ကိုယ်ခွဲကာရိုက်တာနဲ့ ထပ်ဆင့်အကယ်ဒမီဖြစ်သွားတဲ့ နေတိုး

12968625_1042131055846092_985914193_n.jpg

၂၀၀၉ ခုနှစ် မိုးညအိပ်မက်မြူဇာတ်ကားမှာ ကိုယ်ခွဲကာရိုက်တာတွေနဲ့ ပထမအကြိမ် အကယ်ဒမီဆုကို ဆွတ်ခူးရရှိခဲ့တဲ့ နေတိုးဟာဆိုရင် ၆ နှစ်တာကာလကြာမြင့်ခဲ့ပြီးနောက် အခု၂၀၁၅ ခုနှစ်ရဲ့ အမျိုးသားဇာတ်ဆောင်ဆုကိုလဲ သုံးကိုယ်ခွဲကာရိုက်တာ လေးဘ၀ နဲ့ နက္ခတ်မှားတဲ့တိုက်ပွဲရုပ်ရှင်ဇာတ်ကားဖြင့် ထပ်မံရရှိခဲ့တဲ့အတွက် သူ့အတွက် အမှတ်တရများလေးလားလို့ဆိုရမှာပါ။ သူ့ကိုအားပေးနေတဲ့ သူ့ ချစ်ပရိသတ်တွေအနေနဲ့လဲ စိတ်ကျေနပ်အားရရှိခဲ့သလို အကယ်ဒမီဆုကို ထိုက်တန်စွာပိုင်ဆိုင်ရရှိခဲ့တဲ့ သူ့အနေနဲ့လဲ ပရိသတ်ရဲ့ ပျော်ရွှင်မှုကို မြင့်သထက်မြင့်အောင် ဖန်တီးပေးစွမ်းနိုင်တယ်လို့ဆိုရမလိုပါ။

နေတိုးရဲ့ အကယ်ဒမီရရှိတဲ့ ပီတိစကားများကတော့ "ပထမဦးစွာ နှစ်တိုင်းနှစ်တိုင်းကျွန်တော့ကို ဆုတောင်းပေးခဲ့ကြတဲ့ ပရိသတ်ကြီးရဲ့ကျေးဇူးတရားကို မမေ့သောအားဖြင့်ကျွန်တော်အနုပညာကို ထာဝရကြိုးစားသွားပါမယ်လို့ပြောခဲ့ပါရစေ။ နောက်တစ်ခု အကယ်ဒမီနဲ့ပတ်သက်ပြီးတော့ ကျွန်တော်ပြောချင်တာက တကယ်တမ်းဆိုရင် ၂၀၁၅ ခုနှစ်အတွက် ဒီအကယ်ဒမီအရုပ်ကလေးဟာ သာမန်အားဖြင့်ကြည့်ရင်တော့ ကျွန်တော်တို့ရွှေစင်ရုပ်တုလေးတစ်ရုပ်ပါ။ ဒါပေမဲ့ ဒီအရုပ်ဟာ ကျွန်တော့်ပရိသတ်ရဲ့ရင်ခုန်သံတွေ၊ မျှော်လင့်ချက်တွေကနေပေါက်ဖွားလာတဲ့ အရုပ်လေးတစ်ရုပ်ပါ။ ဒီအရုပ်လေးတစ်ရုပ်ဟာ ကျွန်တော်ချစ်တဲ့ပရိသတ်ရဲ့ နှလုံးသားလို့ပြောချင်ပါတယ်။ ဒါကြောင့်မို့လို့ပရိသတ်ရဲ့နှလုံးသား ကိုဆုပ်ကိုင်ထားနိုင်သလိုပဲနောင်နှစ်နောင်နှစ်များမှာလဲ ပရိသတ်ရဲ့ ရင်ခုန်သံတွေ၊ နှလုံးသားတွေမှာ ဒီအရုပ်လေးအသွင်အဖြစ်မပြောင်းလဲနိုင်ဘူး ဆိုရင်တောင်မှ ပရိသတ်ရဲ့နှလုံးသားကို ထာဝရဆုပ်ကိုင်နိုင်အောင် ကြိုးစားနေပါ့မယ်။ ကြိုးလဲကြိုးစားနေပါတယ်။ နောက်လဲကြိုးစားသွားပါဦးမယ်လို့ပြောချင်တယ်"တဲ့။

အကယ်ဒမီဆုကို ထိုက်တန်စွာရရှိခဲ့တဲ့ အဆိုပါဇာတ်ကားနဲ့ပတ်သက်ပြီး "ကျွန်တော်အဲ့ဒီကားရိုက်တုန်းက ပင်လဲပင်ပန်းခဲ့တယ်။ ကျွန်တော်ရဲ့အနုပညာတွေကို ထုတ်ပြခွင့်ရခဲ့တဲ့ကားလေး တစ်ကားလဲဖြစ်တယ်ဆိုတော့ ကျွန်တော့်အနေနဲ့ဒီဆုကို ပိုင်ဆိုင်ခွင့်ရတာ ကျေနပ်အားရမှုရှိသလို ပရိသတ်လဲ ၀မ်းသာမယ်လို့ယုံကြည်ပါတယ်။ ဒါကြောင့်မို့လို့ပရိသတ်ရဲ့ဆန္ဒကို ဖြည့်ဆည်းပေးနိုင်လိုက်တဲ့အတွက် နက္ခတ်မှားတဲ့တိုက်ပွဲနဲ့ပတ်သက်ပြီး ဒီကားကို ကြည့်ရှုအားပေးခဲ့တဲ့ပရိသတ်တွေတိုင်းကို ကျေးဇူးတင်ပါတယ်လို့ပြောချင်ပါတယ်။ အကယ်ဒမီကို မျှော်လင့်ခဲ့တာမျိုး မရှိဘူး။ ဒါပေမဲ့ရခဲ့တဲ့အတွက်တော့ ကျေနပ်ပါတယ်။ ဆုရခဲ့တဲ့ နှစ်ကားစလုံးက ကိုယ်ခွဲကာရိုက်တာတွေဆိုပေမဲ့ မတူဘူး။ ဒီမှာက ခက်ထန်တဲ့ကာရိုက်တာတွေများတယ်။ မျှော်လင့်ရင်ခုန်ပေးကြတဲ့ ပရိသတ်တွေအားလုံးကိုလဲကျေးဇူးတင်ပါတယ်။ ကျွန်တော့်အနေနဲ့ အနုပညာတာဝန်တွေကိုထမ်းဆောင်ရင်းနဲ့ပဲအမြဲတမ်းပေးဆပ်သွားပါမယ်"လို့ သူက ပြောသွားခဲ့ပါတယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.