ယောင်္ကျားဆန်ဆန် ဖက်ရှင်တွေကိုပဲ စိတ်ဝင်စားတယ်ဆိုတဲ့ မေကဗျာ

dsc01255_resize.jpg
Shares 0

အနုပညာလုပ်ငန်းထဲမှာ ၁၀စုနှစ်ကျော်မျှ ဖြတ်သန်းလာခဲ့ပြီးနောက် လုပ်သက်အတွေ့အကြုံ၊ သရုပ်ဆောင်နိုင်မှုအတတ်ပညာနဲ့ အနုပညာဝမ်းစာပြည့်ဝနေသူကတော့ ဒရမ်မာဇာတ်ကားတွေနဲ့ ပရိသတ်ရဲ့ ရင်ထဲတစ်နေရာမှာ ခိုအောင်းဝင်ရောက်နေတဲ့  မေကဗျာနဲ့ တွေ့ဆုံခိုက် သူမစိတ်ကြိုက်ဖြစ်နေတဲ့ ဖက်ရှင်အကြောင်း မေးမြန်းကြည့်ဖြစ်တဲ့အခါမှာတော့

-အခုလတ်တလောမှာ ၀တ်ဖြစ်နေတဲ့ စတိုင်တွေက။

ကဗျာကမမှန်ဘူး။ ၀တ်ရင်လဲ မိန်းမဆန်ဆန်မကြိုက်တတ်တဲ့အခါကျတော့ စတိုင်ပန်အပွတွေပြန်ကြိုက်နေတယ်။ အန်းတိတ်ဆန်ဆန်ဖက်ရှင်တွေကိုကြိုက်နေတယ်။ ဆံပင်ပုံပေါ်လဲမူတည်သေးတာကိုး။ ကဗျာကအ၀တ်အစားကို ဘယ်တော့မှအရင်မစဉ်းစားဘူး။ အိမ်မှဆို မျက်နှာအရင်ပြင်တယ်။ ဆံပင်တပ်တယ်။ ပြီးတော့မှအ၀တ်အစားဝတ်ကြည့်တယ်။ ကိုယ်ကဆံပင်တွေ အရမ်းများနေတဲ့အခါကျတော့ တပ်တဲ့ဆံပင်ပုံပေါ်မူတည်ပြီး အ၀တ်အစားဝတ်ကြည့်မှအဆင်ပြေတယ်။

-အစ်မရဲ့မိသားစုကရော ဖက်ရှင်နဲ့ပတ်သတ်ပြီးဘယ်လိုအကြံဥာဏ်ပေးလဲ။

အဓိကကတော့သမီးနဲ့အမေနဲ့ပေါ့နော်။ သမီးဆို သူ့ဒီဇိုင်းလေးတွေလာလာပြတယ်။ ဒါပေမဲ့ကိုယ်ကတော့ ကိုယ်ဝတ်ချင်တာကိုဝတ်တာပေါ့နော်။

-ဓာတ်ပုံရိုက်တဲ့အခါမှာ ခပ်လန်းလန်းပုံလေးတွေ ရိုက်တာများသလိုပဲ။

ကဗျာက cute ဖြစ်တဲ့ဖက်ရှင်နဲ့မလိုက်ဘူး။ အသက်ကြီးလာလို့လားမသိဘူး။ ရယ်ရင်မလှလို့လားမသိဘူး။အတည်နဲ့ယောက်ျားဆန်ဆန်လေးတွေပိုလိုက်တယ်။ အ၀တ်အစားကအစ မိန်းမဆန်တာနဲ့မလိုက်ဘူး။

-အခုနောက်ပိုင်းမှာ မဂ္ဂဇင်းတွေတော်တော်များများမှာပြန်တွေ့လာရတယ်နော်။

အဲဒါကစိတ်နဲ့လဲဆိုင်တယ်သိလား။ တခါတလေ ဓာတ်ပုံမရိုက်ချင်တဲ့အချိန်၊ အချိန်မပေးနိုင်ရင်လဲ မလုပ်ချင်ဘူး။ ဓာတ်ပုံရိုက်မယ်ဆိုရင်လဲ အဲဒီအတွက်ကိုပြင်ဆင်ပြီးသေချာအချိန်ပေးပြီးရိုက်ဖြစ်တယ်။ ရှုတင်ကပြန်ပြီးဝင်ရိုက်တာမျိုးကို ကဗျာသဘောမကျဘူး။ ရိုက်လဲမရိုက်ချင်ဘူး။အလုပ်တစ်ခုကိုလုပ်ရင်ကဗျာကောင်းအောင်လုပ်ချင်တဲ့အတွက်ကြောင့် အခုနောက်ပိုင်းမှာဓာတ်ပုံပြန်ရိုက်ချင်တဲ့စိတ်ပေါ်လာတယ်။ ဖက်ရှင်ကို စိတ်ဝင်စားနေတဲ့ အတွက်ဓာတ်ပုံဆရာတွေကို ပြောဖြစ်ပြီး သူတို့ကလဲ ရိုက်မယ်ဆိုတာနဲ့ရိုက်ဖြစ်တာပါ။

-အစ်မရဲ့အသားအရေကရော ဘယ်လိုအရောင်နဲ့အလိုက်ဖက်ဆုံးလဲ။

ကဗျာကအသားအရမ်းညိုတော့ အရမ်းအရောင်တောက်တာတွေနဲ့မလိုက်ဘူး။ အညိုရောင်လေးတွေ၊ အသားရောင်လေးတွေနဲ့တော့ လိုက်မယ်ထင်တယ်။

-ပရိသတ်တွေဆီကရော အစ်မကို ဘယ်လိုဖက်ရှင်မျိုးနဲ့လိုက်တယ်လို့ပြန်ကြားရလဲ။

မြန်မာဝတ်စုံနဲ့ လိုက်တယ်။ ဂါဝန်ကြီးတွေ၊စကဒ်ကြီးတွေနဲ့တော့မလိုက်ဘူးထင်တာပဲ။ ယောက်ျားဆန်တဲ့ ပုံစံလေးတွေနဲ့ လိုက်တယ်လို့တော့ပြောကြတယ်။

-ဖက်ရှင်ကို ရှူးသွပ်ပြီးခရေစီဖြစ်တဲ့အထဲမှာရောပါလား။

အဲလောက်ကြီးတော့မရှူးသွပ်ဘူး။ ဒါပေမဲ့ ကိုယ်လုပ်နေတဲ့အလုပ်နဲ့ ပတ်သတ်ပြီးတော့ လေ့လာဖြစ်တယ်။ အခုပေါ်နေတဲ့ဟာအကုန်လုံးကို လိုက်ချုပ်ဝတ်တာမျိုးတော့ ကဗျာမှာမရှိဘူး။ ကိုယ်အလုပ်ဖြစ်နေတဲ့အတွက် လေ့လာတာလဲပါတယ်။

-ကိုယ့်ရဲ့ ဖက်ရှင်နဲ့ ပတ်သတ်ပြီး အပြင်သွားခါနီးရင် ဘာလေးကို လုပ်လိုက်ရမှ ပြီးပြည့်စုံသွားတယ်လို့ခံစားမိလဲ။

အဲလိုအစွဲတော့မရှိဘူး။ ကဗျာက မျက်နှာကိုလဲ သိပ်မပြင်တတ်ဘူး။ အလှပြင်ချင်စိတ်ပေါက်ရင် ပါးနီတော့အမြဲထည့်တယ်။ များသောအားဖြင့် မျက်နှာပြောင်နဲ့ဂျင်းနဲ့တီရှပ်နဲ့သွားတာများတယ်။

-ဘယ်ကိုဖက်ရှင်မျိုးကရော အစ်မကိုစတိုင်ကျစေလဲ။

ကဗျာကမိန်းမဆန်တာ လုံးဝမကြိုက်တဲ့အတွက် အခုလိုမျိုးရှပ်အကျီင်္တို့၊ တီရှပ်တို့က နေရထိုင်ရတာလဲ အဆင်ပြေသလို လိုက်ဖက်တယ်လို့လဲခံစားမိတယ်။

-ဖက်ရှင်ချစ်ပရိသတ်တွေကိုလဲစကားလက်ဆောင်လေးပြောပေးပါဦး။

မင်းသား၊မင်းသမီးမှမဟုတ်ပါဘူး။ လူတစ်ယောက်အတွက် အများကြီးမဟုတ်ရင်တောင် သပ်သပ်ရပ်ရပ်ဝတ်တတ်ဖို့လိုတယ်။ ဖြစ်သလိုကြီးမနေပါနဲ့။ဖြစ်သလိုကြီးမ၀တ်ပါနဲ့လို့ကဗျာပြောချင်ပါတယ်။

Shares 0
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *