ကမ္ဘာမြေကြီးကို ရင်နှင့်အမျှ ချစ်တတ်ကြစေဖို့

capture_earth.png

ဒီကနေ့ ဧပြီလ ၂၂ ရက်နေ့ဟာ ကမ္ဘာာမြေနေ့ အထိမ်းအမှတ် ကျရောက်တဲ့ နေ့ဖြစ်တာမို့ ကျွန်တော်တို့ လူသားတွေမှာ Environmental Consciousness ဆိုတဲ့ ပတ်ဝန်းကျင်ထိန်းသိမ်းရေး အသိလေး နိုးကြွလာစေဖို့ နဲ့ ကမ္ဘာမြေနေ့ ဆိုတာလေး ဖြစ်လာတဲ့အကြောင်းတွေနဲ့ ပတ်သက်တာလေး ပြောချင်ပါတယ်။

ဒီကမ္ဘာမြေနေ့လေးနဲ့ ပတ်သက်ပြီး ကျွန်တော်တို့မြန်မာနိုင်ငံအတွက် ဂုဏ်ယူစရာကောင်းလှတဲ့ အချက်တစ်ချက်က ကမ္ဘာ့ကုလသမ္မဂအဖွဲ့ အထွေထွေအတွင်းရေးမှူးချုပ် ဦးသန့်မှ သတ်မှတ် ပေးခဲ့တာပါ။ ကမ္ဘာမြေနေ့ကို ၁၉၇၀ ခုနှစ်မှ စတင်ကျင်းပခဲ့တာဖြစ်ပြီး ယခု အခါမှာတော့ နိုင်ငံပေါင်း ၁၉၂ နိုင်ငံမှာ နှစ်စဥ်ကျင်းပနေပြီဖြစ်ပါတယ်။

၁၉၆၉ ခုနှစ်မှာ UNESCO ယူနက်စကိုအဖွဲ့ဟာ ဆန်ဖရန်စ္စကိုမြို့မှာ ညီလာခံ တစ်ရပ် ကျင်းပခဲ့ပြီး ငြိမ်းချမ်းရေးလှုပ်ရှားသူ တစ်ဦးဖြစ်တဲ့ John McConnell မှငြိမ်းချမ်းရေးအယူအဆ တစ်ရပ်ကို ပုံဖော်ဖို့ ကမ္ဘာမြေကြီးကို ဂုဏ်ပြုတဲ့နေ့တစ်နေ့ သတ်မှတ်ရန် အဆိုပြုခဲ့ပြီး ၁၉၇၀ မှာ မတ်လ ၂၁ ရက်နေ့ကို ရွေးချယ်သတ်မှတ်ခဲ့ပါတယ်။ McConnell မှရေးသားခဲ့တဲ့ ထုတ်ပြန်ချက်စာတမ်းမှာတော့ သဘာဝတရားရဲ့ မျှခြေကို ကိုယ်စားပြုတဲ့ နေ့တစ်နေ့သတ်မှတ်ရန် တရားဝင်ခွင့်ပြုချက်ရခဲ့ပြီး ဦးသန့်မှ တရားဝင်လက်မှတ်ရေးထိုးပေးခဲ့ပါတယ်။

တစ်လကြာပြီးတဲ့နောက်မှာတော့ သဘာဝပတ်ဝန်းကျင် ထိန်းသိမ်းရေးနဲ့ ပတ်သက်ပြီး လူထုအားဟောပြောပညာပေးသူ တစ်ဥိးဖြစ်တဲ့ အမေရိကန် အထက်လွှတ်တော်အမတ် Gaylord Nelson ဟာ သီးခြား ကမ္ဘာမြေနေ့တစ်နေ့ကို ၁၉၇၀ ခုနှစ် ဧပြီလ ၂၂ ရက်နေ့မှာ သတ်မှတ်ခဲ့ပါတယ်။ နောက်အပိုင်းမှာ Nelson ဟာ ၄င်းဆောင်၇ွက်ချက်ကြောင့် သမ္မတ၏ငြိမ်းချမ်း လွပ်လပ်ရေး ဆုတံဆိပ်ပြားကို ရရှိခဲ့ပါတယ်။ ဒါကတော့ကမ္ဘာမြေနေ့ကလေး ဖြစ်လာရတဲ့ သမိုင်းအကျဉ်းပါ။

ကျွန်တော်တို့ဟာ ဘာကြောင့်ကမ္ဘာမြေကြီးကိုဂုဏ်ပြုတဲ့အနေနဲ့ ဘာကြောင့် အထိမ်းအမှတ်ပြုကျင်းပပေးရတာပါလဲ။ ကျွန်တော်တို့ လူသားမျိုးနွယ်စုတွေဟာ လွန်ခဲ့သော နှစ်သန်းပေါင်းများစွာကတည်းက အခြားသတ္တ၀ါများနှင့် အတူတကွ ဒီကမ္ဘာမြေကြီးပေါ်မှာ မှီခိုရှင်သန်နေထိုင်လာခဲ့တာပဲဖြစ်ပါတယ်။ ဒီကမ္ဘာမြေကြီးပေါ်မှာ လူသားဦးနှောက်တွေ အဆင့်အမြင့်ဆုံး အဆင့်ကို ရောက်ရှိ မလာခင်ကတည်းက ဒီကမ္ဘာမြေပေါ်ကရတဲ့ အရာဝတ္ထုပစ္စည်းတွေအပေါ် မှီခိုနေထိုင်ခဲ့ကြရပါတယ်။ အစားအစာ၊ သစ်သီးဝလံ၊ သယံဇာတ စတာတွေကို ဖောဖောသီသီ သုံးစွဲခဲ့ကြတဲ့ ကျွန်တော်တို့ လူသားတွေဟာ ယခုလို အလွှမ်းမိုးဆုံး သတ္တ၀ါတွေအဖြစ် ရောက်ရှိလာကြပါတယ်။

ကျွန်တော်တို့လူသားတွေဟာ ကမ္ဘာမြေကြီးကပေးသမျှကိုယူနေကြပြီး ကမ္ဘာမြေကြီးရဲ့ ကျေးဇူးကို စောင့်သိတတ်ဖို့ လိုလာပါတယ်။ ကျွန်တော်တို့ အသက်ရှင်ရပ်တည်နိုင်ဖို့ ကျွန်တော်တို့ကိုယ်၌က Survival of the fittest ဆိုတဲ့ကြံ့ကြံ့အခံနိုင်ဆုံးသတ္တ၀ါသည်သာလျှင် ရှင်သန်တည်မြဲနိုင်မည် ဆိုတဲ့ဖြစ်စဉ်အတွင်းမှာ ကြိုးစားပမ်းစား ရပ်တည်ခဲ့ရတဲ့အချိန်ကာလတွေမှာ လိုအပ်တဲ့သဘာဝ အကူအညီ အထောက်အပံ့ ရင်းမြစ်တွေကို အကန့်အသတ် မရှိပေးနေခဲ့တာဟာ ဒီကမ္ဘာမြေကြီးပါ။ ကျွန်တော်ကတော့ ကျွန်တော်တို့ နေထိုင်နေတဲ့ဒီကမ္ဘာမြေကြီးကို ကျွန်တော်တို့ မွေးမိခင်လို့ပဲ တင်စားချင်ပါတယ်။ ကျွန်တော်တို့အပေါ် မိခင်ကမ္ဘာမြေကြီးက ကြင်နာလှပါတယ်။ နတ်တွေ ဘုရားသခင်တွေက ကျွန်တော်တို့ကို ကြင်နာသနားတယ်ဆိုတာထက် မိခင်ကမ္ဘာမြေကြီးက များစွာ သာလွန်ပါတယ်။

ကျွန်တော်တို့သောက်စရာရေကိုပေးတယ်၊ စားစာရာတွေဖြစ်တည်လာစေမဲ့ မြေဆီလွှာကို ပေးတယ်။ မိခင်ကမ္ဘာကြီးကပေးတဲ့ အောက်စီဂျင်လေသာမရှိရင် နတ်ဘုရားက လာကယ်လည်းကျွန်တော်တို့ အသက်မရှင်နိုင်ပါဘူး။ ကျွန်တော်တို့ ရှင်သန်နိုင်အောင် လုပ်ပေးနေတာ တကယ်တမ်းတော့ ငွေကြေး ပိုက်ဆံတွေ မဟုတ်ပါဘူး။ သဘာဝတရားနဲ့မျှတတဲ့ အသက်ရှင်သန်ခွင့်ကိုပေးထားတဲ့ ကျွန်တော်တို့ရဲ့ ကျေးဇူးရှင်မိခင်ကမ္ဘာမြေကြီးပါ။

သေချာစဉ်းစားကြည့်ရင်ဒီမိခင်ကမ္ဘာမြေကြီးပေါ်မှာ နေထိ်ုင်အသက်ရှင်ဖို့ ပိုက်ဆံပေးသုံးစွဲရတာ ကျွန်တော်တို့ လူသားမျိုးစိပ် တစ်ခုတည်းပါ။ ကျွန်တော်တို့လူသားတွေဟာ ကမ္ဘာမြေကြီးက ပေးသမျှကို ရယူသုံးစွဲ နှစ်ပေါင်းများစွာ နေထိုင်လာပြီး ငွေနောက်လိုက်လာကြတဲ့အခါ မိဘကျေးဇူးကို ကန်းလာကြပါတယ်။ ကျွန်တော်တို့စားနိုင်သောက်နိုင်အောင် အသီးအနှံ သစ်သီးဝလံတွေ၊ ရေအရင်းမြစ်ဖြစ်တဲ့ မိုးရေတွေ ၊ ကျွန်တော်တို့ နေထိုင်ရ သက်သာအောင် ရာသီဥတုကို မျှတစေအောင် မိခင်ကမ္ဘာမြေကြီးက လုပ်ပေးတဲ့ သစ်တောတွေကို ကျွန်တေိာတို့ လူသားတွေ ကိုယ်တိုင်ကပဲ ဖျက်ဆီးနေပါပြီ။

မိခင်ကမ္ဘာမြေကြီးရဲ့အသားစိုင်တွေဖြစ်တဲ့ တောင်တွေကို ကျွန်တော်တို့ တစ်လွှာချင်း ခုတ်ထစ်နေကြပါပြီ။ မိခင်ကမ္ဘာမြေကြီးရဲ့ သွေးတွေဖြစ်တဲ့ ရေချိုရေငံအ၀၀ကို အလွဲသုံးစား လုပ်နေကြပါပြီ။ ကျွန်တော်တို့ တစ်ရေတည်းနေ တစ်ကမ္ဘာပေါ်တည်းမှာ ကြီးလာတဲ့ မိခင်ကမ္ဘာမြေကြီးရဲ့ သားသမီးတွေ တစ်ယောက်နဲ့ တစ်ယောက်ရန်ဖြစ်ဖို့အတွက် ရက်စက်တဲ့ လက်နက်တွေကို မိခင်ကြီးရဲ့ ကိုယ်ပေါ်မှာ ဖောက်ခွဲစမ်းသပ်နေကြတယ်။ စစ်ပွဲတွေ ဖြစ်ပွားနေကြတယ်။ ကျွန်တော်တို့ကိုမွေးဖွားပေးတဲ့ ကျွန်တော်တို့ ခုံလှုံရာဖြစ်တဲ့ မိခင်ကြီးရဲ့ ကိုယ်ခန္ဒ္ဓာတစ်ခုလုံးဟာ သူရဲ့သားသမီးတွေရဲ့ မိုက်မဲမှုကြောင့် ဖောက်ပြန်လာပါပြီ။ ရေခဲတောင်တွေ ပြိုတယ်။ ကမ္ဘာမြေကြိးတစ်ခုလုံး ပူနွေးလာစေတဲ့ Greenhouse effect တွေ ထုတ်လွှတ်နေပါပြီ။ ငလျှင်တွေလှုပ်တယ် ဆိုတာ မိခင်ကမ္ဘာမြေကြီး ခြေမခိုင်တော့ပဲ တုန်လှုပ်တာပါ။ မုန်တိုင်းတွေဖြစ်လာတယ်ဆိုတာ မိခင်ကမ္ဘာမြေကြီး နာကျင်လို့ အော်ဟစ်နေတာပါ။ ရေကြီးတယ်ဆိုတာ မိခင်ကြီး ငိုကြွေး နေတာပါ။

ကြည့်ပါဦး.. သုံးစားမရတဲ့ တကယ်တမ်း ၀ါးစားမရတဲ့ ငွေကြေးတွေ အတွက်ကြေင့် ကျွန်တော်တို့ကို အမှန်တကယ် ကြည့်ရှုစောင့်ရှောက် လိုတရနေစေတဲ့ မိခင်ကမ္ဘာမြေကြီးကို ကျွန်တော်တို့ အပြင်းအထန် နှိပ်စက်နေကြပါတယ်။ တကယ်တမ်းကျွန်တော်တို့ဟာ ကမ္ဘာပေါ်မှာ အသိဥာဏ် အဖွံ့ဖြိုးဆုံးဖြစ်တဲ့ လူသားတွေဖြစ်လာဖို့  အခွင့်အရေး ရရှိခဲ့ပြီးယဉ်ကျေးမှု တွေ ထုံးတမ်းတွေကြွယ်ဝ လှပါတယ်ဆိုတဲ့ ကျွန်တော်တို့ လူသားတွေဟာ ကျန်ကျွန်တော်တို့ထက် နိမ့်ကျတဲ့ သတ္တ၀ါအရိုင်းစိုင်းတွေထက်တောင် မြောက်မြားစွာ ဆိုးဝါး ကြမ်းတမ်း ယုတ်မာ ရိုင်းစိုင်းတဲ့ ကြောက်မက်ဖွယ် အကောင်းဆုံး သတ္တ၀ါတွေဖြစ်လို့လာပါပြီ။ ကမ္ဘာပေါ်မှာ ကြောက်စရာ အကောင်းဆုံးသတ္တ၀ါတွေဟာ ဒိုင်နိုဆော၊ မိချောင်း၊ကျား၊ခြသေ့င်္ံ၊ စေတန်၊မာန်နတ် ရှီဝ စတာတွေ မဟုတ်ပါဘူး။ ကျွန်တော်တို့ ကိုယ်တိုင်ပါပဲ။

ဒီမိခင်ကမ္ဘာကြီးကပဲ တူတူမွေးဖွားလာတဲ့ တအူတုံဆင်း တစ်ကမ္ဘာတည်းသားဖြစ်တဲ့ ကမ္ဘာသူ ကမ္ဘာသား ကျွန်တော်တို့ လူသားတွေဟာ လူမျိုးစွဲ၊၀ါဒစွဲ၊ နိုင်ငံစွဲ၊လောဘ၊ဒေါသ၊မောဟ တွေနဲ့ ပြိုင်ပြီး စစ်ပွဲတွေ၊ မငြိမ်းချမ်းမှုတွေထဲမှာပါဝင်နေကြပြီး ကျွန်တော်တို့ရဲ့ မိခင်အိုကြီးကို ငိုကြွေးအောင် လုပ်နေကြပါတယ်။ တကယ်တမ်း ဒီကမ္ဘာမြေကြီးပေါ်မှာ နောက်ဆုံးကျန်တဲ့သစ်ပင်တစ်ပင်မှာ နောက်ဆုံး သစ်ရွက်လေးကြွေကြသွားမှ၊ ပင်လယ်သမုဒ္ဒရာထဲက နောက်ဆုံးကျန်တဲ့ ငါးလေးတစ်ကောင် သေသွားတော့မှ၊ ကမ္ဘာပေါ်မှာ ၃ရာခိုင်နှုန်းသာရှိတဲ့ သောက်စရာ ရေချို နောက်ဆုံးလက်ကျန် တစ်စက်ခမ်းသွားတော့မှ ငွေကြေး ပိုက်ဆံဆိုတာကြီး၊ အစွဲအယူတွေချည်းကို ကျွန်တော်တို့ စားလို့ သောက်လို့ မရဘူးဆိုတာကို သိကြတော့မှာလား အသင်လူသားတို့ရယ်။ ကမ္ဘာမြေကြီးကို ရင်နှင့်အမျှချစ်တတ်ကြပါစေ။

ဧပြီလ ၂၂ ရက်နေ့မှာ ကျရောက်တဲ့ ကမ္ဘာမြေကြီးနေ့ကို ဂုဏ်ပြုသောအားဖြင့် ရေးသားတင်ပြလိုက်ရပါတယ်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.