သင့်ဆံပင်တွေ ဘာ့ကြောင့်များ တစ်နေ့ထက်တစ်နေ့ ပိုကျွတ်နေရပါသလဲ

hair-loss.jpg
ကိုယ်အခန်းထဲက မှန်တင်ခုံနား၊ စားပွဲအောက်နဲ့ အလုပ်စားပွဲနားတစ်ဝိုက်မှာ ကိုယ့်ဆံပင်တွေ ကျွတ်နေတာ မကြာခဏတွေ့ရရင်၊ ဘီးဖြီးလိုက်တဲ့အခါတိုင်း ဆံပင်တွေကျွတ်သွားတာ မြင်ရရင် စိတ်ထဲ ငါဆံပင်တွေ အရမ်းကျွတ်နေပါလား။ ဘာလုပ်ရင် ကောင်းမလဲဆိုပြီးတွေးကြလေ့ရှိပါတယ်။ ဒါပုံမှန်မှ ဟုတ်ရဲ့လားလို့လည်း စိုးရိမ်တတ်ကြပါတယ်။ လူတစ်ယောက်ဟာ ပျမ်းမျှအားဖြင့် ဆံပင်အပင် ၆၀ကနေ ၁၀၀ထိ ကျွတ်လေ့ရှိတယ်လို့ သိရပါတယ်။
 
ဆံပင်အတိုထက် ဆံပင်ရှည်တဲ့သူတွေဟာ ပိုကျွတ်တတ်သလို ဖြစ်နေပေမယ့် ကျွတ်ရခြင်းအကြောင်းအရင်းတွေကလည်း များစွာရှိနေပြန်ပါတယ်။ ဆံပင်ဟာ ခန္ဓာကိုယ်က ဖြစ်ပျက်နေတာတွေ၊ ကျန်းမာရေးဆိုင်ရာ၊ စိတ်ပိုင်းဆိုင်ရာ အားလုံးနဲ့ ဆက်နွယ်နေပြီး နေမကောင်းဘူး၊ အပြင်းဖျားတယ်ဆိုရင် ဆံပင်တွေကျွတ်မယ်။ စိတ်တွေရှုပ်မယ်၊ ဖိစီးမှုတွေရှိနေမယ်ဆိုရင်လည်း ဆံပင်ကျွတ်ပါတယ်။ ဒါပေမယ့် နေပြန်ကောင်းသွားရင်၊ ထိခိုက်မှုတစ်ခုခုကနေ ပြန်လည်သက်သာလာချိန်မှာတော့ ဆံပင်အများအပြားကျွတ်ခြင်းကနေ ပြန်လည်နည်းပါးသွားတတ်ပါတယ်။ ဆံပင်ဟာ ဘယ်လောက်ကျွတ်ကျွတ် ဆံပင်ပေါက်တာတွ၊ ဆံပင်အရှည် စတာတွေကတော့ ပုံမှန်အတိုင်းပါပဲ။ ဆံပင်ကျွတ်လွန်းလို့ ဆံပင်မပေါက်တော့ဘူးဆိုတာမျိုး၊ အရှည်နှေးသွားတယ်၊ မရှည်လာတော့ဘူးဆိုတာတွေ မရှိပါဘူး။
 
သင်ဟာ သင့်ဆံပင်ကို ဘယ်လို ဂရုစိုက်တယ်ဆိုတာနဲ့ပတ်သက်ပြီးတော့ပဲဖြစ်ဖြစ်၊ ဆံပင်အမျိုးအစားနဲ့ပတ်သက်ပြီးတော့ပဲဖြစ်ဖြစ် ဆံပင်ကျွတ်နှုန်းကတော့ တစ်ယောက်နဲ့တစ်ယောက် မတူနိုင်ပါဘူး။ ဒီအချက်ဟာ ခုနအပေါ်မှာ ပြောတဲ့ ဆံပင်အရေအတွက် ၆၀ကနေ ၁၀၀ပင်ထိ ကျွတ်နိုင်တယ်ဆိုတာကို ပြောခြင်းဖြစ်ပါတယ်။ သင်ဟာ တစ်နေ့ကို အပင် ၁၀၀လောက် ကျွတ်နေချိန် သင့်သူငယ်ချင်းကတော့ အပင် ၆၀လောက်သာ ကျွတ်ချင်ကျွတ်နေပါလိမ့်မယ်။
 
ဒီတော့ သုံးလထက်ပိုပြီး သာမာန်ထက်များတဲ့ ဆံပင်အရေအတွက်၊ အထွေးလိုက်ကျွတ်နေမယ်ဆိုရင်တော့ သင်ဟာ ဆရာဝန်နဲ့တွေ့ဆုံပြီးမေးတာမျိုး၊ သိနားလည်တဲ့သူတစ်ယောက်ယောက်ကို မေးတာမျိုးတွေ လုပ်သင့်ပါတယ်။ ဆံပင်ကျွတ်ခြင်းကို ကာကွယ်ဖို့ဆိုရင် သံဓာတ်အားဖြည့်ဖို့ရယ်၊ ဗီတာမင် D၊ ဗီတာမင် B12 စတာတွေ အားဖြည့်ပေးဖို့လိုပါတယ်။
 
Ref:womenshealthmag
 
 
196 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.