိကထားတယ်။ ကျွန်တော်တို့လိုအသစ်တွေကို ပရိသတ်တွေကြည့်အောင်ပထမဦးဆုံးအနေနဲ့ဇာတ်ပေါ့။ ဇာတ်က မင်းသားသစ်ကိုတင်တဲ့ဇာတ်ဖြစ်ရမယ်။ နောက်တစ်ခုက တင်ပြပုံပေါ့။ တင်ပြပုံကောင်းမှလဲ ပရိသတ်ကို ဆွဲဆောင်နိုင်မယ်လေ။

-ဒါပြီးရင် ဘာတွေလုပ်ဖို့ရှိဦးမလဲ။

မန္တလေးဖက်ကို ဇာတ်ကားတစ်ကားသွားရိုက်ဖို့ရှိပါတယ်။ သင်္ကြန်ကတော့ မနှစ်ကတော့ ဘုန်းကြီးဝတ်တယ်။ ဒီနှစ်ကတော့ ပြင်ဦးလွင်တက်ပြီး စာရေးဖြစ်မယ်။ ကျွန်တော့ကားရဲ့ဇာတ်လမ်းဇာတ်ညွှန်းကကျွန်တော်ပဲရေးတာပါ။

-စာရေးတာက ဘယ်အရွယ်ကတည်းက၀ါသနာပါတာလဲ။

ငယ်ငယ်ကတည်းကဇာတ်ကားအစုံကြည့်တယ်။ အဲ့ဒီအပေါ်မှာစိတ်ခံစားမှုလဲရှိခဲ့တယ်။ သရုပ်ဆောင်ဘ၀ မရောက်ခင်မှတ်တမ်းဘ၀ကတည်းက လာခဲ့တာဆိုတော့ လေ။ ၀ါသနာပါတာကသရုပ်ဆောင် ၊ ဒါပေမဲ့ချက်ချင်းကြီးလုပ်ဖို့အဆင်မပြေသေးတဲ့အတွက် ရှုတင်ကို ဘယ်လိုပုံစံမျိုးလဲသွားကြည့်မလဲပေါ့။ အဲ့ဒီမှာမှတ်တမ်းရေးရင် သရုပ်ဆောင်တွေနဲ့ရင်းနှီးမယ်။ အဲ့ဒီကတစ်ဆင့် ဇာတ်ပို့ဇာတ်ရံ ပြီးမှ ခေါင်းဆောင်အနေနဲ့ရိုက်တာပေါ့။ ကိုယ်ရိုက်တဲ့ဇာတ်ကို ကိုယ့်ဟာကိုယ်ရေးချင်လို့ပါ။

-အနုပညာကိုရော ဘယ်အတိုင်းအတာလောက်ထိ ဆက်လုပ်သွားမလဲ။

အနုပညာကိုယုံကြည်တယ်။ အနုပညာကို ကျွန်တော်တတ်နိုင်သလောက်အစွမ်းကုန်ကြိုးစားသွားမယ်။ အခုခေါင်းဆောင်အနေနဲ့လဲ စရိုက်နေပြီ။ ဇာတ်လေးတွေကိုလဲ တတ်နိုင်သလောက်အကောင်းဆုံးဖြစ်အောင်လုပ်ထားတယ်။ ရိုက်ထားတဲ့ကားလေးတွေထွက်လာရင်လဲအားပေးစေချင်ပါတယ်။

-နည်းနည်းဘာသာခြားနဲ့တူနေတော့လေ။ ပရိသတ်ကိုဘယ်လိုပြောချင်သေးလဲ။

ကျွန်တော် ဗုဒ္စဘာသာပါပဲ။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.