နောင်နှစ်၂၀ထိ မြန်မာဇာတ်ကားတွေ နိုင်ငံခြားဇာတ်ကားတွေကို မမီနိုင်ဘူးလို့ဆိုလိုက်တဲ့ ၀ိုင်း(Own Creator)

dsc01250_resize.jpg
Shares 0

ဖန်တီးမှုတွေနဲ့ ပျော်မွေ့တတ်သူတစ်ဦးဖြစ်တဲ့ ဒါရိုက်တာဝိုင်းဟာ အားလုံးသိကြတဲ့အတိုင်း သရုပ်ဆောင်နယ်ပယ်ကနေ ဒါရိုက်တာအဖြစ် ကူးပြောင်းလာခဲ့သူတစ်ဦးပါ။ သရုပ်ဆောင်တစ်ယောက်အဖြစ်ကနေ ဒါရိုက်တာတစ်ယောက်အဖြစ် ရပ်တည်တဲ့အချိန်တွေမှာ ကိုယ်ပိုင်စိတ်ကူးစိတ်သန်းတွေနဲ့ သူမတူအောင်ဖန်တီးတတ်သူမို့ ရိုက်သမျှကားတိုင်း ပေါက်ခဲ့သူပါ။ ဘယ်လိုအကြောင်းတွေကြောင့်ဖြစ်ဖြစ် ကိုယ့်ဖန်တီးမှုတွေကို အကောင်းဆုံးဖြစ်အောင် ကြိုးစားနေတဲ့ အချစ်ဇာတ်ကားတွေရဲ့ဖန်တီးရှင် ၀ိုင်း(Own Creator)နဲ့ပြောဖြစ်သမျှကတော့…..။

– အစ်ကို့ဇာတ်ကားတွေရဲ့ ထူးခြားမှုအပေါ် ပရိသတ်တွေရဲ့ဝေဖန်မှုကို ဘယ်လိုသဘောထားလဲ။

ပရိသတ်ရဲ့ဝေဖန်သံဟာ အစ်ကိုတို့ရှေ့ဆက်ရမဲ့ခြေလှမ်းအတွက် ခွန်အား၊ ပရိသတ်အသံကို အစ်ကိုတို့ဂရုမပြုလို့မရဘူး။ သူတို့အသံကိုဂရုပြုပြီး အစ်ကိုတို့အနေနဲ့ ပြင်သင့်တာကိုပြင်ရမယ်။ သို့သော်ငြားလဲ ကိုယ့်ကို personality အရတိုက်ခိုက်တာ၊ ကိုယ့်ကိုမနာလိုလို့ ပြောတာမျိုးတွေကိုတော့ လက်မခံပါဘူး။ ပရိသတ်အစစ်တွေရဲ့ ဝေဖန်မှုတွေကိုတော့ အစ်ကိုတို့အနေနဲ့ ရအောင်ပြင်မှာပါ။ အဓိကက သူတို့ရဲ့ဆန္ဒပြည့်ဝဖို့ပါ။ သူတို့က ကိုယ်တို့ကို  ပိုက်ဆံပေးပြီးကြည့်တာ၊ ကိုယ်တို့ရဲ့ထမင်းရှင်၊ သူတို့အားမပေးရင် ကိုယ်တို့ဘာမှလုပ်လို့မရဘူး။

-အစ်ကိုကိုယ်တိုင် မြန်မာ့ရုပ်ရှင်လောကကို ဖြစ်စေချင်တဲ့ဆန္ဒက။

ဖြစ်စေချင်တဲ့ ဆန်္ဒလေးကို ပြောရမယ်ဆိုရင် အရေးကြီးတာကစီးပွားရေးလုပ်တာလဲလုပ်ပါ။ အနုပညာဆန်အောင်တော့ လုပ်စေချင်ပါတယ်။ အဲဒါဆိုရင်တော့ မြန်မာ့ရုပ်ရှင်က အဆင့်အတန်းမြင့်လာချင် မြင့်လာလိမ့်မယ်။ အခုဟာက ပရိုဂျူဆာ၊ မင်းသား၊ မင်းသမီးအကုန်လုံးက စီးပွားရေးဆန်စွာလုပ်နေတယ်။ ၁၀၀မှာ ၉၄ ရာခိုင်နှုန်းက လုပ်နေတယ်။

-နိုင်ငံတကာနဲ့မှီဖို့အတွက်က ကိုယ့်ရုပ်ရှင်လောကမှာ လိုအပ်ချက်ရှိနေတဲ့အပိုင်းတွေကိုပြောပါဦး။

နိုင်ငံခြားက ရုပ်ရှင်ကားတွေကို နောင်နှစ်၂၀ အထိမမှီနိုင်သေးဘူး။

-လက်ရှိမှာ အနုပညာအလုပ်အပေါ်ထားရှိတဲ့စိတ်က။

တာဝန်ယူချင်စိတ်ပိုကြီးလာတယ်။

-အကယ်ဒမီပေးပွဲအတွက် စည်းမျဉ်းတွေရေးဆွဲနေကြတဲ့အချိန်မှာ အစ်ကို့အနေနဲ့ ဖြည့်စွက်ချင်တဲ့အပိုင်းလေးတွေရှိရင်သိချင်ပါတယ်။

ဖြည့်စွက်ပြောရရင်တော့ ပြီးခဲ့တဲ့နှစ်ကလဲ အနုပညာရှင်တွေရွေးချယ်တဲ့ လူတွေက အကယ်ဒမီရခဲ့လို့လား။ ရှေ့နှစ် ရှေ့နှစ်တွေကကော ရခဲ့လို့လား။ အခုလဲ အဲဒီလိုဘုတ်အဖွဲ့တွေ ထပ်ဖွဲ့ပြန်ပြီ။ ပြီးတော့ အဲဒီလိုဘုတ်အဖွဲ့တွေမှာ ဆုရွေးချယ်တဲ့အပိုင်းမှာ ရွေးချယ်တဲ့သူက ထူးချွန်သူပဲဖြစ်သင့်ပါတယ်။ မထူးချွန်တဲ့သူတွေက ရွေးချယ်တယ်ဆိုရင် နည်းနည်းတော့ မှားနေသလိုပဲ။ ဘုတ်အဖွဲ့က သူတွေ နာမည်ထွက်လာတဲ့အခါမှာ ဘယ်သူတွေပါမလဲဆိုတာ စောင့်ကြည့်ရမှာပေါ့။

-အကယ်ဒမီဘုတ်အဖွဲ့တွေမှာ အနုပညာရှင်တွေပါဝင်လာတဲ့အပေါ် အစ်ကို့ရဲ့အမြင်ကဘယ်လိုရှိလဲ။

ရှေ့နှစ်ကလဲ အနုပညာရှင်တွေပါဝင်ခဲ့တာပဲ။ အနုပညာရှင်တွေရွေးချယ်တဲ့အတိုင်း တကယ်ပဲအကယ်ဒမီကို ပေးခဲ့သလား။ ဒုတိယအချက်က အနုပညာရှင်တွေကကော ထူးချွန်ဆုကို အကဲဖြတ်ရအောင် တစ်ကယ်ထူးချွန်တဲ့သူတွေလား။

-လွတ်လပ်ခွင့်တွေရလာတဲ့အပိုင်းမှာ အရင်နဲ့မတူတော့တဲ့ ဖန်တီးမှုအပိုင်းကိုရော ဘယ်လိုသုံးသပ်မိပါသလဲ။

လွတ်လပ်ခွင့်တွေရလာတယ်ဆိုပေမဲ့ မပြောင်းလဲတာက လူတွေရဲ့ mind set  နဲ့ စီးပွားရေးလည်ပတ်မှုတွေပါ။ အစ်ကိုတို့က ရိုက်ခွင့်လည်ပတ်ဖို့၊ စီးပွားရေးအခြေအနေ ၊ ရုံအခြေအနေတွေ ကောင်းဖို့လိုသလို၊ ပရိုဂျူဆာတွေ၊ မင်းသား၊ မင်းသမီးတွေအနေနဲ့ ဥာဏ်ရည်ဖွံ့ဖြိုးမှုအပိုင်းနဲ့ လက်ရှိ ရှိနေတဲ့ ဇာတ်တွေအပေါ် အချစ်ကားတွေ၊ ဟာသကားတွေ၊ ဒရမ်မာကားတွေထဲက ခွဲထွက်မယ့်ဇာတ်တွေကို ရိုက်နိုင်မှသာလျှင် အစ်ကိုတို့လမ်းကြောင်းပြောင်းမယ်။ နို့မို့ဆို ဘယ်လောက်လွတ်လပ်ခွင့်တွေ ပေးပေး ခုနက အစ်ကိုပြောတဲ့အချက်တွေကို မပြင်နိုင်ဘူးဆိုရင်တော့ တိုးတက်ဖို့မရှိဘူး။

-အစ်ကို့ဇာတ်ကားတွေက အကယ်ဒမီစရင်းထဲမှာပါတော့ အဲဒီအပေါ်ရင်ခုန်မှုက။

အကယ်ဒမီနဲ့ပတ်သတ်ရင်တော့ Ban the Scene ဆိုတဲ့ကားကို အရင်ကြည့်ပါလို့ပဲ ပြောချင်ပါတယ်။ ဘာလို့လဲဆိုတော့ရှေ့မှာကလဲ အာဒံ ဧ၀ ဒဿမှာ မင်းသား၊မင်းသမီး၊ကုမ္ပဏီရပြီး ဒါရိုက်တာမရဘူးဆိုတော့ အစ်ကိုကတော့ အဲဒီလိုပဲကိုယ့်ကိုယ်ကိုတော့ ဘယ်လိုမှထင်မထားပါဘူး။ ဘာလို့လဲဆိုတော့ တကယ်ကောမူတွေ၊ လူတွေပြောင်းပြီလားဆိုတဲ့ ယုံကြည်မှုတစ်ခုကို မတည်ဆောက်နိုင်သေးတဲ့အတွက်ကြောင့်ပါ။ အဲဒါကတော့ အမှန်အတိုင်းပြောတာပါ။

-အခုချိန်ခါမှာ ဒါရိုက်တာထက် မင်းသား၊ မင်းသမီးကိုဦးစားပေးတဲ့အပေါ်။နိုင်ငံတကာမှာက ဒါရိုက်တာတွေ၊ ပရိုဂျူဆာတွေကအဓိကဖြစ်နေတဲ့အခါကျတော့ အဲဒီအပေါ်ကို မြင်မိတာက။

အဲဒါကတော့ စည်းကမ်းဆိုတာ မင်းသား၊မင်းသမီးမှမဟုတ်ဘူး။ စက်အဖွဲ့လဲပြင်ရမှာပဲ။ ဘာလို့လဲဆိုတော့ အစ်ကိုတို့ဆီမှာ စည်းကမ်းပျက်ခဲ့တာနှစ်ပေါင်းမနည်းတော့ဘူး။ ဘာနဲ့ပြန်တည်ဆောက်ရမလဲဆိုတော့ စာချုပ်နဲ့စနစ်တကျပြန်လုပ်မှရမှာပါ။ နို့မို့ဆိုရင်တော့ အကုန်လိုက်ရမ်းနေကြမှာပဲလေ။ တစ်ယောက်နဲ့တစ်ယောက်လှည့်ပတ်ပြီးအပြစ်တင်နေလိမ့်မယ်။ 

-နိုင်ငံတကာမှာက မင်းသား၊မင်းသမီးတော်တော်များများက စာချုပ်နဲ့အလုပ်လုပ်ကြတယ်။ ဒီမှာကစာချုပ်ထက် အဆင်ပြေသလိုရက်ညှိရိုက်နေကြတဲ့အပေါ် အစ်ကိုအနေနဲ့ဘာများပြောချင်ပါလဲ။

အစ်ကိုတို့နိုင်ငံမှာက စာချုပ်စာတမ်းနဲ့လုပ်မယ်ဆိုရင်တော်တော်များများက တရားရုံးကိုပြေးမြင်ကြတယ်။ အဓိကပြဿနာက တရားရုံးသွားရမှာကို လူတွေကတော်တော်လေးလန့်ကြတယ်။ အမှန်က ကိုယ်မှန်နေရင် တရားရုံးဆိုတာ ရင်ဆိုင်လို့ကောင်းတဲ့နေရာ။ သို့သော်ငြားလဲ အမှန်တရားတွေက အမှန်တရားအတိုင်းမဖြစ်တဲ့အခါကျတော့ တရားရုံးကို အယုံအကြည်မရှိတော့ဘူး။ အယုံအကြည်မရှိတော့တဲ့အခါမှာ စာချုပ်စာတမ်းတွေက အဓိပ္ပါယ်မရှိတော့ဘူး။ အဲဒါတွေရဲ့သက်ရောက်မှုတွေအများကြီးပါတယ်။

-အခုလတ်တလောမှာ ရိုက်ဖြစ်နေတဲ့ ဇာတ်လမ်းပုံစံတွေက။

အခုလောလောဆယ်၊ အရင်ဝယ်ထားတဲ့ဇာတ်တွေပဲ ပြောင်းလဲဖန်တီးဖြစ်နေပါတယ်။ အချစ်ရိုမန်စ့်လေးတွေပဲ ဖန်တီးဖြစ်နေပါတယ်။

-ဆင်ဆာလွတ်လပ်ခွင့်တွေပေးလာတဲ့အပေါ်။

ဆင်ဆာက အလုံးစုံမဟုတ်သေးပါဘူး။ အတိုင်းအတာတစ်ခုအထိရှိနေပါသေးတယ်။

-သရုပ်ဆောင်ဘက်မှာ သိပ်မတွေ့ရတော့ဘူးနော်။

အစ်ကိုနောက်ပိုင်းမှာသရုပ်ဆောင်မလုပ်ဖြစ်တော့ပါဘူး။ ဒါရိုက်တာပဲလုပ်ဖြစ်တော့မှာပါ။

-အစ်ကိုရိုက်တဲ့ဇာတ်ကားတွေထူးခြားတယ်။ဆန်းပြားတယ်။ပရိသတ်ရင်ထဲရောက်တယ်။အဲဒါက ဘာကြောင့်များလဲ။

အစ်ကို့စေတနာမှန်လို့ ဖြစ်မှာပါ။

-ပရိသတ်ကြီးကို ပြောချင်တာက။

သူတို့ယုံကြည်တဲ့အတိုင်း ရှေ့ဆက်နေပါတယ်လို့….။

 

 

Shares 0
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *