အသက်အရွယ်က ဘ၀အတွက် အရမ်းကြီး လွှမ်းမိုးမှု မပြဌာန်းပါဘူး လို့ဆိုလိုက်တဲ့ စိုင်းစိုင်းခမ်းလှိုင်

12395543_1685527128372865_69313945_n.jpg

Together Fastival ပွဲကို သူငယ်ချင်းတွေနဲ့အတူ ပရိသတ်အနေနဲ့ သွားရောက်အားပေးမယ်လို့ပြောပြလာတဲ့ စိုင်းစိုင်းခမ်းလှိုင်က ၂၅ ရက်နေ့မှာလဲ မေမြို့ပန်းပွဲတော်ပွဲမှာ ဖျော်ဖြေဖို့ရှိသလို ၃၁ ရက်နေ့မှာလဲ New Year show ကို ပရိသတ်တွေနဲ့အတူ ပျော်ပျော်ပါးပါး ဆင်နွဲဖို့ရှိနေပါတယ်။ လက်ရှိမှာလဲ နေကာဆိုတဲ့ ကားလေးကို သဉ္ဖာနွယ်ဝင်းနဲ့အတူရိုက်ကူးနေတာကြောင့် သူနဲ့တွေ့ဆုံခိုက်မေးမြန်းဖြစ်သမျှက

-အခုရိုက်နေတဲ့ကားလေး အကြောင်းကို အရင်ပြောပြပေးပါဦး။

အခုရိုက်နေတဲ့ကားလေးက နေကာလို့ခေါ်ပါတယ်။ ဆောင်းညပြာသို ထုတ်လုပ်ရေးအတွက် ရိုက်တာပါ။ ဒါရိုက်တာက ကိုဂျိုး၊ မင်းသမီးက သင်ဉ္ဖာနွယ်ဝင်းပါ။ ကျွန်တော့ ကာရိုက်တာက သူငယ်ချင်းကို ငယ်ငယ်လေးကတည်းက လိုက်စောင့်ရှောက်ပြီး တစ်ဖက်သတ်ချစ်နေတဲ့ ဇာတ်လမ်းပုံစံမျိုး ကာရိုက်တာကလဲ အဲ့ဒီကာရိုက်တာပါပဲ။

-Together Fastival ကိုလဲ ပရိသတ်တစ်ယောက်အနေနဲ့ သွားအားပေးမယ်လို့သိရတယ်။ ဘယ်သူတွေကို ကြိုက်တာလဲ။

ကျွန်တော် Dj တွေ သိပ်မသိပါဘူး။ ကျွန်တော့သူငယ်ချင်းတွေ အားလုံးလဲသွားကြမယ်။ ကျွန်တော်ကိုယ်တိုင်လဲ International Dj show တွေလဲ တစ်ခါမှ မရောက်ဖူးပါဘူးခင်ဗျာ။ အဲ့ဒီတော့ အခု Experience ပေါ့။ သွားကြည့်မယ်။ သူငယ်ချင်းတွေလဲ အကုန်သွားမှာဖြစ်တဲ့အတွက် ပျော်ပျော်ပါးပါးသွားကြပါမယ်။

-Frenzo Production ကနေပြီးတော့ တက်သစ်စ လူငယ်တွေကို အသစ်တင်ဖို့ရောရှိဦးမလား။

ကျွန်တော်တို့လာမဲ့ ၂၀၁၆ ထဲမှာတော့ လူငယ်တွေကို ထပ်ပြီးတော့ ထုတ်ဖို့အစီအစဉ်ရှိပါတယ်။ ကျွန်တော်ရွေးချယ်ထားပြီးသား New Artist တွေလဲရှိပါတယ်။ ပြီးတော့ ဟိုးအရင်တုန်းက ကျွန်တော်တို့ ပျော်စရာကြီးတို့ဘာတို့က လူငယ်အဆိုတော်တွေကိုလဲ အဖွဲ့လိုက်တွေရွေးချယ်ပြီးတော့ ထုတ်ခဲ့တဲ့ အစီအစဉ်မျိုးတွေ ရှိခဲ့ဖူးတယ်။ အဲ့လိုမျိုးကိုလဲ ၂၀၁၆ မှာ Frenzo Production အနေနဲ့ ထပ်ပြီး စီစဉ်တင်ဆက်ဖို့ရှိပါတယ်။

-Frenzo ကလူရွေးပြီးတင်ရင် အောင်မြင်တာများတယ်။ အဲ့ဒီအပိုင်းနဲ့ပတ်သက်ပြီး ဘယ်လိုမျိုး ရွေးချယ်ဖြစ်တယ်ဆိုတာကိုလဲသိချင်ပါတယ်။

တင်တယ်ရယ်လို့လဲမဟုတ်ပါဘူး။ ကျွန်တော်နဲ့အနုပညာရှင်တွေနဲ့ကြားထဲမှာ တင်တယ်တို့လုပ်ပေးတယ်တို့ကို မသုံးကြဘူး။ ကျွန်တော်တို့အလုပ်တစ်ခုကို တူတူလက်တွဲပြီး လုပ်တယ်။ ပြီးတော့ ကျွန်တော်တို့နဲ့ အတူလက်တွဲမဲ့ အနုပညာရှင်ကို ကျွန်တော်တို့စဉ်းစားတဲ့ထောင့်ကကျတော့ အဆိုတော်ဆိုရင်လဲ သီချင်းဆိုနိုင်ရမယ်။ သီချင်းရေးနိုင်ရမယ်။ သူ့အနုပညာကို သူဖန်တီးနိုင်စွမ်းရှိရမယ်။ အဲ့ဒီလိုလူတွေနဲ့လက်တွဲပါတယ်။ ကျွန်တော်တို့သွားချင်တဲ့ လမ်းကြောင်း ကျွန်တော်တို့လျှောက်ချင်တဲ့ လမ်းကြောင်းက ကြီးကြီးမားမား များများစားစားကြီးတော့ မဟုတ်ပါဘူး။ ကွာလတီကောင်းကောင်းတစ်ခု ကျွန်တော်တို့ ထုတ်ချင်တယ်။ ပြီးတော့ ရေရှည်မှာ လက်တွဲနိုင်မဲ့သူများလဲဖြစ်ရမယ် ။ အထူးသဖြင့် တကယ်တမ်းအလုပ်လုပ်ဖြစ်နေတာကတော့ သူငယ်ချင်းတွေနဲ့ပါပဲ။ သူငယ်ချင်းတွေလိုပဲပေါင်းကြတယ်။ အားလုံးလက်တွဲပြီးတော့ သူ့အလုပ်လဲကိုယ်လုပ်၊ ကိုယ့်အလုပ်လဲသူလုပ် တိုင်တိုင်ပင်ပင်စည်းစည်းလုံးလုံးလုပ်ကြပါတယ်။

-အဆိုတော်တွေအပြင် အတီးသမား၊ Dj သမားတွေရော ပါဦးမလား။

လက်တွဲပြီးအလုပ်လုပ်မဲ့သူ အများကြီးရှိပါတယ်။ တင်တယ်လို့တော့မဟုတ်ပါဘူး။ အနုပညာသမားတစ်ယောက်ကိုအောင်မြင်အောင် လုပ်ပေးနိုင်တဲ့ အစွမ်းမျိုးတော့ ကျွန်တော်တို့မှာမရှိဘူး။ ကျွန်တော်တို့ ထုတ်လုပ်ရေးလုပ်မယ်။ အနုပညာရှင်တွေနဲ့အတူ လက်တွဲပြီးကြိုးစားကြမယ်။

-အခုလက်ရှိမှာ စိုင်းစိုင်းအနေနဲ့ အသက်အရွယ်ကလဲ ရလာတဲ့အခါကျတော့ နောက်ပိုင်းမှာ ထုတ်လုပ်ရေးနဲ့ပဲ ဦးစားပေးရပ်တည်ဖြစ်မလား။ အဆိုတော်တစ်ယောက်ရဲ့ ရပ်တည်မှု၊ သရုပ်ဆောင်တစ်ယောက်ရဲ့ ရပ်တည်မှုတွေ ဘယ်လိုပြောင်းလဲဖို့ရှိမလဲ။

အခုလောလောဆယ်မှာတော့ ပြီးခဲ့တဲ့ စနေကလဲ ပွဲတစ်ပွဲဆိုခဲ့ပါတယ်။ နောက် ဒီလထဲမှာပဲ မေမြို့မှာထပ်ဆိုမယ်။ New Year မှာထပ်ဆိုပါမယ်။ သီချင်းက ဆိုနိုင်သလောက်ထိ၊ ပရိသတ်လဲအားပေးနိုင်သလောက်ထိ၊ သီချင်းတွေလဲရေးနိုင်တဲ့ အသက်အရွယ်လောက်ထိရေးပါမယ်။ ဆိုပါမယ်။ အသက်အရွယ်ရလာပြီဆိုတာလဲ မှန်ပါတယ်။ ကျွန်တော်ဂီတလောကမှာ နည်းနည်း အချိန်ကြာကြာလေးလဲဖြတ်သန်းလာပြီးပါပြီ။ ဒါပေမဲ့ ကျွန်တော်ငယ်ငယ်ကတည်းက လေးစားအားကျခဲ့ရတဲ့ အဆိုတော်ကြီးတွေ အကုန်လုံးလဲ သီချင်းဆိုနေတာပဲဆိုတော့ အခုချိန်မှာတော့ အနားယူလိုက်ဖို့အစီအစဉ်မျိုးတော့ လုံးဝမရှိပါဘူး။

-၂၀၁၆ မှာ အယ်လ်ဘမ်သစ်ထွက်မယ်လို့လဲသိရတယ်။ အဲ့ဒီအပိုင်းလေးကိုလဲ ပြောပြပေးပါဦး။

လောလောဆယ်တော့ ဂေါ်တယ်မိုက်တယ်ဆိုတဲ့ သီချင်းလေးတစ်ပုဒ်ကို စပြီး ဖြန့်ချိပါမယ်။ ပြီးရင် will you marry me ဆိုတဲ့ နောက်တစ်ပုဒ် ထပ်ထွက်မယ်။ နောက်အဲ့ဒီလို Single သုံးပုဒ်လေးပုဒ်လောက်ထွက်ပြီးမှပဲ ကျွန်တော့် Single album ထွက်ပါမယ်။

-၂၀၁၆ မှာထွက်မဲ့ အခွေထဲကသီချင်းတွေကရော အစ်ကိုကိုယ်တိုင်ပဲရေးတာလား။

များသောအားဖြင့် ကျွန်တော်ရေးပါတယ်။ ပေါင်းရေးတာတွေလဲရှိပါတယ်။

-သီချင်းရေးတဲ့အခါစာသားတွေက အသက်အရွယ်အရ ပြောင်းလဲသွားတာမျိုးရှိလား။

အဲ့ဒီအသက်က အနုပညာအပေါ်မှာရော ဘ၀အပေါ်မှာရော ဘာများအရေးတကြီးဖြစ်နေလို့လဲပေါ့။ ကျွန်တော်စဉ်းစားမိတယ်။ ကျွန်တော့်အတွက်ကတော့ ဆယ်တန်းတုန်းကလဲ ဒီခံစားမှု၊ ဒီmood ပဲ၊ ဒီရည်မှန်းချက်တွေရှိတယ်။ ဒီဝါသနာပါတာကို ကျွန်တော်ကြိုးစားတယ်။ အသက်၂၀နားရောက်လာတယ်။ ဒီဝါသနာပဲ။ ဒီခံယူချက်ပဲ။ ဒီအလုပ်တွေပဲကြိုးစားတာပဲ။ အခုကျွန်တော် အသက် ၃၀ နားရောက်လာတယ်။ ကျွန်တော်ဒီလိုပဲကြိုးစားတယ်။ ကျွန်တော်ရေးချင်သေးတယ်။ ဆိုချင်သေးတယ်။ ဒါကျွန်တော်မွေးကတည်းက ပါလာတဲ့ ၀ါသနာဖြစ်တယ်။ ကျွန်တော်လုပ်ချင်တာလုပ်ခွင့်ရအောင် ထပ်ပြီးကြိုးစားနေတယ်။ အကယ်၍တစ်ချိန်မှာ ကျွန်တော် အသက်၄၀ ရောက်လာမယ်။ အသက် ၅၀ရောက်လာမယ်။ ကျွန်တော်ဆိုခွင့်ရတဲ့ အထိဆိုမယ်။ ရေးခွင့်ရတဲ့အထိ ကျွန်တော်ရေးမယ်။ ကျွန်တော်ရေးတဲ့အကြောင်းအရာကလဲ အဲ့ဒီအချိန်မှာဖြစ်နေတဲ့ခံစားမှုအတိုင်းဖြစ်မယ်။ အဲ့ဒီတော့ လောလောဆယ်မှာ ဒီနေ့ကျွန်တော်ဒေါသထွက်နေရင် ဒေါသပါတဲ့သီချင်းတွေရေးရင်ရေးမယ်။ အသည်းကွဲနေရင် အသည်းကွဲတဲ့သီချင်းတွေရေးရင်ရေးဖြစ်မယ်။ အသက် ၅၀နားရောက်လာလို့ အသည်းကွဲရင်လဲ ကွဲမှာပေါ့။ ချစ်ရင်လဲချစ်မှာပေါ့။ ကျွန်တော့ဘ၀အတွက် အသက်အရွယ်က ကျွန်တော့အပေါ်မှာ အရမ်းကြီး လွှမ်းမိုးမှု မပြဌာန်းဘူး။

-ဆိုလိုတာက ဥပမာ နှလုံးသားရေးရာနဲ့ပတ်သက်ပြီး သီချင်းရေးတဲ့အခါ အသက်အရွယ်အပိုင်းအခြားအရ ပြောင်းလဲမှုရှိလားဆိုတာကိုသိချင်တာပါ။

-ကျွန်တော်အခုချိန်ထိတော့ ငယ်တဲ့အတွက် ငယ်တဲ့သီချင်းတို့၊ ကြီးတဲ့အတွက်ကြီးတဲ့သီချင်းတို့မခံယူထားဘူး။ လူကြီးတွေလဲအချစ်သီချင်းရေးသလို လူငယ်တွေလဲ ဒသနတွေရေးတယ်။ အဲ့ဒီတော့ ကျွန်တော် ငယ်ငယ်လေးကတည်းကလဲ အတွေးအခေါ်ပါတဲ့ သီချင်းတွေရေးခဲ့တာရှိမယ်။ အချစ်သီချင်းတွေရေးခဲ့တာရှိမယ်။ အသက်၆၀ရောက်သွားတဲ့အခါကျရင်လဲ အတွေးအခေါ်ပါတဲ့ သီချင်းတွေရေးမိတာလဲရှိမယ်။ အချစ်သီချင်းတွေရေးမိတာလဲရှိမယ်။ ကျွန်တော်နားလည်တာကတော့ အနုပညာဆိုတာလွတ်လပ်ပါတယ်။ အသက်ကန့်သတ်ချက်တွေမရှိပါဘူး။ ကျွန်တော်ကတော့ ဒီအရှိန်အတိုင်းပဲလှိမ့်နေမှာပါပဲ။ နောက်လဲ ဒီအရှိန်အတိုင်းပဲလှိမ့်နေမှာပါပဲ။ ရပ်မှာမဟုတ်ဘူးထင်တယ်။

-ကိုယ့်ဟာကိုယ်ပြောင်းလဲလာတယ်လို့ထင်တဲ့အရာတွေကဘာတွေများဖြစ်မလဲ။

ကျွန်တော်နည်းနည်းဝလာတယ်။ အရပ်တော့ပိုမရှည်လာဘူး။ အရပ်နည်းနည်းရှည်ချင်တာ ဘေးကိုပဲ ထွက်လာတယ်။ နည်းနည်းအစားပိုပုပ်လာတယ်။ ဒီလောက်ပါပဲ။

-ဖေ့စ်ဘုတ်မှာ စာတွေတင်ရင် ပရိသတ်တော်တော်များများ share ကြတယ်။ တင်သမျှစာတွေက ခံစားချက်အစစ်တွေလား။ ပတ်ဝန်းကျင်ရဲ့ အမြင်ကို ခံစားချက်ယူပြီးရေးထားတာလား။ သိချင်ပါတယ်။

ကျွန်တော်စာရေးတာ ၀ါသနာပါပါတယ်။ ကျွန်တော်ရေးပါတယ်။ တွေ့တာရေးပါတယ်။ မြင်တာရေးပါတယ်။ ကျွန်တော်ခံစားရတာလဲရေးပါတယ်။ တခါတလေမှာ ကျွန်တော့်စိတ်မှာ ခံစားရတာ ကျွန်တော်ရေးတယ်။ တခါတလေမှာ ကျွန်တော်တွေးမိတာလေးတွေကျွန်တော်ရေးမယ်။ တခါတလေမှာ ကျွန်တော့သူငယ်ချင်းတွေ ခံစားနေရတာကိုရေးရင်ရေးမယ်။ ကျွန်တော်ဝါသနာပါလို့ရေးတာပါ။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.