နှုတ်ခမ်းခြောက်သွေ့မှု ဖြေရှင်းပေးမယ့် နည်းလမ်း (၆) ခု

chappedlips.jpg

နှုတ်ခမ်းခြောက်သွေ့  အက်ကွဲခြင်းက ဆွဲဆောင်မှုမရှိ၊ နာကျင်မှုပါဖြစ်စေတဲ့ ဖြစ်နေကျ ပြသနာတစ်ခု ဖြစ်ပါတယ်။ အဖြစ်များဆုံး လက္ခဏာတွေထဲမှာ နီမြန်းခြင်း၊ ခြောက်သွေ့ခြင်း၊ အရေပြားလန်ခြင်း၊ အက်ကွဲခြင်းနဲ့ ကျိန်းစပ်ခြင်းတို့  ပါဝင်ပါတယ်။ အဓိကဖြစ်ပွားရခြင်း အကြောင်းအရင်းတချို့ထဲမှာ ဓာတ်မတည့်ခြင်း၊ ဗီတာမင် ချို့တဲ့ခြင်း၊ ဆေးလိပ်သောက်ခြင်း၊ ရေဓာတ်ခန်းခြောက်ခြင်း၊ လျာဖြင့် နှုတ်ခမ်းမကြာခဏရက်ခြင်း၊ ရာသီဥတုကြမ်းတမ်းမှု သို့မဟုတ် နေရောင်ခြည်နဲ့ ထိတွေ့ခြင်းတို့ ပါဝင်ကြပါတယ်။ ဒါပေမယ့် အကုန်အကျသက်သာပြီး သဘာဝနည်းလမ်းများဖြင့် လွယ်တကူဖြေရှင်းနိုင်ပါတယ်။

၁။ ပျားရည်

သဘာဝပျားရည်မှာ မယုံနိုင်စရာ အကျိုးကျေးဇူးတွေ ရှိပါတယ်။ နှုတ်ခမ်းကို ပျားရည်စစ်စစ်နဲ့ တစ်နေ့ အကြိမ်အနည်းငယ် လိမ်းပေးပါ။ ပျားရည်က ခြောက်သွေ့မှု မရှိအောင် တားဆီးပေးတဲ့အရာတစ်ခု ဖြစ်ပါတယ်။ အစိုဓာတ်ကို စုပ်ယူ ထိန်းသိမ်းပေးတယ်။ ဒါ့ကြောင့် ခြောက်သွေ့တဲ့ နှုတ်ခမ်းအတွက် ကျိန်းသေပေါက် အကူအညီဖြစ်စေပါလိမ့်မယ်။

၂။ အုန်းဆီ

အုန်းဆီဆိုတာသဘာဝ အလှဆီတစ်မျိုး ဖြစ်ပါတယ်။ အုန်းဆီကို နှုတ်ခမ်းပေါ် မကြာခဏ ပွတ်လိမ်းပေးပါ။

၃။ အပြားလိုက်လှီးထားသည့် သခွားသီး

သခွားသီးကမှာ ရေဓာတ်ပါဝင်နေပြီးသားဖြစ်ပါတယ်။ ဒီတော့ သခွားသီးက နှုတ်ခမ်းခြောက်ခြင်းအတွက် အကောင်းဆုံး ဖြေရှင်းနည်းတစ်ခု ဖြစ်ပါတယ်။ သခွားသီးရည် သို့မဟုတ် သခွားသီးအပြားကို နှုတ်ခမ်းမှာ လိမ်း သို့မဟုတ် တင်ထားပေးပါ။ ဆုံးရှုံးသွားတဲ့ အစိုပြည်ဓာတ်ကို ပြန်လည်ရရှိလာပါလိမ့်မယ်။

၎။ သကြား

နှုတ်ခမ်းကို သကြားနဲ့ ပျားရည်နဲ့ ပွတ်ပေးပါ။ နှုတ်ခမ်းအရေပြားဆဲလ်သေများကို ညင်သာစွာ ပွတ်သပ်ဖယ်ရှားပေးပါ။ အဲဒါက နှုတ်ခမ်းကို နူးညံ့ပျော့ပျောင်းနေစေပါလိမ့်မယ်။

၅။ နှင်းဆီပွင့်ဖတ်

အက်ကွဲနေတဲ့ နှုတ်ခမ်းကို နူးညံ့ပျော့ပျောင်းစေဖို့ နှင်းဆီပွင့်ဖတ်တွေ အသုံးပြုပါ။ နှင်းဆီပွင့်ဖတ်ကို ရေနဲ့ သေချာဆေးကြောသန့်စင်၊ နွားနို့စိမ်၊ ကြိတ်ခြေပြီး ပျစ်ပျစ်နှစ်နှစ်ဖြစ်အောင် ပြုလုပ်ပါ။ အဲဒီအရည်ပျစ်ပျစ်လေးနဲ့ နှုတ်ခမ်းကို ညအိပ်ယာမဝင်မီ လိမ်းပေးရမှာ ဖြစ်ပါတယ်။

၆။ ရှားစောင်းလက်ပတ်အဆီပျစ်

ရှားစောင်းလက်ပတ်အဆီပျစ်က ခြောက်သွေ့တဲ့ အသားအရေအတွက် အထူးကောင်းမွန်တယ်ဆိုတာ အထင်အရှားဖြစ်ပါတယ်။ အစိုဓာတ်ထိန်းသိမ်းပေးရုံတင်မက နှုတ်ခမ်းခြောက်သွေ့ အက်ကွဲလို့ နာကျင်မှုကိုပါ သက်သာစေပါတယ်။ ရှားစောင်းလက်ပတ်အဆီပျစ်ကို နှုတ်ခမ်းမှာ တိုက်ရိုက်လိမ်းပေးရုံပါပဲ။ 

Ref: shefinds

6 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.