အလေးချိန် အလျင်အမြန် တက်စေတဲ့ အလေ့အကျင့်တွေ

fastestwaystogetfat7_1379427983_652x304.jpg

''အသိပညာဟာ စွမ်းအားဖြစ်တယ်''လို့ ဆိုကြပါတယ်။ အလေးချိန်တချို့ ကျဆင်းဖို့ အပြင်းအထန် ရုန်းကန်နေရသူတွေအတွက် အကြီးမားဆုံး ရန်သူတွေကို ဖော်ပြပေးချင်ပါတယ်။ သင့်ကို တခြားဘယ်အရာနဲ့မှမတူအောင် ၀ိတ်တက်စေမယ့် ဒီနည်းလမ်းတွေကို လျစ်လျူရှုထားလို့ မရပါဘူး။ ဒီဝိတ်တက်စေမဲ့ ထောင်ချောက်တွေကို ဖော်ပြပေးတဲ့အတွက် ကျေးဇူးတင်မိကြမှာပါ။ 

(၁) အံ့သြစရာတစ်ခုတော့မဟုတ်ပါဘူး။ အယ်လ်ကိုဟောကသင့်ကို ၀စေပါတယ်။ ရက်သတ္တပတ်အဆုံးတွေတိုင်းမှာ ထွက်သောက်လေ့ရှိတဲ့ သူတစ်ယောက်ဆိုရင်တော့ သောက်တာ တစ်ခုတည်းနဲ့တင် မပြီးနိုင်ဘူးဆိုတာ သိသာပါတယ်။ မြေပဲ၊ ပီဇာနဲ့ ကြက်တောင်ပံကင်မျိုး တွေတော့ မြည်းမိကြမှာပါ။ တကယ်တမ်းတော့ ဒါတွေက သင့်ကိုဝစေတဲ့တရားခံတွေပါ။ ဒီတော့သောက်မယ်ဆိုရင် တစ်ညကို တစ်ပက်၊နှစ်ပက် ထပ်ပိုမသောက်ပဲနဲ့တစ်ခါတလေလောက်သာ သောက်ပေးပါ။ 

(၂) စားသောက်ဆိုင်ကောင်းကောင်းတွေက စွဲမက်စရာကောင်းတဲ့ တရုတ်အစားအစာတွေကို မကြိုက်တဲ့သူ ဘယ်သူရှိပါ့မလဲ။ ဒါပေမဲ့ ဒီလိုအစားအစာမျိုးကို နေ့တိုင်းစားနေရင်တော့ ပြဿနာတက်ပါပြီ။ တကယ်လို့များ သင်ဟာ fast-food  တွေရဲ့ သားကောင်တစ်ဦးဆိုရင်တော့  သင်ဟာ တစ်နေ့တာအတွက် လိုအပ်တဲ့ကယ်လိုရီထက် အနည်းဆုံး ၁၀၀၀ လောက်ပိုပြီး စုဆောင်းနေမိပြီဆိုတာပါပဲ။ ဒီတော့ကာ စားသောက်ဆိုင်ကြီးတွေကနေပြီး သင့်ရဲ့မီးဖိုချောင်ဘက်ဆီကို ပြန်ပြီး ခြေဦးလှည့်လိုက်ပါ။ 

(၃) အိမ်မှာလုပ်ယူ၊ ညှစ်ယူထားတဲ့ သကြားကင်းစင်တဲ့ အသီးဖျော်ရည်တွေကလွဲရင် ဖျော်ရည်တွေဟာ ကျန်းမာရေးနဲ့ညီညွတ်ပါတယ်ဆိုတဲ့ စကားဟာ ယုံတမ်းစကားတစ်ခုပါ။ လက်ဖက်စိမ်းနဲ့နို့ဖျော်ရည်တို့အစား သကြားဓာတ်အလွန်အကျွံပါတဲ့ ဖျော်ရည်တွေဟာ ၀ိတ်တက်စေပါတယ်။ 

(၄) ပရိုတိန်းတွေက သန်မာတဲ့ကြွက်သားတွေတည်ဆောက်တဲ့နေရာမှာ မဖြစ်မနေလိုအပ်တဲ့ အရာပါ။ ဒါပေမဲ့ ပရိုတိန်းဓာတ်ကြွယ်ဝတဲ့အစားအစာတွေမှာ ကယ်လိုရီနဲ့ အဆီပမာဏ အတော်များများ ပျော်ဝင်နေပါတယ်။ ဒါကြောင့် ပရိုတိန်းဓာတ်ကို အနီရဲရဲအသားတွေကနေ အလွန်အကျွံ စားသုံးမယ့်အစား သမားရိုးကျ ပရိုတိန်းဓါတ်ကြွယ်ဝတဲ့ အစားအစာမျိုးကနေလည်း သုံးစွဲပေးသင့်ပါတယ်။ 

(၅) ကာဗိုဟိုက်ဒရိတ်များတဲ့ အစားအသောက်တွေဟာ အလေးချိန်ထိန်းညှိရမှာ အခက်အခဲ တစ်ခုအနေနဲ့ရှိနေခဲ့တာ ကြာပါပြီ။ ဒီအစားအစာတွေဟာ သွေးတွင်းအချိုဓာတ်နှုန်း (အင်ဆူလင်)ကို အလျင်အမြန် မြင့်တက်စေနိုင်ပါတယ်။ ဒါကြောင့် ကာဗိုဟိုက်ဒရိတ်များတဲ့ ပေါင်မုန့်၊ အုတ်ဂျုံမုန့် စတာတွေစားတော့မယ်ဆိုရင် ပရိုတိန်းလိုပဲ သင့်တင့်မျှတတဲ့ ပမာဏလောက်သာ စားသင့်ပါတယ်လို့ အကြံပေးပါရစေ။ 

(Ref:MENXP)

95 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.