အိမ်ကိုထားခဲ့ပြီး ခရီးထွက်တဲ့အခါ ပန်းပင်တွေ သူ့တို့ဘာသာ ရေလောင်းပေးနေမယ့် နည်းစနစ်

9e258a5e0f18c57577d97013e43a0be4.jpg

အိမ်ကို ထားခဲ့ပြီး အားလပ်ရက် အပန်းဖြေခရီး မထွက်ခင် အိမ်မှုကိစ္စလုပ်စရာ များစွာရှိပါတယ်။ ဥပမာ ရေခဲသေတ္တာ ရှင်းလင်းတာ၊ အမှိုက်တွေသွန်တာ စသဖြင့်ပေါ့။ သို့သော် မဖြစ်မနေလုပ်မယ့် နောက်တစ်ချက်က အနည်းဆုံး ပန်းပင် စိုက်ပျိုးရာသီကာလအတွင်း မိတ်ဆွေတစ်ယောက်ယောက် သို့မဟုတ် မိသားစုဝင် တစ်ယောက်ယောက်ကို အပင်တွေထိန်းသိမ်းရေလောင်းပေးဖို့ အကူအညီတောင်းရခြင်းပဲဖြစ်တယ်။

ခရီးထွက်နေစဉ် ပန်းပင်တွေအားလုံးနွမ်းခြောက်ကုန်တာထက် စိတ်ပျက်စရာ ဘာမှမရှိတော့ပါဘူး။ ဒါပေမယ့် အခုတော့ DIY self-watering system ခေါ် ကိုယ်တိုင်ရေလောင်းစနစ်ကြောင့် တာဝန်တစ်ခုနဲ့ ကင်းလွတ်လို့ ရသွားပါပြီ။ အဲဒါအတွက် အဖုံးပါတဲ့ ပုလင်းတစ်လုံးလေးပဲ လိုပါတယ်။

စမလုပ်ခင်မှာ ပန်းအိုးအားလုံးရှိမြေကြီးကို ရေစိုရွဲနေစေဖို့ လိုအပ်ပါတယ်။ နောက် ပုလင်းတွေ စုဆောင်းထားရပါမယ်။ အဖုံးပါတဲ့ ဘယ်ပုလင်းမျိုးမဆို အသုံးပြုနိုင်တယ်။ ၈ – ၁၂ အောင်စဆန့် ပုလင်းတွေဟာ ပန်းအိုးအသေးများ အတွက် ကောင်းကောင်းအသုံးပြုနိုင်ကြောင်း သိထားရပါမယ်။ ဝိုင်ပုလင်းတစ်လုံးက ပန်းအိုးအကြီးများအတွက် လိုအပ်တဲ့ ရေပမာဏ လုံလုံလောက်လောက်ပေးစွမ်းနိုင်ပါတယ်။

ပုလင်းကို ရေအပြည့်ဖြည့်ပြီး အဖုံးပြန်ဖုံးပါ။ ပြီးတော့ ပုလင်းကို ဇောက်ထိုးမှောက်ပြီး မြေကြီးထဲ နှစ်လက်မခန့်မြုပ်ဝင်အောင် ထိုးစိုက်ပါ။ လောင်းခဲ့တဲ့ရေတွေ ခန်းခြောက်သွားတဲ့အခါ အဲဒီပုလင်းမှ မြေကြီးထဲ အစိုဓာတ်များ တဖြည်းဖြည်း စိမ့်ဝင်စေသွားပါလိမ့်မယ်။ 

Ref: yahoo

620 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.