ဒါရိုက်တာအသစ်တစ်ယောက်ကို ရုပ်ရှင်ကားကြီး လာပေးတဲ့ အချိန်မှာ ငြင်းပိုင်ခွင့် မရှိခဲ့တာကြောင့် First Time ဇာတ်ကားကို ပြန်ရိုက်ဖြစ်သွားတယ်ဆိုတဲ့ ဒါရိုက်တာဝင်းလွင်ထက်

12431463_1690312317894346_15116320_n.jpg

လက်ရှိမှာ ကြော်ငြာတွေ အမ်တီဗီတွေသာ အရိုက်များနေတဲ့ ဒါရိုက်တာဝင်းလွင်ထက်က ၂၀၁၆ ထဲမှာ ကားကြီးတစ်ကားကို ထပ်မံပုံဖော်ရိုက်ကူးဖို့ရှိသလို သူပထမဆုံးဒါရိုက်တာလုပ်ရိုက်ကူးထားတဲ့ ရည်းစားဦး ဇာတ်ကားနဲ့ပတ်သက်ပြီး ပရိသတ်ရဲ့ အားပေးမှုနဲ့ဝေဖန်မှုကို ပြောပြလာတဲ့အခါ –

အခုရုံတင်နေတဲ့ ရည်းစားဦးဇာတ်ကားနဲ့ပတ်သက်ပြီး ရန်ကုန်ပရိသတ်ရဲ့ တုံ့ ပြန်မှုက ဘယ်လိုရှိလဲ။

ပရိသတ်တွေကြိုက်ကြတယ်လို့လဲကြားပါတယ်။ တချို့ကြိုက်တဲ့သူရှိသလို တချို့လဲအနည်းအကျဉ်းမကြိုက်တဲ့သူလဲရှိတာပေါ့။ အဲ့ဒီကားက ကျွန်တော်ပထမဆုံးစရိုက်တဲ့ ရုပ်ရှင်ဇာတ်ကားဗျ။ လွန်ခဲ့တဲ့ သုံးနှစ်ကရိုက်ခဲ့တာပေါ့။ ကျွန်တော်ဘာမှကို နားမလည်မသိတဲ့အချိန်မှာရိုက်ခဲ့တဲ့ကားလေးပါ။

-အဲ့ဒီရည်းစားဦးကားက First Time ကားကို ကော်ပီပြန်ယူထားတယ်လို့သိရတယ်။

ဟုတ်ပါတယ်။ First Time ကမူရင်းမဟုတ်ဘူး။ မူရင်းအရှေ့မှာတစ်ကားရှိသေးတယ်။ ဒါပေမဲ့ ကျွန်တော်တို့က First Time ကားကိုပြန်ရိုက်ထားတာပေါ့။ တော်တော်များများလဲ ဖေ့စ်ဘုတ်မှာပြောကြတယ်။ ဒါပေမဲ့ ကျွန်တော့အနေနဲ့ကတော့ အကောင်းဆုံးဖြစ်အောင်ကြိုးစားထားတယ်။ လွန်ခဲ့တဲ့ သုံးနှစ်က ကျွန်တော့်ကို ကားကြီးအနေနဲ့ရိုက်ဖို့အတွက် ဒီကားကိုကမ်းလှမ်းတဲ့အချိန်မှာ ကျွန်တော် ဘာဗီဒီယို၊ ဘာကားကြီးမှမရိုက်ဖူးသေးဘူး။ ဒါရိုက်တာအသစ်တစ်ယောက်ကို ရုပ်ရှင်ကားကြီးလာပေးတဲ့အချိန်မှာ ကျွန်တော့အနေနဲ့ငြင်းပိုင်ခွင့်မရှိဘူး။ ဒါကျွန်တော့်အခွင့်အရေးတစ်ခုပေါ့။ ဒါပေမဲ့သေချာတာတစ်ခုက အဲ့ဒီတုန်းကတော့ ကားကြီးရိုက်ရမဲ့ အခွင့်အရေးတစ်ခုကို လက်လွတ်မခံနိုင်လို့ကော်ပီကားကိုရိုက်ခဲ့တယ်။ ကျွန်တော့ကို အပြစ်ပြောကြတဲ့သူတွေလဲရှိတယ်။ ဒါပေမဲ့ နားလည်ပေးကြပါလို့ပြောချင်ပါတယ်။ နောက်သေချာတာတစ်ခုကကော်ပီကားကိုမရိုက်တော့ပါဘူး။ အခုချိန်မှာ ကော်ပီကားရိုက်ဖို့လာကမ်းလှမ်းရင်ငြင်းမှာပါ။ ရိုက်မှာမဟုတ်ပါဘူး။ ဒါပေမဲ့ လွန်ခဲ့တဲ့ သုံးနှစ်ကအခြေအနေကတော့ ငြင်းပိုင်ခွင့်မရှိခဲ့လို့ရိုက်ခဲ့ရတဲ့အတွက်နားလည်ပေးစေချင်ပါတယ်။

-လူငယ်ဒါရိုက်တာတွေထဲမှာ ၀င်းလွင်ထက်ဆိုတာ အားလုံးမျှော်လင့်နေကြတဲ့ ဒါရိုက်တာတစ်ယောက်ပေါ့။ အဲ့ဒီဒါရိုက်တာတစ်ယောက်က ကော်ပီကားရိုက်တယ်ဆိုပြီး ပရိသတ်တွေက ယူကျုံးမရဝေဖန်ကြတယ်။ ဒီအပေါ်မှာရော ဖန်တီးခဲ့တဲ့ ဖန်တီးသူတစ်ယောက်အနေနဲ့ အမြင်ကဘယ်လိုရှိလဲ။

ကျွန်တော်ခုနကပြောသလိုပဲခင်ဗျ။ ကျွန်တော်တို့နိုင်ငံသည်တိုးတက်ပြီးသား ဖွံ့ဖြိုးပြီးသားနိုင်ငံတစ်နိုင်ငံမဟုတ်ဘူး။ ရုပ်ရှင်အဆင့်အတန်းသည်လည်း အမြင့်ကြီးမှာမရှိသေးဘူး။ ဥပမာဒီကားကို ပြန်ရိုက်မယ်ဆိုရင်တောင် ကျွန်တော်တို့ဆီမှာရှိတဲ့ ပစ္စည်းတွေနဲ့ဒီကားကိုပြန်ရိုက်ရတာ တကယ့်ကို မလွယ်ပါဘူး။ ငြင်းပိုင်ခွင့်မရှိတဲ့ကျွန်တော့ရဲ့ ပထမဦးဆုံးကားလဲဖြစ်တဲ့အတွက်အစွမ်းကုန်ကြိုးစားပြီးရိုက်ထားတယ်။ ဝေဖန်တာကိုလဲပြန်ကြားရပါတယ်။ စိတ်မကောင်းဘူးပေါ့။

-သီချင်းအမ်တီဗီတွေထဲမှာဆိုရင်လဲ လွှမ်းပိုင်ရဲ့ မဝေးဘူးသီချင်းတုန်းကလဲ ရီဟားနားသီချင်းကို ကော်ပီပြန်ယူထားတာတွေ့ရသေးတယ်နော်။

အဲ့ဒီဟာဆိုရင်လဲ ရီဟားနားသီချင်းကို ကော်ပီတော့မဟုတ်ဘူး။ reference တော့ယူထားတယ်။ ဒါပေမဲ့သီချင်းမှာလဲအဲ့ဒီလိုပဲ။ သီချင်းအပုဒ်တစ်ရာကျော်လောက်ရိုက်ဘူးတယ်ဆို ကော်ပီရိုက်ဘူးတာ ၁၅ ပုဒ် အပုဒ်၂၀လောက်ပဲရှိမယ်။ ဒါပေမဲ့ ကျန်တာက ကျွန်တော်ဆန်းသစ်ပြီးရိုက်တာ ဖန်တီးပြီးရိုက်တာမျိုးရှိတယ်။

အခုရိုက်နေတဲ့ ကြော်ငြာလေးကို အရင်ပြောပြပေးပါဦး။

ချယ်ရီဦး တီဗီကော်မာရှယ်ကြော်ငြာလေးပါ။ လိုကေးရှင်းအနေနဲ့က တော်ဝင်ရယ်၊ မော်တင်ရယ်၊ နောက်အိမ်တစ်အိမ်မှာလဲရိုက်ဖြစ်မယ်။

-အောင်ရဲလင်းနဲ့ခင်ဝင့်ဝါရိုက်ထားတဲ့ကြော်ငြာလေးကိုလဲ တော်တော်များများ နှစ်သက်ကြတာတွေ့ရတယ်။

ဟုတ်ပါတယ်။ ချယ်ရီဦးကို ကျွန်တော် Version သုံးခုနဲ့ရိုက်ထားတာပေါ့။ ပထမတစ်ခုက သီတင်းကျွတ် အောင်ရဲလင်းနဲ့ခင်ဝင့်ဝါပေါ့။ နောက်တစ်ခုက ခရစ်စမတ်လဲ သူတို့နှစ်ယောက်ပဲ ဒါကကျတော့ ချစ်သူများနေ့အတွက်ရိုက်တာပါ။ အလင်းရောင်နဲ့ ဇွန်သံဇဉ်ပေါ့။

-ဒီကြော်ငြာလေးရိုက်ပြီးရင် တခြားလက်ခံထားတာရော ဘာတွေများရှိဦးမလဲ။

ငါးရက်နေ့မှာ New Star စိန်ကြော်ငြာကို ကစ်ကစ်နဲ့ရိုက်ဖို့ရှိတယ်။ အဲ့ဒါပြီးရင် နောက်ကြော်ငြာတစ်ခုရိုက်ဖို့ရှိတယ်။ အဲ့ဒါပြီးရင်သီချင်းတွေက ကျွန်တော်မရိုက်တာကြာပြီ။ ဒါပေမဲ့ အလင်းရောင်ရဲ့ သီချင်းနှစ်ပုဒ်ကို ရိုက်ပေးဖို့ရှိတယ်။ နောက်ကားကြီးရိုက်ဖို့အတွက်ပြင်ဆင်နေပါတယ်။

-ကားရိုက်ပိုင်းနဲ့ပတ်သက်ပြီးတော့ရော ဘာတွေရိုက်ဖို့ရှိဦးမလဲ။

ရည်းစားဦးက ကျွန်တော့်ရဲ့ ပထမဆုံးကား၊ ဒုတိယကားက ဘယ်ရည်းစားကိုအချစ်ဆုံးလဲ နောက်တတိယကားကိုတော့ ၂၀၁၆ ထဲမှာရိုက်ဖို့အတွက်စီစဉ်နေပါတယ်။ ကားကြီးတွေကြီးပဲပေါ့။

 

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.