(၁၀)ဦးတည်းဖြင့် အဝေးကွင်းနိုင်ပွဲယူနိုင်ခဲ့သည့်ရိုးမားအသင်းဖော်များကို တော့တီချီးကျူး

news_a.jpg

အီတလီစီးရီးအေပွဲစဉ်(၉)အဖြစ် အူဒီးနိစ်နှင့် ရိုးမားအသင်းတို့ကစားခဲ့ကြရာ ဧည့်သည်အသင်းရိုးမားမှာ ပွဲချိန်(၆၆)မိနစ်တွင် ဘရာဇီးလ်နောက်ခံလူ မိုင်ကွန်အား (၂)၀ါ၊ (၁)နီဖြင့် အထုတ်ခံခဲ့ရသဖြင့် (၁၀)ဦးတည်း ဖြင့် လက်ကျန်ပွဲချိန်များကို ကစားခဲ့ရစေကာမူ ခက်ခက်ခဲခဲအနိုင်ယူနိုင်ခဲ့ရာ ထိုပွဲတွင် ဒဏ်ရာကြောင့် မပါဝင်နိုင်ခဲ့သည့် အသင်းခေါင်းဆောင်ဖရန်ဆက်စကိုတော့တီက ချီးကျူးစကားများပြောလာခဲ့သည်။ “ကျွန်တော့အသင်းဖော်တွေကို တကယ်ကိုချီးကျူးပါတယ်ဗျာ။ သူတို့တွေဟာ ရဲစွမ်းသတ္တိ၊ ခွန်အားနဲ့ ကျွမ်းကျင်မှုတွေကို ပြသနိုင်ခဲ့ကြပါတယ်။ အသင်းမှာ ဘယ်သူတွေပဲ ကစားနေကြပါစေ။ ရိုးမားက ရိုးမားပါပဲ ဗျာ။  ဒါ့အပြင် ပရိသတ်တွေကိုလည်း ကျေးဇူးတင်ရမှာပါ။ အိမ်ကွင်းမှာ ရုံးပွဲမရှိတဲ့ အူဒီးနိစ်လိုအသင်းမျိုးကို အနိုင်ကစားနိုင်အောင် အားပေးခဲ့ကြလို့ပါ။ ခမ်းနားတဲ့ အောင်ပွဲတစ်ပွဲပါ”ဟု တော့တီက ကိုယ်ပိုင်ဝက်ဘ်ဆိုက် တွင် ပြောထားခဲ့သည်။

ရိုးမားမှာ ပွဲစဉ်(၉)အပြီးတွင် (၉)ပွဲစလုံးကို အနိုင်ကစားထားပြီး (၂၇)မှတ်ဖြင့် ဇယားထိပ်တွင်ဦးဆောင်လျက်ရှိ ပြီး  သွင်းဂိုး(၂၃)ဂိုး ပေးဂိုး(၁)ဂိုးတည်းပေးထားရသည်။ ရိုးမားအောက် ဒုတိယနေရာတွင် နာပိုလီအသင်းရှိနေ ပြီး ရမှတ် (၂၂)မှတ်ရရှိထားသည်။ အလားတူ လက်ရှိချန်ပီယံဂျူဗင်တပ်စ်အသင်းမှာလည်း ရမှတ်(၂၂)မှတ်ဖြင့် ဂိုးကွာခြားချက်ကြောင့် တတိယနေရာတွင်ရှိနေသည်။

0 Shares
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.