ကိုယ့်ချစ်သူကို လက်ထပ်ခွင့်တောင်းတော့မယ်ဆိုရင်

propose.jpg

သင်ဟာ ဒူးထောက်ပြီး ကိုယ့်ချစ်သူကို လက်ထပ်ခွင့်တောင်းမယ်ဆိုပြီး စိတ်ကူးယဉ်ကောင်း ယဉ်ဖူးနိုင်ပါတယ်။  "မင်း ကိုယ့်ကို လက်ထပ်မှာလား" ဆိုတာ ဖွင့်ဟဖို့ အမျိုးသားတွေအတွက်တော့ ထင်သလောက် လွယ်တဲ့ကိစ္စတော့ မဟုတ်ပါ။ ဘာလို့လည်းဆိုတော့ တစ်ဖက်လူက ခေါင်းညိတ်နိုင်သလို အဆင်သင့်မဖြစ်သေးလို့ ခေါင်းခါနိုင်တဲ့အခြေအနေမျိုးလည်း ရှိလာနိုင်တယ် မဟုတ်လား။ အဲဒီနေ့ဟာ စိုးရိမ်မှုနဲ့ မျှော်လင့်စောင့်စားမှုတို့ ရောက်ရှိလာတဲ့ နေ့တစ်နေ့လည်း ဖြစ်နေနိုင်တယ်လေ။ ဒါပေမယ့် အဲဒီ စိုးရိမ်မှုတွေ လျော့ချပြီး မေးခွန်းကို အောင်မြင်စွာ ပြောထုတ်ဖို့ နည်းလမ်းလေးတွေ ရှိပါတယ်။

စိတ်ကို အရင်ဆုံး အသင့်ပြင်ဆင်ပါ

မိမိဟာ ဒီအဆင့်ကြီး တက်ဖို့ လုံးဝ အဆင်သင့် ဖြစ်နေပြီလား ဆိုတာ ကိုယ့်ကိုယ်ကို မေးခွန်းထုတ်ပါ။ အဆင်သင့် ဖြစ်နေပါက နောက်တစ်ဆင့်ကို ပျော်ရွှင်စွာ ဖြတ်သန်းပါ။

သူ့နေရာနဲ့သူ ပြင်ဆင်မှုတွေ သေချာလုပ်ပါ

တတ်နိုင်သမျှ အကောင်းဆုံးနဲ့ ရိုမန်တစ် အကျဆုံးဖြစ်အောင် စီစဉ်ဆောင်ရွက်ပါ။ ဘာလို့လဲ ဆိုတော့ တစ်သက်မှာ တစ်ခါသာ လုပ်ရမှာမို့ပါ။ ပြီးပြည့်စုံတဲ့ လက်ထပ်ခွင့်တောင်းဆိုမှု တစ်ခုမှာ နောက်ခံအခင်းအကျင်းကောင်းလေးရှိဖို့ လိုအပ်ပါတယ်။ ဒီတော့ သူမအကြိုက်နှစ်သက်ဆုံး ပန်းတွေနဲ့ တေးသီချင်းကို အရံသင့် စီစဉ်ပေးပါ။

အထိုက်အသင့်လေးဖြစ်အောင် ဝတ်ဆင်စားဆင်ယင်ပါ

ဒါသင့်ရဲ့ တန်ဖိုးရှိတဲ့ အခိုက်အတန့်လေးဖြစ်တဲ့အတွက် အထိုက်အသင့်လေးတော့ ဝတ်ဆင်ပါ။ ရှပ်အကျီင်္လေးတစ်ထည် ဝယ်ပါ ဒါမှမဟုတ် သူမသဘောကျမယ့် ဟာလေးတစ်ခုခု ဝတ်ဆင်ပါ။

လက်စွပ်အရွယ်အစားကိစ္စ

အကြီးမားဆုံးစိတ်ပူပန်မှုတွေထဲ တစ်ခုက မတော်တဲ့ လက်စွပ်ယူလာမိခြင်းပါပဲ။ လက်စွပ်ကို နောက်မှ ပြန်လဲနိုင်ပေမယ့် သူမရဲ့ လက်စွပ်ဆိုဒ်ကို သိအောင် အရင်လုပ်ပါ။

ကြိုတင်အစမ်းလုပ်ကြည့်ပါ

စိတ်ထဲကနေ ကြိုတင် အကွက်ချပါ။ ဒါမှ စိတ်မလှုပ်ရှားမှာပေါ့။ လက်တန်းလုပ်တာ ရယ်စရာကောင်းပါတယ်။ ဒါ့ကြောင့် စိတ်ထဲ ပေါ်တာလေးတွေ အကုန်ဖွင့်ဟထုတ်ပြောဖို့လည်း မကြောက်ပါနဲ့။ 

Ref: TOI 

27 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.