MTTAF ကဦးစီးပြီး မြန်မာနိုင်ငံမှာ ပထမဆုံး ကျင်းပ ပြုလုပ်တဲ့ မြန်မာ့ဟန် မြန့်မာရိုးရာ ဆေးမင်ကြောင်ဖန်တီးမှု ပြိုင်ပွဲ

12571017_1699885343603710_2146335086_n.jpg

ဒီနေ့ခေတ် ဒီနေ့အခါမှာ တက်တူးကို အရိုင်းအစိုင်းအရာတစ်ခုလို့မြင်နေကြတဲ့ လူအချို့ရဲ့ အမြင်ကိုပြောင်းပြန်လှန်ချင်တဲ့အတွက်ရယ်၊ တက်တူးဆိုတာကို အများအမြင်မှာပေါက်ရောက်စေချင်တဲ့အတွက်ရယ်၊ တက်တူးဆိုတာက မြန်မာ့ယဉ်ကျေးမှု အနုပညာတစ်ခုဖြစ်တယ် ဆိုတာကို ပြသချင်တဲ့ ရည်ရွယ်ချက်တွေနဲ့ Myanmar Traditional Tattoo Artist Family ( MTTAF ) က ပထမဆုံး ကြီးမှူးကျင်းပတဲ့ ဆေးမင်ကြောင် ( tattoo ) ပညာရှင်များ ပါဝင်ယှဉ်ပြိုင်မယ့် မြန်မာ့ဟန် မြန်မာ့ရိုးရာ ဆေးမင်ကြောင် ဖန်တီးမှုပြိုင်ပွဲကို ဇန်န၀ါရီလ ၂၃ ရက်နေ့တွင် ရန်ကုန်မြို့ ကန်တော်ကြီးအနီး ကန်ရိပ်သာလမ်းရှိ Hotel Esperado ( 10th floor ) တွင်နံနက် ၁၁နာရီမှ ည၁၁ နာရီအထိကျင်းပခဲ့ပါတယ်။

အဆိုပါတက်တူးပွဲနဲ့ပတ်သက်ပြီး ကြီးမှူးကျင်းပသူများထဲမှ တစ်ဦးအပါအ၀င်ဖြစ်သလို တက်တူး ထိုးလာတဲ့ သက်တမ်း ၁၁ နှစ်ရှိပြီဖြစ်တဲ့ ကိုနိုင်ကြီး ( G three ) က "ဒီနေ့ပွဲကို လုပ်ဖြစ်ခဲ့တာက ကျွန်တော်တို့ ( MTTAF ) က ကြီးမှူးပြီးလုပ်တဲ့ ပွဲလေးပါ။ ကျွန်တော်တို့Member တွေ သီးသန့်လုပ်တဲ့ပွဲပါ။ ကျွန်တော်တို့Member ၀င် ၅၂ ယောက်ရှိတယ်။ အဲ့ဒီအဖွဲ့ဝင်တွေက နောက်တက်လူငယ်တွေအတွက် လုပ်ပေးတဲ့ ပွဲလေးတစ်ပွဲပါ။ ဒီပွဲကို admin ၅ ယောက်က ဦးစီးပြီးလုပ်တယ်။ ကိုတွတ်ပီ၊ ကိုဇေကြီး၊ ကိုကုလား၊ ကိုရဲကျော်နဲ့ ကျွန်တော်အပါအ၀င် ငါးယောက်ဦးစီးပြီးလုပ်ဖြစ်တယ်။ ဒီပွဲက ဆုကြေးဆိုတာထက် ဒီပွဲလုပ်ရခြင်းရည်ရွယ်ချက်က ကျွန်တော်တို့ တက်တူးဆိုတာကို အများအမြင်မှာ ပေါက်ရောက်စေချင်တဲ့အတွက် မြန်မာနိုင်ငံမှာ ပထမဆုံးအနေနဲ့လဲဖြစ်တယ်။ နောက်ပြီး ကျွန်တော်တို့သွားခဲ့တဲ့ နိုင်ငံခြားပွဲတွေရဲ့ ပုံစံအတိုင်း ကျွန်တော်တို့ဒီမှာပြန်လုပ်ပေးတဲ့ သဘောပါ။ ကျွန်တော်တို့ဒီပွဲကို လုပ်ဖို့အတွက် ရည်ရွယ်ထားတာကြာပြီ။ Member ဖွဲ့ထားတာကတော့ ခြောက်လလောက်ရှိပြီ။ ဒီပွဲကိုလုပ်ဖို့အတွက် နိုင်ငံခြားပွဲ ၂ ပွဲ၊ ၃ပွဲကို ကျွန်တော်တို့သွားခဲ့ရတယ်။ ပထမပွဲက ထိုင်းပတ္တရာကို သွားတယ်။ နောက်စင်ကာပူ၊ နောက်ရှန်ဟိုင်းရယ်၊ ပေကျင်းရယ်၊ ဟောင်ကောင်ရယ်ပေါ့။ အဲ့ဒီဟာတွေရဲ့ အတွေ့အကြုံ ကိုပြန်လည်မျှဝေတဲ့ သဘောနဲ့ဒီပွဲလေးကိုလုပ်ဖြစ်ခဲ့တယ်။ " လို့ သူက ပြောပြပါတယ်။

ဒါ့အပြင် ဒီလိုပွဲမျိုးကို နှစ်စဉ်နှစ်တိုင်းလုပ်သွားဖို့ရှိတယ်လို့လည်း သူက ထပ်ပြောလာတာကြောင့် မေးကြည့်လိုက်တော့ "ဒီပွဲမျိုး နှစ်တိုင်းလုပ်သွားမှာပါ။ နောက်ပိုင်းပွဲတွေကျရင် Opening ဖွင့်မယ်။ ပွဲကိုဒီ့ထက်ကြီးအောင် လုပ်မယ်။ တက်တူးဆိုတာမျိုးက သူ့ပရိသတ်နဲ့ သူအနုပညာကို ခံစားတတ်တဲ့ပရိသတ် အပိုင်းအပိုင်းလေးတွေခွဲသွားဖို့လဲရှိပါတယ်"တဲ့။

ခုပွဲနဲ့ ပတ်သက်ပြီး ပေးခဲ့တဲ့ ဆုက ၈ဆုပါ။ အဲ့ဒါကိုတော့ ကိုနိုင်ကြီးကပဲ "ကျွန်တော်တို့ခွဲထားတဲ့ Subject လေးမျိုးထဲမှာမှ ပ၊ ဒုပဲပေးပါတယ်။ ပ၊ ဒုမှာ သေး ၄ဆု နဲ့ အကြီး ၄ ဆုပေးပါတယ်။ ပ၊ဒုပေးတဲ့အခါမှာလဲ လက်ရှိမြန်မာနိုင်ငံမှာအတွေ့အကြုံရင့်တဲ့ တက်တူးဆရာတွေနဲ့၊ ဒီဖက်ခေတ် လက်ရှိတက်တူးဆရာတွေပေါင်းပြီးတော့ ဒိုင်တွေကနေပြီး အမှတ်ပေးခဲ့ပါတယ်။ ဆုကြေးဆိုတာထက် သမိုင်းတွင်မယ့် အမှတ်တရလေးပေါ့။ ဥပမာ Artist တစ်ယောက်ရဲ့ နောက်ဆုံး ဆုကြေးတစ်ခုခုပေးတာထက်စာရင် သူ့အတွက် အမှတ်တရရမယ့်ဟာ တစ်ခုခုကိုပဲ ကျွန်တော်တို့ပေးမှာပါ။ ဒီပြိုင်ပွဲမှာ ရန်ကုန်မှာရှိတဲ့ တက်တူးဆရာတော်တော်များများ လဲ ပါဝင်ယှဉ်ပြိုင်ကြတယ်။ အဓိက ကမျိုးဆက်သစ်တွေပြန့်ပွားဖို့အတွက်၊ ဒီခေါင်းစဉ်က Myanmar Culture ကိုဦးစားပေးပြီး မြန်မာ့ယဉ်ကျေးမှုကိုပေါ်လွင်ဖို့အတွက်ရယ်၊ နောက်တက်တူးဆိုတာ အနုပညာတစ်ခုဖြစ်တယ်ဆိုတာကို လူတိုင်းကို သိစေချင်တဲ့အတွက်ရယ်ကြောင့်ပါ။ ပြိုင်ပွဲဝင် ၂၈ ဦးရှိတယ်။ Subject ကလေးမျိုးခွဲထားပါတယ်။ အဲ့ဒီလေးမျိုးစလုံးက မြန်မာ့ယဉ်ကျေးမှုနဲ့ကိုက်ညီနေရမယ်။ အားလုံးကမြန်မာ့ရိုးရာနဲ့ ပတ်သက်တဲ့ ဒီဇိုင်းတွေကို ပဲရေးထိုးပေးရမယ်။ ကျွန်တော်တို့နေ့လည်၁၂ နာရီကနေ ညနေ ၆ နာရီထိကို ကြိုက်တဲ့ Subject ကိုရေးခွင့်ရှိတယ်။ နားချင်လဲနား၊ ရေးချင်လဲရေး မိမိကြိုက်နှစ်သက်သလို အနုပညာကိုဖန်တီးခွင့်ရှိတယ်။"လို့ ပြောပြသွားပါတယ်။

ဒီပွဲမှာ ပထမဆုကို ရရှိသွားတဲ့သူတွေက ကိုမှန်ကြီး ၊ Aso Tattoostudio Aso ၊ မင်းသုဝေ  ၊ ကိုကို တို့ဖြစ်ပြီး ဒုတိယဆုကို ရရှိသွားတဲ့သူတွေကတော့  ၀င်းထွဋ်၊ ဖိုးသား၊ ရဲကြီးနဲ့ Brinn TZ တို့ဖြစ်ပါတယ်။

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.