ကိုယ့်ရဲ့အလုပ်ကို အကောင်းဆုံးလုပ်ပြီး အမြဲတန်ဖိုးထားတတ်တဲ့ မိတ်ကပ်ဝိုင်း(ဒီဇင်ဘာနှင်း)

409639_526049267417271_665162541_n.jpg
Shares 0

မိတ်ကပ်လောကထဲမှာ ၀ိုင်းလို့ ဆိုလိုက်တာနဲ့ မသိတဲ့သူ မရှိလောက်အောင်ကို သူမရဲ့မိတ်ကပ်အပြင်အဆင်၊ ခြယ်သမှုတွေက လူသိများလှပါတယ်။ သူမနဲ့ ပတ်သတ်တဲ့ မိတ်ကပ်ပြင်ဆင်ခြယ်သမှု အပိုင်းတွေနဲ့ သူမနားလည်ထားတဲ့ မိတ်ကပ်ပညာ အကြောင်း မေးမြန်းဖြစ်တဲ့အခါ ‘ဒီလောကထဲ စတင်ဝင်ရောက်ဖြစ်တာက အန်တီနှင်းရဲ့ကျေးဇူးကြောင့်ပါ။ အန်တီနှင်းနဲ့က ဟိုးအရင်ကတည်းက ခင်တယ်။ အပြင်တွေလဲ လျှောက်သွားဖြစ်တယ်။ အရင်က ၀ို်င်းက dancer လုပ်တယ် ။ အန်တီနှင်းက အဲဒီအလုပ်က ကြာရှည်မခံဘူးတဲ့။ မိတ်ကပ်ပညာ စိတ်ဝင်စားလားဆိုပြီး အန်တီနှင်းပဲ ဆွဲခေါ်ခဲ့တာပေါ့။ ၂၀၀၈ ၅လပိုင်းမှာ စပြီး မိတ်ကပ်လောကထဲ စ၀င်ခဲ့တာပေါ့။ အလုပ်ကို အကောင်းဆုံးလုပ်ပြီး အဓိကထားတယ်။ ကိုယ်လှဖို့မလိုဘူး။ ကိုယ်ပြင်တဲ့သူလှရင် ကျေနပ်တယ်။ ဒီအလုပ်နဲ့ ရပ်တည်တော့မယ်ဆိုပြီး ဆုံးဖြတ်ခဲ့တဲ့အချိန်မှာ ဒီအလုပ်က ကိုယ့်ဘ၀အတွက် အာမခံချက်အရှိဆုံး အလုပ်တစ်ခု ဖြစ်တာကြောင့်လဲ ပါမှာပေါ့နော်။’လို့ ၀ိုင်းက ပြောပြပါတယ်။

ပထမဆုံး ဘယ်သူ့အတွက် ပြင်ပေးခဲ့ရတယ်၊ ခုလက်ရှိဘယ်သူတွေကို ပြင်ပေးနေတယ် ဆိုတာကိုလည်း ၀ိုင်းက ‘၀ိုင်းပြင်ပေးခဲ့တာက ရတီမဂ္ဂဇင်းကာဗာမှာ မိုးအောင်ရင်နဲ့ မော်ဒယ်လ်တွေနဲ့ စရိုက်တဲ့ အဖုံးလေးပေါ့။ ၀ိုင်းမိတ်ကပ်ပြင်တာ ၆လပြည့်တော့ ကစ်ကို စလိုက်တယ်။ လက်ရှိမှာ ယွန်းဝတီလွင်မိုး၊ ထရီဇာ၊ နန်းမြတ်ဖြိုးသင်းတို့ကိုပြင်ပေးဖြစ်ပါတယ်။ အဆင်မပြေတာတော့ သိပ်မဖြစ်ဘူး။ ဘာကြောင့်လဲဆိုတော့ တစ်ယောက်နဲ့တစ်ယောက်နဲ့က သူလိုချင်တာ၊ ကိုယ်လိုချင်တာညှိပြီး လုပ်ပေးတဲ့အတွက် အဆင်ပြေပါတယ်။ ဆိုင်ကတော့ခွဲဖွင့်ဖို့ အစီအစဉ်ရှိပါတယ်။ အခုလောလောဆယ်တော့ အန်တီနှင်းဘေးမှာပဲ ထောက်ပံ့ပေးနေဦးမယ်။ သူကဖွင့်ဆိုတော့မှဖွင့်တော့မယ်’တဲ့။

သင်ယူလို့ မကုန်နိုင်တဲ့ မိတ်ကပ်ပညာနဲ့ ပတ်သတ်ပြီးတော့လည်း သူက ‘အမြဲတမ်း လေ့လာဖြစ်တယ်။ ဘာတွေခေတ်စားလဲ။ မိတ်ကပ်ပညာဆိုတာ အမြဲတမ်း အသစ်အသစ်တွေ ဖြစ်နေတဲ့အတွက် လေ့လာဖြစ်ပါတယ်။၂၀၁၄ ထဲမှာတော့ နှုတ်ခမ်းနီကို အရဲကိုသုံးတယ်။ အိုင်းရှဲဒိုးက အဖျော့ပေါ့။ မျက်တောင်အတုတွေကို သိပ်မတတ်ကျတော့ဘူး။ ဖဲသားပုံစံအစစ်လိုဟာမျိုးတွေကို သုံးလာကြတယ်။ ဆံပင်ကတော့ ရော့ရော့ရဲရဲလေးတွေ ခေတ်စားမယ်လို့ထင်ပါတယ။် ဒီလောကထဲဝင်လာခဲ့တဲ့အတွက် လဲနောင်တမရမိဘူး။ ကျေးဇူးတင်တယ်။ အားလုံးက အဆင်ပြေတယ်။ အိမ်က လုံးဝသဘောမတူတဲ့ အလုပ်တစ်ခုကို ကိုယ့်ဟာကို ကြိုးစားခဲ့ရတာပါ။ ပြီးတော့ ကိုယ့်မိဘတွေကို လုပ်ကျွေးခွင့်ရတဲ့အတွက်ကျေနပ်တယ်။’လို့ ပြောပြသွားပါတယ်။

 သူမရဲ့ဖက်ရှင်အပိုင်းကိုတော့ ‘၀ိုင်းက ချစ်ဖို့ကောင်းတဲ့ ပုံစံတွေနဲ့မလိုက်ဘူး။ နဲနဲမျက်နှာထားက မာတော့လေ။ ဖက်ရှင်နဲ့ပတ်သတ်တာတွေ အားလုံးစိတ်ဝင်စားတယ်။ ဖိနပ်၊ အိတ်၊Accessories  ပစ္စည်းလေးတွေ ၀ယ်စုဖြစ်တယ်။ ၀ိုင်းက လက်ပြတ်လုံးဝမ၀တ်ဘူး။ ကိုယ့်ကိုကိုယ်ယုံကြည်မှု မရှိလို့လေ။ ကုတ်လေးတွေ ထပ်ဝတ်ဖြစ်တယ်။ အသားအရေပိုင်းကတော့ အချိန်မပေးနိုင်လို့သိပ်မလုပ်ဖြစ်ဘူး။ ပုံမှန်လေးပဲ လိမ်းဖြစ်တယ်။ သိပ်မလုပ်ဖြစ်ဘူး။ ၀ိုင်းက မိတ်ကပ်လိမ်းရတာ မကြိုက်ဘူး။ မိတ်ကပ်လိမ်းတာ၂ခါပဲခံဖူးတယ်။ လူတိုင်းမှာ အလှကိုယ်စီရှိကြပါတယ်။ အမြဲတမ်းလှပနိုင်ကြပါစေ’လို့ သူက ပြောပြပေးခဲ့ပါတယ်။

Shares 0
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *